ممكن المغاربة يدخلوا؟

نقوليك حاجة راه الى نصحتك بشي حاجة راه ماشي من فراغ و قبل منقوليك شئ حاجة راه كنشوف حكمها وانا راه مهتم بالسنة
مهم دير لي عجب انت حر
الله يشافي الجميع
تهلا في راسك

شوف اخويا الطائر كيما قال الاخ الحلم السامي الى بغيتي تبرا دير الرقية متبقاش فالدار و خرج شويا و دير شي برنامج و دخل تعلم شي لغة ماحد تجي لقرايا حيت اغلب هادشي كلو من الفراغ و كنت سمعت واحد الطريقة كيديروها للوسواس القهري حيت انت الظاهر و الواضح جدا ان فيك وسواس قهري سمعت و احد العلاج لي هو الملفوف ديرو فراسك المهم قبل دلكل غادي تمشي عند شي حجام يقيس لك الراس ديالك و يشوف الى عندك شي ماء او فراغ في راسك الى عندك اذن غادي تنفعك طريقة الملفوف الى معندكش دير الرقية او الى مقدرتيش تحمل شري الدواء باستشارة طبيب ..المهم غادي نحطلك الطريقة ها هي فهاد الرابط http://www.nafsany.cc/vb/showthread.php?t=47429 و قرا كاع المواضيع ديال هاد الاخ لي سميتو عزيز يمكن تستافد منهم..انا ان شاء الله غير يخرج رمضان نشري الملفوف حيت باقي فيا الوسواس متلا كنغسل يدي بزااف و كنشك فصلاتي انها بدون خشوع و كنغسل بزااف و كيجيوني افكار عن الله و الاخرة واخا كنتجاهلهوم و لكن كيصدعوني المهم اخويا راني قلت لك لي عندي و شوف نتا قرا المواضيع ديالو و شووف ..بغيتي طبيب بغيتي الرقية بغيتي الطب العربي

خوتي،الحلم السامي،الوردة المغربية،هل انا موجودة،المغربية،لينة المغربية..........

السلام عليكم و رحمة الله تعالى و بركاته

انا جيــــــــــــــــــــــــــــــــــــــــــــــــ ــت ههههههههه

غبرت هاد اليومين و رجعت توحشتكم ههههههههههه

كيدايرين لباس عليكم؟

عرفتو اخوتي هاد الايام لي غبرت فيها لقيت واحد العلاج زوين لحالتي و هو العلاج بالايِمان نعم الاِمان احسن علاج ان شاء الله تحسنت تقريبا بـ60%

اشنو هو هاد العلاج لي هو ساهل ولاكن كان غابر عليا هههههههه مع الاسف حى هداني الله ليه بوحدي

ببساطة اخوتي خديت شوية ديال الوقت مع راسي وفكرت لقيت انني خاصني نجدد الايِمان ديالي مع الله و نتعرف على اشنو هو الايمان بضبط لانني ربما طول هاد المدة لي عشتها ماعرفش اشنو هو الايمان على حقو

المهم اخوتي قريت بزااااف على الايمان وعلى الصبر عند الابتلاء و خرجت بخلاصة مفادها انني في نعمة من الله عز وجل و ان كل شيئ اصابني فهو خير اي شيئ كيفما كان حتى الجنون لو اراد لي الله ذالك مرحبا به انا على يقين تام ان الله معي ولن يتركني لي احد و الله يا اخوة ان الرضى بما كتب الله لك كيفما كان هو اساس كل شيئ هو اساس الشفاء السعادة اي شيئ


المهم هذا من جانب الجانب الثاني اخواني كيفما كاتعرفو انني اصبت بالوسواس القهري هادي ثلاث سنوات و الحمد لله ماطولش بزاف شهرين هو يمشي او نسيتو من بعد


