يـــــــاليت تشوفون وش كتبت....... وخاصة الاخت (ميـــرا ميندوزا)

يـــــــاليت تشوفون وش كتبت....... وخاصة الاخت (ميـــرا ميندوزا)

بسم الله الرحمن الرحيم
السلام عليكم ورحمة الله وبركاته00

الحمدلله والصلاة والسلام على رسول الله وعلى آله وصحبه أجمعين
اولا اللـــــــــه يعطيكم العافيه ولو اني حاس اني راح اتعبكم واياي لكن الاجر والثواب عند الله وانشاء الله مايضيع لكم اجر.. المهم
الله يوفقك في امتحاناتك ياختي جروح وتعدين الاختبار مع مرتبة الشرف الاولى (اليوم الاربعاء والدعاء جاء متاخر لكن انشاء الله تعدين في اختبارك امس) وانشاء الله تعتدل نفسيتك وتصيرين احسن لأحسن..

ثـــــانيا" اشكرك اختي ميرا ميندوزا (( ولو اني ماني عارف وش معنى اسمك لكن يظل حلو)) على تجاوبك معي وانتي صادقة في تفسيرك لشخصيتي اني ماني عارف ايش السبب بالضبط.. اقولك كيف تصير حالتي راح اوصفها:
انا انسان مثل اي انسان طبيعي احب الناس واحب اختلط وياهم واحب امزح مع الغير وخاصة الاشخاص المقربين واللي الاحظه من الناس اللي حولي اني انسان محبوب بينهم ولي تقديري بينهم.. عارف راح تقولين وين المشكلة؟؟
المشكلة اذا صار كلام جد (او سؤال او حركه او مزح) محرج وحسيت ان الانسان اللي قدامي معطيني كامل ذهنه وتفكيره والجو اللي حولي كذلك كلهم منصتين لي تبدء هنا المشكلة وتنتابني الحاله اللي سبق وقلتها وراح اقولها واللي معقدتني في حياتي كلها وسبب في احرجات ومشاكل نفسية مالها حد وهي:
تسارع ضربات القلب بشكل مخيف وتوتر و خوف شديد وتركيز غريب واحمرار بالوجه ملحوظ وملفت للنظر وتصبب عرق كذلك.. هاذي هي الاعراض اللي متعسة حياتي وخلتني اعيش في حالة نفسية ما يعلم فيها الا الله وتخيلني اكون متوحد دايم ولا احب اقابل او اواجه احد او حتى اطلب المساعده من احد.. والمشكلة انني طالب عسكري في مجتمع مغلق واجتماعي بحت 100% فياليت تحسون بالمعاناه اللي انا فيها وسبق اني تكلمت في الموضوع قبل كذا..
اختي ميرا الاحتمالات قد تكون صحيحة بس المشكلة من زمان وهي معي من ايام الدراسة من المرحلة الابتدائية الى يومي هذا, ولا اذكر حادثة معينه او صدمة مثل ما تقولين غير انه طلعت لي فجأة بدون سابق انذار وخلتني امام الامر الواقع.. الاحتمال الثاني صحيح مرررررة مررررررة الاحظه مع قريباتي ولو كان لمجرد السلام عليهم بس وخاصة اذا تعرضت لموقف محرج او غلط بدون سبب مع نساء غريبات في الاسواق مثلا او حتى الكلام مع الممرضات او الدكتورات في المستشفيات بدافع غير جنسي طبعا لانه اكون في حالة ابحث فيها عن مخرج من المأزق اللي انا فيه بأي شكل كان..
اســــــــــ sorry ــــــــف على الاطالة يا اخت ميرا وهاذي كل مشكلتي وياليت القى الحل الجازم لحالتي..
حبيت اذكر تنبيه بسيط استعملت علاج الاوروريكس وكـــــان...........؟
راح اتكلم بفعالية العلاج وتأثيره على حالتي في موضوع راح اطرحه على نفس صفحة المواضيع الجديدة..
اسف واسف مرة ثانيه على الاطالة.. وياليت القى الجواب في القريب العاجل..
.. ::5i hope you are understanding me and what i feel ::5

