وسواس هلكني😣

المشاركة الأصلية كتبت بواسطة كلي ش

مرحبا كيفكم....
ارجوكم انا كل ماحاولت اطنش واتجاهل يضغط علي لما اتكلم معكم وارتاح شوي بعدها يرجع لي اقوى واقوى ارجوكم ساعدووني ابي اعيش حياتي طبيعيه ماقدرت وسواس الموت والقلب وانه بيتوقف ملازمني كل ثانيه مايروح عن بالي منسده نفسي عن الاكل النوم كل شئ
اليوم المغرب كنت زائره اختي في بيتها فجاءه حسيت كان قلبي وقف كاني بيغمى علي حسيت على طول بزي النغزات زي السكاكين وبعدها لازمتني الكتمه ضيق تنفس الي تجيني دايم نفسها مازادت علي و جاء ف عيوني زي الزغلله قالي خلاص بتموتين الحين بتموتين انتي معك مرض قلب وبتموتين المره هذي غير ابي اتكلم مع اختي ماعاد قدرت احس اني ف عالم ثاني فجاءه احس اني بفقد عقلي ابغى اهرب واصيح ب اعلى صوتي مابغى اسمع صوت اي احد عصبت على عيالي بدون سبب ابغى انحاش من البيت ماقدرت اصلح لهم عشاء او اذاكر لهم
البيت عندي الحين والله كنه صندوق وحاطيني فيه ومسكرين علي ماشم هواء ولاتنفس مخنوقه اتصلت علي وحده قبل شوي قلت خلاص اكيد ماتصلت الاحاسه اني بموت ف بدت الكتمه تزيد معي جلست ادور ف البيت كني مجنونه افتح باب الشارع وارجع مابغى البيت احس الكل يودعني كانه اخر مره اشوفهم فيها
ساعدوني ايش اسوي😣😣😣😣😣

سبحانك ياربي .. ورب الكعبه كأنك توصفين حالتي بالضضضضبط بالذات شعور اللي ودي اقوم امشي مدري وين بس ما ابغى اجلس بالذات بالسياره فعلا فعلا احس اني مقيده ودي من غير شر افتح الباب وانزل من السياره ودي اصرخ ودي اسأل احنا وين وانا الحمدلله عارفه ومدركه احنا وين لكن صراع داخلي متعب جدا جدا الحمدلله على امرر الله والله يجمعلنا بين الاجر والعافيه يارب .... اكثري وانا اختك من الاستغفار والحوقله الله يفرجها علينا جميعاً

نصيحة مفيش حاجة اسمها طنشي .. التطنيش هو اهتمام في حد ذاته ودة اللي تاعبك اكتر انك بتفكري في الوسواس من ناحية التطنيش
طبقي اللي هقولك عليه دة
تنحي عارفة معني كلمة تناحة؟
يعني اسرحي مش لازم في اي حاجة بس هي حالة انك متفكريش في اي حاجة نهائي لا استرسال لا وسواس لا افكار لا اي حاجة
الوسواس هي الفكرة اللي انتي مش عيزاها وعقلك حابب كدة
تعملي ايه بقا؟
توافقي علي الوسواس بمعني .. وسواسك بيقولك دلوقتي بتموتي قولي وماله مش مشكلة عادي
قلبك هيقف وماله ما يقف مش مشكلة عادي يحصل اللي يحصل عادي عادي وهكذا ..
الموضوع زي ما تكوني في خناقة في الشارع وخلاص انتي جايبة اخرك ف بتقولي للي قدامك اللي عايز تعمله اعمله انا مش فارق عندي
عكس ما تكوني خايفة وعايزة تجري وهو يجري وراكي وتاني يوم تخافي تنزلي وهكذا
ف المواجهة بمعني موافقتك علي الموقف اللي يحصل يحصل عادي يلا لو تعرف توقف قلبي وتموتني اعملها يلا انا اللي يعمل فيا كدة اللي خلقني. واستوب علي كدة متسرحيش في الفكرة

