تعبت من هالشعور الحقير

تعبت من هالشعور الحقير

السلام عليكم ورحمة الله وبركاته


من آخر مرك كتبت موضوع عن اختلال الآنية وانا حالتي حاله والله
احس من كثر الضيق مب قادره اتكلم ولا اصيح ولا شيء بس اتريا هالايام تمر

قبل كنت ماعرف شو يعني اختلال الانية ويمكن الشعور المزعج هذا في الشهر احسه فيه مره وحده بس
وكان بسيط يستمر لدقايق و كل شي يرد طبيعي
لكن من شهر تقريباً وانا هالشعور ملازمني يومياً

بالبدايه كان بس بعد المغرب فجاءه احس اني في حلم وعقلي فاضي
لكن الحين صار ملازمني طول الوقت
فجاءه اكون بخير وفجاءه يرد

مزعج الشعور ومزعج وااااايد محد يعرف الاحساس الا اللي مجربنه
المشكله تقولون علاجه التجاهل كيف اتجاهل وانا مب حاسه بنفسي ولا بعقلي ؟

حد يشرحلي و يقولي شو اسوي والله العظيم تعبت

وعل الثلج معجب بهذا

المصدر: نفساني

اتاني قبل ايام و فقدت فيه الذاكره قلت هذا زهايمر حق و حقيق و طبعا اكون بقوة معصب بسبب اختلاف وضعي الكبير في حال عيشتي بدونه اكون في وضع ان كل شي تمام بس اذا هاجمني يختلف كل شيء . لكن تجاهليه تقدرين اتجاهليه لانه يوم بيحل و يروح اما لو طول معك راح تجيك مشاعر من أسوء المشاعر و كل ما زادت الايام و اصبحت اسابيع و بالأشهر فما اقول الا استسلمي له لانك ما راح تقدرين تقاومينه ابدا و بالعكس لو قاومتيه بيزيد و يزيد وضعك سوء الحمدلله بس انه كان يجيني ثم يروح و يجي و يروح و ما يبقى فيني للأبد .

مدة الاختلال مختلفة منها بالساعات و منها يوم او اكثر و منها بالأشهر و اطول مدة كانت من كنت صغير كانت بالسنوات ، و ايام الجامعة ، و…و … و حدّها اربعة اشهر فقط .

الله يسلمك منه في العاجل القريب و يبعد قهرك اللي بسبة الاحساس بالغرابة الفضيعة من التبدد و الاختلال .

حياك الله
انا بعطيك التجربه اللي نجحت معي تماماً
اذا جاك الشعور تعامل معه وكأنه مو موجود تعامل وكأنك طبيعي تماماً
اكيد مو من اول مره النتيجه ولكن مع الاستمرار راح تلاحظ انه يقل تدريجياً
ولاتحاول تسترسل معاه او تلتفت له حاول وحاول وحاول صدقني راح تشوف الفرق
قدامك العافيه

مو شرط يكون اختلال الانيه بعض الاحيان يكون جزء من القلق التشخيص من مختص فاهم ضروري

على حسب تجربتي مع اختلال الاينيه
رياضة الجري لمدة 15 دقيقه مره وحده فاليوم
اواليومين تزيلها تماماً
جربووووووووووها باذن لله تفيدكم