استفسار بالنسبة لزانكس ضروري اخواني

استفسار بالنسبة لزانكس ضروري اخواني

بسم الله الرحمن الرحيم

السلام عليكم ورحمة الله وبركاتة

الله يمن علينا وعليكم بالشفاء والطمأنينة والراحة إنه ولي ذلك والقادر عليه

اخواني انا مثل ماذكرت بموضوعي الاخير عندي سفر بالطائرة نهاية هذا الشهر ان شاء الله واخاف تداهمني نوبة الهلع في الطائرة المهم نصحوني الاخوان بأخذ حبوب زانكس حبيت اسألكم كم حجم الحبوب لاني حصلت اكثر من نوع مثل 0.25 mg و 1.0 mg و 2.0 mg ماهو النوع المناسب لي وطريقة اخذ الحبوب هل اخذ نصف حبه قبل الرحلة بساعة او ساعتين ولا اجرب الدواء قبل الرحلة مثلاً بيومين او ثلاثة عشان اتعود عليه وانا عندي نوبات هلع شديدة جداً جداً جداً اخاف من الانفاق والكباري والزحمات والابتعاد عن المنزل فما بالكم بركوب الطائرة . اخواني هل تعتقدون حبوب زناكس راح تنفع لحالتي وتخليني انسى الهلع ؟

واسف على الاطالة وشكراً مقدماً لكل اللي بيفيدني

المصدر: نفساني

اخوي الطبيب هو المخول بإعطائك الجرعه

لكن ملاحظه فقط انت وصفت رهاب الساح الان واعتقد انك مصاب فيه،،، تحتاج اشراف طبيب نفسي اخوي لانه رهاب مرتبط بالقلق

الله يعينك

اخواني اللي عنده علم لايبخل علي

طبعا الاقوى 2,0 ملج , اولا جرب الحبوب عشان تعرف كيف مفعولها , عشان اذا جاء وقت الرحله تكون فاهم الوضع

انا اشوف انك تاخذ الحبوب قبل الرحله بساعه ونص

اخي الكريم عادة المهدئات حسب تجربتي والكثير تسبب النوم والنعاس فاذا اردة النوم في الطائرة وكانت الرحلة طويلة خذ الحبة قبل ساعة

اما اذا كانت الرحلة قصيرة فاخذ العلاج قبلها ب 6 ساعات حتى تنوم وتقوم هادئ جدا ومرتاح البال لكن خذ في بالك ان الزناكس اسرع المهدئات في المفعول ولكن عمره قصيرة في الدم يمكن 8 ساعات بعدها تحتاج الى جرعة اخرى وهكذا

كذلك انصحك بتجربة العلاج قبل الرحله قبل ثلاثة ايام وان شاء الله رحلة موفقة

اخوي / لااله الا الله
ابيك قبل السفر تاكل حبوب ( الاندرال ) وقلت لك قبل شرط مافيك ربو ولا كهرباء في القلب المهم اذا مافيك شي من الامراض هذي قبل السفر بثلاث ايام ابيك تاكل حبه اندرال 10 مل الصباح وحبه الليل يوميا قبل السفر بثلاث ايام طبعا اما في يوم السفر وقبل ركوب الطائره بساعتين بالتمام ابيك تاكل حبتين سوا يعني 20 مل بخصوص الزانكس اذا حسيت انك مرا في الطائره مو مرتاح تاكل0.50 مل لونها زهري وعلى العموم مثل ماقلت لك اهم شي الاندرال تراه لك افضل واكررهها لك عشر مرات انا مجربها ترا الاندرال علاج جبار وصدقني راح تتحسف انك ماعرفته من زمان ولا يمنع انك تاخذ كل يوم حبه زانكس قبل السفر بثلاث ايام قبل النوم جرعه 0.25مل لونها ابيض . امش على الخطه اللي سويتها لك وراح تتيسر السفريه باذن الله وصدقني لاتسال احد وتتعب ولكن بشرط اهم شي انك مافيك ربو حاد ولا مشكله في كهرباء القلب فقط .
اخوك / ملحوس من عام 27

ونصيحه ثانيه بقولها لما تركب الطياره لا تسترسل كثير عن الطياره والارتفاع اقطع التفكير نهائي ثانيا اجواء الطياره ممتعه وبالعكس آمن وسيله نقل بالعالم هي الطياره ثالثا عندك مضيفين ومضيفات عندك ناس بالطياره تقدر تحصل منهم اي مساعده يعني انت منت وحدك رابعا وهو الاهم حاول تشغل نفسك واعتقد ان الرحله دوليه تابع افلام اي شي يلهيك او انك تنام اريح لك ولكن صدقني اذا ركبت الطياره بتحس انك في غرفه لاتتوتر ووسع صدرك واصمل اهم شي انك تصمل وتوكل على الله ان الله يحب المتوكلين . والسلام عليكم ورحمه الله.

اخوي ملحوس الله يجزاك الف خير على نصايحك فعلاً كلامك مثل العلاج الله يوفقك وييسر امرك يارب