للعقلاء فقط ...!

للعقلاء فقط ...!

بسم الله الرحمن الرحيم


اخواني الاعضاء حبيت اكتب موضوع بسيط جدا بس قبل لاتكلم اللي يحس بخوف او انه مجنون لايقرأ الموضوع طبعا مع احترامي الشديد للجميع ولكن لكلامي هذا بقيه فإذا كنت لاتريد ان تعرف معنى كلامي فتابع




الكثير منا ينتابه شعور بالضيق والتوتر والرجفه اللي هي الرعشه وعدم التوازن والخوف سواء من المرض او الموت والبعض يصل به الخوف حتى من اداء صلاه الجماعه او ان يذهب للمسجد والبعض يخاف من المحاضرات الدينيه والخوف من الاهوال والعذاب والبعض يخاف من سماع قصص محزنه او وفاة قريب او طاري الموت والبعض يخاف من قلة النوم الارق والبعض يخاف من الوحده والبعض يخاف من الغصه اللتي بالحلق او النغزات اللتي بالصدر او اللأم اللذي يحدث في البطن وفي اعلى المعده والبعض يعتبر نفسه القهر بعض الاوقات الى ان يحاول ترك الوسواس وكثرة حديث النفس ولكنه لايستطيع يقول وش فيني ويبدأ يمل ويطفش اذا كانت هذه بعض اللتي تحدث لك فأكمل الموضوع



وارجو منك ان تجاوب على الاسئله التاليه :

هل اتتك مره قبل هذه المره ؟
ماذا كنت تفعل عندما تأتيك ؟
ماهو شعورك بعد الانتهاء منها ؟
هل تعتبر نفسك مجنون ام عاقل بعد انتهاء النوبه ؟
ماذا كنت تنعت نفسك بعد الانتهاء من النوبه ؟
ماذا كنت تسمي النوبه بعد ان ترجع الى وعيك ؟
ماذا تريد الان ؟
ماهو الحل اللذي تريده ؟ الشفاء ام يعجبك وضعك الحالي ؟
لماذا ترتاح عندما تفضفض هنا بالذات والبعض قد يصل به الحال الى اعتبارها مصحه عقليه ؟
هل انت مجنون ام عاقل وقت النوبه ؟

هل تعرف معنى التوكل على الله ؟
هل تعرف ان الوسواس من الشيطان ؟ ولماذا قال الله تعالى : من شر الوسواس الخناس .. اللذي يوسوس في صدور الناس ..


تعال لتعرف كيف تتخلص منها دفعة واحده واذا لم تستطيع طردها فاعلم انك ضعيف جدا


اولا كثير من الاشخاص المصابين بهذا المرض يكونون من اصحاب القلوب الضعيفه او اصحاب القلوب العاطفيه جدا جدا جدا اي ممكن على اي شي يحزن ويبكي ويضعف ويحس بأنه لايستطيع فعل اي شي .

التوكل على الله بأن تسلم امرك له وتعتمد عليه في امورك
ولنظر مثال عن التوكل بمعنى انك لو اعطيت شخصا قلمك وقلت له انا اعتمد عليك واتكل عليك بأن تعيده لي بعد يوم وانا انسان اثق فيك وانت تعرف يقينن بأنه سوف يعيده لثقتك فيه فأنت في هذي الحال تكون مرتاح وقرير العين ومبسوط لانك اعتمت على انسان ثقه .... فما رأيك بأن تعتمد على من خلق الارض والسماوات وخلقنا وخلق كل شي لاصغيره ولا كبيره الا هو خالقها ومحسن خلقها وتتوكل عليه فهو ارحم بك من غيرك وانزل سبحانه رحمة واحده يتداولها الناس والحيوانات والجن وجميع المخلوقات اللتي على وجه الارض هل انت متصور ذلك ... نعم انها رحمه واحده وابقى لنفسه تسعه وتسعين رحمه فهل علمت الان او تتصور كيف هي رحمته .
اذا توكل على الله واحسن الظن فيه لانه رحيم بك وانت في قرارة نفسك طمنها وقول ان الله عز وجل هل العالم بحالي وهو ادرى كيف يصرف اموري ولا يمنع ذلك من الدعاء وطلب العافيه فهو المجيب الرحيم .

