خواطر

خواطر

مرحبا على الجميع
طبعا العنوان خواطر بس مو تبع الشقيري خخخ
الفكرة ان كل واحد يطلع الي في قلبه وانا اولكم واقول بسم الله
قدر الله علي واصبت بوسواس قهري من 3 سنوات وفي بداية 2016 اصبت باكتئاب طبعا السبب هو الوسواس
مارح اشرحلكم حجم المعاناة النفسية و العقلية لانكم مجربين و عارفين
لكن قبل فترة تكلمت مع رجل فاضل وشرحتله مشكلتي الرجال ما قصر اعطاني عدة نصائح بحاول الخصها في نقاط :
- ان المرض النفسي ابتلاء مثل اي مرض عضوي بغض النظر عن السبب
- ان الله عز وجل يبتليك وهو يعلم انك ضعيف لكن يبغا يشوف هل انت حتكون قريب من بابه ولا تبتعد مثال/الاب الي عنده ولدين زعل عليهم فالولد الاول جالس عند بابه يبغاه يفتح عشان يرضى عنه و الولد الثاني خرج وطلع وما همه رضا ابوه ولله المثل الاعلى ؛ بالنسبة لي صراحة انا بعدت جدا عن العبادات و اصبحت مقصر الله يتجاوز عني
- الي يعتقدون ان سبب مرضهم روحي يعني حسد عين الخ ويراجعون الرقاة الشرعيين الافضل لهم انهم يرقون انفسهم بدل ما يروحو من شيخ لاخر و علبة الزيت اكثر من 100 ريال وانت تقدر تجيب زيت من البقالة و تقرا عليه الايات
هذا الي عندي و سلامتكم وارجو من الجميع يتفاعل و يفضفض قبل ينفجر ههه

المصدر: نفساني