مادري شفيني.

مادري شفيني.

السلام عليكم و رحمة الله و بركاته
فيني ضيقه مش طبيعيه والله ! احس في شي يالس على صدري.
من فتره طويله تشافيت من الوسواس و قلت الحمدلله خف الشعور.
بس من شهر تقريباً رد لي الوسواس !
في البدايه قلت يمكن من الاجازه و لان ما عندي شي اسويه و لما برد ادرس كل شي بيخف !
امس بديت اول يوم !! سرت الجامعه كنت طبيعيه فجاءه ياني ضيق وخوف و كنت اصيح لين ما رديت البيت ! صحت لين ما عيوني عورتني !

اليوم كان ثاني يوم ، قبل لا اروح كنت خايفه اروح وويصير شي !
مادري هالاحساس كان ييني في بداية الوسواس بس قويت نفسي و رحت !
وانا هناك احس بضيق و خوف ! يختفي فجاه و يرد !

مادري والله كيف اشرح لكم احساسي ! لاني ماعرف هو عن شو
اللي اعرفه انه شعور يخوف وايد !

اتجاهل ماقدرر ؛( انا ادري ان الله ارحم من ان يخلينا نخاف طول الوقت و هذا من الشيطان اللي بس يبانا نتضايق
بس والله الكلام سهل و يوم اتجاهل يختفي حق دقيقه و يرددد

صرت اخاف من اي كلمه اي شعور اي الم احسه
ايدي فيها حساسيه اقول ليش
اذني تعورني اليوم اقول ليش
نغزات ف صدري
و يوم اكل او اشرب احس في حرقه مع بروده :(

اذا اشتقت حق صديقتي احس بخوف !

شعور يخوف والله :(

المصدر: نفساني

وعليكم السلام ورحمة الله وبركاته
انا نفس الشي يزيد عندي الوسواس اذا طلعت من البيت واحس بخوف
واحيان تجيني نوبة هلع بالسياره
بس لازم نقاوم ومانستسلم له قد ماتقدرين حصني نفسك في الصباح والمساء
صدقيني بيخفف عليك ان شاءالله
انا نفسك اخاف اذا اشتقت لأحد واخاف اذا سأل عني احد فجأه وبدون سبب
واشياء كثيره والله بس قد ما اقدر اقاوم هذا الوسواس واللهي نفسي بأي شي
واذا انتي من النوع اللي يشرب منبهات زي الشاي والقهوه والنسكافيه والقهوه التركيه
قد ماتقدرين ابتعدي عنها لأنها منبهات للقلق
الله يريح بالك وصدرك ويشفيك يارب

اذا انتي توك مع الهلع و الخوف
طبيعي يجيك ذا الشعور بالبدايه
وصدقيني حللي فيتامينات وفقر دم بتلقينها ناقصه
و ع الأرجح فيتامين دال دامك تقولين معدتك تألمك او تحسين ببرودة لما تاكلين
ترا كلنا كذا ما كنا نعرف شفينا
نحسب شفينا ويرجع لنا كل شي و نضعف
بس خلاص يعني تعودنا ع الوضع وعرفنا من ايش السبب
كله نقص فيتامينات و قر دم و قولون
حاولي ترتاحين و تسترخين و تشغلين نفسك
شعور صعب في البدايه بس خلاص بتتعودين عليه

ارقي نفسك وحافظي على الاذكار والصلاة بوقتها واتركي سماع الاغاني لوجه الله وباذن الله كل ذا يروح
شوفي وحده بالمنتدى راحت مكه شهر كامل ورقت نفسها
وماشاء الله تشافت من الهلع
الله يشفيكم ويفتح على قلوبكم

هو الشعور هذا يترافق مع الوسواس وكأنه يقولك احساسك بالضيق تعني أن احساسك حقيقي ،نفس الشي يصير معي
والله صح كلامك أحيانا التجاهل صعب، لكن لازم من تدريب النفس على وقف الفكر السلبي اللي هو سبب الوسواس والضيق والهلع
أحيانا أعاني من هجمة أفكار سلبية تعيد لي الوساوس والأحاسيس بالطبع والخوف وبمجرد ما أحاول توقيف الفكرة السلبية تخف الأعراض تدريجيا