|
افيدوني بعلاج دوائي جديد اجهله
السلام عليكم يااخواني وخواتي الكرام
من زمان ماكتبت في هالمنتدى الجميل
مااخفيكم تعافيت بفضل من الله من اضطراب الهلع
لكن للأسف هالسنه هذي تحديداً جتني بأعراض اقوى
كذلك ماخليت مقطع باليوتوب الا وشفته والاغلب ينصح بتمارين التنفس
مشكلتي هالأيام السابقه عند حضورها احاول اتنفس بس مافي فايده
يزود عندي الاختناق والافكار اسير لها ماارتاح الا في غرفتي او مجلسي ولحالي
للعلم ترا اضطراب الهلع فيني من زمان سنه تنقطع وسنه ترجع
من ناحية الفيتامينات اغذي نفسي منها وخصوصاً فيتامين دال رفعته بفضل من الله ووصل للثمانين واخر فحص لي قبل شهرين واصل الاربعين
حتى حالياً استخدم المورينجا كمسحوق للأكل وكأوراق شاهي للشرب
بس جاء في بالي اليوم ادخل المنتدى واسأل ذو الخبره ومن عندهم اطلاع اوسع يخبروني اذا في علاج دوائي جديد غير العلاجات القديمه مفعولها تقضي على الهلع او تحد من اعراضها المزعجه بالنسبه لي
يااخوان انا وصل فيني الحال اصلي التراويح بالبيت بعد ماكنت اصليها جماعه ولذة الأيمان ماتفارق قلبي
حالياً صرت حبيس
في لفتة مهمه واعذوني على التعبير الغير منسق وهي قبل شهرين ومن دافع الملل دخلت عالم لعبه الالكترونيه قتاليه مشهوره وهاللعبه تتطلب جهد ذهني وقوة تركيز وللأسف صرت اجلس بالساعات عليها واحياناً من دون مااشعر يمر يوم كامل عند النوم دماغي كالمرجيحه تدور ورجفه قويه واحيانا احلام كلها شخصيات هاللعبه ومرتين قفزت لا شعورياً من السرير بسببها ، الحمد الله الان تاركها لي قرابة اسبوع وعاقد النيه على تركها للأبد لكن سببت لي نوبات الهلع او اضطرابه لانها باليوم تجي لي بحدود ثلاث مرات ، اخواتي وخواتي ارشدوني عافكم الله لعلاج فعال وشاكر لكم
|