عرفتو اخوتي اش كتشفت اكتشفت ان لي وصلني لهاد الحالة عاوتاني هو الوسواس القهري بدون شعور عرفتو اشنو لي خلى الوسواس القهري يقولبني هههههه و يخليني مانشكش فيه هو نوبات الهلع لي اصابتني هادي 6 شهور تقريبا

خلاتني تالف المهم هاد المدة كلها وانا اتخبط في القلق النفسي الحاد و الحمد لله على كل حال

حاجة اخرى اخوتي فاش بقيت كانفكر فحياتي كلها منذ الطفولة ديالي لقيت بعد الاشياء لي كنت كانديرها وانا صغير كانت افعال قهرية وسبحان الله حتى بحث مزيان هاد الايام على الوسواس القهري عاد تفكرت تلك الاشياء

نعطيكم مثال

وانا صغير في سن 8 سنوات تقريبا كنت فاش كانبغي نعس كانذكر اسماء العائلة ديالي كلهم ماشي الاسرة و لاكن العائلة كلهم هههههههههههه شي 100 شخص او كنت كانقول يارب يصبحو على خير او الى مادرتش هادشي مانقدرش ننعس او ماكنرتاحش ههههههههههه هاد المسألة هي من صلب الوسواس القهري او انا نسيت هاد المسالة عمرني تخيلت غادي نتذكرها حتى قريت على بعد الحلات لي فحال هادي وانا نتفكرها بزربة


او حاجة اخرى مهمة و هي ان الام ديالي مسكينة كانت كاتعاني من الاكتئاب يعني و انا طفل كنت عاقل عليها او هي مريضة مسكينة ولاكن الان هي بيخير لاحقاش هي مؤمنة بزاااف او اكتشفت بوحدي انها ربما كان عندها الوسواس القهري و لا زال عرفتو كيفاش

الام ديالي كاتغير بزاااف في ديكور ديال الدار كل مرة كاتغير او خاصها تجمع الدار او تخليها على حقها و طريقها وخا تكون فيها الموت كاتنوض تجمع الدار و تخليها كالتشعل او فاش كانقولو ليها شي مرة خليك ترتاحي راكي مريضة مثلا كاتقول لينا مانقدرش الى مادرتش هادشي غادي نمرض

وايضا تذكرت واحد المرة الاخ لي كبر مني فاش كان معانا فدار لانه في بلد اخر الان واحد المرة كنت فبيتي فليل كانلعب بليستيشن هههههههه هادي مدة دابا كنت بخير ديك الساعة كنت كانعرف غير الفرحة هههههههه

المهم كنت فبيتي هو يدخل جلس معايا او قال ليا ماقدرتش ننعس قلت ليه علاش قال لي واحد الاغنية سمعتها او مابغاتش تحيد ليا من بالي هههههههههههه المهم ديك الساعة ضحكت عليه او قلت ليه عادي ماشي موشكيل او ماديتهاش فيه


هادشي كلو الخلاصة ديالو هو ان الوسواس القهري عندنا وراثي ماشاء الله هههههه المهم تفكرت بزاف ديال الاشياء فحال هادشي


خلاصة الامر اخوتي ان الحمد لله بخير شوية واخا رجع ليا الوسواس القهري الان على شكل افكار سب و الى اخره تخيلو معايا كانكون جاس مع العئلة او كاتجيني فكرة نسبهم هههههههه المهم ولد الحرام صافي هاد الوسواس


هذا غير الوسواس الدينية لانني انا اصلا كنت كانبحث فهادشي ديال الاديان و الالحاد..،، مرة مرة كاتجيني شي فكرة كاتبقى تنقز ليا فراسي ولاكن ماشي موشكيل كانتعامل معاها


هاد الايام اخوتي مشي قريت شي كتوبة جداد على البرمجة اللغوية العصبية و اكتشت بزااااااااااااااف ديال الاشياء الى مشيت حتى بريت مئة في المئة غادي نكتب شي مقال طويل عريض مبرع هههههههههههه

