|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
24-08-2017, 01:56 AM | #1 | |||
عضو فعال
|
ممكن مساعدة معي دوخة وعدم توازن من شهرين 💔ممكن
مرحبا
مشكلتي بدأت من أربع أشهر كان معي شوي دوخة أحساس بسيط ،،مثل احساس هبوط الضغط ،،، لما كنت واقفة ابي أشرح للطالبات ،، استمر حولي اسبوعين ،، وكنت وشف الضغط كان فعلاً شوي نازل ،،،توقعت انه ضغط نازل معي ،، بسبب ضغط العمل ،،، بعدها خف هذا الشعور ،، وبديت احس في أوجاع في الرقبة وقت تصحيح الاختبارات النهائية في شهر 8 مااعطيت الموضوع أي اهتمام قلت يمكن ارهاق العمل ... جت الاجازة ورمضان وحمدلله كانت ايام جميلة ولله والحمد ،،، قررت اني اعتمر في بداية العشر ورحت لمكة في عمرة سريعة ،، عبر الطائرة اخذت عمرتي وصليت تراويح وشوي ارهقت نفسي شوي ورجعت من العمرة صباحاً للمنطقتي عبر الطائرة ونمت ،، وكنت احس بارهاق شديد بعذ ماااقمت من النوم لاني كنت صايمة ،، بعد العمرة. بثلاث ايام ،، جاني زكام بسيط بدون حرارة واحتقان بالانف اخذت بندول خفيف وقررت انام عليه وللاسف نمت وكنت شوي متضايقه وشايله بخاطري من موضوع صاير قمت الظهر بصلي ،، وكان جسمي منهد بقوة توقعت عشان الزكام ،، وقلت يمكن هبوط ضغط كانت عيني اليمين تتحرك بشكل افقي نحو أذني اليمين الموقف خوفني شوي قمت بسرعه وجاء في بالي انه هبوط ضغط من الصيام ، والزكام ، وهبوط الضغط اخذت شوي ،،، ورجعت نفس الحاله عيني تتحرك نحو اليمين بشكل افقي رايحة جايه وكأني بطيح ورجعت مره ثالثه رحت للطواري اخذت مغذي وابره مسكنه ورجعت للبيت وانا منهدة شوي وتعبانه بس افطرت المغرب حسيت بخمول بجسمي مرررة عجزت اقوم كانت حركتي بدون توازن وكاني اترنح ،،، حبيت اني استلقي شوي بعد الفطور ونمت ربع ساعه وقمت واحس وضعي زاد كنت متوقعه اني اقوم اصلي التراويح ،، جيت بقوم ماااقدر ابدا 💔 جاني حاله غثيان ،، وصرت مااركز باي احد حولي جاني حاله استفراغ قوية بعدها الدنيا صارت عندي مشوشه مررة ماااركز اكثر ،، وزاد حركة العين اليمين نحو اذني اليمين بشكل قوي جدا لدرجة لما جيت بقوم ،،،، طحت على جنبي الايمين كان الارض تجذبني نحو اليمين وكان الارض تدور عشان اركززززز بالي حولي اخذوني اهلي بدون مااحس بنفسي على العربة للمستوصف ودخلت على اخصائي اذن وانف وحنجره رجعت استفرغت قدامه والا اقدر اركز فيه ابدا ،، من شده حركة العين عيني ،، وكاني ادور بجهه وحده اعطاني مغذي وابرتين مسكنه ،،، وقال معك دوار دهليزي فيروسي بالاذن الداخلية رجعت البيت ماااحس بااحد وعيني تتحرك بشكل مو طبيعي نحو اليمين وفيها تشويش جلست لحد الصبح على هذا الحال لما جاء الصبح خفت حركة العين ولله الحمد بس جسمي كان خمول ، عدم توازن ،، احس براسي دوخة مااقدر اقوم بس اغمض عيني ،، احس الدنيا تدور ومزعجه وانا مغمضه عيني رحت للدكتور من بكرى وقال اخذي علاج ستروجوين 24ملم ( ثلاث مرات باليوم )وعلاج نيورووبيون ب12مرتين باليوم بعد ثلاث ايام زاد علي نبات الجنكو مرتين باليوم كنت احس خلال هذا الاسبوع بتوتر مااقوم الا تعبانه وخمول ودوخة وعدم توازن قررت اني اروح دكتور ثاني ،، ورحت لمستشفى ثاني مع دكتور قال لي انتي معك دوار حركي حميد وعطاني كم تمرين للدوار وغير ستروجوين الي علاج اسمة بيتاجن 16ملم ثلاث