المصدر: نفساني

اخي الكريم جارح 000

من أسهل التطبيقات التي درسناها في الإن ال بي هي ماذكرته في حالتك
وادري هلحـــــاله سببتلك ألم وأخرتك بأشياء 00 بس ان شالله تتغلب عليها

أهم شي اعقد العزم بينك وبين نفسك انك تتغير وباذن الله بتتغير للأفضل

في أكثر من تطبيق نبدأ من الأسهل 0000

دامك عقدت العزم بينك وبين نفسك على التغيير اجلس جلسة استرخاء بينك وبين نفسك وتنفس مره مرتين 000خمس مرات
هات ورقه وقلم واكتب الخصال السلبيه اللي تحس انت فيها بعد ماتخلص كتابتها
حطها قدام عينك وغمض عينك وتخيل كل المواقف الي مرت عليك وانت تحمل هلصفات السلبيه
ركز بلصوره وتعمق فيها وعايشها بكل مشاعرك وتخيل ان هلصفه أخرتك وماقدمتك ولاخطوه للأمام تذكر انك متضايق منها احقد عليها واكرها وعايش الموقف بكل احاسيسك
بعد ماتحس انك كملت الموقف وتخيلته زين تنفس بقوه وفتح عينك وقطع الورقه قطعها احرقها ادفنها سوي الي تبيه 0000
هات ورقه ثانيه واكتب عكس صفاتك السلبيه وحطها قدام عينك وغمض عينك وتخيل نفسك بنفس المواقف الي مرت عليك سابقا بس بالصفات الجديده الي بتتحلى فيها وضح الصوره فخيالك وكبرها ودخل عليها الوان تحبها ووضح الالوان وتمتع بالموقف وشوف نفسك وانت واثق من نفسك وتتكلم بكل طلاقه وحريه ومتحكم بأعصابك زين000عيش الموقف بكل مشاعرك وبكل احساس وتنفس بكل قوه بعد ما تكون اكتسبت صفاتك الي تبيها ضم الورقه لحضنك بقوه وحطها في بالك زين 000 خلي الورقه فمحفظتك وخلي الكلام فيها بلغة الحاضر مثل انا شخصيتي قويه انا متحكم باعصابي انا اتحدث امام الناس بسهوله مثلا واحتفظ بالورقه واقراها يوميا 0000000

طبق هذا التمرين 00000وفوقه اكثر من اختلاطاتك وواجه صفاتك السلبيه بكل قوه اعتبر نفسك في حرب وصفاتك الي مضايقتك العدو 000 قولي شبتسوي ؟؟ الموضوع صار تحدي صح ؟؟

