|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
30-08-2017, 04:15 AM | #1 | |||
عضو نشط
|
هذا حالي وهذا اللي يصير معي من نوبات الهلع ارجوكم ساعدوني
صباح الخير ع الجميع قبل كل شي اشكر اخوي ابن دايم ع توجيهاته المستمره لي والله يجزاك خير اخوي
انا لي سنه و 3 شهور ع سيروكسات سي ار 25 العلاج ممتاز جداً شفيت بنسبه 100% بعد الله ولاكن قبل شهر نص تقريباً قلت لدكتور ابي اوقف العلاج وقالي يوم اكل ويوم لا مشت الامور تمام من حوالي وتقريباً 15 يوم جتني اول نوبه بعد استخدامي للعلاج لان العلاج شفاني بعد الله من كل شي بالهلع سواً نفسي او اعراض نفسوجسديه طلعت من صلاه الجمعه قبل اسبوعين مافيني شي فجئه حراره داخليه خوف قوي من الموت احساس بكتمه دقيت ع اخوي جاء اخذني وتركت سيارتي قبل 4 ايام بسوق ع الفجر طبعاُ سوق الاغنام جتني حاله ضسق تنفس شديد وضيقه وتركت سيارتي وجاء اخوي اخذني مساء امس الاول رحت للاسعاف ضيق تنفس قوي وكل شي طلع عندي سليم طبعاً لي 4 ايام اكل العلاج يومياً لان الدكتور قالي لو حصلت اي نتاكسه ارجع للعلاج لان مده بقاء العلاج بالدم 30 ساعه تقريباً بعطيكم اللي اعاني منه ع شكل ارقام وبحاول اختصر تكفون ساعدوني 1- انا عاطل من 8 سنوات تقريباً ونوبات الهلع بسببها خسرت كل شي رغم اني متفاءل للحين 2- لي يومين او اكثر احس بطفش وان الدنيا مالها طعم وصرت اذا مشيت ع رجولي رياضه يعني ارتاح بعد الرياضه ومشكلتي اتحمس يوم يومين اسبوع ع الرياضه واتركها عزمي مره قوي ومره ضعيف 3- مااقدر اسافر لحالي ابد مااخفيكم بعد تحسني ع العلاج رحت عمره 3 مرات ولانوبه جتني ولله الحمد 4- احس ان مافيه احد يوجهني ويقويني بعد الله حتى اهلي ولا يعرفون ب النوبات اللي فيني 5- اتذكر وقفات سيئه من اصدقاء خذولوني واجلس افكر بالساعات فيها رغم انها سوالف قديمه بس تفكيري سلبي عجزت اسيطر عليه 6- عندي استعداد استمر ع العلاج بس موضوع السمنه مضايقني والتبلد يعني مالي نفس اسوي اي شغل يجني حتى الصلاه اكثر الوقت مااقدر اصليها 7- ودي ارجع نفس قبل بس مافيه احد يوجهني ويقويني بعد الله 8- وقت النوبه اضعف واجلس ابكي اقول هذا الموت اعراضها قويه جداً 9- اخاف ع اهلي من الحوادث واذا طلعوا ادق عليهم كثير 10- ابي وادري طلبي صعب من يوقف معي ويوجهني واقدر ادرس او اتوظف واذا جتني النوبه ادق عليه يشعجني 11- نومي كل فتره او كل اسبوع يتغير عشاني عاطل واذا نمت كل النهار اصحى مكتئب ومعصب حاولت اكون صاحي وقت النهار وطبقت هذا الكلام بس اسبوع ويتغير نومي لان معي ارق 12- بتذكر اي عرض معي وانزله بمشاركات بموضوعي هذا 13- النقطه الاخيره وانا اعتبرها