نوبة هلع قويه ارجوا منكم مساعدتي

نوبة هلع قويه ارجوا منكم مساعدتي

السلام عليكم
باختصار يا اخواني واخواتي انا اعاني من عشر سنين من مرض نفسي ماعرفه المستشفيات الحكوميه يقولون اكتئاب حاد وفيه اخصائي عن طريق موقع اسلام ويب شرحت له حالتي قال اصلها وسواس قهري وتطور اختلال الانيه لانك ماعالجت الوسواس المهم قبل 10 ايام تقريبا رحت خطبت بنت من مدينة غير مدينتي ويوم رجعت رحت بعد يومين اخلص اوراقها لانها غير سعوديه وادعوا لي ياخوان ان الله يتم لانها شوي معقده الانظمه المهم جاني اكتئاب قوي وضيقه وخوف وهلع شديد في الليل جلست يومين ماقدرت اتحمل ناديت امي واخوي واجلس ابكي من قوة الخوف والهلع والاكتئاب والضيقه طبعا مع افكار الموت واني لست معا الله وعندي معاصي المهم حاله مفجعه وصرت اخاف من الظلام والوحده وجلست يومين مانام وقلق قالوا اخواني حلل جرثومة المعده هي تسبب كذا حللت طلعت عندي بس يقول الدكتور معدلها خفيف وماتسوي هذا فيك بس تعرفون الغريق يتعلق بقشه واخذت علاجها بس ماتحملت اعراضه واخذت الزبادي مع الثوم والعسل مع قشر الرمان و5 ايام وبطلت الزبادي والثوم زي ماقال اخوي وباقي على العسل واحس هدات وخفيت بس احس المرض كامن فيني اي لحظه بنفجر بنوبه ثانيه تكفوون ارشدوني واللي مر بمثل حالتي يخبرني ويسليني واللي تعالج يقول ايش هو العلاج فانا في حاجتكم بعد الله هذا اللي اذكره جاني ويمكن نسيت اشياء ثانيه ولكن حاله ماتطاق بذات الاكتئاب بيقتلني احس حاجه تسري في قلبي مثل العصاره وتجيب اكتئاب وتذكرت كمان بطني احس ماني مرتاح منه اثناء النوبه ويجيني منه نغزات تزيد الحاله وسلامتكم 00``00`

المصدر: نفساني

أخي الكريم

الله غفور رحيم حتى وإن كانت لديك معاصي كثيرة أنصحك بعدم التفكير بهذا الموضوع على الإطلاق ودع شأنك للخالق

وتذكر دائماً بأن التفكير السليم طريق لحياة سعيدة

اما بالنسبة للخوف والإكتئاب والتفكير بالموت والأموات هناك تقنيات سلوكية ابحث عنها هنا او في اي مكان واقراءها بتمعن وقوم بتطبيقها وسوف تشعر بالراحه خلال أسبوع واحد

عفاك الله

مشكور اخوي الشاكر
وانتظر رد الجميع ومساعدتي

يا اخي جرثومة المعده ذي نصبه كل الناس يقولون لهم فيك جرثومه المستشفيات هذي كذابه خصوصا الخاصه

جرب تمشي اثناء النوبة انا اذا جتني امشي او اهرب وتخف شوي

مابيك غير العافي اخي
من اهم اﻷشياء اللي تخلي الهلع
يتمسك بنا هو انتظار وترقب النوبة
انصحك اخي بعدم الخوف منها وﻻ تنتظرها
عود نفسك على التفكير بأيجابية دائما اقنع نفسك بأنها نوبة عابرة
اعراضها بسبب الخوف منها تمم الله لك بالخير والتوفيق

الله يسعد كل من رد على موضوعي وواساني
انا ياخوان لي قرابة عشر سنين وانا ما ادري ايش فيني
اذا حبيتم اقول قصتي لكم وحالتي لعل الله ان يجعل هذا المنتدى ومن فيه سبب لشفائي واذا بس بقولها ومافيه تفاعل وكذا اشوف اسكت افضل لي لاني احس بغربه ابي اصدقاء واصحاب لي احس اني في عالم ثاني