مرات باليوم المهم بس اكلت العلاج وسويت التمارين وضعي زاد رجعت الحاله لي رجعت وانا حاطه مخدة طويله على كلام الدكتور ويوم جيت بنام على جنبي الايسر حسيت اذني على راسي مشدود. مرة وعجزت اقدر انام جاني دوار نفس الي قبل عيني تتحرك نحو اذني اليمين وكاني ادور شوي ،، المهم رحت للطواري اخذت مغذي ،، وابره مسكنه وزينوا فحوصات لي ،، دكتور الباطنية جاني وقال نسوي اشعة مقطعيه للراس وطلعت سليم ،، وزينوا اشعة عادية للرقبة طلع فيها (انزلاق غضروفي في الفقرة 4+5 جاني دكتور الاعصاب وجلس يسوي اختبار بالاصبع عنده وخلاني امشي عجزت ،، وجاني دكتور جراحه الاعصاب عشان الرقبة يسألون كم سؤال ؟ ورحت دكتور الاذن بالطواري ،، وقال الي معك دوار حركي حميد ،، المهم طلب مني دكتور الاعصاب اشعه رنين على المخ وطلع سليم ولله الحمد لكن مازال التعب معي ،، احس اني اطفوا على قارب من شدة الدوخة وكل مره اطلع لدكتور الاذن حولني لدكتور العيون ! سويت فحص للاعصاب العين سليمة ولله الحمد وسويت فحص بصريات (طلع عندي قصر نظر في كل العيون 4/6. مع انحراف بسيط بالعين قال دكتور العيون دوختك ماهي سبب العين رحت دكتور الاعصاب ،، قال ضروري نسوي تحاليل سويت تحاليل بالحكومي / خاص / مختبر الابراج كلهن طلع معي نقص فيتامين دال 7 نقص في مخزون الحديد ،، 6واخذت ابر حديد ومازلت اكمل ارتفاع في سرعه ترسب الدم ارتفاع في كريات الدم البيضاء شوي ..اخذت هذا الاسبوع فيتامين دال 1000وحدة دولية مرتين باليوم رحت دكتور الاعصاب وقال لي نسوي رنين على الرقبة ضروري سويت رنين على الرقبة طلع الانزلاق. ضاغط شوي على الحبل الشوكي شي بسيط قالوا احتمال هو السبب ؟؟! معقول ؟؟! طيب انا احس بطنين بالاذن من الشهر. الحاله معي من شهرين بس كملت شهر بديت اسمع طنين بالاذن اليمين احس بدوخة غريبه والله كان جهه اذني اليمين مو مني كانها طايرة بالسماء وخلف اذني احب اضغط عليها ماعندي عدم توازن والله غيرت العلاج من شهر من بيتاجن الي بياسيرك 24ملم مرتين باليوم بعد كلام استشاري. اخذي بيتاسيرك مرتين على فكرة رحت طب شعبي وقالت لي حرمه معك هواء شوس بالراس واذن واعطتني صبخة قالت شهر كامل حطيها حطيتها والله 18يوم والا شفت اي تحسن استخدمت الرقية الشرعية وحطيت زيت علي واحس طهري وصدري وخلف اذني كله حبوب انتشرت كانها زي حب الشباب ماني عارفه وش فيني بالضبط المصدر: نفساني
|
|||
|
24-08-2017, 03:31 AM | #2 |
عضو نشط
|
اسال الله العافيه للجميع
اختي اذا كانت الحاله عندك مستمره 24 ساعه في اليوم فممكن تكون من الضغط عالحبل الشوكي اما اذا كانت متقطعه فأعتقد والعلم عند الله انك تعانين نفس معاناتنا وهي نوبات الهلع والقلق نحمدالله على كل حال حالات الهلع والقلق غير مميته ولا تتسبب بمشاكل عضويه وغالبا تكون مؤقته واحيانا عرضيه فحوصاتك والحمدلله مطمنه جدا ومافي مشاكل صحيه لذلك لا تفكري بأنك مصابه بأمراض خطيره او غير مكتشفه من الاطباء انتي تعيشين حاله نعيشها بصفه دوريه وتنقطع احيانا وترجع بسرعه احيانا اكتشفي في حياتك اليوميه ما يشغلك عنها او حاولي السيطره عليها بأي طريقه تتناسب معك او تأقلمي وعيشي معها الى ان يفرجها الله تمنياتي لك بالشفاء |
|
24-08-2017, 04:44 AM | #3 |
مشرف ملتقى الهلع
أنا معك ...
