|
|
||||||||||
ملتقى التجارب الشخصية للحالات الأخرى في حياة كل منا لحظات ومواقف تنقله إما إلى الأحسن و إما إلى الأسوأ، شارك معنا بنقاط التحول في حياتك فقد تكون نقاط تحول للأخرين |
|
أدوات الموضوع |
12-06-2003, 03:22 AM | #1 | |||
عضـو مُـبـدع
|
أحـــــــــــــلى مواقف أرجو الجميع المشاركة فيها
والله حسيت بملل وطفش وقلت ابسولف وأفضفض عليكم وأبيكم تشاركوني وأنا فكرت لو نخلي هذي الزاوية كل واحد يقول موقف صار معه ويفضفض .... ويتونس معنا .. الحمدلله والصلاة والسلام على رسول الله وعلى آله وصحبه أجمعين..أما بعد صارلي موقف الصراحه كل ماتذكرته أنقهر قبل شهر .. كنت بالأساوق أتمشى أن كنتم تعرفونه شومارات الي بالرياض المهم جالس أتمشى وكان بيدي الجوال وفجأة نادتني بنت الصراحة أعذروني على الكلام هذا الصراحـــــــة تغري يعني شيء عجيب تشووف العبايه مخرمة من كل جهة والعطر الي عن بعد كيلو يشمه ولابسه جنز ومطلعته من عند العبات يعني شيء عجيب المهم قلت أنا سمي خير وشبغيتي قالت أن أنا أستنى أخوي وتأخر علي الله لايهينك أبغى جوالك أبكلم عليه علاشان يجي قلت أوكي خوذي جوالي المهم أخذته وكلمة فيه يوم خلصت حطت الجوال في شنطتها ...أنا عيوني طارو ماني مصدق حطت جوالها في شنطتها ورااحت رحت لحقتها قلت يأختي جوالي نسيتيه وأخذتيه قالت بلهجت غضب تعرفني أنت ومالك شيء عندي .. أنا ضاق صدري قلت وش المصيبة الله يعينها قالت جب دليل يثبت أن جوالك معي وقالت أن شفت نادتني تراني ابصوت ولم عليك الناس قلت الله يفكنا من البليه راحت هي ورووح أنا أنطلق وروح لرئيس الأمن في السوق وقلتله قصتي وحلفتله قال خلاااص روح دلنا عليها ونرووح ونجلس ساعه ندور على البنت ماحصلتها ... وأنقهررررررت قلت أنا الجوال الله يخلف عليه شاريه لي إسبوع .. ____________________________ وفي كمان موقف صار معي بس الموقف هذا قوي يعني الله لايعوده من موقف ولايصير مع واحد منكم .. المهم القصه هذي قبل سنتين أنا كنت جاي من جده للرياض بطياره يوم وصلت لمطار الرياض كانت الساعه 12 بليل لقيت راعي تكسي قلت ابيك توصلن للبيت قالي أركب وركبت بتكسي وأشوف وجه راعي التكسي مو طبيعي وريحة السيارة أعوذبالله أنا شكيت في راعي التكسي لأن صوته وجهه مو طبيعي شكله متعاطي شيء المهم قلت أنا وشدخلني أهم شيء يوصلني للبيت راعي التكسي أشوفه يلفلف في الشوارع ومسك طريق أول مرره أشووفه المهم طلع لمكان براء الرياض بعيد قلت أنا وين يالطيب أسكت علي ولا جاوب ثم كررت ليه السؤال .. رح طلع السكينه من جيبه وقالي أسكت وراح راعي التكسي دخل في الرمل في البر يمكن عشره كيلو ثم وقف قالي أنزل طبعا أنا أرتعد من الخوف أكيد بوقتها قلت ليه تبي تنزلني هنا قالي أنزل وعطني كل الفلوس الي معك وعطني كل الشنطه الي معك طبعا أنا بدون تردد أبي حياتي والرجال مو طبيعي قلت حلالك الفلوس وشنطتي وفدوه بس الله لايهينك ودني للبيت الحين حنا في البر في اليل الساع 1 جلس يضحك أنا أستغربت جلست أتذكر أشوف قلت أنا شيء يضحك قالي هو أرجعك على شررط قلت أمر بس أهم شيء أبروح للبيت قالي خلنا نكون أصدقاء وخذ هذي الحبه أدري تحسبوني أكذب والله والله هذا الي