يا جماعة.........ضاق الحال، وأظلمت الدنيا

......ومريض الرهاب يعالج بالتعرض للمثير بالتدريج.........حتى يصل إلى مرحلة تقبل المثير ويتأقلم معاه.......أنا وللأسف هذا الشئ لا يجدي معي بتاتاً

اختي مطمئنه كلامك صحيح.. ولكن التعرض للمثير مع التدرج لازم يكون مع استخدام الدواء..يعني لازم تستخدمين دواء يعالج المشكله مثل سيروكسات او سيبراليكس .. وعندك الحبه المهدئه الي لازم تستخدمينها وقت الضروره مثل الزانكس او الليكسوتانيل

الله يسهل أخوي السعيد، وزادك الله بصيرة وعلماً
لك من الشكر والدعاء أصدقه

لا لا البنت فيها شيء اكيييد ، انا ارجح وبقوووهـ ، انكي لست مصابه بمرض نفسي ، نتيجة لظغوطات فقط ، اترك التأويل لك وانتي فاهمه وتدرين وش اقصد ، والله العالم وش فيييك ، وتأكدي انك في يوم من الايام وانتي سعييدهـ ومتعافيه مستقبلا ، سووف تتذكرين ماعانيتي ، وتجدين ان العافييه قد انستك ألآآآآمك السابقه ، وماكأنك مرضت قط ، اللهم عجل شفاااائهاا ياااااارب ..

اتعلميييين يامطمئنه ، ان كل الكلام اللي قلتيييه ، مرر علي ، بس مر علي ولله الحمد في السنوات الثلاث الماضييه ، فقد كنت اذهب الى الجامعه واول مادخل المحاضرهـ ، اكتئب وتضيق نفسي ويجيني احساس بالكباء شديييد ، عقبهاا حاولت مره وثنتييين ومية ، أني اتشجع واكمممل الترم بسسسلام ، وماقدررت ، نحشت من الجامعه ، وتركت وظيفتي ، وقعدت ثلاث سنوات في البيت ، بين الياس والكآبه والوسواس ، ولولا الله وتشجيع ابوي والـ/ فافرين ، مادرست هالايام ، .... الحممممد لله على كل شيء ، اللهم لا اعتراض على قدررك ..

اصبري وابتعدي عن التخيييل والتفكيييير السلبي والمبالغة في أحلام اليقظة ، وبادري ، بالاستغفار ، واحمديه على نعمة التي لاتحصى ووكلي امررك كله لله ..

واذا عن الجامعه ، انتسبي والبحث شوفي لك احد يتبناهـ ولا حاولي انهائه قدر استطاعتك ..

واذا عن الهلع < حسبي الله عليييه ، انسية لاتفكرين فيه وابليييس ادحررية ، واشغلي نفسسك طوول الووقت ، واقرئي كتب ولا شي مفيييييد ينسسيك اللي انتي فييييه وعسى الله ان يمن علييك بالشفاااء ، وان يحرصك ويحمييييك من كل شرر يؤذييييك ،

يارب تشفي مطمئنه يارب تشفيها ياااارب ، انك قادر على ذلك ومن لها ولنا سواااااااااك ، افرجها ياقووي ياعززيز لا اله الا انت ، سبحانـك ..

المشاركة الأصلية كتبت بواسطة رائـ .. ـد ..

لا لا البنت فيها شيء اكيييد ، انا ارجح وبقوووهـ ، انكي لست مصابه بمرض نفسي ، نتيجة لظغوطات فقط ، اترك التأويل لك وانتي فاهمه وتدرين وش اقصد ،

أعذرني أخوي ما ادري وش تقصد.....فيدني الله يفيدك

خلها على الله أخوي........وإن شاء الله تفرج عن قريب

بشرنا عنك؟؟؟كيف أمورك؟؟

جزاك الله عني كل خير على وقفتك ومواساتك

يارب أرجوك..........مو قلتلك لا تقرين موضوعي
تفضلي........من غير مطرود
ولا ترى........بيصير إللي قلتلك
جد والله.....لا تضيقين خلقك ويصير اللي بالي بالك

يارب أرجوك.............الله يسعدك ويشرح صدرك
لولا الله ثم وقفتك معاي.....كان ما أدري وش سويت بروحي
أحبك من كل قلبي........