هل لازلت مجنون ام عاقل ؟ عندما تقول لنفسك وش الجديد هذا شي معروف ؟

الوسواس طبيعي انه من الشيطان فاذا انت عرفت عدوك فهذا شي طيب لانك سوف تحذره فمااذا افعل ؟
الشيطان يوسوس في الصدر واذا نام الانسان ينام على خيشومه وهو مجرى التنفس لانها اسهل طريقه للوصول الى الجهاز التنفسي والوصول الى القلب اللذي هو في الصدر
وهل تعلم ان القلب هو العضو الوحيد اذا صلح صلح الجسد كله واذا فسد فسد الجسم كله لذلك الشيطان يتعمد الوسوسه في الصدر لكي يضلل قلبك ويحاول ان يفسد عليك جسدك بالكامل بالعاميه ( ترى الشيطان ماعنده شي في الحياه الا انت لاتفكر ان عنده دوام يروح يداوم ويخليك والا يسوق سيارته ويتمشى في دوله ثانيه لا ياحبيبي انسى الموضوع ) ماعنده شغله غيرك .

فدائما اضحك وابتسم فالابتسامه تقتل الحزن وتصنع الابتسامه لكي تقهر غيرك وعدوك
وتوكل على الله قبل ذلك كله .

وطريقه ذلك بالتوكل على الله في قرارة نفسك ومحادثتها وقل انا متوكل على الله مايهمني شي
والخطوه الثانيه الاستعاذه بالعلي العظيم السميع العليم من الشيطان الرجيم وبعدها علطول ابتسامه قاتله لكيد الشيطان ودحره وحاول دائما ان تضحك حتى لو بدون نفس

اتمنى ان الكلام اللي قلته يساعدكم او يخفف على الاقل عنكم .


فاسئل نفسك هل لازلت عاقلا ام مجنونا ؟


والسلام عليكم ورحمة الله وبركاته

المصدر: نفساني

سلمت يمناك أخي الكريم وبارك الله بكل حرف خط بهِ قلمُك أتحفتنا بموضوعك الرائع هذا الكلام الإيجابي اللي لأزم يكون في هذا الملتقى

تقبل تحياتي

اخوي الشاكر مشكور لمرورك الظاهر الشباب والبنات يقرون ويوم لقوني كاتب اذا كنت خايف لاتكمل الموضوع انحاشو هههههههههههههههههههههههههههه اسئل الله العظيم ان يشافيهم ويعافينا ويعافيهم بس ماتوقع لهالدرجه مأثر فيهم الوسواس بس اقولك شي تدري وين المشكله ؟

المشكله وانا اخوك ان كل يوم تقريبا تجيهم الحاله وفي بعضهم تجيه في اليوم مره والا مرتين وماشي حاله ويجي اليوم الثاني وهو على نفس الموال يعني يدور حول دائره مفرغه وتأثر فيه لاهو اللي سوى لنفسه شي مفيد ولا هو اللي طلع وراح يتمشى ويغير جو لا حط لنفسه جو اكتئاب ويعيش فيه لوحده طيب وش الي استفاده الحين ماني عارف...

