الحمد لله رب العالمين تشافيت من نوبات الهلع ووسواس الموت

اخوي رجل ضد الهلع
انا مريت نفس مشكلتك وعانيت من هذا المرض سنين وانا اتفهم مشكلتك لاني من نفس المشكلة
بالعكس ياخي اسال ولا تنحرج اي سؤال اسال اقولك انا احب اساعدكم كل اللي في نفساني

بيض الله وجهك اخوى وماقصرت انا ما اخاف من الموت الحمدالله تخلصت من هالمشكله بس كان الخوف من الجنون حسيت انى وصلت لهالمرحله والله بس الحمدالله انا الكل قالى اخذ علاج وانا رفضت قلت ببعون الله بتشافا من غيره والى خلانى ما اخذ قاعد اشوف اغلب الى ياخذون علاج للحين فيهم النوبه ويعانون من الادويه
انا ياخوى الحمدالله اعتقد انى وصلت مع هالمرض الى اعلى الهرم والحين في نزول الله يعينه عليه

واحب اقول انا قاعد اطلع وماعندى مكان محدد اخاف منه سوى التفكير فقط قبل ما كنت اقدر اصلى بس كسرت كل هالاشياء صلاة الجمعه بالنسبه لى كانى رايح حرب مو صلاة فى مسجد بس قاومت كان ودى انحاش من الصلاة بس قلت اذا بموت او بيصير فينى شى بموت فالمسجد احلى موته والحمدالله الحين كل شى كسرته باذن الله بس هالافكار الملعونه الله يشافينا منها يارب

ماشاء الله اخوي هذى بوادر الشفاء من هذا المرض باذن الله عزوجل
انا كنت مثلك اخر الشفاء هو كيف تسيطر عليها بس
الحمد لله ان تقول انك قدرت تصلي الجمعة بس الاستمرار اخوي والدعاء لله عزوجل بقلب خاشع منيب
الله يشفينا ويشفي المسلمين والمسلمات يارب العالمين

والله يا أخي انا كذلك بس بدون مايمديني افكر كمثال في اي شيء اخاف منه يعني اقوم من النوم وانا مرعوبه فيني الحاله هذي وحاول ابعدها عن نفسي وما قدر اخذ القرآن وماقدر استغفرالله وبرضوا الحاله تخنقني وبدي اهرب من البيت ومن العالم كله واحس اني امشي مو على الارض ما ادري احسس غريب فضيع مؤلم للغايه

والحمدلله على كل حال
والحمدلله على سلامتك أخي

الله يشفينا ويشفيكم والمسلمين والمسلمات
ومشكور على المرور

اخوى خبير اهلا فيك ممكن سؤال

صحيح الإنسان هو الوحيد اللي يستطيع إن يخلص نفسه مع القوة والإصرار نستطيع أن نتغلب على كل اللي فينا


تحياتي / معاااناة سابقة

بارك الله فيك اخي خبير فعلا موضوعك رائع ان شاء الله اخواننا يستفيدون من تجربتك و ان شاء الله اكون منهم
الله يشفينا و يطول اعمارنا و يعيننا على ملئها بالاعمال الصالحات يا رب

مشكورين على مروركم
رجل ضد الهلع اسئل ولا تتردد

المشاركة الأصلية كتبت بواسطة خبير

مشكورين على مروركم
رجل ضد الهلع اسئل ولا تتردد

لا فيك اخوى خبير وشكرا على تعاونك
سؤالى
اخوى انا تجينى حالات توتر شديد واعصابى تشد حيييييييييل وخصوصا الاصابع مع فرك اليدين وانا احاتى والله لايصير تشنج ولا شى خطير انت مرت عليك هالحاله يعنى طبيعى ولا مو من ضمن الهلع لانه عندى قلق عام وخوف من المرض بشكل كبير

يرفع للتصويت .......

