ممكن المغاربة يدخلوا؟

اللهم امين اختي المغربية

قولي ليا كي بقيتي اختي

ألحمد لله اخي على كل حال والله العظيم خاصني اللي يصرفقني باش نفيق من هاد ألاوهام ’المشكل اخي اللي عندي انني اغلبية الوقت كنبغي العزلة بزاف ما عرفتش علاش’’ وما نبغي حتى شي واحد يخرب ليا فحوايجي مع انني ماشي انانية والله والكلمة الى قالها ليا شي حد تكون خايبة كتخدم ليا فراسي حتى كنمرض .

اختي عادي اختي الطبيعة ديالنا حنا اننا حساسين بزااااااااف كون ماكناش هكذا كون راه حنا بيخي او هادشي عندو علاقة ديال التنشئة ديالنا منذ الطفولة عموما اختي حاولي قدر الامكان ماتبقياش تفكري في الحالة ديالك فكري في اشياء اخرى اي حاجة

انا دابا نهار على نهار كانتحسن خاص غير شوية الصبر

واحد الحاجة مهمة اختي كنت ذكرتها ليك و هي الكلام مع النفس راه امر خطيييييييييييير بزااااااااف مثلا كاتقولي انا ماعندي زهر عرفتي اشنو كايوقع العقل الباطن كايبجد كااااااااااااااااااااااااااااااااااااااع الملفات لي مخزنة في عقلك من نهار تزاديتي بلا ماتحسي او كاتبداي تفكري كل الاخفاقات ديالك في الحياة هاد المسالة ديال الكلام مع النفس قريتها او كاياكدو عليها المتخصصين في البرمجة اللغوية العصبية و هي تقريبا اسا هاد العلم المهم و ليت كانحضي راسي مزيان مثلا غير صباح فقت كن غادي نقول شي حاجة تافهة غادي تفكرني بالمرض ديالي وانا نقلبها مباشرة او قلت الحمد لله هذا نهار جديد وشميشة طالعة الحمد لله صبحت يصحتي و كولشي بيخير الحمد لله حالتي كاتحسن نهار على نهار و الله يا اختي الى حسيت راسي حسن

اختي العقل ديالك نتي لي كاتحكمي فيه او كانهدر هنا على العقل الواعي خاص العقل الواعي ديالك توجهيه كيفما بغيتي او فاش غادي توجيه الى اي اتجاه غادي يتوجه معاه العقل الباطن ههههههه فهمتي شي حاجة المهم اخي الله يشفايك او حاولي تخوي دماغك شوية من التفاهات و الاوهام

الحمــــــــد الله انـــــــــــــــــــــك تــــــــحسنــــــــتي شـــــــوي

يــــــــــــــــــــــــا رب دايــــــــــــــــــــــــــمن

المشاركة الأصلية كتبت بواسطة الطائر الحر

خويا اسد الاطلس راه هادشي كلو دزت منو و بصراحة راني باقي كانضارب مع هادشي ولاكن انا تحسنت بزاااااااااف على لي كنت فيه

كنت كانحس براسي انا ماشي انا نهائيا او غادي نفقد السيطرة على راسي غادي نحماق ههههههههه الاخوان هنا عاونوني بزااااااااااااااااااااااااف دابا الحمد لله على كل حال الى جاتني هاد الحالة كانتحكم فيها

خويا اختلال الانية راه فحال الى قلتي الحد ديال الخوف يعني فاش كايوضل الانسان لقمة ديال الخوف كاتخرج ليه اختلال الانية ماكاينش لاش تخاف اخي وحتى السن ديالك راه سن متغيرات اخويا راك قريب ليا نيت انا عمري 19 سنة او نتا 17 على ماقريت ياك؟


المهم اخويا بقى تدخل لهاد الموضوع او كتب لي بغيتي راه هنا كايتجمعو الاخوان المغاربة

راه كاين خونا الحلم السامي غادي يفيدك بزااااف هاد الاخ او اختنا الوردة المغربية و اختنا هل انا موجودة و اختنا المغربية و اخونا الادريسي و اختنا لينة مغربية تبارك الله راه معاك خوتك المغاربة غير فش قلبك اخويا كلنا داز علينا داكشي لي كاتحس بيه

شكرا بزاف خويا الطائر الحر لهلا يخطيك وشكرا لكاع خوتي المغاربة اللي كاينين هنا

كنتمنى من الإخوة يقترحوا عليا شي علاج بغيت على الأقل يخف هاد المرض راه كنحس براسي بحال شي واحد سكران والعياذ بالله

وجزاكم الله خيرا :)

اهلا اختيييييييييييييييييييي وردة هههههههههههه،لباس عليك؟

انا الحمد لله شوية حسن من شحال هادي خاص غير شوية الصبر او صافي

خويا اسد الاطلس الى بغيتي دواء خاصك تشوف شي طبيب نفسي ان شاء الله يكون احسن او لا ماقدرتيش كاين موقع اسلام ويب صيفط ليهم او عاود ليهم اشنو عندك او هما غادين ينصحوك بدواء المناسب ليك

بنسبة لينا اخويا هنا تقريبا الاغلبية دواء ديالهم هو الصبر هههههههه

خويا اهم حاجة دابا انك تكون مطمئن على حالتك راه ماعندكش شي حاجة خطيرة او حاول تغير الطريقة ديال حياتك شوية او ماتنساش الصلاة في الوقت او خليك ديما مع الله اخويا

