يوميات الفضفضه ........

المشاركة الأصلية كتبت بواسطة بن دايم

قالو وش حدك على المر قلت اللي امر منه

بن دايم انت يوم اخذت العلاج النفسي متى تحسنت دوختك

المشاركة الأصلية كتبت بواسطة اوهاااااااااام

1-داعيه كم لها معك الاعراض
2-وكيف جتك
3-هل دوختك دوران او تحسين مثل الثقل بالراس وعيونك ثقيله وماتقدرين تركزين
4-نظرك يتأثر من الشمس او الاضاءه
5-هل تحسين مثل الضباب او الزغلله في النظر
6-هل يصيبك غثيان
7-تشعرين بضيقه نفس
8-صدرك مكتوم
ا9- عندك الم في الجسم
ا10عندك الم في عضلات الصدر والقلب والظهر
11-عندك نغزات في القلب والصدر خفقان بالقلب او الاحساس والشعور بنبضات القلب
12-عندك انتفاخ في البطن
13هل تشعرين بالتعب والكسل
ايش الفحوصات اللي سويتيها بالظبط
ارجو من الدقه بالاجابه
ناطرك

تبيني أزيدك انواع الأعراض اوهام :)
والحمدلله تحسني الان 75٪‏

المشاركة الأصلية كتبت بواسطة داعيه ربها

بن دايم انت يوم اخذت العلاج النفسي متى تحسنت دوختك

اذكر هذيك الأيام كل وقتي منسدح
سويت اشعه في الحبيب قالو مافيك شي
دكتور الإذن قال التهاب إذن وسطى ومانقدر نتأكد
فحطيت في بالي انها إذن وسطى وجالس ازرط من بيتاسيرك
ولايسوي شي في الأخير أخذت علاج التحسن بعد شهرين
وبعد 6 شهور 100٪‏
ولله الحمد

المشاركة الأصلية كتبت بواسطة داعيه ربها

بس كم تستمر الاعراض وهل هي شديده وهل الدكتور اذا طلبت مهدئ يوافق وكيف الطريقه والاسلوب تخلي الدكتور يوافق

مثال لو صرف لك سيبرالكس
الجرعه المطلوبه الممتازة 20
أبدي في 5 لمدة اسبوع
10 لمدة عشره ايام
15 لمدة 15 يوم
بعدها 20
الهدف من التدريج ابعاد الأعراض او تقليلها
اعتقد لو قلتي ان الأعراض تتعبك راح يصرف لك زانكس
-
انا علاجي جرعه 30 بديت على طول 20 اسبوع بعدين 30
انا طلبت من الدكتور لأني ابي العافيه
نعم تعبت اول أسبوعين بالذات لكن لازم أتحمل
انصحك اذا إنتي من الرياض عيادات ميدي كير الدكتور ماهر بغدادي
خبره وطيب وحبيب ويسمع لك زين

المشاركة الأصلية كتبت بواسطة داعيه ربها

ايه سويت اشعه راس رنين مغناطيسي ومقطعيه وكلوسليم ومافي اشعه بجسمي ماسويتها بالنسبه للراس احسه ثقيل وكأنو بطيح على وجهي ويهتز من داخل واحس بهبوط طول الوقت والأعراض الباقيه مثل الخفقان والصدر والخمول كلها تجيني بس بشكل مو مستمر بس انا تركيزي على الراس اكثر شي لانو اذا جاني عرض جديد اقول بسبب الراس

اختي انا كاتبلك بالارقام انسخي وجاوبي على كل فقره
عشان تكون واضحه الاجوبه هل هي مثل اعراضنا ولا تختلف
ارجو كل رقم تحطين الاجابه بعده

المشاركة الأصلية كتبت بواسطة بن دايم

تبيني أزيدك انواع الأعراض اوهام :)
والحمدلله تحسني الان 75٪‏

هلا اخوي بن دايم
انا حددت بالارقام عشان تكون الاسئله والاجوبه واضحه
انا اخذتها من معالج شعبي
واتمنى انت وداعيت ربها تجاوبون واذا فيه اعراض ثانيه تكتبون
بس كل جواب على كل رقم عشان اوضح

