اذا ما فيكم هالشي ؟؟؟ ليه كل هالتعب فهموني !!!

اذا ما فيكم هالشي ؟؟؟ ليه كل هالتعب فهموني !!!

السلام عليكم

كيف حالكم مع النوبات والوساوس اللي تخلي الواحد عايش في كهف مظلم ولا في عالم اخر بعيد عن الحياه كانه ميت !!!



انا لي فتره غايبه عن المنتدى تبون الجد ولا تزعلون احسن لي لانه جاتني فتره ادخل عندكم يزيد الوضع سوء من الحالات اللي تشتكي احس اني يصيبني اعراض جديده وانا اصلا مافيني شي


المهم انا تحسنت الحمدالله بنسبة 40 في الميه طبعا نسبه مو بسيطه الصراحه بفضل الله ثم بفضل قربي منه واعتمادي على نفسي والاقتناع بفكرة انه علاجي بعد الله بأيدي لانها نفسييييه حاله نفسييييه كلها الهلع والاكتئاب والوسواس حالات نفسيه تعتمد على تفكيرنا نفسياتنا وطريقة نظرتنا للحياه طبعا ماكان الموضوع سهل بالنسبه لي لكن بالدعاء الحمدالله قدرت اوصل لنسبه معقوله وجيده في التحسن



طبعا لو ترجعون لمواضيعي تلاقون اني وصلت لمرحلة الياس ولكن اللي شفته من ردود الفعل اللي حولي من اهلي وأصدقائي ومجتمعي له دور كبير في علاجي رغم انها ردود مخيبه للآمال بس أعطتني درس بانه لغير الله ما اشتكي ولغير الله ما اهتم ولغير الله ما اذا نفسي حتى لأقرب الناس لانه الله وحده هو القادر على شفائي وهو سعادتي يازين القرب والإنس بالله لذه ماراح يحس فيها الا اللي ذاقها



طبعا ال60 في الميه اللي متعبتني هي النبضات الزائده خوارج الانقباض هذي بس اللي منغصه علي عيشته استغفر الله اللهم لا اعتراض بس انا أشوف انها هي الوحيده اللي تسببت في تاخر علاجي من هالحاله اللي هي الهلع


سؤالي لكم هو طالما ماتعانون منها الا قليل جدا ليه كل هالتعب والإجهاد النفسي والبدني والأفكار الشينه ؟؟؟ لانه كل الاعراض اللي راح اذكره بعد شوي لكم نقدر نسيطر عليها الا هالنبضه الزائده هي اللي تترك الواحد يستسلم ويحس بالخوف اما الباقي احسها اعراض تافهه سهل العلاج منها مثل:


ضيق التنفس هذا يبي له هدوء وتطنيش

تنميل هذا يبي له استرخاء مع مساج خفيف للمنطقه وبرضو تطنيش

سرعة نبضات القلب اللي تبدا فيها نوبات الهلع الحمدالله بديت اسيطر عليها سويت حركة ضرب الفرامل انه كانكً تضغط على فرامل السيارهً أوقف نفسي كم ثانيه وارجع أفكه وهكذا حتى اخذ نفس كامل ويهدأ عندي كل شي الحمدالله وهذا زادني قناعه انه الوضع نفسي بحت الأعضاء سليمه بس التوهم هو اللي يخلي الموضوع يتطور ويتأزم

دوخه وعدم اتزان تطنيششششششششششششش وبقوه بعد

ترى الاساس هو التطنيش لانه الاستسلام يدمرنا احاول انا اتفرج على شي مفيد ادخل على النت اسمع المغامسي كلامه يريحني ماشاء الله عليه الله يرزقني ولد مثله يااااارب


واهم شي احس فعلا انه يساعدني هالكلمه لا اله الا انت سبحانك اني كنت من الظالمين والصلاة على النبي مع الإيمان القوي بأثرها على نفسك وثقتك بالله انه قادر على كل شي


لما احس اني راح اخرج عن السيطرة خصوصا لي كنت برا مثلا بالسوق خلاص اجلس بأقرب كرسي وأحاول اضرب الفرامل واهدي و بصراحه كانت بنتي بعد الله هي علاجي على طول تحط أيدها على قلبي واجلس اذكر الله ماهي الا خمس دقائق عشر وانا مرتاحه واجلس في مكاني زياده عشر دقائق وبعدها اكمل مشواري الحمدالله



الهلع اللي كان يجيني وقت مابي اطلع من البيت خف كثير يارب لك الحمد بس لازال فيه نوبات وعلاجها قبل لا تطلع بنص ساعه حاول تكون هادي رايق ما تفكر افكار شيطانية وانا طالعه أكلم نفسي ان شاء الله مي مافي شي صح معليش كاني مجنونه بس استفدت منها اجلس اتكلم مع نفسي وأقنعها ان الوضع عادي جدا ومع الوقت تحسنت





