|
|
||||||||||
ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
|
أدوات الموضوع |
26-06-2018, 12:49 AM | #16 |
( عضو دائم ولديه حصانه )
بنت الكرام |
صبري بالنسبة للمحافظة على الصلاة ما يحتاج لها تخطيط و سبب ، انت من يوم تسمع الأذان افرش سجادتك و صل
و اللي يفوتك منها بسبب نوم اقضه و خلاص ترى الامور سهالات المشكلة كلها في إنك تشيل همها و تخطط و تنتظر سبب حتى تصلي و تنتظر نتائج الصلاة يكفي إنك إذا صليت تتصل بربك و تحس إنك أديت اللي عليك تجاهه و يرتاح ضميرك لأن من الأمور اللي تتعب الواحد نفسيا من غير ما يدري هو وخز الضمير اللي ينغص عليه حياته |
|
26-06-2018, 01:02 AM | #17 |
( عضو دائم ولديه حصانه )
بنت الكرام |
صبري مو ضروري تتناول علاج نفسي دام الأدوية ما ناسبتك ، ما هو شرط تناسب كل الناس
لكن ودي إنك تجرب العلاج السلوكي مع متخصص فاهم أمين تثق فيه و ترتاح حتى تستجيب للبرامج و الأفكار اللي يفيدك بها . و بالنسبة لبكاء الرجل ترى ما فيها شي ، الرسول صلى الله عليه و سلم فاضت عيناه بالدموع يوم وفاة ابنه . هذي سموم لابد يتم التخلص منها بالدموع و الا اعوذ بالله تسبب أمراض الواحد في غنى عنها . بالعكس الرجل اللي تفيض عيونه بالدموع هذا مميز برقة الإحساس و الضمير الحي يعني رجل يعتمد عليه و ما ينخاف منه . |
|
26-06-2018, 04:25 AM | #18 |
( عضو دائم ولديه حصانه )
كان بالإمكان أفضل من ماكان
|
بن دايم
أنا قطعت الدواء ٣ ايام بدون تدرج وشاك أن هالحساسيه الزائده منه وبعدين ماعتقد في مكتئب ايجابي أنا سالتك قبل قلت كيف انت تركت الادويه وايش كان علاجك وهل حسيت باعراض وقت الترك يعني ابي تكتبلي بالضبط الوضع لان مابي ارجع للحبوب |
|
26-06-2018, 04:36 AM | #19 |
( عضو دائم ولديه حصانه )
كان بالإمكان أفضل من ماكان
|
عيون انا تارك الادويه لي ٣ او ٤ ايام وشاك أن أعراض انسحاب الحبوب لأنها تجيبك للأرض كذا تنزل عليك غمه وتحس مزاجك هبط دبل الدبل وحزن شديد اذا مؤقته كم يوم ممكن اتحمل لاكن زياده بنهار
احين انتي تبين ربط شوش يعني تبين هوشه مع احد؟ انا ماقدر احين مزاجي مايساعد على الهواش 🤕 يعني لو ترابطت معاك بتغلبيني خنشوف وحده عصبيه عشان تشتركين معاها عشان تصير حفله |
|
26-06-2018, 06:29 AM | #20 |
( عضو دائم ولديه حصانه )
كان بالإمكان أفضل من ماكان
|
عيون بصراحه لما تصلين تحسين براحه نفسيه ؟تحسين كذا سلام داخلي تحسين أن امورك تتسهل ؟ طيب كيف هل تستغفرين كثير تصلين عالنبي كثير قوليلي جدولك اليومي العباده