التوكل على الله رب العالمين

المشاركة الأصلية كتبت بواسطة خبير

بسم الله الرحمن الرحيم
السلام عليكم ورحمة الله وبركاته

القصة كاملة
انا شاب في 28 سنة من العمر اجتماعي - احب الضحك والطلعات البر - خلصت الجامعة بكالوريوس ادارة الاعمال - متزوج - الحالة الاجتماعية ممتازة - موظف حكومي.
بداية قصتي بتاريخ 7/1/2008م سمعت خبر وفاة صديق بحادث سيارة( الله يرحمه) وجلست مايقارب اسبوع الثاني الا خبر وفاة من الجماعة حادث سيارة ( الله يرحمة ) بعدين أسحوذت فكرة الموت على افكر وافكر وافكر حتى في يوم من الايام وانا مستلقي على السرير في بيتنا هاجمتني نوبات الهلع وذهبت الى المستشفي واعمل فحوصات كاملة وانا خايف خوف شديد اني بموت في هذه اللحظة وبعد مرور ساعة ونصف الا ارجع طبيعي بس الوسواس الموت والقلق الزائد معي ما يفارقني شكيت وش السالفة هذه النوبات تعرق شديد رعشة الاطراف الاحساس بانني في حلم تغييرات غير طبيعية واستمريت على التفكير والقلق والوسواس ينهش في راسي استسلمت للوسواس وبعد اسبوعين اقوم من النوم دقات قلبي سريعة وقوية والله اني اسمعها من قوتها خفت بداء الخوف يدخل على جانئ ارق فظيع يااخواني والله اني كنت اسهر اللين الفجر خوف وارهاق وتعب والتعرق والرعشة والبرود ماذا افعل ياربي رحت لاقرب مستشفي وانا لا اعلم بهذا المرض المخيف بعدين قلت انا ماني طبيعي لازم ارقي نفسي عند شيخ اخذت الرقية الشرعية كل يوم لمدة اسبوع بعدين تحسنت كثير بس بعد اسبوعين الا الهجوم المفاجئ نصحني اخواني والدكتور بمراجعة الطبيب النفسي أخذت البروزاك سنة ثم تركته بدون تحسن ثم اخذت السبرالكس 6 شهور وكذلك بدون تحسن اخذت الادوية النفسية وبدون فايدة احترت وين العلاج دخلت منتديات نفساني نوبات الهلع ابحث عن العلاج المناسب والم اجدة قلت اراجع الطبيب البروفيسور طارق الحبيب بمركز مطمئنة الطبي بالرياض اخذت الموعد واخذت الادوية وقابلته شخصياً الساعة 7 مساءً قبل سنة تقريباً قالي بالحرف الواحد لابد علاج سلوكي مكثف بدون ادوية نفسية ابداً قلت انا مستمر على البروزاك قال اتركه تدريجياً لمدة 3 شهور الله يجزاه بالجنة اعطاني ارشادات نفسية وعلمني سلوكيات وطريقة التفكير استمريت على العلاج المعرفي وانا اراجع الدكتور طارق الحبيب قابلت رجل مسن قال ياولدي عليك بالارشادات وهي:
1- الصلاة مع تكبيرة الاحرام.
2- الدعاء بطول العمر على طاعته.
3- قيام الليل بسورة البقرة لمدة 40 يوم.
4- صلة الارحام جميعهم.
5- بر الوالدين.
6- زيت زيتون مقرئ يدهن بالجسم.
7- التلبينة (شعير - عسل - حليب) تشرب كل عصر بعد الصلاة لمدة 40 يوم.
8- شراء mp3 القران كامل اوقات الدوام والعصر والمغرب.
9- ماء زمزم مقرئ
قلت بروح اقابل الدكتور طارق الحبيب اعطاني الدكتور ارشادات نفسية وحولني لدكتور رضاء استمريت شهر قلت ليه ما اجرب كلام الرجل المسن وبالفعل ياخوان تركت الادوية النفسية والتجاءت الى ربي لا اله الا هو سبحانه .
طبقت اللي قاله لمدة 21 يوم حسيت ان نوبات الهلع شديدة بس انا اعاكس الوسواس قال لا تروح بالسيارة اروح بسيارة قال لا تطلع لمكة لحالي اطلع لمكة لحالي اذا قال شئ اعكسه تماماً .بس الحمد لله بعد 32 يوم خفت والله اني رجعت مثل اول الحمد لله بعد 3 سنوات من المرض نوبات الهلع لان الشافي هو الله سبحانه.
اما نوبات الهلع خفت تماماً لماذا لاني وقت فراغ مليان وليس عندي وقت اضيعه في نوبات هلع سخيفة والله اني ندمان من 3 سنوات اللي راحت من حياتي خوف وتعب وسواس وقلق وكلها من الشيطان. لازم نحارب نوبات الهلع ليه لماذا نحن جبناء لماذا نخاف لماذا الفزع كلها اللعاب شيطانية علشان يوقفك عن ذكر الله اكثروا من الاستغفار اكثروا من الدعاء ذهبت سنين من اعمارنا هباء منثور ولم نستطيع انجاز عمل في حياتنا الخوف من الموت نحن المسلمين ابناء المسلمين اتباع سيدنا الشجاع المقدام القوي نبينا محمد صلي الله عليه وسلم . اهكذا علمنا ديننا ونبينا اهكذا نحن المسلمين نوحد الله عزوجل ونقوم باتباع اوامرة واجتناب نواهيه. ايعقل هذا ابداؤا بصفحة جديدة وبقلب شجاع مؤمن قوي لا تخاف في الله لومة لائم لا تستمع الى نفسك لا تنصت الى عقلك لا تستحوذ عليك افكار لا صحة فيها ولا برهان، عش حياتك مع الله اقلب الامور راساً على عقب . اعمل بجد ومثابرة ، لماذا تموت نفسك اكثر من مرة . هل تعلم ان الموت موته واحدة فلماذا الخوف؟ هل تعلم ان الرزق والموت والحياة بيد ملكوت السموات والارض ؟
اسال نفسك هل انت تعلم متي تموت ؟ طبعاً لا
فلماذا الخوف.
هل تستمر على الوساوس الشيطانية ؟ ام تقوم بحربها بتوكل على الله الحي القيوم
لماذا لم تسال نفسك ؟ لماذا انا اخاف من بين ملايين البشر؟ هل عرفت الاجابه طبعاً لا
انا اقولك الاجابه فكرة الموت ونوبات الهلع في البشرية اجمع هل تعلم ان الفرد في حياته يصاب بنوبه هلع فمنهم من تمر عليه بسلام ولا يلقي لها بال. ومنهم وانا معكم كذلك من يفكر ويخاف ويتسال ويتعب لقد وجدت النوبه الهلع المكان المناسب لها هذه موطنها في نفسك ونفسي التربه الخصبه لنوبات الهلع.
ابدأ بعزيمه صادقة وقلب قوي بالايمان وتوكل على الله واترك منك الوساوس والقلق والمخاوف الشيطانية.
انا اسف اذا شديت في كلامي بس والله اني احبكم في الله جميعاً
اللحين خلاص ما افكر بالموت الا الموعظة ولا اقلق ولا اتعب الحمد لله رب العالمين والنوم عندي الحمد لله رب العالمين انام بدري واصحاء بدري واروح لوحدي بدون اصدقاء ورجعت مثل اول الحمد لله رب العالمين بس لازم الصبر لانه مفتاح الفرج ولا تيأس ولا تقنط من رحمة الله.

