|
يـــــــاليت تشوفون وش كتبت....... وخاصة الاخت (ميـــرا ميندوزا)
بسم الله الرحمن الرحيم
السلام عليكم ورحمة الله وبركاته00
الحمدلله والصلاة والسلام على رسول الله وعلى آله وصحبه أجمعين
اولا اللـــــــــه يعطيكم العافيه ولو اني حاس اني راح اتعبكم واياي لكن الاجر والثواب عند الله وانشاء الله مايضيع لكم اجر.. المهم
الله يوفقك في امتحاناتك ياختي جروح وتعدين الاختبار مع مرتبة الشرف الاولى (اليوم الاربعاء والدعاء جاء متاخر لكن انشاء الله تعدين في اختبارك امس) وانشاء الله تعتدل نفسيتك وتصيرين احسن لأحسن..
ثـــــانيا" اشكرك اختي ميرا ميندوزا (( ولو اني ماني عارف وش معنى اسمك لكن يظل حلو)) على تجاوبك معي وانتي صادقة في تفسيرك لشخصيتي اني ماني عارف ايش السبب بالضبط.. اقولك كيف تصير حالتي راح اوصفها:
انا انسان مثل اي انسان طبيعي احب الناس واحب اختلط وياهم واحب امزح مع الغير وخاصة الاشخاص المقربين واللي الاحظه من الناس اللي حولي اني انسان محبوب بينهم ولي تقديري بينهم.. عارف راح تقولين وين المشكلة؟؟
المشكلة اذا صار كلام جد (او سؤال او حركه او مزح) محرج وحسيت ان الانسان اللي قدامي معطيني كامل ذهنه وتفكيره والجو اللي حولي كذلك كلهم منصتين لي تبدء هنا المشكلة وتنتابني الحاله اللي سبق وقلتها وراح اقولها واللي معقدتني في حياتي كلها وسبب في احرجات ومشاكل نفسية مالها حد وهي:
تسارع ضربات القلب بشكل مخيف وتوتر و خوف شديد وتركيز غريب واحمرار بالوجه ملحوظ وملفت للنظر وتصبب عرق كذلك.. هاذي هي الاعراض اللي متعسة حياتي وخلتني اعيش في حالة نفسية ما يعلم فيها الا الله وتخيلني اكون متوحد دايم ولا احب اقابل او اواجه احد او حتى اطلب المساعده من احد.. والمشكلة انني طالب عسكري في مجتمع مغلق واجتماعي بحت 100% فياليت تحسون بالمعاناه اللي انا فيها وسبق اني تكلمت في الموضوع قبل كذا..
اختي ميرا الاحتمالات قد تكون صحيحة بس المشكلة من زمان وهي معي من ايام الدراسة من المرحلة الابتدائية الى يومي هذا, ولا اذكر حادثة معينه او صدمة مثل ما تقولين غير انه طلعت لي فجأة بدون سابق انذار وخلتني امام الامر الواقع.. الاحتمال الثاني صحيح مرررررة مررررررة الاحظه مع قريباتي ولو كان لمجرد السلام عليهم بس وخاصة اذا تعرضت لموقف محرج او غلط بدون سبب مع نساء غريبات في الاسواق مثلا او حتى الكلام مع الممرضات او الدكتورات في المستشفيات بدافع غير جنسي طبعا لانه اكون في حالة ابحث فيها عن مخرج من المأزق اللي انا فيه بأي شكل كان..
اســــــــــ sorry ــــــــف على الاطالة يا اخت ميرا وهاذي كل مشكلتي وياليت القى الحل الجازم لحالتي..
حبيت اذكر تنبيه بسيط استعملت علاج الاوروريكس وكـــــان...........؟
راح اتكلم بفعالية العلاج وتأثيره على حالتي في موضوع راح اطرحه على نفس صفحة المواضيع الجديدة..
اسف واسف مرة ثانيه على الاطالة.. وياليت القى الجواب في القريب العاجل..
..  ::5i hope you are understanding me and what i feel ::5
|