للمهلوعين ابيكم بكم كلمه تفرحكم ان شاء الله

للمهلوعين ابيكم بكم كلمه تفرحكم ان شاء الله

السلام عليكم ورحمة الله وبركاتة
اخواني واخواتي المهلوعين
معاكم اخوكم ابومها مصاب بنوبات الهلع منذ عامين وتم التحسن بنسبة 99 اذا ماهو 100%

انا وبصراحة مابقول لكم اني تشافيت بين يوم وليله لا بالعكس الشفاء جاني تدريجي على فترات وبعد عدة انتكاسات
طبعا قبل كل شي خلوني اعلمكم كيف عرفت اني تشافيت
اول شي لاحظته في نفسي ان شهيتي رجعت لطبيعتها ونومي تعدل وصار لي مزاج اطلع واجي واقابل الناس وحاجات كثير ما ابي اطولها عليكم

نرجع لمحور حديثنا اللي هو الكم كلمه اللي بقولها لكم :
فيكم احد منكم سمع هالايات هذي:

﴿إِنَّ الْإِنْسَانَ خُلِقَ هَلُوعاً * إِذَا مَسَّهُ الشَّرُّ جَزُوعاً * وَإِذَا مَسَّهُ الْخَيْرُ مَنُوعاً * إِلَّا الْمُصَلِّينَ* الَّذِينَ هُمْ عَلَى صَلَاتِهِمْ دَائِمُونَ * وَالَّذِينَ فِي أَمْوَالِهِمْ حَقٌّ مَعْلُومٌ * لِلسَّائِلِ وَالْمَحْرُومِ * وَالَّذِينَ يُصَدِّقُونَ بِيَوْمِ الدِّينِ * وَالَّذِينَ هُمْ مِنْ عَذَابِ رَبِّهِمْ مُشْفِقُونَ * إِنَّ عَذَابَ رَبِّهِمْ غَيْرُ مَأْمُونٍ * وَالَّذِينَ هُمْ لِفُرُوجِهِمْ حَافِظُونَ * إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ * فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُونَ * وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ * وَالَّذِينَ هُمْ بِشَهَادَاتِهِمْ قَائِمُونَ * وَالَّذِينَ هُمْ عَلَى صَلَاتِهِمْ يُحَافِظُونَ * أُولَئِكَ فِي جَنَّاتٍ مُكْرَمُونَ﴾
[سورة المعارج : 19-35

طيب بتقولون لي حنا نصلي ونتصدق ومسوين كل اللي بالايات هذي ان شاء الله والى الان تجينا نوبات الهلع ايش الحل؟

بقول لكم انكم ممكن غفلتو عن الايه هذي بعد :

((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11]

طيب انت الحين مهلوع وتجيك نوبات الهلع بإذن وبدون إذن ولاعبه في حسبتك ومبهذلتك

انا بقول لكم شي والله يا بعض ايام اني ما اقدر انام من الخوف اخاف اذا نمت راح اموت واخاف من النغزه اللي في الصدر...بس هذي جلطه الله لايقول

بس يوم انتبهت لنفسي بعد ما عانيت منها الأمرين

قلت ياولد انت تصلي وتقرا قران وتتصدق طيب ليش خايف ؟
والله يا اخوان ما ازكي نفسي على الله اني اقرا اية الكرسي بعد كل صلاة لاني سمعت انه مايمنعني من دخول الجنه الا اني اموت

طبعا هذا غير العلاج الدوائي انا اتعالج بالسبرالكس والدوجماتيل رغم اني خفضت جرعة السبرالكس بعد ما بديت اطنش نوبات الهلع واقول لها وش اخرتك يعني بتذبحينني ؟ماراح تقدرين بتجننيني؟ برضو ماراح تقدرين غير هالشي وش عندك ؟ والله كاتبه ربي بيصير بك وبدونك يالنوبه ف سوي شغلك اللي جايه عشانه واطلعي >>>>طبعا الكلام هذا ما جاء بين يوم وليلة هذا ما جاء الا بعد خوف وقلق كم مرة الين ما تمكنت اقوله في وجه النوبه وانا واثق تمام الثقه من كلامي

والله يا اخواني ويا اخواتي راح اقولها بالفم المليان الهلغ من اتفه الامراض النفسيه رغم اني كنت اشوفه كابوس ماراح ينتهي

واسفين وعدم الترتيب طرحي هذا مجرد توارد خواطر

يا اخواني ويا اخواتي الله عز وجل ارحم بك من امك اللي ودها تقاسمك همك>>>>>>فكروا فيها شوي بس

وأي سؤال يا حبايبي انا حاضر وبرسم الخدمه

اخوكم / ابومها

المصدر: نفساني

اولا الحمدالله اللي شافاك حمد كثيرا طيبا مباركا في

والله يتمم عليك ويشفي الباقين

الله يجزاك خير ويتمم عليك الصحه والعافيه

الله يتمم عليك الشفاء
فعلاً التطططنيش والعلاج يساعد بالتخلص منها
يمكن اللي ساعدك السيبراليكس لان يعالج الهلع
عقبالنا وكل المهلوعين ياارب🌹

آمين وياك اختي أروى
احب اقول ان السبرالكس هيأني ما عالجني لأن العلاج بيدك انت يالللي تعاني بس ناقصك الظروف

يارب يتمم عليك عافيته

الله يشفينا ويعافينا ويرزقنا طولت العمر ع طاعته يارب

الحمدالله الذي شافاك وعافاك

ويعلها سلامه دايمه

وياليت لو تكرمت تكتب يومياتك وتجربتك بقسم الفضفضة

لتكون محطه لاعضاء وزوار نفساني

وكل من طبق نصائحك وتشافي سيكون لك اجر وحسنات تجري لك

جعلك ربي كالمطر أينما وقع نفع

اختك امتياز