ساعدوني أرجوكم

ساعدوني أرجوكم

السلام عليكم ورحمه الله وبركاته .
اول موضوع لي فالمنتدى راجيا من الله ثم منكم ألمساعده في مشكلتي النفسيه .
بِسْم الله الرحمن الرحيم والصلاه والسلام على اشرف الخلق رسولنا وحبيبنا المصطفى وعلى اله وصحبه وسلم ومن تبعهم باحسان الى يوم الدين .
اخواني انا مريض نفسي من عام 1426 وعمري الان 25 سنه شخص الدكتور حالتي ووصفها كالآتي ( إكتئاب حاد مزمن وشديد ، قلق نفسي مزمن وشديد ) ووصف لي الفافرين 300 مل وريسبيردال 4مل وشفيت تماما بعد سنه تقريبا ورجعت حياتي طبيعية ولله الحمد ووقفت العلاج من تلقاء نفسي ومره واحده بدون تدريج . صار لي انتكاسه تقريبا قبل 3 سنوات ووصف لي الدكتور ريسبيردال 4 مل وأفيكسور 225 مل وبروزاك 40 مل والحمد لله شفيت بنسبه75٪ ولله الحمد بعدها وقفت الافيكسور والبروزاك من تلقاء نفسي الى قبل شهر تقريبا جائتني انتكاسه واعراض اول مره تجيني برغم أني متعايش مع مرضي طبيعي جدا وهي كالتالي : تفكير ، شرود الذهن او السرحان ، ماصرت احب اطلع من المنزل ولا أبغا اختلط مع الناس ، شعور غريب جدا وهو اذا كنت اسولف مع اهلي ووجهولي سؤال او موضوع اتلعثم وارتبك جدا جدا أتمنى وقتها ان يغمى علي قبل ان أرد ع السالفة او السؤال الموجه لي احس أني اتفشل ووجهي وملامحي تتغير حتى ماصرت اقبل احد يمزح معي من الفشيله ، احراج شديد وارتباك أتمنى وقتها ان الارض تبلغني ( برغم أني اجتماعي وأحب الناس ) الان ماادري ايش صار فيني .!! انا ندمان وغلطان أني وقفت العلاج من تلقاء نفسي .. أرجوكم اخواني ان تخبروني ماهي هذه الأعراض؟؟ وهل علاجها بسيط .! انا ابعد عن الدكتور اللي أتعالج عنده 1100 كيلو ولا أمانع ان اذهب اليه برغم ان الدكتور احد اشهر الأطباء على مستوى المملكه .. اريد ان اعرف ماهي هذه الأعراض التي ذكرتها لكم .. سامحوني أني طولت عليكم يشهد علي ربي أني من خوفي على نفسي شرحت لكم بالتفصيل .. الله لايحرمكم الأجر والثواب ويجزاكم عني خير الجزاء ..

المصدر: نفساني

اول شي اخوي الله يشفيك ويكتب لك الاجر
ثاني شي اكبر غلط ارتكبته وممكن يكون هو سبب الشي اللي تعاني منه هو تركك للعلاج بدون تدرج خصوصا اذا كنت استخدمته مده طويله فطبيعي تحصل انتكاسه لان الجسم تعود عليه فلازم يكون تركه بالتدرج حتى اذا حسيت ببداية انتكاسه يرجع لك الطبيب العلاج
لكن احسن شي تسويه ترجع للطبيب يكتب لك علاج ولازم لازم تستمر عليه وماتوقفه من نفسك واخيرآ ارقي نفسك باستمرار ولاتقول انا مافيني شي ليش ارقي لان الرقيه شفاء من كل الامراض عضوية او نفسيه او روحيه

الله يطمن قلبك ويريحك ويعجل لك الفرج

فعلا . انا ندمان أني وقفت الدواء من نفسي . الله المستعان . شكرًا اختي ام سما . الله يبارك لك في مالك وأولادك ..

تقول ان نسبة شفائك كانت 75 بالمائه مع هذا تركت ادويتك

لن اخوض في هذا

اعراضك الحاليه رهاب اجتماعي

يجب عليك العوده للطبيب النفسي واستخدام العلاج مره اخرى باشراف الطبيب وبخطة الطبيب التقيد بتعليمات الطبيب

انتكاسه ..

اعراض انسحابة للعلاج .. ويمكن ترجع لك الحاله مره ثانيه ..

اكبر غلط التوقف المفاجئ .. في ناس تجلس 3 شهور تدريج فقط ..

ثاني شي خلك مستمر على العلاج المد لله وش بيضر ...

...

ثاني شي الدكتو الي وصفته بانه افضل دكتور ياليت تضع اسمه ومكانه . في ناس كثير مو عارفه وين تروح

اخوي حلك ان ترجع لدكتور وتقول اللي حصل معاك وبس هو يعرف عاد إِيش يوصفلك