طيب تتوقعي ليه انا اتعب لما اصلي واحس يزيد التعب علما اني من سنوات كنت قاطع أو مش منتضم بشكل كبير وصدقيني بموت ابي احافظ على الصلاه بس لما اصلي فرضين احس بنهلك علما أن فيني شي روحي والاقرب عين. حسد لاني لما اوقات اصلي واقرا قران اتثاوب ودموووع تنزل على طول وقريت أن هذا اهم عرض العين والحسد أنا احس لو حافظت على الصلاه بيتغير اشياء كثير بس البعض هنا يقول مالها .دخل لا وشوفي لما اصلي فرضين وزياده يجيني شي داخلي يقولي شفت هذا انت صليت تحسنت؟ الا تعبت زياده لاتتعب نفسك وازعل واوقف شوفي كيف انا متاكد ان روح فداخلي تقول كذا سوا شيطان أو عارض متحكمه فيني واقوى |
|
26-06-2018, 09:24 AM | #21 |
( عضو دائم ولديه حصانه )
بنت الكرام |
هلا بك صبري و سلامة مزاجك
صبري الصلاة سبحان الله راحة لأنك تكلم اللي يحبك و يحن عليك و يلبي مطاليبك ، الواحد مرات في عز كدره و ضيقه يطالع الساعة حتى يشوف وقت الصلاة حان او لم يحن ، و إذا لم يحن يقوم يصلي ركعتين يناجي فيها حبيبه اللي ما أحد يفهمه غيره انت حاول تخشع حتى تحس بلذتها و تطمئن و تشعر بقرب ربك منك شوف أنا مقدرة إن اللي فيك قد يكون عارض روحي من حسد أو غيره هو اللي يمنعك تصلي ، بس مو معناه تترك نفسك و تلقى لك عذر ، انت بالبداية هيء أجواء الخشوع : مكان هادئ ، اضاءته خافتة ، الروائح الجميلة من حولك و استحضر إن ربك اللي ما يخيب رجاك قدامك بهيبته بجلال وجهه و عظيم سلطانه ، هذا شي الشي الثاني حتى يبعد عنك أذى الشيطان اللي يبي يبكي لو شاف المسلم يصلي خلك على وضوء طوال الوقت و الزم ذكر الله بلسانك حتى تحفك الملائكة و يطمئن قلبك ، لأن ذكر الله لوحده علاج . أنا دارية صبري إن مو معجبك وضعك و لو مو الخير اللي فيك ما كان تضايقت للدرجة ذي و ودك إن ربي يرضى عنك و هذي خطوة جدا كبيرة و ربي يبي يفرح بك و يرحب فيك و يعينك و ما راح يخذلك .. و اللي يقلك شفت تراك ما تحسنت تراه إبليس ادحره زيادة و واصل تلقاه بعد فترة يبي يمل و ينصرف عنك . انت الآن واظب على الصلاة و اذكار الصباح و المساء و الدعاء ، ادع ربك يبصرك و يقربك منه ، ألح في الدعاء طوال الوقت ، كل ما يقربك من ربك افعله ، و ياليت تشوف موضوع العلاج السلوكي بعد الاستخارة في أسرع وقت . و لي عودة بإذن الله |
|
26-06-2018, 11:18 AM | #22 |
عـضو أسـاسـي
|
صبري تدري وش اول واهم اسباب الاكتئاب ؟ جلد الذات وتحقير النفس الله سبحانه كرم الانسان مهما كان عقله ولونه واصله وحسبه ونسبه وعقله واحنا نجي نحقر من انفسنا ؟ احنا مشكلتنا منا وفينا بتقول انا ماسويت اي شي بالحياه زين طيب انا معاك بس ممكن اسألك عن وضعك الاجتماعي ؟ المادي ؟ يعني هل انت متزوج هل تعيش مع اهلك والا وحيد هل مكتفي ماديا ؟ انت تجي هنا زعلان من كل شي من الرب والحياه والدين ومن نفسك .والله سبحانه اوامره واضحه احسن الظن فيه يعطيك على حسن ظنك لكن انت كاره كل شي .