يا اختي مطمئنه ان ملاحظ انك ما تستخدمي اي دواء وهذا شي غلط...الدوا هو العلاج الرئيسي بعد فضل الله عز وجل... مثلا الشخص الي عنده ارتفاع في الضغط ويرفض استخدام الدواء بيصير يعاني كل يوم من مشاكل ومتاعب الضغط ولكنه لما يستخدم الدوا بتتحسن حسن حالته ويصير افضل

فلازم تستخدمي الدواء اختي.. ومثل ما قلتلك افضل الادويه هي السيروكسات او السيبرالكيس
والحبه المهدئه عند الضروره مثل الزانكس او الليكسوتانيل

وتبدئين الدواء بتدريج الممل..واذا بتتركينه ايضا بتدريج الممل

مطمئه يقولون اخر العلاج الكي

استخدمي الادويه مهب ضارك شي على الاقل تخفف المعناة اللي عندك

أخوي السعيد والنجدي........شكر الله لكم
وجزاكم بالخير من واسع فضله

وأسأل الله أن يكتب لنا ولكم الأجر والعافية والرضا

عزيزتي مطمئنه ، انا اقصد بكلامي ، ان تبين لي انك كنتي تعشين في عالمك سعيدهـ ولا تعرضتي لظغوطات من اي جانب لا عائليا ولا اجتماعيا ولا دراسياا ، والله العالم ، انك مرضتي فجئه بسبب ، واتووووقع بنسبة 75% انها اعراض عييين شديده ومن نفس خبيثة ، ويلزمك رقية وعلااااااج ، ويامطمئنه ياغالية وش اللي موقف حالك لييش ماترقين وتاخذين العلاج وش اللي ناقصك بس ، اذا ناقصك مادهـ ، حنا نجيب لك الدواء ، نحن اخوان في هذا المنتدى ، ومعك قلبآ وقآلبآ ، انا ادلك على افضل علاج واذا انتي في الرياض ارسله لك وكذلك اذا كنتي برى الرياض ، وادلك على افضل راقيات في الرياض ، يامطمئنه أنا ودي اقولك قصه ، بس مالها داعي كل شوي بكتب لك قصة تصبرك على نفسك والقصد اني ودي ارفع من معنوياتك والقصص هاذي كلها اسرار عائليييه ، واتحفظ عليها ولا اريد ان يقرأها الزوار ، اتمنى من الادارهـ ان تغلق الموضوع عن الزوار ، وان شاء الله الفررررج قرررررررريب بأذن الله ، وعن سؤالك بحالي ، فأنا الحمد لله منييييح امشي شوي وارجع اطيييح .. الله يلعن الدخااان ، عجزززت فيييه ، صااارت عادة وطبيعه متأصلة فيني ترتبط في كل شيء فيني ، الله يشفيييينا ويرفع عنى بلوانا ويغفر لنا ويرحمنا انه قرريب مجيب رحيم ، ولاحوول ولاقوة الا بالله ..

الى: آخوي سعيد ، انا ملاحظ عليك للمرهـ الثالثة تكرر دواء ( الزانكس ) او ( الزينكس ) ، ياخوي هذا دواء يسبب الادمان لدى معظم الناس ولو كان عند اللزوم فان بعض الناس يدمن عليه ويصبح المرض مرضان مرض نفسي ومرض ادمان مادهـ ، وانا احذر الاخوهـ الاعضاء والله على ما أقول شهيد ، احذروا الادوية التي تسبب الادمان ، فهي لاتستخدم الى لحالات استثنائيه كـ( ادمان الكبتاجون ، والكحول ، والافيون ، والهرويين والكوكايين ) التي ينتج عنها اضرار جسيمة للمخ والاعصاب وتلف في العقل وتصرف لتهدئة حالات التهيج والشعور المستمر بالعظمة والفصام وحالات النشوهـ والانسحاب للهرويين كفانا الله شرهـ ، واتمنى من الادارهـ الموقرهـ ، اداريين ومشرفيين ، اذا كان في كلامي خطأ أو لبس ، ان يعدلوا مشاركتي او يلغونهاا ..

ووفقكم الله لما يحبة ويرضآهـ ..