صاير يعطيني حبة مخدرات قلت أنا أعذرني مابي عيونه أحمرو وغضب يوم رفضت قالي بكيفك عمر أبوك لاتاخذها خلك هنا ورااح راعي التكسي وأنا في حالي في البر وأخذت أنا رقم لوحة السيارة المهم جلست أمشيء أغديني أحصل سياره المهم تعبت من المشيء وتخيلو في البر كل اليل ماشوف أيدي من شدة الظلام المهم الين وصلت على الطريق السريع بعد تعب جلست أشر في الطريق السريع ماحد يوقف مافي أي أحد يبغى يوقف لشخص يأشر الساع 3 في اليل في الطريق السريع المهم أيست أنا قلت أبأشر ربع ساعه يمكن توقف سياره ثم وأخيرا توقفت عندي سيارة كان فيها رجال كبير أبدوي شكله من البادية وقلتله القصة ورحنا أنا وياه للشرطه وقلتهم قصتي ثم رحت للبيت وحالتي حاله أهدومي وسخات وتعبان ومتهيد يعني حالتي حاله يوم شافتني أمي تقولي جاني من الحرب أنت المهم قمت بكرا ثم جلست في البيت ثم رن التلفون وأرفع السماعه رد علي شرطي قالي أنت افلان قلت نعم قال مسكنا راعي التكسي وتعال للشرطه طبعا علاطول رحت للشرطه وأنا قلبي يحترق نار ودي أكفخه بس ماقدر عليه جسمه أكبر من جسمي بعشر مراات المهم رحت للشرطه وأخذت شنطتي وأخذت باقي فلوسي والباقي الثاني صارفهم طبعا وأنتهت ________________________ فيه كمان موقف صارلي مرره بالسوق أنا وأمي الله يخليها لي المهم دخلت أمي لمحل والمحل هذا فيه كثير حريم وجلست أتبع أمي وأكلمها وأسولف معها وأشوفها ماترد علي أنا ضاق صدري أقول لايصير بس أنا مزعلها ثم ردت علي المراءه وقالت أنا مو أمك غلطان يوليدي أنا بالعربي ضااع وجهي جلست القطه وأروح أدور أمي وحصلتها ____________________ مع تحــــــــــــــيات أخوكـــــــــــــم / الذ يـــــــــــــــــــ ؟ ـــــب أرجو من الجميع المشاركه لو بموقف بسيط حصله للفائده وأخذ العبره ونشارك مع بعض ونفضفض لبعض ... المصدر: نفساني
|
|||
|
12-06-2003, 07:52 AM | #2 |
عضـو مُـبـدع
|
روعة الفكرة بو محمد
بس النوم طاق راسي لكن يحضرني موقف عاد مو مضحك انت ذكرتني فيه عزوز ولدي مرة من المرات مشى ورا واحدة لابسة نظارة في السوق كان عمره سنتين و عليها المهم تعرفون الباقي رحت انا القط دموعي مو وجهي لين حصلته عند البوابة يصيح |
|
12-06-2003, 10:31 PM | #4 |
عضـو مُـبـدع
|
الســــــلام عليكم ورحمة الله وبركاته
شكراا على مرورك ماما روح الأمل ماشالله ولدكي ذكي مثلي علاطول راح للبوابة الله يخليه ذخر لك ولايحرمكي منه.. مشالله تلبسين نظاره الله يشفيك ويعطيك العافية ... عاد لاتبخلين أذا تذكرتي موقف ولا شيء تعالي وقوليلنا خلنا نستفيد ونتونس .... اوكيشن ماما روح الأمل وشكررررررررا أخي العزيز دوت كمل على مرورك بس الله لايهينكم مانبي أحد يمر ويثني ولا يشكر ولا يتفرج ويطلع نبي الله لايهينكم ولا عليكم أمر يعني كان عند أحد موقف يتحفنا مافيها شيء نفسي شيء أنا ابي ماما أم أحمد تجي وتقولنا موقف معها مختفيه متنشااف ولابد أن يكون لأي شخص موقف صارله وشكرااااااا.. وأرجو من الجميع أن يتقبلو تحيات أخوكم الصغير ... الذ يــــــــــ ؟ ـــــــــــــــــــــب |
|
13-06-2003, 05:35 PM | #5 |
عضـو مُـبـدع
|
بسم الله الرحمن الرحيم