اي سؤال او استفسار انا حاضر
تحيات خبير نفسي

السلام عليكم أخوي
أنا مثل الغريق اللي يشوف النجاة قدامه ومابقى له شيء ويوصل لكن عجز لأيكمل
أنا مقتنعه بكلأمك لكن مشكلتي واللي نادر مااقراه أن أحد مريض بهالهلع ويعاني منها
صحيح أعاني من أفكار سلبية لكن معها صعوبة بالبلع مااقدرررر أبلع ريقي لدرجه أن عظم الفك صار يوجعني من كثر ماابلع ريقي أنا مااخاف أركب سيارة ولا أجلس لحالي أنا أخاف آآآآآآكل ولا إشررررب تعببببت والله
لكن من أمس بديت ببرنامج كتبتة هنا بالمنتدى لكن مدري وش جاني اليوم وبالتحديد قبل ماانام حسيت ألشي اللي موقف بحلقي زاد حاولت أكح مايروح مع اني سويت إشعه صبغة للجهاز الهضمي كامل ولا عندي مشكلة احتاج دعمك ودعم إخواني والله لادعي لكم وماراح إنساكم بدعواتي مر علي عيدين ماحسيت بالمتعه والوناسه فيه زي أول
فكرت أروح لدكتور نفسي للعلاج السلوكي فهل ينفع بدون أدوية