الله يجزاه خير من يفيدني

الله يجزاه خير من يفيدني

السلام عليكم ورحمة الله وبركاته

اخواني انا اعاني من اعراض من اكثر من 7 سنوات الاعراض هي :
طبعاً غالباً تجيني اذا كنت بعيد عن البيت الاعراض :
نوبة خوف شديد من الموت
تعرق
جفاف الريق
احساس بقرب الموت
ضيق في التنفس
تجيني اذا كنت في مكان بعيد او مكان مزدحم او مكان صعب تلقي المساعدة فيه مثل الطرق السريعة والكباري والانفاق والازدحام المروري
والاصنصير او اذا كنت مع احد بالسيارة وابعد عن منزلي او الحي اللي اسكن فيه استخدمت علاج سيبراليكس لسنوات طويلة هو جيد لحالتي
لكن اعتقد انه وصلني لمرحلة نصف العلاج ووقف مفعولة لاحصل انتكاسة ولله الحمد ولا تحسن كامل اخواني اعرف انو لازم اقابل دكتور نفسي
للعلاج السلوكي لكن ماقدر لان اقرب عيادة نفسيه تبعد عني اكثر من 70 كيلو ،
المشكلة الكبيرة القادمة لي هي انجباري على السفر بالطائرة لمدة 4 ساعات نهاية الشهر الجاري واحس بخوف كبير من الان انصحوني وش اسوي بذا الحالة اخاف تداهمني النوبة وانا في السماء واموت مالقى مساعدة والله تعبت وش الحل اخواني الله يجزى من يفيدني كل خير
واسف على الاطالة ،،
والسلام عليكم

المصدر: نفساني

صباح / مساء الخير
حبيبي لاتشيل هم ابد بقولك عن علاجين راح يفيدوك كثيييييير بس اهم شي بالنسبه للاول مايكون فيك ربوشديد اوضعف في كهرباء القلب وهو علاج اسمه ( اندرال ) قبل السفر بيومين خذ حبه الصباح وحبه المساء وقبل السفربساعتين خذلك حبه طبعا اقصى جرعه 60 مل وانت يكفيك 20مل حبه صباح وحبه مساء ولا يمنع تاخذ حبتين سواء قبل السفرحبتين او حبه .. اما الدواء الثاني اول ماتركب الطياره
خذلك حبه نص مل اسمه (زانكس ) وصدقني راح تدعي لي وتستمتع بالطياره ... راح اشرح لك ماهو علاج ( الاندرال ) هو علاج يقلل عدد ضربات القلب ويحد من التوتر ويشتت القلق ....
اما ( الزانكس) فهو مهدى جبار في مثل هذه الظروف ولا تيئاس اخي وتوكل على الله ولا تفكر في اي شي يجلب لك القلق .. وشكرا ولك نصيحه لك مني استشر طبيب بالادويه اللي خبرتك بهن ومنها عشان يصرفها لك لو لزم الامر .
واي خدمه انا موجود . اتمنى لك الشفاء العاجل .

الحالات مثل السفر تنفع معاها زانكس ، لكن زانكس مش علاج بس مهدي للحالات الضروريه مثل السفر وغيره ، اهم شي ما تقطع الدواء الرئيسي السيبرالكس ، يوم تروح الدكتور خبره انك تريد دوا مهدي لين يبدأ مفعول الدوا الاساسي ، انا عن نفسي يوم اسافر او تباغتني النوبه اخذ حبه زانكس ، يبدا المفعول بعد نص ساعه الى 45 دقيقه ، الله يشفيك ويشفي كل مريض

وفيه حاجه ثانيه اخوي اولا : لازم تشوف لك علاج غير عن السبراليكس وهي ادويه كثيره صدقني راح تريحك انا استخدم سبرام وارتحت عليه ... وبالنسبه للطياره اول شي تسويه بعد العلاج انك تشتت تفكيرك ماتفكر بارتفاع الطياره اذا كانت الرحله دوليه حاول تتابع لك فيلم او تشتري كتاب وتقراء روايه او انك تقرا قران او اذا كان معك احد حاول تسولف معهم او تنام المهم تفكيرك هذا شتته باي طريقه .. الخطوه الثانيه حاول تاكل وجبه خفيفه لاتركب وانت جوعااان او سهران مواصل يعني لان السهر والجوع الشديد من مسببات الهلع احرص على صلاة الفجر في جماعه فاانت في ذمه الله ناهيك عن باقي الصلوات طبعا .. اي شعور تحسه بجسمك لاتركز عليه حاول تركز على المكان اللي بتوصل له وش اول شي بتسويه ... حاول تتمشى بالطياره شف الناس سولف مع احد لو امكن ... لو حسيت انك متوتر تخيل ان الطياره مخطوفه وانت حررت الطياره من المجرمين تعيش جو ترا هههههههههههه عاد امزح ولكن هذا اللي الله قدرني عليه ... بس والله اني كتبت لك مرا ثانيه ابي اواسيك وعارف شعورك مافي شي يخوفك انا قبلك خضت هذه التجربه ونجحت ولله الحمد . واسف على الاطاله .

الله يجزاكم خير اخواني لكن كيف اعرف ان كهرباء القلب عندي ضعيفه وهل فيه ابره فعاله اكثر من الحبوب

فقط اشرح للطبيب اخوي عن وضعك ورح يصرفلك مهدئ وقت الضروره مع العلاج اللازم

لا تقلق

شفاك الله يا اخي العلاج هو كما قال الاخ خذ الاندرال قبل التعرض للموقف بساعتين وعالج المشكلة الرئيسية اللي هي القلق بسيبرالكس او فافرين او غيره المهم اي دواء مضاد للقلق تحس انه ينفع معك

كهرباء القلب اعتقد ما عندك مشكلة فيها لانها تكون عند من عندهم مرض في القلب لكن عموما روح لدكتور قلب يفحصك يعمل ايكو وتخطيط وكل شيئ وخليه يصرفلك اندرال عشان الخوف

خذ حبة اتيفان اول ماتطلع الطياره وراح تسترخي وماتحس بشيء بأذن الله ...

اخواني المشكلة العلاجات المهدئة اللي تذكرونها ماتصرف الا بوصفة وش الطريقة وكيف احصل عليها بدون وصفه

لهذا اخوي قلتلك روح لطبيب واشرحله ويصرفلك