بس لازالت أعاني من كذا حاله اخاف اجلس لحالي او اطلع مكان لحالي وهذا عائق لازم اسيطر عليه واتخلص منه لانه في أمور كثير لازم اخلصها لحالي ومشاوير بعد وان شاء الله مع الوقت اتحسن


وايضاً كابه بسيطه مع البكاء وبعض الياس مو من ربي لا من اللي حوالي سبب في كابتي واحباطي احس لي طلعو من حياتي باتحسن اكثر او يمكن العكس


وسواس الموت ملازمني هذا ماقدرت عليه خصوصا وقت النوم بس القران هو ملاذي الوحيد ودائما أتشهد قبل لا انام احس ارتاح شوي

النبضه الزائده اكبر معاناه لي البارح يالطيف ماسكه خط معاي لدرجة اني جلست ابكي واتشهد وأحضن بنتي واوصي زوجي ماقدرت انام خلاص استسلمت واذكر اني صحيت وانا ملمومه على نفسي كاني قطوه من شدة التعب اللي جاني ًوالرجفات اللي هزتني

عشان كذا نصيحه مني لكم اذا ماتجيكم هالنبضه خلاااااااص اعتذرو أنفسكم متعافين باذن الله وريحو بالكم والله كل الاعراض تهون الا هالنبضات هي المرض والتعب قسم بالله تخليك تحس ان قبرك جنبك تقول باموت لولا رحمة ربي والاستغفار كان الله المستعان


أرجوكم انا اتكلم معاكم مو واقع تجربه مريت فيها العلاج بعد الله في أيديكم والله ثم والله في أيديكم انتو لان الحبوب مجرد عامل مساعد لكن الاساس في عقلك الباطن هو المفتاح



اخيراً القرب من الله والبعد عن المعاصي وقضاء يومك فيما يرضي الله يمنحك الشعور بالاطمئنان وألراحه لانه لو لاسمح الله جاك شي راح تكون مطمئن ان يومك كان أكثره في طاعه ربي وكنت تجاهد نفسك تبعد عن الفتن ومع الوقت باذن الله راح تشوفون تقدم يرضيكم اهم شي انتو ساعدو أنفسكم غير كذا ماراح تقدرون وأتمنى الشفاء لي ولكم ولجميع مرضى المسلمين


تدرون الان وانا باخلص موضوعي جاتني والله العظيم يارب رحمتك دعواتكم لاحول ولاقوة الا بالله يارب تربط على قلبي احسه بيطلع من مكانه هذي تعبي وشقاي تهزني هز الله لأيفجعنا يارب

المصدر: نفساني

كلامكج جميل جدا ونفس اللي ف خاطري بالضبط
الله يشفيج يارب ويشفي جميع مرضى المسلمين

وعليكم السلام ورحمة الله
اختي الكريمه "مي"
اوﻻ: احييك على هذا التفاؤل و اليقين بالله تعالى .وهذا نصف العلاج لا بل ربما اكثر من النصف .
وثانيا : كلامك هذا يعتبر رساله لكل من يعاني من الوسواس و الهلع بأن الدواء ليس هو العلاج النهائي او الاكيد بل العلاج هو أصرار الشخص على انه فعلا يريد ان يتشافى و يتخلص من مسألة الشكوى لغاية الشكوى يستجدي بها كلمات تطبيب قد تنفع لفتره وجيزه .
تحيه وتقدير عاليين لك على هذا الاصرار و العزيمه
وأسأل الله تعالى ان يتمم عليك شفاؤه ويطمئن قلبك و فكرك و بدنك

مشكووووره مي كلامك جميل

بس انا اكتشفت انه البكاء يزيد الخوارج
جربت امسك نفسي وماابكي والحمدلله خفت

المشاركة الأصلية كتبت بواسطة ذكرى جميلة

بس انا اكتشفت انه البكاء يزيد الخوارج
جربت امسك نفسي وماابكي والحمدلله خفت

اي صحيح بس انا اذا كتمت العبره اختنق ما اقدر انا اذا عصبت وسويت جهد ولما تقرب الدوره بالذات تزيد علي اكره عمري استغفر الله

وعليكم السلام ورحمة الله
اختي الكريمه "مي"
اوﻻ: احييك على هذا التفاؤل و اليقين بالله تعالى .وهذا نصف العلاج لا بل ربما اكثر من النصف .
وثانيا : كلامك هذا يعتبر رساله لكل من يعاني من الوسواس و الهلع بأن الدواء ليس هو العلاج النهائي او الاكيد بل العلاج هو أصرار الشخص على انه فعلا يريد ان يتشافى و يتخلص من مسألة الشكوى لغاية الشكوى يستجدي بها كلمات تطبيب قد تنفع لفتره وجيزه .
تحيه وتقدير عاليين لك على هذا الاصرار و العزيمه
وأسأل الله تعالى ان يتمم عليك شفاؤه ويطمئن قلبك و فكرك و بدنك

