نفساني - عرض مشاركة واحدة

05-03-2015, 11:02 PM

السلام عليكم ورحمة الله وبركاته..

طبعاً انا اسمي مريم من الامارات.

وبصراحة انا كثير حاولت انتحر وانهي حياتي من دون ما افكر
تميت اجرح نفسي .. خصوصاً في المدرسة ..
حبست نفسي في الحمام 9 ساعات ومحدا حس انه انا لساتني في الحمام وما طلعت منه..
فامي الله يحفظها لي.. تمت تتصل في إدارة المدرسة وهي اتصيح..
واتقول وينها بنتي؟! ليش ما ردت البيت ليل الحين؟! وكانو يقولون انه بنتج ما داومت المدرسة! كيف تشتكين عالمدرسة والبنت ماداومت أساسا!
فبعدين الاختصاصية الاجتماعية بروحها خافت وخلت الاعمال يدورون علي.. فهم حصلوني في الحمام وكسروا الباب..
وانا ماكنت اقدر اتنفس.. والمعلمة اجت وصبت علي الماي عسب انش.. وهي من خوفها تمت اتصيح علشاني..
وهي عرفت انه انا حاولت انتحر.. تمت تسألني ليش حبستي نفسج؟ فماقدرت ارد عليها.. وهي حضنتني..
فبعدين عرفت انه في بعض الأشخاص مهتمين فيني ويخافون علي..خصوصاً الابلوات وامي..
فلهيك انا ابي انهي التفكير في الانتحار نهائياً وما اعمله..

وانا حبست نفسي عشان اتذكرت ماضيي الا ماقدر انساها نهائياً..
وين ما رحت..دايماً املاحقني..
وهو انو يوم كنت في الابتدائية كم من ابلوات عاملوني بقسوة وبالضرب.. وعذبوني وربطوني وحتى حبسوني في أماكن مظلمة
وانا كنت مرعوبة من الخوف ومحدا حس فيني..
حتى باسمي ما كانو يزقروني.. كانو يزقروني باميرة النظافة..
لانهم عاملوني كخادمة في المدرسة.. انظف الساحة وكل شي..
والبنات بعد قامو يهددوني ويتهموني بالسرقة
وحتى اعز ربيعه عندي ابعدوها عني..
وصرت وحيدة.. قلت لابوي انقلني من ها المدرسة مابي اتم فيه.. فهو رفض.. قال ما باقي شي لتخلصين منه..
فانا ماخبرتهم عن معاملتهم لي.. لاني خفت ..
فكملت الابتدائية ..
ورحت الإعدادية..اهني كرهت المدرسة وتميت اغييب وايد.. ومش مهتمة ابد..
وحتى البنات قاموا يرمسون عني ويضايقوني بكلامهم..
وصرت عازلة عن الكل.. أخاف حد يتقرب مني..
واي صوت صغير يضهر أخاف منه..
..
وليل الحين البنات هيك عم يعاملوني..
محدا يحنن قلبه علي او يحس فيني..
أي شي اسمعه او اتضايج منه.. او اجوف درجاتي نازل .. اتضايج كثير..واصيح وعلى طول بيجيني التفكير في الانتحار وانا أحاول ما افكر فيه
وفي صف التاسع قبل لا اروح الثانوية .. الابلة كلمتني وقالتلي انتي ليش ما تقتربين من البنات ؟ انتي عمرج مثل البنات ولازم اترابعينهم في هالعمر!
فانا طبعاً بسبب حالتي النفسية..ماقدرت انطق..واكلم مع الابلة.. فقالتلي ان شاء الله قبل لا تتخرجين من اهني ابي اجوفج تمشين ويا البنات..
فانا قلت ان شاء الله..
لان من بعد ما ابعدو ربيعتي فبطلت اترابع وحدة يديدة..

فالحين انا سرت صف عاشر وبالصدفة لقيت وحدة اتناسبني .. اتحس فيني وانا احس فيها..
اترابعنا..حاولت اتساعدني عشان ارمس وياها..وقامت اتدافع عني من البنات الا بعدهم يرمسون عني..
قبل كم من أسبوع .. ومع اني كنت عادية .. رحت الحمام بروحي.. والكل قام يضحك علي.. ويقولون لي ملكة جمال الإعاقة..
طبعاً انا طنشيتهم. ومع اني انا .. مافيني شي..ما احسسهم انه فيني حالة نفسية.. وشكلي عادية يعني حلوة ومافيه أي تشوة..
كل ماحد يمر من صوبي..ويضحك علي.. وانا مب عارفة شو السبب.. اروح الحمام واجوف المنظره.. أقول شو الي يضحكهم فيني؟.. وما الاقي الجواب..
وارجع الصف..هناك اتم اصيح.. والكل يسألني شوفيج؟ وما ارد عليهم..
بس.. بعد كم من يوم.. الاختصاصية الاجتماعية.. أبعدت ربيعتي عني.. ونقلتها من المدرسة.. فصرت وحيدة وعازلة كعادتي..
بس انا استاهل الا يصير فيني.. وماعرفت شو سبب نقلها.. دووم املحقنها واتقول ابعدي عنها والا بعطيج تعهد اتوقعين لين ما تنفصلين نهائي
والبنت اتصيح واتقول مابي اتركها بها الحالة..
وانا الحين مب عارفة كيف ابني حياتي مادام لساتني مش قادرة ارمس ويا حد .. او ابي اعرف كيف اتزوج واربي عيالي في المستقبل اذا انا تميت خايفة لها الدرجة.. :(

العذاب كانت لي الصدمة الأولى.. ووفاة ابوي كان لي الصدمه الثانية.. لان بعد ثلاث سنوات وابوي توفى يدام عيوني وانصدمت.. وانا كنت احبه اكثر من امي..
لانه امي.. مشلولة من 7 سنوات وما كانت اتفكر فيننا.. هي صح اتخاف علينا بس هي السبب في موت ابوي..
بس مهما صار..هي لساتها بتضل امي..

والله يعطيك العافية عالموضوع..اخي

أتألم جدا معجب بهذا