ملتقى المتعافين من نوبات الهلع

علما بان النغزات اللي في صدري كانت تجيني قبل هذا التعب اللي ممكن يكون نفسي
الفحوصات اللي اجريتها
تحليل شامل
تخطيط قلب
تحليل جرثومه
تحليل براز
فحص للاذن
تخطيط اعصاب
رنين للراس
صورة تلفزيونيه للبطن
اشعه للصدر

اخوي فلها ممكن اتواصل معك ع الخاص ابي اسألك عن شى .. اخوك عبدالله من الرياض ")

السلام عليكم أخواني انا عندي قلق ونوبات هلع وقولون عصبي ورحت لراقي شرعي لاني شكيت ممكن اللي فيني مس او عين وقرأ علي بعد القراءة زادت الكتمة فقط وهي أساسا تجيني على طول قال عندك عين وصراحة ضعت بين دكتور وبين شيخ !

بسم الله الرحمن الرحيم
السلام عليكم ورحمة الله وبركاته
انا مشترك جديد , اعاني من نوبات هلع لها سنة و3 شهور وفي تحسن الحمدلله
الادوية النفسية السيبرالكس و السيروكسات عدمتني جدا الاعراض كانت كثيرة جدا من الخفقان والبكاء والاحساس بالموت وكل شيء اعتقد وقتها
حاليا استخدم دوجمتيل 50جرام ولست منتظم بااستخدامه , اغلب الاحيان استخدمه عند النوم
اتحسنت حالتي بنسبة 80 % ولله الحمد وان شاء يستمر المفعول

العلاج النفسي مانفع معايا والرقية و الشيوخ صراحة ماطاوعتني نفسي الجلسات خسارة فلوس عالفاضي فحالتي طبعا

العلاج كان رحمة من الله ومن ثم الدوجماتيل والرياضة و الجلسة مع الناس اللي يخلوني اضحك واستانس

انا اخافً اسمع الرقيه مدري احس اني بموت حتئ اذا سمعت قران كذا

المشاركة الأصلية كتبت بواسطة عزووزي

السلام عليكم ورحمه الله وبركاته
ابي اسالكم هل الاعراض الهلع والقلق تكون مستمره لان انا احس الاعراض مستمره مره معي ومخوفتني كثير
لان يمكن اللي اعانيه انا مو هلع اخاف اجلس اعالج في الهلع ويكون مرض عضوي عندي خموووووول واحس كانه بيغمى علي
ودوخات واحس اذا زاد الخمول يزيد احساسي باللاواقعيه واحس ان النوبات الهلع ماتجي فجاه هذا اللي يخليني اشك انه مو هلع
اذا كنت متوتر او ماكليت يعني حاس بخمول احس بخفقان وعندي نغزات بصدري دايم تجيني
وبروده بالاطراف وطنين بالاذن واحس النظر متغير عندي يعني بعض المرات لازم اغمض عيوني شوي عشان اقدر اركز
وبعض المرات كتمه وعدم اتزان ساعدوني جزاكم الله الف خير

انا اشوفه هلع واضح والله اعلم
لان هذي اعراض شخص اعرفه
وانا اشوف ان الحل الانتظام على العلاج
المحافظة على غذاء صحي
الابتعاد عن السهر
التدريبات السلوكية مثل تدريب التنفس وغيره
والاهم من كل هذا ان اي شعور تحس فيه تتجاهله وتتعامل معه بإيجابيه

مثلا تقول الدوخه لاني ما نمت زين او ما اكلت زين وتطنش الموضوع
بدل ما تشغل نفسك فيه ويزييييد القلق و التوتر و الضغط وتزيد الاعراض

+

انت عندك هلع وهو من الحالات النفسيه البسيطه اللي ممكن علاجها بس مشكلتك وين؟

المشكله لما تبدا توسوس كثير وتخاف انها تجيك نوبة الهلع وهذا اللي يزيد الحاله الى قلق واكتئاب

حاول بمجرد ما تعدي النوبة انك تتجاهلها وتمشي حياتك طبيعي
خلك مع الناس اضحك وسولف واطلع واعمل رياضه خفيفه
لا تجلس مع ناس سلبيين
اجلس مع ناس تغير نفسيتك

الوحده تسبب مشاكل كثيير ابتعد عنها قدر الامكان واملأ وقتك بكل ما هو مفيد



الله يشفينا ويشفي كل مريض

بس من يطبق!

جربوا ساليباكس حبه واحده يوميا بعد الغداء لانها ممكن تسبب شوية اعراض لو اخذتها قبل النوم
بعد فترة الدكتور بيرفعها الى حبتين في اليوم

+
ميرزاجن عند الضرورة للنوم



طبعا اول شي استشيروا اطبائكم
انا لاحظت انه دواء جيد

المشاركة الأصلية كتبت بواسطة عبدالمجيدالسويد

السلام عليكم أخواني انا عندي قلق ونوبات هلع وقولون عصبي ورحت لراقي شرعي لاني شكيت ممكن اللي فيني مس او عين وقرأ علي بعد القراءة زادت الكتمة فقط وهي أساسا تجيني على طول قال عندك عين وصراحة ضعت بين دكتور وبين شيخ !

