دوخه خوفتني

دوخه خوفتني

يا جماعه الدوخه خلاص تعبتني نفسيا
انا صارلي اسبوعين تقريبا الوسواس خف علي بدا عندي نفس حديث النفس كانه شي في راسي يتكلم ع طول لدرجه انه مرات اعصب على نفسي كيف جي افكر يعني مع عيالي مثلا اقول اشيا في راسي لازم ماتنقال
و من الامس يتني دوخه فضييعه ماعرف ليش اخر فتره تروح وترجع علي الدوخه و المشكله اليوم عرس بنت خالتي و خلاص افكر اكنسل مب قادره الدوخه مبهدلتني

هل كعقوله القلق يسبب دوخه لان يوم رحت افحص دكتور انف و اذن و حنجره قال مايخص القلق بالدوخه و المشكله اليوم الخميس كل العيادات سكرت يعني للسبت مافي دكاتره اروح افحص عندهم بصراحه اوسوس من الدوخه حد يمر بالدوخه و حتى لو ماكان فيني قلق يعني البارحه قلت لازم ابدا رياضه وانتبه على اكلي وصحتي وطلعت مشيت نص ساعه و فجاه يتني الدوخه و من امس فيني الدوخه وقمت من النوم والله متنكده ماعرف شوفيني يعني اخر اسبوعين مرتاحه من الوسواس و الدوخه خفت بس من البارحه و زااادت وغير اذني فجاه تسكر و تركع تفتح مع انه دكتور الاذن قال مافي شي التهاب جيوب انفيه بسيط مايسبب دوخه و احس خلاص ابا اصيح مب متحمله شي ابا اروح الطواري بس متردده و خايفه و ساعات اقول مافي شي

المصدر: نفساني

هلا حبيبتي بنت الحوسني
اولا ابغى اطمنك ان اول واهم اعراض القلق هي الدوخه وعدم التوازن ومافي دكتور سواء مخ واعصاب او باطني او انف واذن الا قالي مافيك شي غير القلق واعراض الدوخه كل مره تجي بشمل مختلف مره بصداع مره بعدم توازن مره بدوار داخل الراس ونبضات قلب هذا كله من القلق الحاد بتقولين انا مو قلقانه من شي بقولك صح عقلك الواعي مو قلقان من شي بس عقلك الباطن يفكر ويفكر ويفكر .. تلقين انك من كم يوم تفكرين بهالعرس اللي بتروحين له وجتك الاعراض امس .. خذي حبة بيتاسيرك وقولي لنفسك اللي معاي قلق ومافي شي يخوف وراح اروح الزواج وانبسط ولو تعبت برجع البيت وش المشكله .. اكسري حلقة القلق وواجهي القلق بكل قوه لأنك كل ماخفتي غذيتي الافكار وصارت تكبر وتكبر .. بالسلامه حبيبتي وطمنينا عليك

عشان تطمني بس قيسي الضغط عندك والسكر وانطلقي للحياه

المشاركة الأصلية كتبت بواسطة قطرات الندا

عشان تطمني بس قيسي الضغط عندك والسكر وانطلقي للحياه

الضغط عندي دايما نازل بس هو دايما جي يعني مب اول مره دايما يكون نازل
بس انا فعلا ماكنت افكر بالعرس ابدن ابدن لدرجة انه اليوم بس خذت فستان ولا في بالي الموضوع يعني ماكنت عاطتنه اهتمام


المشكله يوم الدكتور قال جي اتذكرت موضوعج يوم الدكاتره قالولج الدوخه سبب القلق استغربت كلام الدكتور يالله ان شاءالله خير و مشكوره والله على وقفاتج الدايمه معاي