اتمنى واحد منهم يقول انا جتني امس والله ماخليها تجي مره ثانيه واذا جت طز مافكر فيها وخلها تجي
لكن يعيش كل يوم والله مصيبه يعني المفروض الواحد من نفسه يكون قوي ويتحمل ويحاول مره مرتين ثلاث لين ربي يعافيه منها ويدعي وان شاء الله اذا دعا مايرده الله عز وجل

ياخوان والله عز وجل مايرد دعاء احد

استجابه الدعوه في ثلاث اشياء يا انها تجيه يا أن الله يكفيه فيها من شر كان بيصير له او ان الله يدخرها له يوم القيامه
توكلو على الله واموركم في السليم

والله انا كنت مثلكم بس احاول ماخليها تتحكم فيني لو يصير اللي يصير
تلاقيني اطلع من البيت اشغل نفسي احاول اسوي لنفسي مفاجأه حلوه اي شي بس لاتفكر في نفس الموضوع
والمشكله الثانيه انها ااذا راحت منك ترجع تفكر متى ترجع لك مره ثانيه هذا بلى ابوك ياعقاب لاترجع تفكر فيها طنش تعش تنتعش

الله يشفيكم ويشفيني ويعافيني ويعافيكم

أخي الفاضل لو كلهم يعملوا مثلك كان الكل شم رائحه العافية بس أيش الواحد يسوي غير يعمل جهدة معهم والباقي على ربك

انا أطبق هالشي احيانا اكوون أوكيي وانسسسى واجلس كم يوم مايجيني شي

المشكله أذا جتني فجأءه وانا أضضحك مع البنات مبسسسوطه بدون سابق انذار اتضايق وأتعكر من شوي رجعت من بيت عمي والبنات كلهم هناك ماقدرت أجلسس احسساس غصب يخوف والقهر من ركبت السياره راحت مني

<<خذت راحتها وطولت بالحكيانع :)


عوافي على الموضوع الناايس

المشاركة الأصلية كتبت بواسطة الشاكر

أخي الفاضل لو كلهم يعملوا مثلك كان الكل شم رائحه العافية بس أيش الواحد يسوي غير يعمل جهدة معهم والباقي على ربك

يابن الحلال الله يشافي كل واحد ويعافيه بس عندي تعقيب يوم كتبت والباقي على ربك

ترى هالجمله غلط وانا اخوك لان كل شي بيد رب العالمين سواء قبل او بعد

فالافضل ان يقول الشخص والتوفيق من الله

اسئل الله العظيم ان يمن علينا وعليك من كرمه ونسئله العافيه لنا ولكل الموجودين

اختي الكريمه مافيه اسم شكلك كل ماجيتي تسجلين باسم قالك الاسم مستخدم من قبل شخص آخر هههههههههههههههههههههههههه توهقتي صح

اما بالنسبه لأنها تجي فجأه فكلامك صحيح انا تجيني اوقات في العمل واوقات وانا في المطعم احس بعدم توازن وفجأه ينقلب الحال بس لما تطنشي افضل وحاول تركزين في كلام اللي قدامك يعني خلي بالك في الكلام اللي ينقال من بنات عمك وخلي تركيزك الكامل على الكلام لاتتركين ولا جمله عشان ماتزيد الحاله معك ولا تنسين تتعوذين من الشيطان لانها تعتبر نغزه من الشيطان

قال تعالى : وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ سَمِيعٌ عَلِيمٌ (200) إِنَّ الَّذِينَ اتَّقَوْا إِذَا مَسَّهُمْ طَائِفٌ مِنَ الشَّيْطَانِ تَذَكَّرُوا فَإِذَا هُمْ مُبْصِرُونَ .

السلام عليكم
انا الان في نوبة هلع و قلبي يخفق بسرعة
لاالله الا الله

ساعدوني و لو بالدعاء

وعليكم السلام

ام ادم كم لك في المنتدى الحين يعني وكم عندك من الاطفال ؟

انا ادخل للمنتدي كل مرة و ليس لدي ابناء ان في الغربة مع زوجي

طيب شوفي انا عندي لك تحدي وحاولي تسوين ذا التحدي لاني بطلع انا وراي دوام

اتحداك تقولين استغفر الله العظيم 100 مره الحين وتعلميني بكره وش سويتي قدرتي والا ماقدرتي

اذا قدرتي فانتي قويه باذن الله واذا ماقدرتي اعرفي انك مانتي قد التحدي

ان شاء الله جزاك الله الف خير