لا تاخذ كلام الشيخ على محمل الجد
لان ممكن يكون مخطئ وما يفهم بالجانب النفسي وتشابهت عليه الاعراض
انا ما اقول بطل رقيه
بس اقول العلاج النفسي مهم جدا في حالتك

ضروري جدا العلاج السلوكي و الله يرفع معنوياتك ويغير نفسيتك لو رحت لدكتور ممتاز
انا انصحك بالدكتور وليد الزهراني في عيادة ميدي كير اللي بالتخصصي
اشرح له حالتك بوضوح و بالتفصيل
و قل له عن موضوع الرقيه وكلام الشيخ وشف وش يقول لك
لانه دكتور تحسه ملم بهالجانب ويفهم بمواضيع العين والحسد
يعني يقدر يساعدك تفرق بين الاعراض النفسيه و الروحيه

وانا اتوقع ان مشكلتك نفسيه
ولو فرضنا عندك عين وين المشكله؟
نهاية الحياة؟
طبعا لا
مو ضروري تروح ل راقي
تقدر ببساطه تنتظم عالعسل والحبه السوداء والزيت المقري عليه و الماء المقري عليه وتحافظ على اذكارك

صعبه؟
لا


ياما ناس عاشت وتعايشت مع امراض اصعب واقوى
تروح وتجي وتاكل وتشرب وتسافر و لا اثر على حياتهم
بالعكس عايشين احسن عيشه بالتفاؤل و الامل والثقه بالله و الثقه ان الفرج قريب





الله يشفينا ويشفيكم ومرضى المسلمين

السلام عليكم ورحمة الله. ...
بالله الم وضوع للتفاؤل جزاكم الله خيرا. ...والي عنده أعراض لايذكرها هنا عشان مايتعب اللي وده يتفائل بالقصص....
ونبي الرقية الشرعية وش كنتم تقرأون بالتحديد

http://www.nafsany.cc/vb/showthread.php?t=28533
هذا موضوع يمكن يفيدكم أسأل الله العظيم رب العرش العظيم ان يشفينا جميعا والي بيستفيد منه لاينساني من دعواته
ولاتذحفونه يالاداره خل العالم تستفيد مالكم الا الدعاء

كل عام وانتم بخير
عيدكم مبارك وعساكم من عواده
أنا حاليا متشافي بنسبة 100% ولله الحمد والمنة

تشخيص الاطباء كان انه عندي نوبة هلع وقلق واعطوني حبوب سيروكسات واندروال وحبوب لغصة الحلق

وبعد مرور سنة على حالتي وعدم نفع الدواء لي اكتشفت انه عندي قولون عصبي وارتجاع مريئي تقريبا يسبب نفس الاعراض تماما

اتمنى لكل مصاب بنوبات هلع عمل منظور للمعدة قبل استخدام الادوية النفسية تكفووون اتغلطو غلطتي وتروح صحتكم ووقتكم وفلوسكم عالفاضي

بداية الامر كنت استخدم السيروكسات ومعروف انه الادوية النفسية تفيد القولون وتهديه فكان فبالي انه العلاج كويس لكن مع الوقت زادت الغصة اللي بالحلق وسببها ارتجاع المرئ والحموضة

اسف عالاطالة لكن هذه ولله الحمد كانت طريقة شفاءي اسئل الله لكم الشفاء والعافية جميعا وللامة الاسلامية

السلام عليكم اخ نواف

والله كلمك مظبوط انا مطلوب منى منظار معدة وانت شجعتنى انى اعملة

وانا مستمر على سبرالكس الان بقالى 6 سنوات تقريبا لكنى سأذهب الى عمل المنظار ان شاء الله

السلام عليكم ورحمة الله وبركاته . اللهم صلي على نبينا محمد . الأخوه الكرام انا من نوبة الهلع اكثر من 3 سنوات وجاني بشكل اختناق شديد وكتمه اعتبرتها الموت جاني واستمرت لساعة أو اقل او تزيد عموما ذهبت لعيادة نفسية واعطاني سايروكسات 20 ملم ومرزاجين 15 ملم عشان النوم ومستمرة الى الان وجيع الاعراض المذكورة في حواراتكم السابقة فيني. ارجو من كتب الله له الشفى أن يشرح لنا طريقة ذلك وشكرا جزيل على التعاون

الاخ نواف البيشي الله يعطيك العافية ويتم عليك الصحة والعافيه .
اولا: الاعراض اللي كانت تجيك قويه ومتعبة ؟
ثانيا: أين عملت المنظار ؟

الاخ نواف البيشي . ارجو المساعدة بالرد تسائلي للضرورة وبشكل عاجل