القلق (تجارب شخصية) ؟

أخي الفاضل المطيري....
أشكرك كثير الشكر و جزاك الله عني كل خير
**************************************
و أخيرا أقول للأخ الفاضل obyany
أنا أيضا أؤيد فكرة فتح منتدى خاص بالتجارب الشخصية.....
حتى نستفيد جميعا انشاء الله....
أتمنى نشوف هذا المنتدى واقع قريبا.......

جزاك الله كل خير.

ي

يا أخوان والله غمرتوني يتشجيعكم ولطفكم ....والفال لك يا مرايـــــــــا وباقي الإخوان ....وبالعكس ترى بعض الأدوية توسع الصـــــدر ...اسمعي واسمع يا عبيــــــاني ردا على سؤالك عن زنكس

أولا أعـــــوذ بالله قعدت لي أسبوع كامل وأنا أدوّر ذا الزنكس قطعت الرياض من شرقها إلى غربها من شمالها إالى جنوبها كل مارحت صيدلية قالولي مخلّص ...قلت لنفسي لهذي الدرجة الناس قلقانين المهم بعد أسبوع لقيته الحمد الله ((تراني أحب أتفلسف شوي )) ..الله يطول عمرك يا عبيــــاني طبيبتي قالت لي أستخدمه لمدة أسبوع متواصل بعدين يصير عند اللزوم ...بس عاد تخبر أحيانا تجيك بعض النكسات خصوصا إذا كنت في المراحل الأولى من العـــــــلاج فأضطـــــر آخذه أسبـــــوع ثــــاني بشكل متواصل بعدين يصير عند اللزوم ......يعني ((عند اللزوم ))مثلا إذا جتك إنتكاسه بسيطه أنــا عن نفسي مثلا إذا صار بكرة عندي إختبــــــــار يزيد قلقي وتظهر علي بعض الأعراض ولا أنــــام فأزرطــــلي حبة وعلطـــــــول ((دردب خخخخخخخخخخخخخخخخخخخخخخخخخخ)) , مثلا يوم جا أخوي فيصل يســـــافر خارج المملكة هئ هئ هئ ((الله يرجعه بالسلامة )) ضاق صدري وقلقت شوي فقمت زرطتلي حبة وعلطول ((دردب خخخخخخخخخخخخخخخخخخخخ)) وبمــــا إني صايرة حساسة بزيـــــادة إذا أحد زعّلني علطول أتخربط فأزرطلي حبة وعلى طـــــول ((دردب خخخخخخخخخخخخخخخخخخخخ)) وعلى هالحال كل ما طقت عصا زرطت حبة وعلى طول ((دردب خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخ))

أرجو أن أكون قد أفدكم .......................................دعواتي لكم بالتوفيق
*****************************************

المطيري كيف علــــــم النــــــاس بحالتك ...؟؟؟؟؟؟
بالنسبة لي كنت قبل العلاج طبعا يوم كنت عبيطة ...أقوم الصبح وأنتوا أعلم وشلون قومت الصبح ...فأروح الجامعة أستغفر الله أحس لو أتكلم مع أحد بأستفرغ عليه ((الله يكرمكم ..أكيد حومت كبودكم بلإستفراغ بس كان هذا أكثر عارض مأذيني)) فتلقاني أميل للهدؤ أكتفي بتعليقات بسيطة ابتسامات بسيطة ......بعد العلاج ويوم تحسنت حالتي ماعاد أحد يسكّــــتني ...لدرجة إن بعض البنات صارحوني وقالوا لي يا لميــــا إنتي أول ما جيتي كنتي مغرورة مرررررررررررررررررررررررررررررررة مرررررررررة ومتكبرة وشكلك تحقرين البنات لكن سامحينا ظنينا فيك غلط يوم اندمجنا معك عرفنا إنك طيبة <<<<<<<<<وحدة قاعدة تمدح نفسها :D
وهـــــــــــذا كل اللي عندي يا أعزائي .....وبابالتوفيق مجددا