طيب ليش ماتسوي تحليل شعر بالكويت يخبرونك بكل شي فيك

فضفض أخوي كلنا أذان صاغية وإن شاء الله نفيدك بالي نقدر عليه احنا كلنا أهل هنا

طمننا عليك اخي هل من تحسن؟

طيب ليش ماتسوي تحليل شعر بالكويت يخبرونك بكل شي فيك
هلا اختي مافهمتك ايش تحليل شعر وبعدين يااختي انا من السعوديه

هلا كلي امل
ابشري بفضفض
هلا مجموعة ورد
نزلت جده قبل يومين ويوم رجعت حسيت حالتي سيئه
صح اني هادي واهدأ من اول يوم جتني النوبه ولله الحمد بس تجيني افكار بين الحين وااخر تجيب الاكتئاب اتذكر معاصي سويتها والشيطان يوسوس انه مابيغفر لي وكذا وفجاه تروح وشوي اتذكر اشياء محزنه غصب عني واحزن وجالس اقاوم

قصتي يا احبتي من عشر سنين كنت جالس طبيعي وشوي حسيت فكري ونفسيتي اختلفت صار فكري في الله وفي العالم الغيبي وابغى اتذكر من انا وماهو ماضي وما استطيع جلست ابكي واطالع في اهلي ولا اعرف احد منهم المهم عشت خمس شهور الله لايوريكم اكتئاب وحزن وانفصال عن الواقع وفجاه كاني صحيت من حلم وجلست سنه ونصف تقريبا ورجعت لي الحاله وانا لي عشر سنوات وانا غريب عن نفسي وعن الواقع وشفت فيها العجب العجاب تخيلات وتقمص شخصيات واحيان يغمى علي تقريبا وعايش وانا لا اعرف نفسي ولا احس بما حولي واحيان تجدني مثل الطفل تفكيري صغير واحيان فكري اكبر مني لكن خلاص تعايشت مع العالم الجديد 10 سنوات ونسيت عالم الناس والواقع تقريبا ولكن قبل 15 يوم جتني نوبة الاكتئاب هذي والخوف والهلع وصرت اخاف من الظلام احيانا وما اقدر اجلس وحدي واحس اني وحدي بها العالم يوم تهدا الحاله واحيان تزيد ولو اني الحمد لله اخف من هجمتها اول وما خفي اعظم والله
اسال الله الشفاء لي ولكم
وابي اصدقاء يفهموني ويكونون دوم معاااي

اول شيء مبروك اخوي مقدمًا وعسى ربي يتممها ويسهل عليك كل أمورك يارب ويوفقك دنيا وأخرة ..
بخصوص كلامك عن إسلام ويب .. المعذرة اخوي لكن هالموقع عليهم كذب ومباااااالغة بوصف الحالات بشكل جدا سخيف .. اجل انا أصابتني وساوس المرض لمدة ثلاث شهور على طووول وصفوها بأنها وسواس قهري وصعب شفائه وشوفني الللحين الحمدلله تشافيت منه ولا طعت كلامهم ابد

بخصوص المعاصي وانا اختك كلنا نخطئ ومافي شخص ما أخطئ وأذنب حتى رسولنا اللهم صل وسلم عليه اخطئ وأذنب ومافيه احد معصوم من الخطا والذنب
وربنا سبحانه يقول لو بلغت ذنوبك عنان السماء واستغفرت لي لأغفر لك وربنا يحب التائب .. واستغفرالله العظيم الذي لا إله الا هو الحي القيوم واتوب إليه ثلاث مرات بحد ذاتها توبة وتغفر جميييع ذنوبك ومعاصيك ..