الاهم: من مده طويله قريت عن سيروكسات ب قوقل وقالوا انه يسبب الانتحار او التفكير بالانتحار وخفت وصار هالتفكير براسي عجزت اطرد الفكره واحترت قلت لايكون اني افكر باالانتحار صدق مع اني خواف ومستحيل اقدم ع هذا الشي بس مدري ليش كلمة انتحار براسي احترت هل هي من قراءتي او فعلاً هي براسي صاير تفكيري بكل شي متشتت علماً اني قلق من ايام الطفوله واخيراً تكفون ابي من يوقف معي احس اني وحيد ولاانسى جهود اخوي ابن دايم واستمراره معي ع الاتصال او الواتس ورده ع طول علي بس اقدر اشغال اخوي بن دايم ولا ابي ازعجه كل شوي رغم سعة صدره لي الله يوفقك ي ابن دايم غالي والله شاهد ارجو المساعده من الجميع المصدر: نفساني
|
|||
التعديل الأخير تم بواسطة حائلي ; 30-08-2017 الساعة 04:20 AM
|
30-08-2017, 04:26 AM | #2 |
عضو نشط
|
تذكرت بعد اذا سمعت اي خبر يخوف ك وفاه او مرض ل اي شخص اخاف ويجيني خفقان
حتى امس يوم بالمستشفى خوف ان ضغطي مرتفع او الاكسجين ناقص معي صرت اخاف حتى من ظلي |
|
30-08-2017, 04:34 AM | #3 |
عضـو مُـبـدع
|
سلامتك اخي، كل ماذكرته اغلبنا ان لم نكن جميعنا مررنا به،اطمئن لا يخرج عن دائرة القلق ومايتبعه من نوبات هلع واكتئاب ثانوي،اعتقد ان مايزيد مشكلتك ويجعلها مستمرة انك عاطل عن العمل، عندك وقت فراغ كبير وهو يعمل كتربة خصبة للقلق وزيادة الوساوس والتفكير القلق المخيف،حاول ان تجد وظيفة مهما كانت او تكمل دراستك حتى تنشغل عن كل ماانت فيه الان ومع الوقت والانشغال ستخف مشاكلك بإذن الله.
لن يشجعك ويقويك بعد الله سبحانه وتعالى سوى نفسك، مهما شجعناك ودعمناك سيكون العامل الاقوى والاهم هو ارادتك وعزمك على الخلاص مما انت به،القلق يحتاج ارادة وتحدي ، وتأكد انه سيأتي وقت وستصبح معاناتك من الماضي. بن دايم فعلا اخ رائع بكل معني الكلمة يقف ويساعد الجميع بارك الله فيه وبامثاله. |
|
30-08-2017, 05:19 AM | #4 | |
عضو نشط
|
اقتباس:
الله يسلمك.. كلامك صحيح وكل ماذكرتيه صحيح ولاكن بالفتره الاخيره صرت مااحب اي شغل يعني الصلاه اتكاسل عنها اغلب الاوقات والله حتى كتابه بالواتس مااحب اكتب اسجل صوتي وارتاح صرت اعجز عن اي شغل لو بسيط رغم اني لازلت متفاءل ان شاءالله ببحث عن اي وظيفه رغم اني متحطم م تركت مكان الا قدمت فيه عزمي قوي ولله الحمد بس اذا جتني النوبه انكسر وابي ارجع البيت ع طول طبعاً مرت علي كل اعراض نوبات الهلع واكثر ماتعبني الاعراض الجسدية |
|
التعديل الأخير تم بواسطة حائلي ; 30-08-2017 الساعة 05:21 AM
|
30-08-2017, 08:20 AM | #5 | |
عضـو مُـبـدع
|
اقتباس:
|
|
|
30-08-2017, 11:45 AM | #6 |
مشرف ملتقى الهلع
أنا معك ...