ا

صـــــراحة ما أدري وش قصتي مع هذا المنتدى كل ما سجلت انحاس تسجيلي وامتنع دخولي أخاف أحد بس مسولي حـــــــــذر ..اضطررت أسجل مرة ثانية وعلي وعلى أعدائي

بس تراني لميــــــــاء
**********************

عبيــــــــــــــــــــــــــاني ...... قل مــاشء الله تبــــــــــارك الله .شكلك نظلتني أول مرة ينشف ريقي وهذا دليل إن الإكتئـــــاب رجعلي يا ويــــــــــــــــــلي ياويلــــــــــــــــــــي:( ..

بعدين تراك خرعتني من زنكس طبيبتي تقول إنه ما يجيب إدمـــــــان إلا إذا أُستخدم لفترة طويلة وتعودت عليه خلايا المخ والمراكز بتاع القلق والخرابيك الثانية ....بعدين الجـــــــرعة إلي آخذها أنا بسيطة جــــــــدا ..يا أخي والله ضيقت صـــــــــدري وأقلقتــــــــاني ...هذا اللي أستفدته من رجعتي للمنتدى إحبــــــــــاط من جديـــــــــــد هئ هئ هئ المشكلة إن أخوي فيصل مســــــافر يعني مافي أحد يرفع معنويــــــــــــاتي هئ هئ هئ :(

أقـــــــــول شكلي بروح أزرطلي حبة عشان ((دردب خخخخخخخخخخخخخخخخخخخ)) هذي النهشة الوحيدة من ضيقة الصــــــدر ...ولو ماكان فيه ((دردب خخخخخخخخخخخخخخخخخخخ)) كان انهبلت من زمــــــــــــــــان .........إلا عبياني عساك إن شاء الله ذا الأيـــــــام ((دردب خخخخخخخخخخخخخخخخخخخخخخخ))










عبيـــــاني لا تحمل كلامي على محمل الجد تراني أمزح ((ولو إن فيه شويت صدق :D )) بالعكس إنت أكثر واحد رفع معنوياتي في المنتدى ولو إن ذا المرة أقلقتاني شوي .............بس عادي يا شيخ ولو أدمنتها هماها بس بتخليني ((دردب خخخخخخخخخخخخخخخخ)) عادي عادي

بالتوفيق للجميع

طبعا يا لمياء الادوية الهدئة من النوع ذات التا ثير المباشر مثل الزانكس يؤدي للادمان ولكن إذا استخدمتيها بجرعات عالية ويوميا لمدة طويلة اكثر من شهرين وبعدين ادمانها سهل التخلص منه اسهل من الدخان .وبعدين جفاف الفم ممكن ان يكون من سبرام ولو انه اخف من غيره لكن جفاف الفم من اكثر اعراض مضادات الاكتئاب
ارجو ان يكون هذا توضيح.

أشكرك كثير الشكر و جزاك الله كل خير اخوي obyany

اذا الأدوية النفسية ثلاثة أنواع.....،طيب النوع الثالث (مضادات الاكتئاب)
هل فعلا لا تسبب الادمان؟......طيب اذا توقف الانسان عنها ألا تعود اليه
أعراض الاكتئاب من جديد؟

*********************************

لماذا أرفض العلاج بالأدوية؟

لأنه لدي فكرة عنها لا أدري ان كانت صحيحة أم لا.....
و هي أنه الأدوية تعالج الأعراض فقط و ليس السبب الرئيسي للمشكلة..
أعرف أن كلامي هذا يبدو غريب و غير منطقي لكن للأسف هذا ما أعتقده..
و تعبت و أنا أحاول اقناع نفسي بالعكس....
و أنت تعرف أنه لكي يستفيد المريض من الدواء عليه أن يقتنع أولا بفاعليته
و الا لن يكون للدواء أي تأثير...
أليس كذلك؟