طمنا اخوي الكريـــــم واسئل الله ان يمتعك بكل ماتتمناه

الشاب اللطيف جارح ... يسعدني مدى وضوحك وصراحتك ( انت فعلا واثق من نفسك ) وغير محرج من كونك تعاني من حالة ان شا الله تكون في مرحلة زوالها وانتهائها الابدي ... جارح ... اعتقد اني افهم حالتك بشكل كلي لكن ما توصلت للحين لمعرفة السبب الرئيسي اللي سبّبها ... عموما ... فهمي للحالة والمواقف اللي تتبلور فيها حالتك وتبرز يخليني اتمكن ان شا الله من مساعدتك ... يعني انت تعاني من هذي الحالة في المواقف التالية :
1- موقف محرج
2- موقف تكون انت فيه محط الانظار ويكون المطلوب فيه من الآخرين رؤية استجابات من عندك وتفاعل في الموقف وليس ( حرج وتراجع )
3- موقف الاحتكاك بالنساء حتى لو في اطار جدي وعملي بحت .
اذا كان هذا منطبق فعلا فالحل هو ... على مراحل ... المراحل انت تمر فيها وتحس فيها بالتحسن التدريجي والامان يوم بعد يوم ... ويمكن ينتهي دوري معاك انا وغيري ولاتزال تتحسن على مدى ما يقارب سنتين ... هذا هو المتوسط التقريبي لتحسن حالتك حتى لو كان من غير مشرف على حالتك ... يعني انت بمجرد ما تعرف اسرار عن حالتك تبتدي تتحسن من خلال التجارب والمواقف اللي تمر فيها ... وبين مراحل التفاعل المتزن السوي للمواقف يحدث اخفاقات ... هذي الاخفاقات يقل عددها مع مرور الوقت الى ان تبدأ بالتلاشي بعد سنتين تقريبا كمتوسط ... اما عن الاسرار او الامور اللي تخدمك معرفتها فهي كالآتي :
1 - انت تحب الناس وحساس وحساسيتك سبب في خوفك من اي شيء يأتيك منهم فجأة في موقف معين ويكون جارح لك ولمشاعرك الحساسة .
2 - انت شخص تنظر لنفسك وينظر لك الاخرين انك مميز ومبدع وعندك افكار جديدة ، ولهذا انت تخجل التعظيم والتبجيل اللي ممكن يوجهه البعض لك ، مثلك مثل كل شخص يكره التعظيم والشهرة لأنها تؤدي للقيود الاجتماعية والغرور والغرور مو طبعك ولا يمكن ان تتكيف معه .
3 - انت وبسبب حساسيتك تكره النقد اللفظي او النظرات المحدقة لأنها ممكن تحمل نقد او وجهات نظر اصحابها في الحكم عليك ... ولذا تكون ومتوتر وقلق .
4 - انت تخاف الغموض ... ولذلك بودك لو تعرف كل ما يخفى في نفوس من حولك عشان تحس بالامان ... ولطالما هذا الشي مستحيل فأنت ماراح تحس بالأمان وبالتالي بدون أمان مافي ثقة ولا استقرار
5 - اذا كنت مو متزوج تزوج ... لأن هذه الحالة راح تخف في التعامل مع النساء الغريبات بالذات ...
6 - اعتقد ومن كلامك انك شخص ( حيوي - منفعل - سريع ) بشكل غالب في حياتك ، أي انك تملك طاقة كبيرة مو عارف وين تصرفها فتأثر على انفعالاتك وتخليها طائشة ومو متزنة ... يفضل وايد انك تبتدي تتعود على طول انك تكون هاديء النفس ومستقر الشعور ومتأني الفكر ... ومافي مانع حينها انك تكون سريع الحركة وحيوي لكن مو بشكل دايم ... يعني دائما لما تشوف نفسك منفعل ومتسرع ومتوتر قول حق نفسك ( اهدى يا فلان شوي ) واخذ انفاس عميقة واستشعر الهدوء ... راح تتحسن على هذي الطريقة بسرعة لأن الانسان اول ما يتوتر وقلبه يدق بسرعة يقل وصول الاكسجين للمخ وبالتالي يقل التركيز ... وبمجرد ما انت تاخذ انفاس عميقة اذن انت تعيد اتزانك الى الدماغ فيرجع التركيز وتعرف كيف تتصرف باللازم ...
7 - من احسن الوسائل انك تتخيّل نفسك وانت تتفاعل في الموقف بأحلى طريقة تتمناها ... وتصير دايما تحاول تسعى للمثال او النموذج اللي في خيالك ...
8 - من اهم الامور اللي تساعد على النجاح انك تتجاهل المحبّطات ومواقف الفشل من ذهنك واهتمامك نهائيا وتستنكرها وتعتبرها موقف عدّى ومو شرط يتكرر ... المهم ان ما تغضب مع نفسك ... لأن انت نفسك ونفسك انت ... والغضب يؤدي للاحباط والاحباط يعطل نشاطاتك للنجاح ويصيبك باليأس .
9 - التركيز الدائم وعدم السرحان اسلوب فعال في انك تعرف شلون تتفاعل وتتصرف في الوقت المناسب وليس بعد مرور الموقف ( اي الحضور الذهني )
10 - خذ الامور ببساطة وقول لنفسك اذا حسيت بقلق في اي موقف ( يا فلان ... اخذ الموضوع ببساطة يصير بسيط اخذه بشدة يصير شديد ) ... ومع كثرة مخاطبتك لنفسك والتفاهم معها راح توصلون للحل الامثل وأنا واثقة ...
11- كلم نفسك عن مميزاتها وقول لنفسك ( ليش اخجل من مميزاتي وابخل على الناس بسوالفي وضحكتي ومرحي وشخصيتي الحقيقية المسجونة داخلي ، ليش ما احررها وانطلق اجتماعيا وانفّس عن ضغوط الحياة في كوني اكون على طبيعتي )
12 - لا تكتم دموعك لكن طبعا بينك وبين نفسك ... ولا تطيل الأسى على نفسك ولا تيأس أبدا ولا تتخلى عن المشورة وحاول طباعة اي علاجات من خلال النت واحتفظ فيها لعلها تنفعك في ضيق او عشان ما تنسى بعض مما فيها ...
اتمنى لك قوة جبارة ... وظهور اجتماعي بارز وواثق ... وليش لأ ... انت شنو ناقصك ...
تعليق مازح : البنات يحبون الرجل الواثق و الجريء ... يلا عطيتك دافع بعد ... ومع الف سلامة يا اخوي ( جااارح ) ... اختك ميرلا ... ميندوزا ...