المشاركة الأصلية كتبت بواسطة اوهاااااااااام

هلا اخوي بن دايم
انا حددت بالارقام عشان تكون الاسئله والاجوبه واضحه
انا اخذتها من معالج شعبي
واتمنى انت وداعيت ربها تجاوبون واذا فيه اعراض ثانيه تكتبون
بس كل جواب على كل رقم عشان اوضح

أقولك كلها وأكثر

الشعور بالقشعريرة من الرأس الى القدم والتفكير والغازات الموجودة في المعدة وقلة النوم والنغزات المتنقلة في منطقة الصدر

هي الاعراض التي اشعر فيها من وقت الى اخر

بالاضافة الى التدخين

ندعو الله ان يشفينا ويعافينا منها اجمعين

انا اليوم عصببببببت حيل ومن قوة التعصب. راحت كل اعراضي وبس هديت رجعت كل الاعراض

المشاركة الأصلية كتبت بواسطة داعيه ربها

انا اليوم عصببببببت حيل ومن قوة التعصب. راحت كل اعراضي وبس هديت رجعت كل الاعراض

لان وقت الغضب كل التركيز يروح للسبب
فننسى اللي نحسه

المشاركة الأصلية كتبت بواسطة داعيه ربها

انا اليوم عصببببببت حيل ومن قوة التعصب. راحت كل اعراضي وبس هديت رجعت كل الاعراض

اصلا لما تعصبين تحسين مو انتي
تصيرين اقوووى
والاعراض تخف
وبس تهدين ترجع لك
نلعب والله 😅

أنا فاهمة شعور داعية جلست فترة طويلة ماني مقتنعة انه شيء نفسي
كيف نفسي ويسوي كل ذا بالجسم يهد الحيل.
بس فعلاً اقتنعت انه نفسي.

عن نفسي قدرت اتغلب على كل الاعراض المتعلقة بالآلام والدوخة خلاص اذا جتني معد تخوفني واتناساها لين تخف مع ان بين فترة وفترة اضعف قدامها
لكن مشكلتي مع الخوف من الموت مرة مأزمني احس اني بموت وما احب اتكلم بمواضيع مستقبلية اخاف اموت قبل لا الحق عليها
وقبل كل طلعة افكر اني مارح ارجع البيت بيصير لي شيء وهكذا
احاول اتجنب الفكرة واقنع نفسي انه وهم لكن مو قادرة اقتنع كل شوي اقول معقول يعني المرض النفسي سيطر علي لدرجة ما اقدر افكر واتنبأ زي اي انسان طبيعي ويكون هالمرة تبنؤي صح لأنهم يقولون الشخص يحس بقرب اجله.
وبس من فكرة لفكرة صرت انسى كثير وما اركز وما يعجبني او يبسطني شيء

الله يكتب للجميع الشفاء هو على كل شيء قدير.
النقطة الاهم من كل شيء هو اللجوء لله
قبل ماتظهرون احتياجكم للناس وللاطباء اول من تلججأون له هو ربي
سبحان الله راحة عجيبة لما توكل امرك كله لله
الله ارحم فينا من ارحم مخلوق وما يكلفنا فوق طاقتنا ابداً
ما بلاكم ربي فيه الا وجعلكم قادرين على تحمله

يسعد مساءكم


أخبار الجميع إن شاء الله بخير 🌷'
اليوم صحيت من النوم وأحس اني بحلم والواقعية ومو قادرة اركز

نصحني دكتوري اعمل تحليل لفيتامين B وفعلا طلع ناقص عن معدله الطبيعي وهو سبب الدوخه وعدم التركيز والكتمه
وببدى اخذ الحقن كل اسبوع

الحمدلله ❤

فيتامين ب من اهم الفيتامينات ومتعلق كثير بالنفسيه