|
فضفض وانا اخوك
ماالومك نوبات الهلع شي صعب وتبغى واحد شدد الباس علشان يحاربها |
|
31-08-2017, 12:57 AM | #7 | |
عضو نشط
|
اقتباس:
حياك الله اختي كلامك صحيح ومنطبق علي 100% بس مشكلتي اتحمس ع رياضه المشي يوم يومين اسبوع واتركها بستمر ع العلاج لان انتكاستي متعبه بالمررره بس مشكلت العلاج احس جاب لي تبلد حتى عن الصلاه مالي قدره اسوي اي شي وقليل اسوي اي شي مدري هو مني او من الدواء وتفكيري انا سلبي بقوووه |
|
التعديل الأخير تم بواسطة حائلي ; 31-08-2017 الساعة 12:59 AM
|
31-08-2017, 01:01 AM | #8 | |
عضو نشط
|
اقتباس:
تسلم يالغالي رايتك بيضاء ولاانت مقصر الله يطول عمرك ويجمل حالك ياالامير صدقت العزم والاراده مطلب بس وقت النوبه انكسر |
|
|
31-08-2017, 01:12 AM | #9 |
عضو نشط
|
تطمن كلنا مرينا وجاتنا افكار مدمرة لكن انصحك تعمل لو مع اهلك تنشغل فيهم توديهم تجيبهم تصلح اي شي بالبيت يلهيك والدواء لاتتركه لو سمنك حاول تسوي اي. رياضة لو تمش باليوم نص ساعه يكفي وتخصصها بوقت معين وتحاول تروح لاصدقاءك تسولف حتى لو كنت متضايق لاتعطي مجال للتفكير بالنوبة وانك يمكن يجيك شي صدقني وانا اقول لها واثقا انطلق الان بالسيارة مارح يجيك. شي اطمئن وانصحك تكون اجتماعي وتركز بشغله تحبها حتى تتقنها وتلهيك اشتغل بمحلات الجولات
|
|
31-08-2017, 02:11 AM | #10 |
عـضو أسـاسـي
|
حائلي الله يشافيك يارب يارب يارب
فعلا مانعاني منه تلاحظ انه مشترك بيننا ... انا زمان قبل 7 سنوات تقريبا كذاا تعب فجاه وساوس وقلق ورحت طبيب نفسي وباطني ولا استمريت على ادويتهم ... المهم بدا وزني ينزل وقلق ..... وعد واغلط زي ما يقولون بدات حالتي تتحسن لما قرات كتاب دع القلق وتمتع بالحياة ل ديل كارنجي وبدات اسمع للدكتور احمد عمارة في اليوتيوب القصص المحفزة او سمعت قصه واحد تشافى او نجح احسها تريحني وارتاح عكس قصص او اخبار ما هي كويسه وفترة واعمل تحليل لجرثومه المعده وتطلع معي واخذت علاجها اسبوعين وبعدها يارب لك الحمدلله تحسنت كثيررر وارتحت ولله الحمد ( فعلاج الامور العضويه كالجرثومه والقولون مهمه جدااا ... افحص عنها وشوف ) هالسنه من شهر تعبت بمغض ومن بعدها رجع القلق والوسواس واشياء تتعب مالها داعي مثل الفقرة رقم 13 اللي انت ذكرتها فكره خطا ولا ما افكر فيها تجي في بالك انه لو انت او مادري كيف تحسس كان احد يقولك فكر في هذا الشيء وانت اصلا ماتحب وتكره كمان ... وانا من امس معي القولون يقول الدكتور واحس مالي حيل امشي بالبيت وجايب لي القلق هل فعلا منه او من القلق والوسواس يزيده عليه او صحيح يكون كتمه وتعب بس الوسواس يزيد الامر يعني ان شاء الله انه انت بخير ... والكل ان شاء الله لاننا لو تلاحظ نشكو من نفس الاعراض الله كريم يارب ويشافيك ويشافي الجميع يارب |
|
31-08-2017, 06:00 AM | #11 | |
عضو نشط
|
اقتباس:
الله يطمن بالك والله بإذن الله لاطبق كل كلامك بس مشكلتي عاطل وكنت ولازلت اطمح لوظيفه حكوميه رغم شهاتي الثانويه وراح الهي نفسي بس والله نوب بعض الزملاء م يجوزون لي |
|
|
31-08-2017, 06:05 AM | #12 | |
عضو نشط
|
اقتباس:
أمين الله يقبل دعائك ويشفيني ويشفي مرضنا ومرضى المسلمين انا قبل فتره سويت كل التحاليل الا جرثومه المعده وراح اسويها قريب ان شاءالله انا معي قالون عصبي فقرة 13 هي اكثر شي تعبني يعني افكر بالانتحار انا ماراح اقدم عليه اعوذبالله منه بس من فتره طويله قريت عن سيروكسات وش اضراره بقوقل وخفت انه فعلاًُ يسبب الانتحار الحين مدري هل فعلاً انا تفكيري بالانتحار او من خوفي منه وع فكره بكل شي تفكيري سلبي واخاف من الامراض والموت وعندي نوبات هلع مع اعراض نفسوجسديه والاسبوع هذا ملازمني ضيق بالنفس قديماً كان معي بس الحين بشكل كبير |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|