غادي نعطيكم واحد المعلومة مهمة طبقوها

وهي

تضاهر بالسعادة ستأتي السعادة اليك تضاهر بالشفاء سيأتي الشفاء اليك هههههه ببساطة جربهوها واخا تكون مهلوكين تصرفو كيفما كايتصرفو السعداء او ماتبينوش او بتاسمو ديما او قنعو ريوسكم انكم سعداء او شوفو اش غادي يطرا

اكتشفت بزاااف ديال الاشياء كيفاش نتواصلو مع العقل الباطني ديالني او في اي وقت او كيفاش نبراو من خلال توجيه الكلام الى هذا العقل هههههههه المهم داكشي بزاف



عرفتو اخوتي واخا هادشي كلو الى اني باقي كانضارب مع هادشي غير هو كانحس براحة نفسية اكثر مابقيتش حاس بداك الضغط عليا كيفما شحال هادي











اهم شيئ فهادشي كلو





هو ان يقول الانسان




الحمد لله


عن يقين تاااااااااااااااااااااااااااااااااااااام

. :)

ايهوووووووو ماكاين حد ؟؟!! ''';LKP-IJB

السلام عليكم اخي الطائر واش انت الي كتقول هاد الكلام هههه. الحمد لله على سلامتك وتبارك الله عليك .الله يشفيك ويشفينا بصراحة اخي انا قهرني وسواس الموت والاحلام وحالتي النفسية الله اللي عالم بها كنمرض بالمعقول ما نبقى باغيا حتى حاجة كلشي كنكرهو والحمد لله ما خاصني حتى خير. وخصوصا منين كتكون شي افراح او اعياد دينية

اختي المغربية راه حنا في حرب اما ان نكون او لا نكون جمعي راسك او توكلي على الله

عرفتي شحال صعيبة تحاربي كيمياء الدماغ

يعني القضية ماشي نفسية 100% يعني هنالك تغيرات كيميائية في الدماغ هي تغيرات بسيطة بطبيعة الحال و المسؤول على هاد الحالة ديالنا هو هرمون السيروتونين و يمكن ليك تزيدي المستوى ديالو من خلال الرياضة ديري الرياضة يوميا او تسناي النتيجة من بعد الاسلوع الاول ان شاء الله او من بعد شهر غادي تكون الحالة النفسية ديالك بيخير وعلى خير


اختي تيقي بيا انا الله لي عالم بيا اش داز عليا هاد المدة و لاكن و الله يا اختي ان الرضى بما كتب الله لك هو افضل علاج الى فهمتي هاد المسألة مزيان غادي تقلب حياتك كلها ماشي غير في المرض

انا شخصيا كانحمد الله انني دزت من هاد التجربة


راني كانحس براسي صحيح ههههههه و الله او هادشي فتح ليا بيبان بزاااف وعطاني فرصة نشوف اشياء اخرين و نكتاشفهم كيفما كايقول الله ان مع العسر يسر


والله و الله و الله اختي الى الله عز وجل كبير و حكيم او عارف اش كايدير مزيان مايكونش عندك شك فهادشي الى بغا ليك شي حاجة راه عارف علاش بغاها و تيقي انها كلها خير في خير في خير

انا عارف انه عندك افكار بزاااااف على كيفاش تخرجي من حالتك ايوا فكري فيهم مزيان


او شيئ اخر اختي بحثي في الانترنيت على مواضيع كاتهدر على الايمان و الصبر عند الابتلاء انا هادشي عطاني واحد الدفعة قوية للامام

عرفتي اختي هاد اليومين نعست مرتااااااااااااااااااااااااااااااااح شحال هادي مادخلت فنوم العميق بهاد الطريقة عرفتي كيفاش؟؟؟