تاريخ ميلادك يساعدني اكثر في تحليل شخصيتك ودوافعك فياريت اعرفه بالكامل ...

السلام عليكم ورحمة الله وبركاته..
الحمدلله والصلاة والسلام على رسول الله وعلى آله وصحبه أجمعين...
عندي موضوع يا شباب وياليت واحظى بمشاركاتكم نبدء بالموضوع,, بسم الله :
v
v
v
v
v
v
v
v
v
v
v
v
v
v
v
v

الموضوع يا شباب وانشاء الله ماكون ثقيل عليكم هو >>=+------------------->
تعرفوني طبعا ضيف وصديق جديد على المنتدى وبالاصح" عندي مشكلة وابحث " لها عن حل ..
انا سبق وتكلمت وقلت اني راح اجرب دواء الاوروريكس من كثر ما قريت من مشاكل الشباب ومدى نجاح الدواء هذا معهم وان شاء الله واطلب من الله ان يكتب الشفاء القريب والعاجل لجميع اخواني في هذا الموقع.. عارف بتقولون وين المشكلة وش يبي يوصل له الاخ جـــــــــــــــــــــارح ..

المشكلة اني بديت بأخذ دواء الاوروريكس من نفسي وبدون استشارة طبيب,, رحت للصيدلية وقلت له عطني دواء الاوروريكس وكنت متخوف من الدواء بصراحه وبدأت اسأل الدكتور (( الصيدلي طبعا)) اخوكم جـــــــــــــارح مسوي فاهم على الصيدلي وبديت اسأله عن الدواء وتاثيره ومدى فعاليته واثاره الجانبية,,