سلام من الله ورحمته وبركاته عليكم جميعا... اهلين وسهلين ابني ذيبو.. ((ابو محمد)) كيفك... انا راح اكتب بالشامي... لان القصة حصلت في سوريا... القصة حصلت لتوأمي... او نصفي الثاني مثل ما يسمونا اهلنا...بس انا كان لي دور فيها طبعا المهم ... اذا سافرت مع الاودلا وابوهم في الاجازة الصيفية... نسكن اغلب الاحيان في نفس الشقة يعني البواب ...واهل العمارة يعرفونني... صباح الخير في الطالعة والنازلة ... هذا للبواب طبعا...يقضي لنا بعض الطلبات ...((هو صغير في العمر)) المهم قضيا تقريبا ثلاث اسابيع في هذه المنطقة...ومن ثم رجعنا إلى المملكة بعد اسبوعين .. او اقل...اختي التوأم سافرت مع الاولاد وابوهم ...وبتوصية منا سكنوا في نفس العمارة تقول اختي... ((هذا طبعا ارسلت لي ايميل تعلمني عن القصة يوم اللي صارت لها)) سكنا في الشقة... يوم ثاني ...كانا طالعين مشوار انا والاولاد وابوهم.. ولما رجعنا .. ونزلنا من السيارة بنصعد إلى الشقة...الا ذاك الرجال اللي يطالع فيني ...بشكل غير طبيعي... تقول توأمي .... صعدت الشقة .. وانا منشغل بالي .. من هذا التصرف... بعد شوي قلت اكيد حسب اني ام احمد تقول انا ما قلت لزوجي... يوم ثاني ... نزل زوجي والاولاد راحوا يصلون في المسجد اللي مقابل الشقة مباشرة بعد الصلاة ... طلع زوجي والاولاد من المسجد... الا هذا هو البواب يسأل زوجي...تعرف واحد اسمه ابو احمد يقول زوجي ... انا عرفت هو من يقصد... (على فكرة .. زوج اختي ...(توأمي )يصير خال زوجي)) قال له أي ابو احمد... قال البواب اللي عندة سيارة ذهبية... ومواصفاتها كذا وكذا... قال زوجي.. بصوت عالي شوي .. ((يمثل طبعا)) نعم هو زوج زوجتي السابق...هو طلقها وانا تزوجتها... يقول زوجي ... الرجال بغى يغمى علية...صار يصفق ايد على ايد ويقول الله لا يعطيك عافية يا ابو احمد قال زوجي بنفس اللهجة ((لازال يمثل)) نعم!!! وش فيك تهذي !!!! خاف البواب وقال ...لالالالا ... انا بس اقول الله لا يعطيك عافية يا ابو احمد!!! صار زوجي والاولاد يضحكون والبواب مستغرب... وقال له زوجي الحقيقة.. البواب صار يضحك من قلبة وقال انا فعلا صدقت.... الشبه بينهم غير طبيعي... تقول اختي يوم ثاني... جاء البواب يدق الباب ويشوف اذا محتاجين شي... تقول انا فتحت الباب وصرنا احنا الاثنين نضحك... اخواني.. هذا طبعا كله على لسان اختي ..... اتمنى ان يعجبكم الموقف... وهناك مواقف كثيره ... طريفة تحصل لي انا ونصفي بسبب التشابه بيننا مع اولادنا وازواجنا واهلنا ... ومدرساتنا.. وصديقاتنا اختكم ام احمد::7 |
|
13-06-2003, 05:57 PM | #6 |
عضـو مُـبـدع
|
الســــــلام عليكم ورحمة الله وبركاته
بخير يمال الغنيمه الحمدالله عايشين بأحسن حال يماما أم أحمد وحلوووووو والله موقفك الله يعينك ههههههههههههه بس أنا عندي أقتراح ليه أنتي وزوجك وعيالك ماتلبسون بدلات حمر وتوأمك الثاني يلبسون بدلات صفراء علاشان الناس يفرقون هههههههه على العموم لكي كل الشكر والتقدير ... من ولدكي الصغنون الذئــــــــــــــــــــــــــــــــــــــــــ؟ــــــــــــــــــــــــــــــــــــب الــــــــــــي بعد أذا كان عند أحد موقف ::5 |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|