احتاج استشارتكم بشي مهم

احتاج استشارتكم بشي مهم

السلام عليكم كيفكم
لي اكثر من شهر تقريبا جاني الم فالجهه اليسار تحت الابط بمسافه بالنص بين ورا وقدام
يعني تقريبا بين الظهر والاضلاع الم جدا قوي ومستمر الى اليوم هذا
الالم زي الطعنه من قوته ويكتم على نفسي بعض المرات ويزداد مع التنفس والحركه وضعيات معينه
صبرت اسبوع اسبوعين ماقلت لاهلي لان دايما اشتكي لهم فماصارو ياخذون بمحمل الجد
لكن هذي الفتره قلت واليوم رحت للصيدليه وقلت له اعراضي قالي التهاب في المفاصل وعطاني دواء شراب اسمه بريدو
وحبوب اسمها رابيدوس وقالي استمر عليها اربع ايام واذا مافي تحسن اروح للمستشفى
انا موسوسه طبعا من الادويه مااحب استخدمها الا اذا مرره محتاجه ومافي بديل واضطريت اخذه لان صبرت واجد والالم ماراح
اليوم اخذت الادويه اول مره قبلها قريت النشره واخذته وانا خاايفه ومن بعدها احس باعراض غريبه وخايفه ان تاثير الدوا او انه موزين
بليز الي يعرف خلفيه عن الدوا يقولي الي خوفني امي لما قرت النشره قالت لا تاخذينه وانا كنت اخذته وخلصت تقول لانه من صيدلي مو استشاره طبيب امي موسوسه بعد هههههه
بس جد ايش اسوي انا قررت بتركه حتى لو قالي الدكتور اخذه وولا اعيش هذا الخوف اكره الادويه تحسسني باعراض غريبه زي الي حسيته
اليوم صعوبه في التقاط النفس ومااقدر ابلع ريقي وقلبي يدق بسرعه واحس فيني النوم بس مااقدر انام واحس اني مو بوعيي
ارجو تفيدوني هل هو فعلا من الدوا ولا ايش

المصدر: نفساني

انا بفهم انتي ليش مارحتي طبيب دايركت واهو يشوف شنو فيج لان الصيدلي مو طبيب حتي لو يعرف بالأدوية .. وكلام امج صح روحي حق دكتور احس واظمن وفالج العافية ..

لان ماحسيت الموضوع يحتاج توقعت صيدلي ويعطيني مرهم ولا لصقات
بس ان شاءالله بروح بكره وبترك الدوا ، الله يعافيك

فالج العافية حبيبتي

اختي هذي اعرض برد داخلك

يمكن انتي تعرضتي لهواء بارد

قبل تنامين خوذي زيت زيتون

وحاولي يكون دافئ وادهني المنطقه المؤلمه ونامي

انا اختي دخلها برد وحسّت نفس احساسك

حتى اثنا التنفس تحس بالم عميق بضلوعها

اخذت أمي زيت زيتون وخلت الزيت دافئ

ودهنت المنطقه المؤلمه ونامت اختي وفي الصباح

زال الالم بحمدالله وفضله ومنته

تخيلو ان لين الحين الالم ماراح هل هذا شي طبيعي!!
والله الخوف بدا يزداد عندي
بس خف ماشاءالله
احسه قاعد يخف بس بشكل بطيييييء
بدون تدخل ادويه ولاشي
خايفه اروح مستشفى ويطلعون بلاوي وانا اقول بما انه مو قاعد يزيد مستقر الى خفيف بتركه
شرايكم
ولا اعالج نفسي بالتدليك والفكس و..
ولا اروح لمركز مساج اسوي مساج طبيعي
ابي استشارتكم
وزيت الزيتون اللي قالت عنه الاخت امتياز للحين ماجربت الطريقه للاسف
عطوني رايكم ضروري لان جد بديت اخاف زي ماقلت خف بس مازال موجود يعني يالمني فقط اذا لفيت كتفي الايسر لجهة اليمين
هذي الوضعيه اللي تحسسني بالالم اما اذا قعدت قعده عاديه مااحس فيه
قاعده احس هاليومين بضيق بالنفس بس مااعرف منه ولالا ماودي ادخل الاشياء ببعض ولا تحسون ان منه شرايكم؟

شيكي ع المرارة كانت احد اسباب تعاستي لين اكتشفتها بالصدفة شلتها وشفت العافية،،، ماتشوفين شر

السلام عليكم
اختي صدقيني اعرف الي فيك وهو ابهر
روحي لقوقل واكتبي اعراض الابهر وبتدعيلي

ولا تشيلي همه ترا بسيط علاجه زي شرب المويه

قرات عنه من فتره وشكيت انه فيني
هل المساج والعلاج الطبيعي يعالجه؟؟
اليوم احسست بشي غرييييب تو الحين من دقايق
كنت اصلي العشاء وانا رافعه من السجود بسرعه حسيت بالم قوي جاني ثواني وبسرعه اختفى
الم زي الوخز تحت الصدر الايسر يشبه الكهربا وفجاه راح من الخوف خلصت الصلاه بسرعه ومااعرف ماذا افعل ايش هذا احد يفسرلي
هل اعتبره مرور الكرام واتجاهله

علاجه المساج هوو