ا

لمياء صباح الخير


الله يلعن ابلسك ضحكتيني بسالفة الزرط والدردب هههههههههه:D


شوفي الله يسلمك الزانكس يتعود عليه المريض اذا كانت جرعته عاليه والفتره طويله اكثر من اللى قالها اعبياني بعد 0000

بس اهم شيء اتبعي كلام الطبيب بالحرف الواجد والزانكس فعلا خليه هند اللزوم بس ( سمعتي ونخوك :) واتركي عنك الزرط:D )

على فكره انا اخذ سيبرام بعد حبتين باليوم بس عاد ما ازرطهم دردب:D


الله يمتعك بالصحه يالمياء 0

كيف علم الناس ؟

الانقطاع فجاه عن الكل الاقارب وغيرهم والاصدقاء وكاني مت

هذا ملفت للنظر صح 0

بعدين امي ( اعجيزنا ماقصرت ماخلت احد بالشارع ماعلمته :D )


تحياتي لكم جميعا 000

بصراحة من أجمل الموضوعات في هذا المنتدى هذا الموضوع .
ولكن لي تساؤل
أنا سمعت أن سيروكسات خاص للرهاب الاجتماعي .
و أنه يؤثر جنسياً .....

ب

اخواني واخواتي وكل من كتب تجربته في هذا الموضوع
الذي بني من خلاله عبياني اشكركم جزيل الشكر ويعلم ان لولا الله ثم دعمكم لهذا الموضوع لما ازدهر وتطور ووصلنا الان لمنتدى خاص بالتجارب الشخصية ولكني اود ان اطرح فكرة وهي بنما ان هنا ك منتدى خاص بالتجارب الشخصية
واصبح القلق تجارب شخصية مثل الارشيف او المرجع لما لا نجعله دفتر يومي نكتب من خلاله حالتنا هذا اليوم ويكون لك كمتابعة ومرجع لحالتك.وكل يوم على هالحال فيطمئن اخوتك عليك ولا يلزم ذلك قرائتهم لملفك اليومي فهو لك انت اعتبره كتابة مذكرات او نتائج او اي شئ خواطر نفسيات وسابدا انا لاعطاء صورة واضحة.

بسم الله الرحمن الرحيم
يوم اخميس الموافق التاريخ
انا اليوم لست على ما يرام انتابني صداع صباحا وذلك لالتهاب باللثة وصابني نوع من التوتر
اما عن الادوية ومواعيدها


حبتين سبرام في الصباح وواحدة ظهرا مع حبة بسبار
في اليل حبه ونصف ريميرون مع حبتين بسبار


وغيرها من التفاصيل اما ما سبق فهو مثال حقيقي وهو ما حدث اليوم فعلا



ارجو ان تلاقي فكرتي استحسانكم.


كما اني اقول لكم اكتبو في هذه الصفحة كل ما يجول بخواطركم من شعر او نثر او كلمات تعجبكم او تساؤلات فهي لا تجبر اي احد ان يشارك فيها او يعلق فلا حرج من التكرار او التفصيل الممل فاحيانا نشعر بان من حق الاخرين علينا ان لا نقدم لهم إلا المواضيع المشوقة ولكن بما ان هذه الصفحة ثابتة فالنعتبرها واحة للتنفيس. وليس لاحد الحق في الانتقاد فقط التعليق المرن البناء لانها خاصة عامة.

كما انني ادعو الذين لم يعانوا نفسيا ولم يمروا باحاسيس غير عادية عدم احراج احد في هذه الصفحة وهذا من باب الذوق على الاقل فكما قلت واوضح الكل يشارك في هذه الصفحة من شاعر واديب ومكتئب وعادي الخ لا حكر ولا احتكار
كما انني ادعو اديباتنا وادبائنا الكرام إلى الكتابة وعلى راسهم اديبتنا الغالية مها ونرحب باوهام العميدة واهمة وبمشاعر الاعضاء كلهم ارجو ان تكون الفكرة واضحة

ا

السلام عليكم

عبياني.................هل تعاني من الرهاب الاجتماعي........؟