تحملوني

جربتي تاخذين 1200 نيورنتين مع بعض

لا خفت منها اخذتها يوم واحد ولا شفت فائده ولا كملت اخذها

بسأل لو بأخذالنيورنتين 1200 ورى بعض ممكن استفيد منها ان شاء الله انا خذتها يوم ماشفت فائده ورجعت للجرعه المعتاده 400 مرتين

السلام عليكم

انا دخلت بحسابي بعد ماقريت الموضوع وكامل الردود

أول شي بقول لك على أشياء ولازم تستوعبينها زين زين
*يمكن يجيك شعور ان مافي احد يقلق ومكتئب مثلك وتحسين بمخاوف وهذا غلط لان كثير كثير يحسون بهذا الشعور
بس الخبر الحلو أنه يمكن علاجه وكثير كانو يحسون مثلك وأسوأ وكانو يعتقدون أنه لا يمكن علاجه ولكن تفاجؤو انهم شافو التحسن وتخلصو من القلق والإكتئاب
الدكتوره عطتك ادوية ممتازه باذن الله وهي اللي تقدر تشخّص حالتك بشكل دقيق إن شاء الله وسأتحدث الآن عن الأدوية الي وصفتها لك علما اني غير متخصص بالادوية لكن عندي معلومات نوعا ما عنها
أولا: الساليباكس هو نفسه الدواء المشهور اللي اسمه ( بروزاك ) يعني نفس التركيبه بس شركه اخرى اللي تقوم بانتاجه
هذا الدواء سمعته ممتازه ومشهور بعلاج الاكتئاب والوساوس بشكل كبير وكذلك القلق والمخاوف عيبه الوحيد انه يتاخر شوي لين يبدأ مفعوله يمكن يبدا من الاسبوع الرابع من اخر تعديل للجرعه لكن باذن الله نتيجته بتكون مرضيه ويستمر التحسن اكثر واكثر مع الوقت يعني عليك بالصبر عليه وبيرضيك باذن الله وتكون نتيجته مذهلة
الثاني: فالدوكسان هو علاج جديد وكذلك هو علاج للاكتئاب والقلق بالدرجه الاولى وميزته انه ممكن يتحسن المريض معاه أسرع من باقي الادوية وطبعا يختلف من شخص الى شخص فعالية الدواء وسرعة الشعور بالتحسن
الثالث: بريكسال هو دواء مدعم للأدوية المذكوره في الاعلى ومفيد ان شاء الله بالنسبه للقلق
الرابع: نيورنتين هو دواء سريع ظهور المفعول, ربما ماناسبك كثير ومثل ماقلت يختلف فعالية الدواء من شخص الى شخص لكن جربي تاخذينه بعد الفطور وحاولي ماتاكلين اي شي بعد ماتاخذينه على الاقل لمدة ساعتين لان الأكل قد يقلل من مفعول الدواء جربي يوم وشوفي هل فيه تحسن او لا

الخلاصة: الاعراض اللي تحسين فيها معروفة لدى الكثير وكثير يعانون منها هنا في المنتدى وممكن علاجها لكن يجب الصبر الصبر على الادوية وفيه نقطه مهمه قد تقولين انه غير مهمه وهي جربي انك تمارسين رياضة المشي السريع لمدة نصف ساعة على الاقل وصدقيني باذن الله بتحسين بتحسن وسريع والقلق هذا اللي تحسين فيه بيزول مع الادوية والتفكير الايجابي والرياضة وممارسة الاشياء المحببة لك


وحنى معك بنتابع تحسنك باذن الله بهذا الموضوع وانا متأكد انك تبشرينا بالتحسن لين تزول كل الأعراض


تحياتي لك واسف على الاطالة

مشكور اخوي بس مشكلة التفكير الايجابي مابعد قدرت افكر تفكير ايجابي كل تفكيري قلق في قلق

التفكير الإيجابي راح يجي شوي شوي مع الاشياء اللي ذكرتها لك فوق

تفائلي خير والأيام القادمة اجمل واجمل

بمشيئة الله تعالى

ياأخوان تحملوني
والله القلق متمكن مني تمكن شديد ما أدري وش اسوي به والله تعبت تعب مايعلم به الا الله ودي اتمكن منه ماقدرت ودي اترك التفكير في هذا الموضوع ماقدرت صرت اعطي نفسي نصائح وتوجيهات ابي ارتاح والله ماقدرت ارتاح ضاقت علي نفسي وضاقت علي الارض بما رحبت اشغلت نفسي علشان ما افكر في الموضوع صاير التفكير مستمر والله تعبت

يا اخوان مالي الا انتم افضفض عليكم تحملوني وردوا علي لاتسفهوني عارفه اني تعبتكم معي بس والله من الحره اللي في قلبي
احس الدنيا كلها تسكرت في وجهي ويأست من نفسي يأس شديد القلق متمكن مني تمكن عجيب الخوف مسيطر علي اخاف اني اجلس طول عمري كذا حاولت ابعد هذا الخوف ماقدرت ابعده استخدمت الادويه ماجابت معي نتيجه والله تعبت الشعور بالانتظار اتعبني حاولت ابعد التفكير في موضوع القلق ماقدرت ابعده ابي احس بالراحه للأسف ماحسيت بها من 4 شهور وانا في هم لوم نفس تمني الموت كرهت نفسي والله اني تعبت معاد ادري وش اسوي اول كنت اقول الوظيفه بتشغلني للأسف ما اشغلتني ملل غير طبيعي غير طبيعي وغير ارادي والله اني تعبت طلعت من البيت علي انشغل عنه ملأت وقت فراغي صايره بهم وانتظار ياناس ابي احس بالسعاده اللي كنت احس بها اول ابي ترجع ايامي زي اول والله خايفه صرت احس اني كفرت بالله وكفرت بنعمه كل شي عندي زين ولااني قادره استمتع بها اقرأ ان مع العسر يسرا انصح نفسي بتنفرج ربي وعد بالفرج اطمئني والله ما احس براحه معاد ادري وش اسوي انا مر علي 4 مرات ذا المره مدري ليه مختلفه تماما عن كل مره انتم تقولون زي كل مره وانا اقول يختلف مدري صارت الدنيا سوداء في عيني ابي اعيش با أمل ورضا عن النفس بس والله ماقدرت
صاير الخوف مسيطر علي تمام التمام
ودي ارجع مثل اول ابي ارجع زي ماكنت سعاده وراحه وانس بالله مابي اذا سمعت الله يكش جلدي ليه انا كفرت به ليه ماعندي ايمان به ليه انا كذا

الصبر وإحتساب الأجر بهذا الإبتلاء من الله عز وجل

وخلي في بالك بأنها تكفير ذنوب يهبها لكِ الله حتى تعودي للمسار الصحيح

فلا يسكن بقلبك اليأس , وتقربي إلى الله بالسراء والضراء

اختي حطي ببالك ان انتي هنا تشكين للفضفضه اما اذا تبغين الحل اشكي الى رب العباد لان هو اللي وضع المرض وهو اللي بيرفعه عنك
اسال الله العلي العظيم ان يشفينا جميعا

المشاركة الأصلية كتبت بواسطة راجيةالفرج

بسأل لو بأخذالنيورنتين 1200 ورى بعض ممكن استفيد منها ان شاء الله انا خذتها يوم ماشفت فائده ورجعت للجرعه المعتاده 400 مرتين

اذا ما جابت نتيجه ال 1200 خلاص ارجعي للجرعه القديمه 400 صباح 400 مساءا , اذا ما جاب نتيجه خلال الفتره الجايه خلاص حاولي تتركينه بالتدريج لانه ما راح يفيدك