|
اختي الله يشفيك يارب
لازم لازم لازم تقرين عند شيخ لانك ماشاء الله كشفتي على نفسك طبيا فابيك تقرين عند شيخ وبعدها علميني وش يصير معك |
|
24-08-2017, 05:04 AM | #4 | |
عضو فعال
|
اقتباس:
كاني اطفوا على قارب واحس اذا ضغطت على اي جزء من جسمي كاني اثير الدوخة الي براسي حتى يديني ورجولي والله اذا لمستها كاني احرك راسي واثير الدوخة الي فيه |
|
|
24-08-2017, 05:08 AM | #5 | |
عضو فعال
|
اقتباس:
واستخدم زيت مقري فيه وطلع معي حبوب كأنها حب شباب زي العنقر بالضبط خلف اذني وداخل شعري وعلى صدري ملفت للنظر انا للامانه اخاف انها تحسس من الزيت ؟! رحت ايضا دكتور الاسنان وسويت اشعة رباعية والاسنان سليمة حتى ضرس العقل موجود فوق وقال الدكتور ماالها تأثري فيه نقطة انا نمت قبل الاتجي لي هذا الشي على زعل قووووووي جداً ممكن يكون السبب |
|
|
24-08-2017, 07:10 AM | #6 | |
مشرف ملتقى الهلع
أنا معك ...
|
اقتباس:
وصار اللي فيه عين قرا عند شيخ والحمد لله راحت ورجع حاله من جديد فانا علشان كذا انصحك تروحين لشيخ القرايه ماتضر |
|
|
24-08-2017, 07:37 AM | #7 |
عضـو مُـبـدع
|
هلا اختي أم يزيد
ماتشوفي شر وماقدامك الا العافية أنا خبير بهالدوخة والدوار وعدم الاتزان لها معي خمس سنوات عندي لك بعض الاسئلة يا ام يزيد ؟؟ وابي تجاوبي عليها 1- هل تعانين من برودة الارجل ؟ 2-هل تخافي من الموت وتفكري فيه كثير ؟ 3-هل تفزي وتفزعي لما تسمعي صوت زي نغمة الجوال او صوت جرس المنزل؟ 4- هل عندك ارق وصعوبة النوم وتقطع بالنوم ؟ 5- هل تعاني من خوف بدون سبب وتوتر ؟ 6- هل تخافي من الموت وتفكري فيه ؟ 7- هل تعاني من كثرة الاحلام والكوابيس ؟ 8- هل تعاني من كثرة تبول ( أكرمك الله ) ؟ 9- هل عندك كثرة حركة وتململ ام هادئة؟ 10- هل دوختك كأنها أمواج في راسك وكأنك على مركب بالبحر ؟ 11- هل تحسي بشد برقبتك وراسك ؟ 12-هل تشدي على اسنانك دايم ؟ وايش اعراضك الثانية وماقدامك الا العافية |
التعديل الأخير تم بواسطة بين يوم وليلة ; 24-08-2017 الساعة 07:39 AM
|
24-08-2017, 09:38 AM | #9 | |
مشرف ملتقى الهلع
أنا معك ...