فيه بعض الدكاتره يهمه فقط يبحث عن اعراض المرض المتخصص فيه وان لم يجدها دخلك في دوامه وراح يقولك مافي سبب للاعراض اللي تشعرين فيها تقومين تدخلين بتساؤلات وخوف وانا وش فيني .. طالما يادكتور يافاهم ماشفت عارض مرض معين وفحوصات النريض كلها قدامك سليمه بديهي انه قلق او توتر .. صدقني انا ماقولك هالكلام عشان ترتاحي والله مابقى دكتور الا رحت له قلب وانف واذن واعصاب وباطني كلهم قالولي الدوخه نفسي مافيك اي شي عضوي ولما صرت اواجه افكاري واحقرها واطنشها خفت الدوخه كثير ..كمان بقولك شي التفكير يالزواج مو معناه تحاتين لا .. عقلك الباطن متخوف من شي ما بالتالي اي طلعه او جمعات او تغيير روتين هو بحد ذاته يعتبر قلق بالداخل وانتي اصلا ماتكوني فاهمته يطلع على شكل اعراض جسديه او وسواس .. لاتشكريني حبيبتي ماسويت شي احنا موجودين بهالمنتدى لبعض نريح بعض ونشد من عزيمة بعض

ايه نسيت شي بقولك بداية الهلع معاي كيف صارت عشان تعرفي ان بعض الاطباء عله وليس دواء .. من خمسه شهور جتني دوخه ونبضات قلب سريعه ورحت الطواريء كشف علي طبيب الطواريء وقالي معاك قصور بالقلب انا انهرت ورحت استشاري امراض قلب واوعيه وسويت كل الفحوصات من تحاليل وايكو واختبار جهد وتخطيط قلب قالي مافيك شي وكل شي سليم الحمدلله ومن بعدها دخلت بدوامة الخوف والهلع ولما واجهت نفسي وصرت اتعالج سلوكيا عند دكتور نفسي الحمدلله ارتحت بنسبه ٦٠ بالميه بفضل الله .. معنى كلامي ان كل شي مصدره الداخل والقلق يسبب وسواس والوسواس يسبب هلع والهلع يسبب اكتئاب لو ماسيطرنا من البدايه وساعدنا نفسنا

انا الوسواس اعاني منه من 8 سنوات ولا كنت اعرف شو هذا و بعدين خف و من سنتين رجع خفيف و من ست شهور راجعلي قوي و الحمدلله من اسبوعين مسيطره عالوضع بس الدوخه مبهدلتني و فوق هذا بدا معاي شي جي مثل اللي يتكلم براسي يعني اشوف عيالي احس نفسي اسبهم ادعي عليهم اخاف لدرجه انس اقوم استغفر و اقول انا قلت هالشي على لساني ولا قلبي ليش جي قلت و اقعد اصيح ماعرف ها بعد تبع الوسواس او شو


الله يعين يا رب

الحين قاعده ع جنب و مالي خلق شي

شو الاعراض الجسديه اللي جسيتي فيها كان اييج الم فالخواصر و الظهر و البطن والمعده :(

اطمني حبيبتي جاني الم بالمعده يطلع للصدر جاني شد وضغط براسي وخشمي حتى اذاني تتقفل غثيان دوخه وعدم توازن ومره جاني شي زي الاعصار براسي شي غريب يلف بسرعه غريبه ثواني واختفى لكنه ترك لي ضيق وخوف اسابيع الام باكتافي ورقبتي المشكله انها الام غريبه مو فاهمتها .. لما رحت دكاور اعصاب عمل لي اختبار توازن قالي توازنك ممتاز قلت وش هاللي احس فيه امشي واميل قالي قلق سيكري ع القلق وكل شي ينتهي .. رحت استشاري انف واذن وعنل كل الفحوصات قال مل شي سليم قلت وش فيني قال قلق قلت القلق يعمل كذا قال يعمل اشد من كذا ..
قررت اني استعين بالله واقرا البقره يوميا وكل ماحسيت بالدوخه والدوار قلت هذا من القلق وانا اقوى منه بحول الله واطنش شوي شوي خفت الدوخه كثير الحمدلله والثقل بالراس صح تحي احيانا لكن اخف وفترات متباعده .
الوسواس من الداخل اللي تشعرين فيه وانتي تشوفين عيالك حاربيه بالمعوذات والفاتحه و قولي في نفسك هذي كلها افكار سلبيه تبغى تسيطر علي لكن لن اسمح لها .
ايه نسيت شي سألت دكتوري النفسي قلت له تجيني افكار ووساوس سلبيه تخوفني قالي هالحاله تجي بعد ضغوط نفسيه او صدمه او احباط حطي في بالك وتأكدي انها حاله مؤقته وتنتهي لاتخافي منها لكن لاتغذيها بالاسترسال فيها ..
طمنيني عليك حبيبتي ولاتخافي انتي برعاية الله حصني نفسك وانطلقي للحياه