وأحييك على ذوقك وأخلاقك العاليه ومشكور على دعواتك الطيبه وانا ارجع أؤكد على موضوع العلاج بان بيد الشخص نفسه بعد الله وأتمنى للجميع ايام سعيده وهانئه خاليه من الخوف والتوتر اللي سرق متعة الحياه منا واحنا اللي سمحنا له للاسف


ام شجاع وذكرى جميله الأجمل مرورك مشاركتكم الله يشفينا أجمعين ويطمن قلوبنا

كلامك صحيح اخت مي التجاهل يفيد كثيرا. لكن عندنا مثل شعبي دايم يقولونه الشيبان يقول المثل (ماينفع الخايف قولة ماعليك)😂😂

اي والله مااينفع الخايف قوله مااعليك ...... صدقت يااولد قبيلتي هههههههه

المشاركة الأصلية كتبت بواسطة هادي العنزي

كلامك صحيح اخت مي التجاهل يفيد كثيرا. لكن عندنا مثل شعبي دايم يقولونه الشيبان يقول المثل (ماينفع الخايف قولة ماعليك)😂😂

صحيح بس الخوف على شي يستاهل مو أوهام مثل حالة الخفقان ما اقدر اسيطر عليها اخاف امووووت ارجف لحد ما تعدي على خير ماتسمع للي حوالي وهم يطلبون مني اني ما اخاف واطنشها الله يخفف عنا وعنكم

اختي مي انتي تقولين تجاهل الدوخه سهل كيف وانا احس بيغمى علي كل شوي تخيلي الشعور مزعج وطول الوقت معاك وعدم توازن والله شي يخليك متوتره وخايفه طول الوقت .. من غير الافكار اللي تجي يمكن في راسي شي يمكن ويمكن وتعيشين في دوامه الخوف

كلامك جمييييل والله يتمم عليك بالعافيه

بس اقول الكلام سهههههههل والفعل صعب ... انتي تشوفين ان النبضه هي اصعب شي ﻻنك تخافين منها ... وانا اشوف ان الدوخه وعدم اتزان اصعب شي ﻻني اخاف منه

كل واحد فينا عنده نقطة ضعف ... ﻻتقولين اذا مافيكم النبضه الزايده معناته مافيكم شي !!!!!!!!


حبي لك

المشاركة الأصلية كتبت بواسطة ام شجاع

اختي مي انتي تقولين تجاهل الدوخه سهل كيف وانا احس بيغمى علي كل شوي تخيلي الشعور مزعج وطول الوقت معاك وعدم توازن والله شي يخليك متوتره وخايفه طول الوقت .. من غير الافكار اللي تجي يمكن في راسي شي يمكن ويمكن وتعيشين في دوامه الخوف

طيب ي قلبي اذا كانت تحاليلك واشعتك سليمه خلاص هذا وهم وشغله ثانيه اذا جاتك الدوخه حاولي تقيسي الضغط عندك يمكن يكون منخفض او شوفي السكر في الوقت نفسه اللي تحسين فيه بالدوخه انا كانت تجيني وللآن بس اخف من أول الحمدالله لانها اذا طبت علي اقوم اروح اسوي اي شي ما استسلم لها

كلامك جمييييل والله يتمم عليك بالعافيه

بس اقول الكلام سهههههههل والفعل صعب ... انتي تشوفين ان النبضه هي اصعب شي ﻻنك تخافين منها ... وانا اشوف ان الدوخه وعدم اتزان اصعب شي ﻻني اخاف منه

كل واحد فينا عنده نقطة ضعف ... ﻻتقولين اذا مافيكم النبضه الزايده معناته مافيكم شي !!!!!!!!


حبي لك

تدرين ليش انا اقول مافيكم شي لاني مثلكم مريت بكل الاعراض وخصوصا الدوخه وهاااااانت عندي كثير من النبضه الزائده لانه اعتبرها عرض عادي ونقدر نسيطر عليه بس القلب اللي هو الاساس ياختي من تجيك الضربه تهزك لا تقدرين تتحركين ولا تتنفسين وتقولين يارب يرجع يدق من قوة الهز شي يخووووووف هالايام تجيني بالليل مجننتني بصعوبه تروح عني وأنام وانا خلاااااص طايحه يارب لك الحمد على كل حال يارب تكفير ذنوب والله يشفينا أجمعين