المــــــــــــــــــهم >>+----------------------------------->

اشتريت الدواء وكان سعره غــــــالي شوي ((طبعا حسب ميزانيتي ""تعرفون طالب ومطفر)) وكان سعره بالضبط 65.5 ريال خمس وستين ريال ونص يعني 66 ريال شريته يوم الجمعه وبديت بأخذ العلاج من يوم السبت بمعدل 300مج باليوم>> حبة بعد الفطور وحبة بعد الغداء << اول يوم حسيت بثقة وان العلاج راح يعطي مفعوله احساس داخلي طبعا يوم الاحد نفس الشي ويوم الاثنين حسيت بتغير في المزاج وراحة البال وبديت اخذ واعطي مع الشباب واعلق عليهم وامزح معهم واضحك عليهم ويضحكون علي تأكد من الدواء اعطى مفعوله 100% ولله الحمد وكنت مبسوط مررررررررة(( لان حالتي بالاول قبل لا استخدم العلاج كنت خايف من المجمتع والمحيط اللي فيه وما كنت امزح او اعلق واتكلم مع الشباب خوف من الاحراج واحمرار الوجه وتصبب العرق .. الاعراض اللي سبق وقلتها لكم في هذا القسم من المنتدى ولو ترجعون لها تلقونها موجوده "" بالعربي رهاب المجتمع اللي فيني "")) .. الــــــــــــى الان وانا مبسوط وكل شي ماشي تمام وباقي الاسبوع عدى على خير .. اللي صار بعدها طبعا وهي المشكلة والمعضلة في نفس الوقت انه :
v
v
v
v
v
v
v
v
v
v
بعد الاسبوع الاول من نجاح العلاج بداءت حالتي الاولى ترجع الاعراض السابقة والعلاج ماعطى فعاليته مثل اول فاللي سويته اني بداءت اخذ ضعف الجرعات من تلقاء نفسي يعني>>300مج بعد الافطار و300 مج بعد الغداء<< وما تحسنت الحالة وكأن العلاج لم يعطي الفايدة المرجوة منه طبعا انا الان في موقف حرج ومادري وش تاليتها .. هل استمر فيه اخذه مع اني احس الفايدة منه انعدمت او اتوقف عنه ؟؟ ارجـــــــــــــوا مساعدتكم يا شباب تكفوووووون..
واليوم الصبح بالتحديد رحت للصيدلية وطلبت علاج بروزاك سألت الصيدلي عن العلاج واضراره ومدى فاعليته وسألني وقال هل العلاج مكتوب لك بوصفة دكتور مختص طبعا صابتني حالة الاحراج واحمر وجهي وتصببت عرق وقلت : لا ...
فهو لزم علي بستشارة طبيب مختص..
وطبعا قريت الوصفة الطبية داخل العلاج كل شي قريته عن العلاج وبصراحة خفت من الدواء من قــــــوة الكلام المكتوب فيه وانه كذا مرة تسبب بحالات وفاة ارجعوا للوصفة وراح تلقون كل شي موجود

..((وسعره غـــــــالي مـــره 144 ريال))

هاذي مشكلتي وهاذي معـــــــــاناتي .. وتكفووووون نصيحتكم شباب وش الحل هل استمر في اخذ علاج الارورويكس مع احس ان الفايدة من العلاج انعدمت؟؟
او انكم تنصحوني وتعطوني طريقة او وصفة اخذ علاج بروزاك؟؟
وانا والله اني محرج منكم جميعا واحس اني ثقيل عليكم وغثيتكم معي وبمشاكلي اللي مادري متى راح تنتهي!! لكن الاجر والثواب والعلاج بيد الله سبحانه.. وانا انتظر ردودكم في اقرب وقت !!
وقبل لا انسى لا تقولون روح لستشاري نفساني ظروووووووووفي ماتسمح لي اروح ولو هي بيدي كان رحت من زمااااااان لكن انتظر الفرصة المناسبة (( اللي هي تخرجي من معهد الطيران وهو اول شي راح اسويه زيارة دكتور نفساني))..
اسف واسف وكلي اسف على الاطالة وتكفووووووووون يا شباب انتظر ردودكم!!!
فيه اقتراح بسيط ومهم للجميع ياليت احصل على رقم تليفون دكتور نفساني او عيادة نفسانية عشان اتخاطب معه شخص لشخص وافهمه حالتي,, وهذا الشي الوحيد اللي اقدر اسويه في ظل الظروووووف الراهنه المحيطه بي !!

وأخيراً ......... لا أستطيع الا أن أشكركم على جهودكم الواضحة..a::6