غير بهادشي لي قلت ليك او زدت شي شوية من طاعة لله و خصوصا في الليل



شوفي الله عز وجل اش كايقول

ولنبلونكم بشيء من الخوف والجوع ونقص من الأموال والأنفس والثمرات وبشر الصابرين * الذين إذا أصابتهم مصيبة قالوا إنّا لله وإنّا إليه راجعون * أولئك عليهم صلوات من ربهم ورحمة وأولئك هم المهتدون**** سورة البقرة


شوفي تاني


أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَعْلَمِ اللَّهُ الَّذِينَ جَاهَدُوا مِنْكُمْ وَيَعْلَمَ الصَّابِرِينَ (142) سورة آل عمران


شيئ تاني اختي الله عز وجل عارف اش كايدير مزيان يعني كل واحد كايعطيه الابتلاء لي غادي يقدر عليه بدليل قوله تعلى لا يكلف الله نفسا إلا وسعها


يقدر شخص اخر نعاود ليه اش عندي ويضحك عليا هههههههه يقول ليا راه ماعندك والو كون شفتي انا وكذالك نفس شيئ بنسبة ليا و هكذا

اختي المغربية انا هاد المدة كلها لي عشت فحياتي ماكنتش صبور كونت كانكذب على راسي

ماكنتش عارف اشنو هو الصبر


الصبر هو ان لا تشكوا من الله ولاكن تشكوا الى الله وحده

كونت شحال هادي نبقى نشكي على الناس او في الاخر نقو ايوا راني صابر لا ههههههههههه هذا ماشي صبر

الصبر هو فاش تحس بالالم و الحزن تقول تقول الحمد لله انا في نعمة من الله


المهم اختي كاين بزااااااااااااااف مايتقال فهادشي المهم شيئ اخر اختي ديريه فبالك وحضي راسك مزيان منو هو الكلام لي بينك وبين راسك حضيه مزيان حاولي تبقاي ديما تقولي غير الحاجة المزيانة مثلا اتقوليش انا عيت مليت انا كرهت الحياة

لا لا لا

دربي راسك تبدلي هادشي فاش تحسي بالحزن قولي الحمد لله و شوفي الاشياء الجميلة في حياتك راه عندك بزاااااااااف ديال الاشياء زوينة فحياتك غير تأملي فيهم


عرفتي اختي قبل مايكون في هادشي كونت كانقرا كتوبة ديال البرمجة اللغوية العصبية او تاندوز على بعض المعلومات مهمة ولاكن ماكنتش كانحس بيها كيفما دابا وكذال في القران

دابا و بفضل الل وليت كانقرا او كانفهم كل كلمة


حاجة اخرى اختي هادوك الافكار لي كانو عندي مابقاوش لي كنت كقلت ليك كايتداخلو او يتطايرو ههههههههههه غير وسواس هداك


اختي المغربية و الاخوان جميعا العلاج راه حدانا خاصنا غير نشوف حدانا مانبقاوش نشوفو بعيييييييييد

مرحبا بيك اخويا مرة اخرى و الحمد لله على سلامتك و ربي يتمم عليك الشفاء ياارب .. راني قلت لك شحال هادي راه غير وسواس او لا ؟ و نتا مكنتش كتقتنع لكن حتى داك عدم الاقتناع راه وسواس هههه بحد داتو ..المهم كيما قلتي يمكن داكشي متوارث عندكم فالعائلة او انه عندكم شي حاجة كاملين يمكن سحر او عين..المهم هو العلاج اذن مين عرفتي مرضك ايوا خاصك تعالج راسك راه ديك السيروتونين خاصك دواء ديالها باش تولي مقادة فهمتيني ؟؟ و الى مبغيتش دواء دير الرقية كيما قلت لك و كيما راك دير دابا اقرا القران الكريم بتدبر و دعي الله كيما راك دير ..وربي ان شاء الله غادي يشافيك راه كلو غير وسواس ..بالمنسبة حتى انا مين كنت صغيرة كنت كندير بحالك و مين كندعي كندعي كاع للعائلة بالاسماء ديالهم و ياويلي الى نسيت شي حد هههه و كنت حتى انا الى سمعت شي اغنية كتبقالي فبالي دايما او شي اية او اي حاجة ...وكنت منبغيش لي يعفطلي على فراشي برجليه او حتى يديه و كنت نبغي الترتيب ..لكن انا لاحظت هادشي جاني مين مرضت بعين قويية و مشيت عند راقي و الحمد لله مشاتلي السخانة ديالها لكن طبعا كتبقى المخلفات ديالها لاني متابعتش العلاج ....وواحد الحاجة اخرى اختي المغربية حتى اان كنحزن فالمناسبات و الاعيااد بزاااف معرفتش علاش ملي مرضت بالعين وانا هاكا ..هادي 11 سنة ...لكن الحمد لله انا احسن من الاول بكثييير و هادا من فضل الله و الرقية و الدعاء