اخوي رائد كلامك صحيح الزانكس والحبه المهدئه تسبب ادمان اذا واحد بالغ في استخدامها مثلا لو استخدم 3 او اربع حبات يوميا لمدة 3 او اربع شهور متواصله..اما الاستخدام عند الضروره فقط فما يسبب الادمان

وانا ما الومك يا اخي العزيز رائد في كلامك لان احنا احيانا نبالغ ونهول في نظرتنا للادويه ..لكن لو فهمنا الادويه صح ونظرنا لها نظره سليمه واستخدمناها بشكل سليم فباذن الله ما راح يكون لها اي ضرر

انا استخدم الزانكس وهو حبه مهدئه من اكثر من 10 سنوات من بدا يجيني الهلع والقلق والحمدالله ما حصلي اي تعود ابدا..لاني استخدمه بالشكل الصحيح عند الضروره فقط... وعند الضروره يعني ممكن اقعد شهر او شهرين او ثلاثه او اربعه ما استخدم اي حبه ابدا.. وممكن خلال اسبوع استخدم 3 او اربع حبات..و هذا الاستخدام ما يسبب اي تعود ابدا وماله اي اضرار باذن الله

فالواحد اذا جته نوبه هلع خفيفه او متوسطه ممكن يتحملها..ولكن اذا كانت نوبه هلع او تعب نفسي شديد جدا لا يحتمل ممكن ياخذ حبه من المهدئ..وايضا الواحد لما يبدا في استخدام الدواء المعالج مثل السيروكسات او سيبراليكس او غيرها اول اسبوعين بيحس باعراض متعبه منها قلق وتوتر فلازم يستخدم الحبه المهدئه خلال الاسبوعين الاولى عشان تخف الاعراض

وهذا الكلام ياخي مو كلام شخصي مني انا هذا كلام اغلب الاطباء الي راجعت عندهم

أخوي رائد......لك من الشكر والدعاء أصدقه

أخوي فعلاً تشخيصك صحيح.....أنا بين ليلة وضحاها تبدلت علي الدنيا.....تدري من ذيك الليلة اللي جاني فيها الهلع وأنا أحس نفسي إلى الآن عايشة بكابوس راح أصحى منه بيوم من الأيان بإذن الله.......صحيح إن جاهدت وقاومت وحاولت أمشي دراستي وأموري.........لكن يعلم الله اني أعاني أشد المعاناة في كل أموري......كل شئ أسويه وأخطط له يفسد علي...حياتي كلها أعبر عنها في ثلاث جمل (خوف- توتر- قلق)........خلها على الله

أخوي أنا لو بعدلك كم طبيب رحته وكم معالج تعالجت معاه......بتقول هذي تبالغ

طيلة ثمان سنوات صرت (فار تجارب) كل مين يطبق علي طريقته في العلاج السلوكي....و أللف على الدكاترة...... اللي يحاول يقنعني أخذ دواء واللي..... يهاوشني....واللي يطردني ويقول مالك علاج إلا بالدواء........وأخرتها المعالج اللي تعالجت معاه 4 جلسات قبل شهر طردني من أسبوعين قالي يا تطبقين اللي أقولك عليه ولا تناقشين ولا توكلي على الله مالك علاج إلا الدواء.........كله من فلسفتي الزايدة و فوبيا الأدوية اللي موجوده عندي، يا أخوي من الخبرة صرت أدخل على الدكاترة....وأحط رجل على رجل وأجلس أشخص حالتي وأقترح افضل دواء لي وأناقش بالآثار الجانبية للدواء........وأقعد أترادد انا والدكتور.....وأخرتها يصرفون لي علاج وأتوكل على الله..........بعذرهم يقولون هذي ما فيه إلا العافية جاية تتفلسف بس....... لا أنا فاهمة نفسي ولا قادرة أفهم غيري.......ربك كريم هو العالم بالحال

بالنسبة للرقية أخوي أنا ما اقدر أروح شيخ و أطلع من البيت من الهلع اللي عندي واللي زاد في الفترة الأخيرة رهاب الساح، وبيني وبينك أخاف من المشايخ اللي يرقون عشان كذا......أحاول أرقي نفسي

الله يشفيني وإياك وجميع مرضى المسلمين

كيفك مع التدخين بديت تخفف طيب؟؟؟؟؟؟

أخوي السعيد.......بارك الله فيك ونفع بك
وفعلاً كلامك صحيح.........ونفس الشئ توافقك عليه أختي يارب ارجوك
بس أخوي أنا سمعت أنه مع الوقت.......لازم الواحد يزيد الجرعة لأن الجسم يتعود على الدواء........فهل أضطريت لذلك؟؟؟؟
لعلي أحاول أقنع نفسي لو اخذ مهدئ بس......الله يعين

الله يسلمك على إفادتك ونفعك للأخرين ويجعل كل ذلك في ميزان حسناتك

صدقيني يا مطمئنة انتي اقوى من ما تضني

حاولي ان تشفيك قوتك

من كلامك وعند لمسي لصفاتك وجدتكي قوية


الله يشفيكي ويشفي جميع المسلمين