حبيبة قلبي مشكوره والله طمنتيني الله يطمنج يا رب

انا اييني مرات مفس ها الاعصار اللي قلتي عنه احس جي شي فجاه يدور راسي

يالله ان شاءالله يخف و الله البارحه كنت كل شوي ابكي من الضيقه خصوصا يوم اقعد اتذكر كيف قبل و كيف الحين وضعي حتى البيت اكره اطلع منه

انا اقرازالبقره بس على ثلاث ايام مب مره وحده بس ببدا ان شاءالله فيها بشكل يومي و ان شاءالله اسيطر عالوضع كامل

و يعطيج العافيه ماقصرتي والله يريحني كلامج دايما احس انه الوضع عادي والحمدلله اليوم نفسيا اخف مع انه الدوخه مازالت بس ببدا اطنشها

هلا حبيبتي
لاتخافي ابدا ووالله العظيم كل ماسيطرتي على افكارك السلبيه كل ماخفت الدوخه انتي بس اقطعي حبل الافكار وتشوفين .
اذا فيك دوخه الان جيبي ورقه وقلم واكتبي كل شي مضايقك او مزعلك استرسلي بالكتابه لاتمسحين الاغلاط الاملائيه امتبي عشوائي كل شي يخطر ببالك ذكرياتك احزانك امالك غضبك فرحك حزنك لو تكتبين سطر او ١٠٠٠ صفحه مايهم المهم اكتبي وبعد ماتخلصي اقرأي الورقه بصوت عالي مو عالي مره بس تسمعيه انتي وقطعي الورقه قطع صغيره وشوفي الشعور بعدها .. وطمنيني

الدوحه من كثر التفكير انا اذا رحت مشوار في السياره اذا وصلت المكان الي ابغا احس بدوخه و احس الارض تتحرك من تحتي

المشاركة الأصلية كتبت بواسطة قطرات الندا

هلا حبيبتي
لاتخافي ابدا ووالله العظيم كل ماسيطرتي على افكارك السلبيه كل ماخفت الدوخه انتي بس اقطعي حبل الافكار وتشوفين .
اذا فيك دوخه الان جيبي ورقه وقلم واكتبي كل شي مضايقك او مزعلك استرسلي بالكتابه لاتمسحين الاغلاط الاملائيه امتبي عشوائي كل شي يخطر ببالك ذكرياتك احزانك امالك غضبك فرحك حزنك لو تكتبين سطر او 1000 صفحه مايهم المهم اكتبي وبعد ماتخلصي اقرأي الورقه بصوت عالي مو عالي مره بس تسمعيه انتي وقطعي الورقه قطع صغيره وشوفي الشعور بعدها .. وطمنيني

ماتقصرين والله من هذاك اليوم و انا بديت بسورة البقره و الحمدلله و الشكر ارتحت عليها فعلا انه علاج لكل مهموم و مريض و دوم اتذكرج و ادعيلج لانج نصحتيني اقراها كامله وتمر علي لحظات صعبه و قلق بس احاول اسيطر عليها الحمدلله و الشكر الوضع افضل سورة البقره فيها بركه و انصح الكل يجربها فعلا القران شفاء لكل الامراض الحمدلله و الشكر

و يزاج الله خير الجزاءيارب و يرزقج الشفاء

المشاركة الأصلية كتبت بواسطة حبيبي زوزي

الدوحه من كثر التفكير انا اذا رحت مشوار في السياره اذا وصلت المكان الي ابغا احس بدوخه و احس الارض تتحرك من تحتي

انا نفسج احس نفسي مب متوازنه و اترنح يمين و يسار و انا طول الوقت مب بس للسياره خصوصا في اماكن التجمعات
نصحتي اختي قطرات الندا بقراءه سورة البقره كامله كل يوم و بديت من اسبوع اول شي حسيتها صعبه لكن مرت و ضغطت عنفسي و قدرت الحمدلله و الشكر لله احس نفسيتي هدت عن قبل صح الدوخه تروح و ترجع احاوًل ما اعطيها اهتمام

ابدئي بسورة البقره يوميا