الحمد لله على كل حال اختي هل انا موجودة

بنسبة اختي قلتي يقدر يكون عندكم شي سحر للعائلة كلها لا اختي ماكنضنش

راه الى جينا نشوفو نسبة المغاربة لي عندهم هادشي راه غادي تقولي المغاربة كلهم مسحورين هههههه


عموما الحمد لله على كل حال انا دابا مابقيتش مسوق و الله صافي لي بغا يجي من عند الله يجي

ايوا المهم الانسان يتحرك و يداوي راسو ماشي يبقا جالس دير الرقية او الدواء او علاج سلوكي المهم تبراا..

صافي انا بريت اختي

عندي موشكيل واحد دابا هو انني نسيت راسي كيفاش كنت عايش ههههههههههه

او هادشي بسباب الفراغ بطبيعة الحال لاني ماعندي مايدار دابا

ولاكن مابقى والو لدراسة ان شاء الله او نرجع نعمر وقتي

الحمد لله على سلامتك ا خويا الطائر الحر

كنتمنى من الله تعالى يشافيني ويشافي الجميع حيت وليت فواحد الحالة مستعجلة

وليت حاس براسي بحال ايلا غادي نفقد الإحساس ديالي بالوجود بصفة نهائية

علا سلامتك أ خويا طائر :)

خويا اسد الاطلس راه هادشي كلو دزت منو و بصراحة راني باقي كانضارب مع هادشي ولاكن انا تحسنت بزاااااااااف على لي كنت فيه

كنت كانحس براسي انا ماشي انا نهائيا او غادي نفقد السيطرة على راسي غادي نحماق ههههههههه الاخوان هنا عاونوني بزااااااااااااااااااااااااف دابا الحمد لله على كل حال الى جاتني هاد الحالة كانتحكم فيها

خويا اختلال الانية راه فحال الى قلتي الحد ديال الخوف يعني فاش كايوضل الانسان لقمة ديال الخوف كاتخرج ليه اختلال الانية ماكاينش لاش تخاف اخي وحتى السن ديالك راه سن متغيرات اخويا راك قريب ليا نيت انا عمري 19 سنة او نتا 17 على ماقريت ياك؟


المهم اخويا بقى تدخل لهاد الموضوع او كتب لي بغيتي راه هنا كايتجمعو الاخوان المغاربة

راه كاين خونا الحلم السامي غادي يفيدك بزااااف هاد الاخ او اختنا الوردة المغربية و اختنا هل انا موجودة و اختنا المغربية و اخونا الادريسي و اختنا لينة مغربية تبارك الله راه معاك خوتك المغاربة غير فش قلبك اخويا كلنا داز علينا داكشي لي كاتحس بيه

الله يجازيكم بخير اخي الطائر الحر واختي الكريمة هل انا موجودة الله يحفظكم ويجعلكم ربي من عتقاء هذا الشهر الكريم ’اللهم امييييييييييييييين.

ربي يخليك اختي..اللهم اميين و اياكي ياارب .كتنمى الشفاء للجميع و حتى واحد ميبقا يعاني ياااربي