كيف تبغى تتشافى وانت اصلا مو عارف تساعد نفسك ؟ انا ما الومك ابدا اكيد انك موجوع ومابيدك حيله لكن استشير يا اخي تقطع الدواء فجأه تقعد كم يوم بدون اكل افكارك السلبيه تسبق كل الافكار الايجابيه . اذا كنت تبي تنزل وزن ياخي روح لمركز متخصص يسوي نظام غذائي صحي مو بمزاجك تقعد على كيكه وبعدين تقول تعبان . طفشت من الدواء روح لطبيب متمكن استشيره واعرض عليه كل متاعبك ومساويء الدواء لكن انت ماخذها لعب بلعب . قسيت عليك لكن حاول تغير بنفسك عشان ربي يعدل الحال |
|
26-06-2018, 12:19 PM | #24 |
عضـو مُـبـدع
|
كل اللي اقدر اقوله يا صبري انه ربي يحبك
يحبك جدا ربي سبب اسباب احتياجك له لا تزيد في الجفاء انت و تبعد انت محتاج لربي و ربي يحبك و انت انسان طيب بس صبرك قليل |
|
26-06-2018, 01:30 PM | #25 |
( عضو دائم ولديه حصانه )
كان بالإمكان أفضل من ماكان
|
عيون
والله اني من امنياتي اني احافظ على الصلاه وتكون سهله علي لان هذا الصح واتمنى أن تتحقق الامنيه اقرب وقت وبعدين انا قريت انك ودك تاخذين حبوب مب صاحيه ؟ ياخي انا مقهور منكم انتي وقطرات الندا انتو مفروض ماتاخذون ادويه الي يصلي ويحافظ على صلاته وعلاقته بربه براي مايحتاج ادويه اكتئاب شوفيني انا وانا مقصر مابي كيف انتو ماشاء الله لاتاخذين اذا بغيتي رايي والقرار الاول والاخير لك الله يجزاك خير على هالكلام الإيجابي والحلو نصائح من ذهب على قولهم |
|
26-06-2018, 01:49 PM | #26 |
( عضو دائم ولديه حصانه )
كان بالإمكان أفضل من ماكان
|
قطرات الندا
نورتي الموضوع من البدايه ودي تشاريكنا خبريني مع البنرتلكس كيف الوضع انا انصحك اذا انتي مرتاحه انك ماتزيدي الجرعه لاني مجربه وزدت ل١٠ و٢٠ حتا كان غثيان مش طبيعي بالنسبه لجلد الذات مستحيل تشوفي انسان طبيعي مايعاني من شي يجلد ذاته أو يحقرها مستحييل الوحيد الي يسوي كذا المصاب باكتئاب ويكون شديد ومزمن ووضعي الاجتماعي مزود الطين بله ومابي اتكلم عنه بس انا اكتشفت أن الي وضعه الاجتماعي تمام يكون غير الوضع والدليل هنا بالمنتدى وانا مومتزوج اعزب واعتقد المتزوج وضعه اسهل بكثير أما انا وحداني |
التعديل الأخير تم بواسطة صبري ; 26-06-2018 الساعة 02:03 PM
|
26-06-2018, 02:13 PM | #27 |
( عضو دائم ولديه حصانه )
كان بالإمكان أفضل من ماكان
|
هبه الرحمن
ايه كنت أصلي وانا صغير بس مدري شلي غير من العارض أو مادري لان بدايه معاناتي عمر ١٦ والان ٣٤ عمر اه بس بعدين الي يحب ياهبه يريح الي يحبه . مش يعذبه ويزيد في تعذيبه انا زعلان على حالي كان مفروض احسن من كذا لو ربي يحبني كان ماصار حالي كذا انتو بس بالمنتدى ماشفتو الواقع الواقع ادمر من الي أكتبه المصاب جلل وماحب اكتب تفاصيل |
|
26-06-2018, 02:26 PM | #28 | |
عضـو مُـبـدع
|
اقتباس:
و جوابا على سؤالك عن الصلاة قال تعالى " و استعينوا بالصبر و الصلاة " و اعذرني ان سألتك عن تفاصيل خاصه |
|
|
26-06-2018, 02:31 PM | #29 |
( عضو دائم ولديه حصانه )
كان بالإمكان أفضل من ماكان
|
اليوم صليت وبدا التعب يزيد يلله احين كيف استمر قسم بالله احس زاد تكدر المزاج وضيق الصدر
تصدقون انا مالي جزا الا الجنه على صبري على هالكوارث من كثره الصبر سميت روحي صبري وام كلثوم تقول انما للصبر حدوووود |
|
26-06-2018, 04:51 PM | #30 |
عـضو أسـاسـي
|
صبري انا سألتك عن وضعك الاجتماعي مو لقافه انا سألتك عشان اقدر افهم نوعية المعاناه بس .
انا اصلي واصوم واخاف ربي واخاف ان اظلم مخلوق لكني بشر واتعرض مثل غيري للمرض والحمدلله راضيه بما قسمه لي ربي لأني متأكده ان بعد كل عسر يسر جميل . المرض النفسي اضطراب يصيب جزء من الجسد ومبار العلماء ما صنعو الادويه عبث انا من اخذت البرنتلكس بفضل الله ابتديت اشعر بطبيعتي وحياتي قبل المرض صحيح مارجعت زي اول بس عندي امل اني راح اتحسن كل يوم افضل عن اليوم اللي قبله . خفت الدوخه لله الحمد والمنه وهذا اهم شي عندي ابتديت اطلع من البيت صرت انام نومه مريحه يارب لك الحمد . والخير جاي بحول الله وقوته اسأل الله العظيم ان يفتح لك باب فرج من حيث لاتحتسب هذا اللي اقوله وبس |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|