محتاجة رأي الجميع

محتاجة رأي الجميع

أاولا السلام عليكم
ثانيا فيه موضوع أريد أن آخذ رأي الجميع فيه ، في عريس جايلي قعد معايا وعرفني بنفسه وشخصيته
قال انه عاوزني اجلس في البيت من غير شغل لأنه أناني وعاوز واحدة للبيت فقط بمعنى انها متخرجش ويبقى لها زمايل في الشغل وخصوصا في مصر عندنا الرجالة مع النساء في العمل عادي ؛ ثانيا قال انه عصبي جدا واي حاجة صغيرة بتنرفزه ؛ ثالثا بينتقد اللي حوله كتير ؛ نيجي لأهم حاجة انه باباه ميت وهو اللي بيصرف على اخواته وبيجهز اخواته البنات وهيشتري لكل ولد من اخواته بيت وهيعملهم مشروع ودخل ثابت عشان يؤمن مستقبلهم هو هيجيبلي شقة وكل حاجة بس كل اللي بيجيبه هيصرفه على اخواته ومستقبلهم وقال لازم استحمل في البداية طبعا ؛ وبحس انه حط في دماغه انه اقل من مستوايا انا واهلي مش عارفة ليه
هو طيب جدا وحاسة ده من شخصيته وأهله محترمين جدا بس كلامه مخوفني وانا مقدرش أسيب الشغل وأسافر معاه لأن الشغل حياتي وبصراحة انا مدخلتش الجامعة وتعبت فيها التعب ده كله عشان اتخرج واقعد في البيت بعد الزواج وخصوصا في مصر محدش ضامن ظروف المستقبل
أنا محتارة جدا فياريت تقوللولي رأيكم ياجماعة خصوصا ان أهلي لسه بيفكروا ومقتنعين نوعا ما يعني شبه موافقين ولسه رأيي.
وأكون ممتنة لكل من قرأ وأعطاني رأيه

المصدر: نفساني

هنا لنا القدرة على الرد
كل عام و انتي بخير

طبعا انا احب ان ارحب بك اولا
و ثانيا بالنسبة لموضوعك

التفكير في الامر جيدا مطلوب لان ما يقوله لك هو امور متعلقه بمستقبلك بالكامل و بقدرتك على التكيف معها
هل ستتقبلي هذا الوضع لفترة من الزمن ام عمرك كله
فكري في اللحظة التي ستجدي نفسك لم تعودي قادرة على التكيف مع هذا الامر هل سيكون هناك مجال للتراجع ؟؟
ربما من الافضل ان نفكر جيدا قبل ان نتورط و لا نقدر على على التراجع
و ايضا المستقبل بيد الله و الرزق من عند الله
و لكن علينا ان نأخذ بالاسباب و معروف طبعا ان شقه عندنا في مصر معجزة فما بالك بمجموعة شقق للاخوة و مشاريع لهم
ليس معنى كلامي انه يعني رفضي مساعدة اخوانه و اخواته
و لكن هذا كلام صعب تنفيذه او بمعنى ادق هل عندك القدرة للصبر حتى يتم ما قرر عمله
انكنتي تجدي في نفسك القدرة على الصبر فلا بأس و خصوصا انا لا اعلم مدى امكانياته التي تؤهله لعمل هذا خلال فترة وجيزة و انت اعلم بظروفه من اي شخص سيرد عليك هنا

اقترح ان تعيدي النظر جيدا و ان لا تتسرعي و خذي وقتك الكافي فقرارك هذا ستتحملي عواقبه طول حياتك سواء النجاح او الفشل بحالتيه اما الطلاق او القبول بالحياه كما هي


اخيرا هذا رأي شخصي ربما اكون على صواب و ربما اكون مخطئ

وفقك الله لما فيه خيرا لك

خالد عباس