|
20-10-2010, 09:01 PM | #31 |
عضـو مُـبـدع
|
أخوي الشاكر
تحليل فكرة الموت أنا في البدايه والله العظيم كانت عندي فكرة الموت أو كلمة موت عادي بالنسبه لي يعني ماتشكل لي خوف أبدآآ وكنت عارفه أنه كلنا بنموت وعايشه حياتي طبيعيآ وعارفه إنه فيه حساب وحشر وعذاب وكل شي بس من بعد وفاة أبوي تغيرت نظرتي للموت حتى الاحلام كنت افسرها اني بموت اي احد يقولي شكلك متغير لونك متغير على طول أقول خلاص بموت هذي علامة الموت وكل يوم تدهور حالتي الصحيه والنفسيه لدرجة انه وزني نقص بشكل فضيع اسمع احد مات خلاص ما انام اخاف انام ما اقوم وانا على سريري اتخيل ابوي وهو في القبر ولحاله بالظلام وكيف احنا عايشين ناكل ونضحك ونطلع وهو في قبره مايدري ايش صاير في العالم بيجلس فتره طويله لحاله واحنا عايشين حياتنا كيف انا لو بموت بكون مثل ابوي ومثل غيره بكون لحالي في القبر كيف بيكون وضعي بالقبر ماني متخيله خوف في خوووف والله تعبت من التفكير |
|
20-10-2010, 09:07 PM | #32 |
عضـو مُـبـدع
|
اختي ما تقومين به ظلم في حقك
الوالد رحمة الله عليه ذهب الى وجه كريم وهذه الرحلة لا تحتاج الى هذا الجسد بل الى روحه الطاهرة وكل ما تقولينه هو مجرد افكار لديك فالميت المؤمن الذي ابوك واحد مهنم لا يحس بما تقولين هو في جنان الخلد انشاءالله فالقران رفيق والدك اينما ذهب والقبر هو مرحله مثلما كنا في بطون امهاتنا فهل تذكرين هذه المرحلة ؟؟؟ سلامات وما تشوفين شر |
|
20-10-2010, 09:14 PM | #33 |
عضو نشط
|
أختي رهايف ..
رحمة الله وسعت كل شيْ .. والرحمة فوق العدل .. .................. 1/ جربي طريقة " سوار المغاط " .. جيبي مغاط فلوس وحطيه بإيدك اليمين ، وكل مرة تفكري بشكل سلبي ؛ شدي المغاط وافلتيه بقوة متوسطة .. وإذا راح بالك لفكرة إيجابية مثل حفلة الزواج وغيره ، لا تضربي إيدك .. مع الوقت عقلك يبطل يفكر سلبي .. لانه راح يربط التفكير السلبي بالألم .. 2/ قبل النوم فكري بأي شيء إلا فكرتك هذه المزعجة ؛ والفائدة هي إنك لمن تصحين ما يتجه عقلك للتفكير بنفس الفكرة السلبية على طول .. وفائدة ثانية انه أحلامك كمان ما تكون بنفس الفكرة .. ........................... ـ الأعراض اللي تحسي فيها هي أعراض خوف عادية .. ولكن المرض يخليكي تبالغي وتحسي إنها أقوى مما هي عليه أصلاً وتقولي هذي أعراض الموت .. ويزيد الخوف ! هنا لب المشكلة .. ـ إذا قلتي ألاقي صعوبة إني أسوي أي شيء .. أقولك : طبعاً ! لأن العقل تعود على أمر ، وهو السلبيات .. وإذا أردتي تغيريها فالعقل يحتفظ بها ويقاومك .. فتستسلمين ! وبعدين تحسي انه صعب وما فيه أمل تتحسني .. كيف تحل المشكلة ؟ سوي أعمال بسيطة بالتدريج وبعدين العقل يبدأ يتعود عليها ، وكل ما تعود على شيء إيجابي كل ما يتخلص من شيء سلبي .. وشوي وشوي تصير الإيجابيات هي اللي يتمسك بها العقل .. إذا قام عقلك بحيلة وقال ما فيه علاج بإيدك .. لازم دكتور ! .. فاعرفي انك تقدرين تتخلصي من إحساسك السلبي من غير دكتور .. لأنه العقل هنا يقاوم ويقدر يستخدم معاك 20 ألف طريقة ، حتى يحافظ على السلبيات اللي تعود عليها ! ـ طريقة عمل العقل تتطلب منك التدرج .. والا راح تحاولي وتحاولي بالعناد لكن ما راح تستفيدي .. ممكن العلاج عند دكتور : بس راح يكون العلاج يا إما دواء ومفعول الدواء مؤقت .. وما يحل أصل المشكلة .. لأن الدواء يلغى السلوك المصاحب اللي تحسي فيه من سرعة دقات القلب وصعوبة التنفس وووو .. يعني يمنع الإستجابة .. وبالتالي العقل يوقف التفكير السلبي لأنه ما لقى تجاوب من الجسم ! وهنا تحسي انه المشكلة انحلت .. في الواقع نص المشكلة اللي انحل .. وهذا يخليكي تستمري على الدواء واللي له أعراض جانبية وفي بعضها الأعراض مزعجة أكثر من اللي تعالجينه ! .. والعلاج الثاني عند الدكتور هو نفس اللي إحنا من خلال التجربة نحاول نوصله ليكي .. ولكن الدكتور يمكن بيعطيك 5 دقايق ويقولكي وش تحسين؟ومن متى؟وبعدين يقولك عندك وسواس فكري ( تكرار فكرة معينة وعدم القدرة على التخلص منها ) .. وما راح يعيك الوقت الكافي لمناقشتك ويخليكي تستهدي بالله .. فيضطر يعطك الدواء ! .. علاجك بإيدك وجربي طريقة " سوار المغاط " .. إذا ما فادك وبأسرع مما تظنين .. فاعتبري إني كنت مريض بنفس مرضك وأكثر وإني استخدمت المغاط ولكن تعالجت بالصدفة ! إذا مو من المغاط .. سؤال : أقدر أقولك أم مين؟.. إيش رايك تسمي ولدك على إسمي .. |
|
20-10-2010, 09:34 PM | #34 |
عضـو مُـبـدع
|
أخوي عضـو مخفي
انا والله اجرب كل شي علشان نفسي اعالج نفسي بس مدري شفيني صعوووبه في الاستمرار وخووف بالنسبه لأم مــين والله مدري بس عادي لي الشرف يكون أسم ولدي على أسمك |
|
20-10-2010, 09:41 PM | #36 | |
عضـو مُـبـدع
|
اقتباس:
مدري والله مدري |
|
|
20-10-2010, 09:52 PM | #38 |
عضـو مُـبـدع
|
|
|
20-10-2010, 10:02 PM | #40 |
عضـو مُـبـدع
|
كلامك صح وانا والله العظيم ماني محصله احد يساعدني هو صح والله انت ماقصرت معاي واشكرك من قلبي بس نفسي احد يمسكني بيدي ويساعدني لانه انا لوحدي من جد مرره متضاايقه ونفسيتي مره تعبانه وطوول اليوم ابكي على حالي |
|
21-10-2010, 12:01 AM | #41 |
عضو نشط
|
الأستاذة رهايف شوفي ..
