الخوف من يوم القيامه

الخوف من يوم القيامه

السلام عليكم ورحمة الله وبركاته
بعد الاحداث الاخيره
صار تفكيري كله بيوم القيامه واتخيل الموقف وكل الاموووووووور
معتزله الناس بس افكر بيوم القيامه
ياناس اللي فيني طبيعي؟
مابي اسوي شي
مابي ادرس
مابي اتزوج
استغفرالله احس الدنيا قريب بتنتهي

المصدر: نفساني

مريت مثل حالتك

هونيها وتهون

وسوي كل شي كان عمرك طويل انشاء الله

اقسملج بالله جتني فتره كرهت الدنيا باللي فيها
جلست سنتين اقوم الصبح افتح الدريشه اشوف الشمس شرقة من وين من المشرق ولا المغرب
كل يوم على هالحال
اي شي يصير اقول هاه خلاص من علامات الساعه اكيد قربت
اقول ليش اتعب عمري واعيش واسوي وانظف واربي عيالي خلاص القيامه قربت
حتى الطلعه زوجي يقولي تعالي نطلع اقوله ليش القيامه قربت ليش نطلع عشان تقوم علينا واحنا بالمطعم !!
والله اكثر شي تعبني بالخمس سنوات اللي عانيت منها بكل انواع الوسواس والاكتئاب والهلع والقلق
تعبني هالتفكير دمرني خلاني انسانه بلا روح اكل لما احس اني خلاص بموت من الجوع
اهملت نفسي وعيالي
وكنت اشوف امي وابكي فحضنها اقولها مابي تتركوني انا غير لازم بعرفكم فيوم القيامه
انا من النوع اللي متعلقه موت بابوي وامي
فاي تفكير اني اتركهم يسويلي نكسه
وجتني فتره افكر بالقبر
والله شفت ايام سووووووووده
وهالمشاعر مع الم قلبي قادتني للهلع
واللي ما قدرت اسيطر عليه الا بالادويه النفسيه للاسف
والحمدلله على كل حال

وعليكم السلام ورحمه الله وبركاته
اعتقد انه نوع من الوسواس بسيط ان شاء الله وبيروح بأذن الله
لاتركزي على الفكره شتتيهاا
بعدين العلم عند الله
الله هو خلق الانسان وهو الي يحافظ عليه
امرنا كله بيده عز وجل
هو اله الرحمه
الرحمن الرحيم مالك يوم الدين
انا عندي كامل الثقه انو المؤمن مابيتذي بشعره بعد امتحان الدنيا
وبالعكس الحياه الاخرى دار الراحه والسكينه والامان
الله يجعل ايامك راحه وخير دنيا واخره

طيب خلي القيامه تقوم انتي تصلين وتصومين؟ خلاص خليها تقوم وعيشي حياتك بس

والله العظيم اقسملج بالله انه نفس الحاله الي امر فيها الحين

شوفي حبيبتي انا اول شي كنت اخاف من الموت بعدين حياتي استمرت

عادي بدون وساوس ولا شي حتى فكرة الموت شلتها من من راسي والدنيا من ساعيتني من

كثر الونااسه ومششيت حياتي جي بس من اسبوعين تقريبا بدت وياي هالحاله ما تمر لحظه ولا دقيقه

الا وانا يالسسه وافكر بيوم قياامة و بس الحمدالله ع كل حال وانشاءالله شرات ماقالوا اعضاءنا انها فتره وتعدي

لا اله الا الله محمد رسول الله
يااااااارب فرج علي وعلى اخواني هنا
يارب اجعل لنا في هذه الساعه فرج وعتق من النيران

اختي بريئه

السلام عليكم ورحمة الله وبركاته

الشخص منا اذا خاف يهرب ويحاول يفر من الشي اللي خاف منه

تفكيرك في هذا الموضوع ماله الا حل واحد قال تعالى : ففروا إلى الله إني لكم منه نذير مبين .

الواحد منا اذا خاف بالنسبه للتفكير اللي مثل حالتك لابد ان يفر الى الله لانه هو خالق كل شي صلي ركعتين ولا تجعلي تفكيرك عميق ولا تجعلي يصل لحد الوسوسه ترى حتى الصحابه كانو يفكرون مثل تفكيرك وانا كنت افكر مثلك والاخوان والاخوات كلهم كانو يفكرون بنفس طريقتك هذا شي عادي ماعتبره مرض لانه تفكير في شي حقيقي وراح يصير وسوف يحدث . فالتفكير الواقعي ليست وسوسه ولكنها اذا زادت عن حدها انقلبت ,فالوساوس من اشياء خياليه فقط لانها من الشيطان .

لاتشغلي بالك اعملي لاخرتك وعيشي حياتك وهذي فتره وباتعدي ان شاءالله

شي زين ان الواحد يفكر بيوم القيامه عشان يحاسب نفسه على اعماله
بس ما يعنى ان الواحد ينسى الدنيا
فلا تنسين الاية قال الله تعالى : [ وَابْتَغِ فِيمَا ءاتَاكَ اللَّهُ الدَّارَ الآخِرَةَ وَلا تَنْسَ نَصِيبَكَ مِنَ الدُّنْيَا
وقال تعالى ((رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً)) فهذا يخلي الواحد يعمل لدنياه واخرته

جزاكم الله خير
اخوي ابو فارس لو فعلا اللي فيني طبيعي ماتوقفت حياتي هذي نقطه
النقطه الثانيه انا اتخيل شي(ماشفته) وعارفه اني بشوفه لكن خيالي الان ليس في محله وغير واقعي

ام الهلع فعلا هذا المفروض اللهم ارني الحق حق والباطل باطل

امل كبير تفكيري بهالطريقه ابعدني عن كل شي بما فيه العباده فما اعتقد انه شي زين!

اعمل لآخرتك كأنك ميت واعمل لدنياك كأنك خاد فيها

جزاك الله
اعظم مقوله
اللهم اعنني على حسن تطبيقها

السلام عليكم ورحمه الله
ادري الموضوع قديم لكن نفس حالتي الان بالضبط
انا تعبت تعبت تعبت كثيييير
دايم افكر بعلامات الساعه ويوم القيامه
واكثر شي منكد عيشتي هي علامات الساعه
هالفتره تروح وترجع
بس انا تعبت مافيني اتحمل اكثر من هذا الخوف من انا بعمر ضغير كنت افكر بهذي الطريقه

يا جماعة ترى الخوف كله مو من الي تقولون عليه يوم القيامة وهذا الشيء المشكلة انه لما اصابك الهلع
كانت الاعراض مخيفة فلذلك انتم تهربون من انكم ما تنفزعون بس الواحد لما يحس انه تخلص من الفزع خلاص يبدأ يتقلب على امور كثيرة