المرحلة التانية هي انك تعملي عكس كل اللي الوسواس بيتوقعلك حدوثه في المستقبل
يعني لو حد كلمني يبقي دي النهاية لو لعبت مع الاطفال دي النهاية لو خرجت دي النهاية

دي حلها انك تفتكري زمان كنتي بتخرجي بيحصلك حاجة؟ لا
بتلعبي معاهم كان بيحصلك حاجة زمان؟ لا
بسافر وبروح واجي كان بيحصلك حاجة ؟ لا
وهكذا ااقطعي الفكرة بالماضي مش بالمستقبل

اخر حاجة هي الاهم انك لما تنشغلي بحاجة جديدة هتلاقي عقلك بدأ يدخل مرحلة جديدة وبيطنش الحاجة الغير مهمة
يعني سافري اخرجي روحي صالة العاب رياضية او تسوق وغيره
اهم حاجة في القصة بقا كلها انك تقتنعي ان دي حالة عارضة جت وهتعدي مش هي المرحلة الفاصلة في حياتك
يعني اعتبري الموضوع دور برد خد اسبوع وراح .. لانك لو اعتبرتيه مرض نفسي ودكاترة وعلاج الخ يبقي هتدخلي ف دوامة انتي في غني عنها
وعلي فكرة ناس كتير جدا جدا جدا جدا فوق ما تتخيلي بيجيلهم الوسواس دة وبيروح
انا شوفت في صفحة علي انستا اسمها 9gag دي اشهر صفحة كوميدية في العالم منزلين بوست مكتوب الناس اللي لما بتحس بنغزة في صدرها وحاطين صورة من فيلم وكاتبين
now my time has come
العجيب ان البوست عليه فوق ال200 الف تعليق ضحك وهزار ان فعلا دة تفكيرهم
ف دة طبيعي ف الانسان مش حاجة مهولة يعني ..

وياريت متعيشيش في ماضي والدك ووالدتك . ترحمي عليهم ومتفكريش كتير خلاص في اولادك فكري انهم هيكبرو ويتجوزو ويملو عليكي البيت احفاد
فكري بايجابية حتي لو السلبية اثرت عليكي هتلاقي ربنا بيفتحلك ابواب من حيث لا تحتسبي خااااالص

الفراغ هو الوسواس
ااقتلي الفراغ يموت الوسواس
ومتقتليهوش في البيت لازم برة البيت
فيه حاجة اسمه comfort zone او مساحة الراحة او المساحة الامنة .. بالنسبالك هو البيت
ببساطة اكسريها

بعيدهالك تاني لما تخرجي انتي اللي بتجيبي الوسواس بانك بتفكري هيجيلك ولا لا
ولو جالك وانتي برة قولي زي ما قولت فوق يلا وقف قلبي ماشي يلا ااقف ما تقف وهكذا تحدي الوسواس لانك ببساطة لازم تطبقي المثل .. الخوف لا يمنع الموت ولكن يمنع الحياه
محصلش حاجة امبارح ولا من اسبوع ولا من شهر مش هيحصل ودة مش بجد

هتلاقي الحوار بيشد عليكي فترات وفترات لا عادي برضو مش مشكلة

افتحي نوت الموبايل واكتبي كدة اليوم : - - - قد جائني وسواس كذا وحدث كذا وكذا بالاعراض بكل حاجة واحفظي النوت ع الموبايل
هتلاقي الموضوع دة بيقل عندك لان خلاص عقلك هيبتدي يتصلح ان القلق دة حصل قبل كدة ومحصلش حاجة يعني.
بالمناسبة انا كان عندي كل الليلة دي من 3 سنين تقريباً وانيل واكبر واعظم وحاجات لا تخطر علي بال بشر بس الحمدلله ربنا اعانني علي نفسي واللي دخلني اني كنت بدور علي جوجل علي علاجات جلطة عشان والدي وجابني لهنا

اخيرا ربنا يحفظك من كل شر .. وقولي في نفسك طول ما معايا ربنا اللي خلقني مفيش خوف من حاجة لو الدنيا ولعت مش مشكلة