من زمن أبونا آدم إلى اليوم وإلى أن يشاء الله .. اللي مات بزمن أبونا آدم .. واللي يموت قبل القيامة بساعة .. هل اللي من زمن أبونا آدم راح يقعد بالقبر فترة طويلة لحاله ؟ واللي قبل القيامة راح يقعد فترة أقل ؟؟ هذا خطأ في تفكيرك .. ليييييش ؟ لأنه الله عادل .. قال كم لبثم قالوا يوماً أو بعض يوم ! بالدنيا الإنسان يستانس ويدور سعادتة ويروح ويجي ويطلع يتفسح وياكل ويتزوج ويصوم ويفطر وينام ويتعب ويرتاح ويتسلى وووو .. الجنة نفس الشيء : أكل وسكن والناس تتقابل وسعادة وووو ، ولكن بما لا أذن سمعت ولا عين رأت ولا خطر على قلب بشر .. المراد : انه الجنة تكملة للدنيا بكل شيء ، بس ما تاخذ منها إلى الإسم مثلاً بالجنة موز وشجر موز لكن مو زي موز الدنيا ، مجرد ياخذ الإسم عشان الناس تقارن وتعرف انه فيه شيء يسعدها بالجنة .. وبالمقابل النار فيها عذاب شديد عذاب أليم عذاب مقيم .. خالداً مخلد .. هنا الناس تفكر فين اللي يسعدها وتختار الجنة والا النار ومعروف طريق الجنة ومعروف طريق النار " إنا هديناه النجدين " .. ولكن اللي طغى وتكبر ، ينكر الجنة والنار والحساب والميزان .. ويقول " إن هي إلاّ حياتنا الدنيا " .. وما يصدق بالبعث ، عشان يعطي نفسه العذر يرتع ويلعب ويفسد على هواه ويسخر مما جاء به الرسول عليه الصلاة والسلام ويقول " أئذا متنا وكنا تراباً ! أئنا لمبعوثون ! " .. هذه هي طبيعة النفس البشرية : أبوكي إذا كان مسلم ويصلي ويعرف ربه ؛ فحرام عليكي تحزني عليه ، وهو يصلي لربه .. أنا أحب أذكرك لأنك مو ماخذه بالك جيداً من حكاية إنك مخطوبة .. أقول : بكرة إنشاء الله يصير عندك أولاد ويملوا عليك الدنيا ، ويصيروا كل إهتمامك .. فحرام عليك تربيهم على عقد ووسوسة وأفكار تشوفينها صح وهي خطأ وخطأ كبير وبل إنها تجرأ على الله سبحانه وتعالى ! لأنه الله وحده اللي يعلم الغيب .. شوفي وللمرة الأخيرة أقولك .. أنا بعام 1419 جتني نفس الفكرة اللي عندك الحين وقعدت سنتين بحال ما يعلم بيه الا الله .. وكنت أدوخ وأطيح وأقوم .. وكنت أتوهم أنه رجلي ثقلت فأحس اني بموت وأفزع وأحرك رجلي بسررررعة .. وأحياناً اختنق وغص فجأة ولنفس السبب وأحس نفس الإحساس وهي كلها أوهام مصدرها التفكير .. بعد ما راحت الوسوسة وعشتي حياتي مكافح في مجال الوظيفة والعمل والسفر للعمل وووو .. بعد السالفة هاذي بـ 9 سنوات يعني بعام 1428 صارتلي ضائقة مالية بعد ما خسرت بالأسهم كل حلي وحلالي .. وكنت معتمد على الأسهم 100% وبدون وظيفة .. وبعد كم شهر وصلت للحديدة .. وما فيه أحد يساعد شاب طحش طويل عريض بكامل صحته وما يحب يشتغل واحنا نصرف عليه وووو ، انتي عارفه الناس كيف تفكر .. بعدها وانا مسافر وبعيد عن أخواني وما قدروا يساعدوني بالمادة .. فدقيت عليهم وقلت لهم كلمتين بس وسكرت .. قلت " الدنيا هاذي ما عاد أبيها " .. وفعلاً فكرت بالإنتحار وجبت ورقة وقلم وخططت للطريقة ، طبعاً الإنتحار بعده النار على طول ، في الإسلام هنا ما فيه تفاوض .. ليش النار عشان الشخص يعرف انه النار أكبر من اللي يعاني منه وخلاه يفكر ينتحر ! الدين يسر وسمح وما كان الرفق في شيء إلا زانه وما نزع من شيء إلاّ شانه .. أما في الإنتحار فما فيه إلاّ جهنم وبئس المصير ! هداني الله ودورت على عمل ولقيت عمل بين يوم وليلة وتحملت إلين تعودت على العمل والحين إن شاء الله بعد تقريباً ثلاث سنوات من استقراري بالعمل ، راح أسافر بعد اسبوع أو اسبوعين عشان أخطب .. طبعاً بعد ما اشتري سيارة