هذي الأفكار اللي تجيك بأن الله مارح يغفر لك .. أبصم لك بالعشرة انها مو وسواس قهري واذا احد قال لك وسواس قهري جيبه لي خلني اكفخه .. هي أصلاً وسوسة من الشيطان وكلنا يوسوس لنا الشيطان بأننا نعصي والله مارح يغفرلنا .. طيب هل نطيعه ؟ اكيد لا
اعرف لك ناس مايعرفون الصلاة ودائما معاصي وذنوب .. لكن اشوفهم اللحين مطاوعة وشيوخ وبعضهم زاد ايمانه وحتى لو يفعل معاصي ماقالو ربنا مارح يغفر لنا ..
لا وانا اختك الدين يسر وربنا غفور سبحانه يحب عباده ويحبك انت لأنك تطيعه .. فليش الخوف والحزن .. اللي عليك واللي ابيه منك انك تعصي وساوس الشيطان .. قول انا الحمدلله تائب لربي وربي غفور ورحيم ومارح أسمع لهالوساوس .. هنا يبدى الشيطان يذكرك ويقول لا مارح يغفرلك .. انت دورك انك تتجاهله .. وشوف ترا الله تعالى قال بكتابه ( إن كيد الشيطان كان ضعيفًا) يعني يوسوس لك ليش ؟ عشانك تطيع ربي ومسلم وملتزم وهو يبي يعيشك في حزن وهم ويكرهك بحياتك .. عشان كذا تزداد الوساوس والمخاوف والهموم والاكتئاب عندك .. لكن لو نظرت أنها من الشيطان والواجب نستعيذ منه ونعصيه لأنه عدو الله بأذن الله بتترك كل هالوساوس والمخاوف والإكتئاب وراك ولا ترجع لك ابدًا

وبخصوص نوبة الهلع .. نعم نوبة الهلع رغم انها متعبة وأعراضها كثيره لكنها هي ( أتفه شيء في علم النفس ) جدا سخييفة
وتدري لو تتجاهلها مره ثم مره ( وبتزداد عليك لأنك تحاول تتركها ) ثم تحاول وتتحاول وبأذن الله بتتخلص منها تمامًا .. كذلك أختلال الأنية التجاهل بتخف بتخف ثم تختفي تمامًا ليش ؟؟ لأنك مو معطيها وجه


انا اذكر لك اول ماجتني نوبة الهلع جلست 3 اسابيع احسبه الموت والله وكيلك .. وخوف واحس بنغزات وضعفت شهيتي وضعف وزني وإكتئاب واعراض نوبة الهلع المتعبة .. ومثلي مثلك رحت لإسلام ويب ولعبوا فيني هم اللي زادوا علي الوساوس هههههههههه وقالوا فيني وسواس قهري وطنشتهم .. ألين قرأت عن نوبة الهلع وعرفت أن اللي فيني هي نوبة الهلع اصلاً واعراضها تمامًا نفس اللي يصير لي .. هنا الحمدلله خفت وساوس الموت ووساوس المرض وركزت على نوبة الهلع .. وبديت أدرب نفسي بأن اتجاهلها .. ولااخفيك انها زادت علي عشانها ماتبي تتركني بس حاولت وفشلت ثم حاوت وفشلت ثم حاولت وتخلصت منها الحمدلله

وأذا عندك أي سؤال انا جاهزة والكل هنا معك ونقدر نساعدك لاننا نحس باللي تحسه وأكثر ..
تقبل ردي ~

الله يسعدك اخت رهايف
انا احب يوم واحد يرد على موضوعي لاني احس بوحده وغربه فيوم احد يتجاوب معااي ارتاح الله يريحك دنيا واخره
اختي انا مريض من عشر سنين بس الله اعانني وتعايشت مع حالتي وغربتي وشخصيتي اللتي فرضت علي ونسيت فهد الاول كانه مات وانا شخص اخر بس فهد القديم داخلي سيشافيني الله يوم من الايام باذنه سبحانه لكن نوبة الهلع والخوف والاكتئاب اللي جتني الله لايوريك شيء فضيع لايحتمل اطلاقا وهي جتني بعد خطبتي بيوم قالوا اهلي يمكن مس عاشق لاني فسرت كذا حلم قالوا المفسرين مس عاشق وزاد هذا من وسواسي انا اسولف الحين ومسيطر على نفسي بس اذا جت النوبه والله لايجيبها لاتسالين عن حالتي شيء مؤلم بكاء وحزن وضيقه بتفجر قلبي واحس بوحده وهلع حتى الظلام اخافه والباب ما اقفله ولازم احد من اهلي ينام معاي والله المستعان
ومشكوره على مباركتك لي بالخطبه ادعي لي ان الله ييسرها لي لان فيها كذا عقده

باختصاااار شديد

خذ لك دوجماتيل 3 مرات باليوم بعد كل وجبة
وسبرالكس نصف حبة بعد العشاء

وبإذن الله بتعيش طبيعي

هلا اختي ام نوره
يا اختي العلاج النفسي مافاد معي وبعدين اعراضه ما اتحملها
مشكوره على ردك
دعواتك