الله يخليكم رجيتكم تدخلون محتاجتكم بعد ربي

المشاركة الأصلية كتبت بواسطة بوح الجرووووح

وهالبوتاسيوم العالي ماقالو لك شنو علاجه؟

والله انك ذكرتيني ايام عذابي انا كنت اسوأ منك والله ان النفس يوقف وانا نايمه .ومدحو لي ناس مستشفى بأمريكا اسمها

(برجهام اند ومنز) في بوسطن ماخليت شي ماسويته للقلب هولتر وسونا وباالمجهود حتى النووي اللي هي (بيتا سكان )مشطو لي

شرايين القلب كلها سليمه .والله ماشفيت لا على الحجامه انصحك فيها ياقلبي بكره الاثنين 21 هجري وشوفي اذا ما طبتي واول شي تحسين خفه بالراس وبتدعين لي.وتقولين بوح قالت

لا حبيبتي طلع خطا من المختبر البوتاسيوم نسبته عاديه والحمدلله مش مرتفعه ابداااااااااا
رجعوا سوووا لي التحليل مره ثانيه وقالوا لي كل شي سليم

بالنسبه لج انتي كنتي تعاني من دقات القلب ؟؟

المشاركة الأصلية كتبت بواسطة بندق

السلام عليكم أختي الكريمة....

طبعا ماعندي تعليق على قصة حبات البندول إلا إني أنصحك بالإستغفار وعدم التكرار

أما بالنسبة للأعراض التي ذكرتيها (الام الكتف الايسر والذراع اليسرى بالكامل والجهة اليسرى من الصدر ناحية القلب والرجل اليسرى)كلها عندي أنا صار لي سنتين وشهر مهلوع مرت علي أعراض كثيرة وغريبة تجي وتروح إلا هذي إذا جاءت يجي معاها الخوف والضيقة بالصدر وضيق التنفس وكأن ماني قادر أملئ صدري بالهواء أو حتى ماني قادر أسحبه من أنفي أو من الفم ضيقة غريبة أستمرت وياي ماتنقطع تخف بس ماتروح ساعات وطبعا هي عبارة عن شد أكثر منها آلام يعني الواحد يحس إن عضلاته شادة حتى لو كانت مرتخية بس يحس إن متيبس وهذا من شد العصب أنا كانت تجيني معاها رجفة وعدم قدرة على التركيز وخوف وبالنسبة للبكاء إنت بنت أنا أبو عيال عمري 39 سنة أبكي مثل الطفل أول الايام حاس بالنهاية وطول الوقت أفكر بالموت والأحلام بشعة وحتى الأحلام العادية أفسرها على أساس إنها إشارات وعلامات ماقبل الموت هذه أصعب تجربة عشتها بحياتي الله يحفضنا ويحفضكم منها ومن أمثالها ومن كل شر وللحين ماني قادر أتخلص من الوسواس سنتين ماخليت فحص ماسويته قبل 3 أيام رايح مسوي تخطيط تحت المجهود وسونار قلب وتحاليل وماكو شئ لله الحمد والمنة بس الكوليسترول مرتفع ورجعت للعلاج واليوم رجع الوسواس ورحت للطبيب قلب ثاني سويت عنده تخطيط طبعا ضغط الدم يلعب مرة عادي وملرة مرتفع سويت كل الفحوصات والطبيب يقول لي هذا من التوتر مو ضغط ويارب يكون كلامه صحيح لاني كثير أقيسه والاقيه مرتفع بس يرد ينزل بعد 10 دقائق المهم مااطول عليك هذا الشد اللي يكون في الجهة اليسرى من الجسم ساعات يجي بالجهة اليمين بس يكون أخف يعني ماتكون في ضيقة أو ضيق تنفس مثل الشد في الجهة الشمال وطبعا ثقل الرأس والأحساس أن راسي كأنه مليان هواء والأذن مسكرة وأعراض وايد ماتحضرني وخدور الرجل والتنميل الخ لاتخافين توكلي على الله وروحي لطبيب نفساني لأن اللي فيك واضح إنه توتر وقلق
وهذا إن شاء الله تطهير من الذنوب والمؤمن مصاب وأسأل الله لك ولنا ولجميع مرضى المسلمين شفاءا عاجلا لايغادر سقما وطول عمر وحسن عمل إنه ولي ذلك والقادر عليه .
تحياتي...

اخوي بندق ...

انا صرت احس ان رجلي اليسار منتفخه يا خوي ... ما ادري هي منتفخه ولا عيني ويتراوالي ... وايدي اليسار منتفخه شوي ..

اليوم قمت من النوم حاسه تحت عيني اليسار يوجعني شوي وكأنه منتفخ بعد تحت العين ما ادري ليش ... يااااااااارب رحمتك انا خايفه كثير خاااااايفه

أختي الكريمة...


كل ما تشكين منه شيء نفسي,والنفس تأثيرها عظيم على الجسد,والمرض النفسي أحياناً يجعل الإنسان يتخيل أمراض الدنيا جميعها لديه..استعيني بالله وهدئي من روعك واسترخي واعملي تمارين التنفس مع المشي كل يوم نص ساعة في الهواء الطلق فإن خفت الأعراض لديكِ وإلا راجعي طبيب نفسي,ولا تتعبي نفسك بكثرة الفحوصات....القولون العصبي قد يسبب خفقان..وارتخاء الصمام لا يبين الا عند التعب الشديد فيأتي على شكل خفقان وآلام بالصدر . وكما ذكر الطبيب فهو أمر شائع وبسيط...


كما أنصحكِ بعدم تكرار ما فعلتِ بأي حال من الأحوال , واحمدي الله على السلامة..