واسأجر شقة .. واتعلم كم حاجة في التربية والتعامل مع الزوجة .. لانه ما عندي أحد استفدت منه بعد وفاة أمي وأبوي واخواني كلهم كبار ، وانا استلمني الفراغ بعد المدرسة وتزوجته ! واتولدت مشاكل زي عيالي صاروا ولكن طلقت الفراغ واتبريت من المشاكل مشكلة مشكلة ( يعني تبريت من عيالي ولد ولد ) .. اللي حاب أوصله لك شخصياً : أبيكي تفكري وتحللي .. وأطلب منك التكرم بذلك لو سمحتي : كيف الـ " عضو مخفي " اللي بسمي ولده على اسمه ، كان يخاف من الموت بنفس الحالة اللي عندى وأردى ، لأنه كان يدوخ ويطيح .. يعني حالة أشد من حالتي .. وبعد كم سنة وبعد ما انحلت عقدته .. صار العكس : صار يفكر يبي ينتحر ! لولا انه الله نجاه وهداه .. من فين جتله شجاعة يفكر يموت نفسه ويخطط للطريقة وهو قبلها كان عندة عقدة وخوف من الموت ؟ ـ حاجة أخيرة : الشيء اللي تخافي منه ويشغل بالك .. يخليكي تشوفي أي شيء وأي حركة حولك هي عبارة عن إشارة تنمي خوفك أكثر وأكثر ، وهذا لأنه العقل يلقط ما يناسبه .. فكما قال الشاعر : كلن على ليلاه يغني .. ـ نصيحة عملية .. نظفي ورتبي فراشك وغرفتكي وملابسك .. وبعدين شوفي إذا خف التفكير والا لأ .. وإذا شفتي نفسك مو قادرة فحاولي شوي شوي واعرفي انه هنا العلاج وعقلك الباطن يعرف انه هنا العلاج وعشان كذا يقاومك ويخليكي تحسي بتعب لأنه من طبيعة عمل العقل التمسك بأفكاره ، فانتي خلي الأفكار زي ما هي ونظفي ورتبي واهتمي بنفسك على حسب استطاعتك وعندها عقل الباطن يبدأ يتكيف مع وضعك الجديد ويسمع لبعض الأفكار السلبية بالخروج من راسك ويلغيها ويحط مكانها أفكار إيجابية .. ـ نصيحة ثانية : كل دقيقة ضحك = 45 دقيقة إسترخاء ! كل ما ارتحتي واستانستي كل ما يتخلص عقلك من هالأفكار .. والدليل شوفي أهلك يروحون ويجون وكل واحد يهتم بنفسه وما عندهم نفس أفكارك اللي براسك .. وأنا أقولك لا تناقشيها لأنه ما لها تبرير منطقي مهما حاولتي إقناع نفسك .. ولكن كل عمل إيجابي ومظهر حسن راح يلغيها من غير ما تحسي وتحمدي ربك على نعمك اللي تحيط فيك من جانب .. الله يحفظك من كل سوء .. ويوفقك ويحقق أمانيك .. |
|
21-10-2010, 01:07 AM | #42 |
عضـو مُـبـدع
|
أخـوي عضـــو مخــفي
من جد كلامك كبير بحجمك والله أحاول أمسك دموووعي الكلام سهل بس الله يعيني علشان أطبق اللي أنت تقوله وطبقته |
|
21-10-2010, 01:12 AM | #43 |
عضو نشط
|
أخت رهايف اللي فيك اسمه مرض .. وله علاج ..
ما أنزل الله من داء إلا وأنزل له دواء علمه من علمه وجهله من جهله .. جربي طريقة سوار المغاط .. وشوفي النتيجة ! العجبية والشبه فورية .. الله يباركلك في خطيبك .. |
|
21-10-2010, 01:15 AM | #44 |
V I P
|
الغالية رهايف كلنا نمر بهالحالة مو انتي الوحيدة بالعالم ما في شيء غير انك تطلبي من الله انو يساعدك هاذي اكبر مساعدة حتى و انتي تدعيه بتريحي قلبك انا عني صدقيني كثير بكون رايقة و لما اسمع كلمة الموت فجأة بحتار و ابدأ اقول في نفسي ليش سمعتها و ليش انا و لما تصادفني ايات عن الموت احيانا بكون مارة او ماشية بمكان فأسمع فيه فبخاف كثير و كمان اذا كنت اقرأ عن موضوع و بلاقي فيه حديث عن الموت او القبر و فجأة بسمع الأذان صدقيني بخاف و احتار و اقول ليش بس لما جيت لهالموضوع سمعت الاذان و اكتئب بعدها و انتي عارفة الباقي ما في المعين غير الله سبحانه توكلي عليه
|
|
21-10-2010, 01:17 AM | #45 |
عضـو مُـبـدع
|
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|