|
اقتباس:
بالتوفيق |
|
|
24-08-2017, 10:55 AM | #10 | |
عضو فعال
|
اقتباس:
وابي تجاوبي عليها 1- هل تعانين من برودة الارجل ؟ نعم 2-هل تخافي من الموت وتفكري فيه كثير ؟ نعم 3-هل تفزي وتفزعي لما تسمعي صوت زي نغمة الجوال او صوت جرس المنزل؟ ايه ملاحظة هذا الشي الي يجي كذا فجاه 4- هل عندك ارق وصعوبة النوم وتقطع بالنوم ؟ جاني شوي ارق بالنوم بس مو دايم 5- هل تعاني من خوف بدون سبب وتوتر ؟ لا خايفه من هذا المرض لانه مزعج ومسبب لي توتر 6- هل تخافي من الموت وتفكري فيه ؟ نعم 7- هل تعاني من كثرة الاحلام والكوابيس ؟ لا 8- هل تعاني من كثرة تبول ( أكرمك الله ) ؟ ايه 9- هل عندك كثرة حركة وتململ ام هادئة؟ لا وسط 10- هل دوختك كأنها أمواج في راسك وكأنك على مركب بالبحر ؟نعم هذا الي احس فيه 24ساعه 11- هل تحسي بشد برقبتك وراسك ؟ نعم 12-هل تشدي على اسنانك دايم ؟ احس فيها الم واشد عليها |
|
التعديل الأخير تم بواسطة ام يزيد العتيبي ; 24-08-2017 الساعة 10:56 AM
|
24-08-2017, 09:50 PM | #11 |
عضو نشط
|
والله اعلم والاخت صاحبه الموضوع ذكرت انها قلقه ومتوتره من موضوع ضايقها وجبتها الاعراض
ع كلاً الدوخه والترنح جاني ايام نوبه الهلع والله اعلم انها عين او شي مثل كذا وذكرت بعد انها تخاف ان يكون هذا مرض خطير وهذا اللي نعاني منه لو هو عرض بسيط مشكلتك والله اعلم قلق+ توتر+ خوف وسببت لي اعراض جسديه وعدم الاتران جاني وتحاليلك سليمه اضن المشكله نوبات هلع ارقي نفسك عند راقي وامورك تمام او روحي لدكتور نفسي افضل لك الله يشفيك حالتك شبيهه جداً بنوبات القلق والهلع |
|
24-08-2017, 10:58 PM | #12 | |
عضـو مُـبـدع
|
اقتباس:
ان ماتعاني منه هو قلق عام وتوتر يا ام يزيد ولاعليك من المسمى هي مجرد ضغوطات مكبوته وظهرت على السطح بشكل اعراض جسدية انا جاني قبل 5 سنوات وابشرك هالحين اموري تمام واكثر عرض يضايقك ويخليك ماتنتبه لباقي الاعراض هو الدوار وعدم الاتزان جدا متعب صدقيني مشكلتك نفسية وليست من الاذن لازم تراجعي دكتور نفسي واقترح عليك علاج السيروكسات كلمي الدكتور عنه لأنه هو الوحيد اللي نفع معاي بعد الله سبحانه وتعالى وماقدامك إلا العافية اختي |
|
|
24-08-2017, 11:42 PM | #13 | |
عضو فعال
|
اقتباس:
هل لو اكتفي بالقرآن يكفي عن الحبوب النفسية كان بداية تعبني نفسيتي جداً غير جيدة لكن بفضل الله مع الرقية البسيطة نفسيتي في تحسن افضل من قبل هل ضروري العلاج النفسي ؟! |
|
|
24-08-2017, 11:46 PM | #14 | |
عضو فعال
|
اقتباس:
بس الاعراض مستمره طول الشهرين كاملة واحس بدوار ودوخة وعدم توازن خمول جسم عدم شهيتي للطعام في اول اسابيع التعب الان اكتب لك واحس طنين بالاذن عالي مع شد في الاذن اليمين الي كان بدايه التعب فيها احس كانها تتحرك اذني اليمين رايحه جايه شعور صعب وصفه ولكن احس اذني وكأنها تطفوا في ماء واحس بنبض داخل الراس جهه اليمين وخلف الاذن اذا حبيت اركز بالتعب اكثر |
|
|
24-08-2017, 11:47 PM | #15 | |
عضو فعال
|
اقتباس:
رغم انهم قالوا روحي لدكتور الاعصاب والعين عشان يستبعدون اي سبب ثاني |
|
التعديل الأخير تم بواسطة امتياز ; 07-09-2017 الساعة 05:51 AM
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|