المشاركة الأصلية كتبت بواسطة قطرات الندا

الوحده تثير الافكار سواء ايجابيه او سلبيه لكن غالبا تثير السلبيه وايضا بعض الاشخاص يثيرون المشاعر السلبيه اول مايدخلون بيتك .. الحل برأيي هو السفر كل فتره الى اماكن لاتعرف فيها احد مدن ساحليه تتعرف على الناس وتقضي كم يوم تفريغ حياة طبيعيه بعيده عن التكلف والكذب والسلبيه ميكونوس باليونان جزيرة احلام هواء صحي مليان يود اكل صحي ناس عايشين بطبيعتهم بدون اقنعه .. يارب يروح فوبيا الطياره عشان اسافر .
تخيلو معاي
تسافر انت وصديق مقرب جدا يفهمك بدون وجع راس تنزلون في ميكونوس في فندق صغير على البحر تنام بدري وتصحى الصبح وتنزل تسبح بالبحر وتفطر في مطعم صغير شعبي على البحر وتطلع بعدها تتمشى بأزقة الجزيره وممراتها المليانه محلات لبيع الاكسسوارات والتحف يجي وقت الغدا تاكل اكلة سمك طازجه تريح في الفندق شوي تطلع العصر بكافيه تتعرف على يونانيين تتبادلون الحديث يعرفونك على معالم الجزيره .... الخ
وش رايكم بالقصه ؟
طرت على بالي مجرد ماشفت كلمة الوحده مدري ليه .
وانا صغيره كنت احب قصص اجاثا كريستي وروايات عبير اغلبها اكواخ وجزر و ريف يالله قد ايش احس انها ترد الروح هالاماكن .
برأيي الحياه المدنيه والصخب له دور بالامراض النفسيه .
حياة الصحراء كمان صحيه .
معليش شطحت بموضوعك اخوي سر القلم لكن وش اسوي خيالي واسع والوحده تثير اشياء واشياء وعتاب وذكريات واحداث واحيانا تعطيك هدوووووء جميل واسترخاء .
الزبده ان الانسان يحتاج الوحده الهادئه من وقت لاخر يرتب ضجيج الافكار ولما يهدا و يروق حتى قراراته تكون صحيحه