السلام عليكم ..مبرووك عوااشركم..كنتمنى تكونو مزيانيين... كاين شي حلووى .هههه ...اختي المغربية انا بحالك كنبغي شويا الوحدة و منكنبغيش لي يخرب لي فحوايجي و لا لي يوطالي برجليه ففراشي او يلبسلي شي حاجة ديالي و كنغسل كسوتي بوحدي مكنبغيش نديرها فالمكينة مع الدار انا بوحدي مختلفة عليهم..وحتى انا حساسة بحالك الى قالي شي حد شي حاجة كتبقا غير تخدملي فراسي ..بحال الوسواس القهري .. ومين كنظف الدار كنظفها بشكل وسواسي خاصني منشوف حتى بقعة كنتجنن الى خليت شي بقعة او غبرة و كنبغي النظام منبغيش الحاجة تحرك من بلاصتها ..والى تفكرت شي اغنية كتبقا خدامة لي فمخي متبغيش تحيد او شي اية قرانية او شي كلمة او اي حاجة لكن ماشي دايما الحمد لله راني احسن من الاول بزااااااف غير داومي على الرقية و صافي انا راني اطلعت على حالتك هادي شحال فقسم الرقية راه الاعراض ديالك باينين لا نقاش في ذلك غير خاصك داومي على الرقية و صافي حتى يجيب ربي الفرج راه العلاج او الدواء او السلوكي كلهم غير اسباب الشفاء الحقيقي كيجي من عند الله وقت ما بغى ربي الحمد لله

و عليكم السلام اختي هل انا موجودة

او مبروك عواشرك اختي تعيدي او تعاودي

بنسبة لحلوى مانعرف هههههههههههه انا كانعرف غير نلقى داكشي موجوج نهار العيد ههههه

الله يخلي لينا الواليدة او صافي


عرفتو اخوتاتي او خوتي بعض اللحضات ماكنحسش براسي حتى كانبدا نكتئب او نتفكر حالتي او اش داز عليا ولاكن كانحاول نوعي راسي

دابا المشكل الوحيد لي عندي هو الوسواس القهري كانحس براسي غادي نضرب ناس فزنقة هههههههههه الى وقف قدامي شي واحد كانحس بيدي غاديا ليه او كانهرب ههههههههههههههههههه او كنبدا نتوسوس كانقول ياكما غادي نمرض بانفصام الشخصية


المشكلة عندي انني كلما تعلمت او غلبت بعض الاشياء كاتخرج ليا اشياء اخرى ولاكن الحمد لله على كل حال المبدء و الاساس موجود وهو الصبر على ما كتب لي الله عز وجل

الحمد لله على كل حال

توحشتكوووووووووووووووووووووم
انا نيت مكنحملش لي يقرب ليا او يمس حوايجي او يمسني حتى انا كنتعصب و نغووووووووووت
انا بديت كنتحسن لكن المشاكل العائلية مغديش تتخليني نبرا
ديما صداع لااستحمل اوف

نصيحة دخلو شي جمعية للاعمال الاجتماعيةو بقاو تعاونو ناس
شاركو في جروبات في الفيس زوينين و قراو على التفكير الايجابي و يكون خير متبقاوش وحدانيييين بزاف بقاو خرجو دورو ضحكو و ان شاء الله خير
اخ الطائر معرت مالك راه ديجا كتبت النمرة ديالي في احد المشاركات باش زعمة تصيفت ليا الايميل ديالك منو ساعة والو ههههههههه
اوى قلب ورااء المشاركات و حتى انت الاخ اسد الاطلس هه

اهلا خويا الحلم السامي راه عندك الحق اصحبي انا ليوم مشيت تساريت شوية فعين دياب مع شي صحابي جيت ناشط الحمد لله

بنسبة اخويا لنمرة انا غادي نقلب عليها ان شاء الله بنسبة الاميسين ماكاندخلش ليه من زماااااان 2003 تقريبا ههههه

خوتي خاصنا لابد شي طريقة باش نوليو نتواصلوا مباشرة ماشي بالمشاركات ياريت كن كل واحد حط الإيميل أولا الفيس ديالو

المشاركة الأصلية كتبت بواسطة الطائر الحر

خويا اسد الاطلس الى بغيتي دواء خاصك تشوف شي طبيب نفسي ان شاء الله يكون احسن او لا ماقدرتيش كاين موقع اسلام ويب صيفط ليهم او عاود ليهم اشنو عندك او هما غادين ينصحوك بدواء المناسب ليك

بنسبة لينا اخويا هنا تقريبا الاغلبية دواء ديالهم هو الصبر هههههههه

خويا اهم حاجة دابا انك تكون مطمئن على حالتك راه ماعندكش شي حاجة خطيرة او حاول تغير الطريقة ديال حياتك شوية او ماتنساش الصلاة في الوقت او خليك ديما مع الله اخويا

عندك الحق أخويا انا خديت موعد الجمعة الجاية ان شاء الله غادي نمشي عند واحد طبيب نفساني وغادي ندير حتى الرقية الشرعية وكيف قلتي الصلاة فالوقت وان شاء الله يكون خير

قوليا من اي مدينة انت ؟

أنا من الدار البيضاء

انا من بني ملال اخويا ولاكن انا دابا في الدر البيضاء غادي نرجع لبني ملال من بعد العيد

مزيان اخويا مني غادي تمشي عند طبيب نفسي احسن حاجة و الله ماكرهتش كون كنت نقدر نمشي عند شي طبيب ولاكن ماعنديش شي فكرة واش كاينين فمدينتي راك كاتعرف بني ملال مدينة صغيرة ماشي فحال كازا المهم انا على كل حال كانتحسن بشوية بشوية او غادي نشوف عاوتاني فاش غادي نرجع لدراسة او نبدا ندير الرياضة او نعمر وقتي واش غادي نتحسن او لا لا


شوف خويا اسد الاطلس فاش تمشي عند الطبيب قوليه كولشي عاود ليه حتى اش لقيتي في الانترنيت

المهم اخويا الله يشافيك ويشافينا جميعا