|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
 |
|
|
أدوات الموضوع |
06-05-2009, 04:52 AM
|
#1 | ||||
|
عضو نشط
|
اسمعوووووني :)
السلام عليكم ورحمة الله وبركاته
كيف حال الجميع ان شاء الله بخير وصحه سامحوني انا سجلت ودخلت هنا على طول لانه النفسيه الحمدلله بس المهم اخواتي واخواني انا من مده وانا ادخل واقرا المواضيع هنا وصدقوني لما حسيت انه في ناس زي بتعاني من الخوف والهلع بديت احس انه الامر طبيعي ومنتشر عند الاغلبيه فماادري حسيت بالاطمئنان نوعا ما لاي كنت احسه شي غريب وماكنت اسمع انه يجي لااحد زي كده المهم بقولكم قصتي مع نوبات الهلع واتمنا تستفيدو منها وتعطوني نصايحكم في كلامي بدايتي مع النوبات وانا كنت راجعه من بيت اختي طبعا انا من مكه ووقتها كان حج واحنا راجعين بالطريق الطريق كان واقف من الزحمه ويمكن جلسنا اكتر من ساعه واحنا نستنا تمشي السيارات وبنتي كان في حضني وسبحان الله فجئه حسيت بزي الهبوط وحسيت اطرافي كانها ميته وبديت اعرق واحس ببرد وحوسه ونفسي افك باب السياره واطلع بس قلت اسكت احسن وخلاص حسيت انه الموت اعطيت اختي بنتي وقلتلها مره تعبانه امسكيها خافت مسكينه وايشبك ومن الكلام هذا قلتلها مافي شي بس امسكيها خليني اهدا وجلست استغفر ربي وادعي وانا خلاص حاسه اني راح اموت المهم مشي اليوم هذا وانا خايفه وحالتي حاله من اللي جاني رحت للدكتور تاني يوم وقلتله كده وكده قلي يمكن الضغط انخفض وقلي كل اشياء مالحه قلت يمكن ومشيتها المهم واتكررت الحاله هذه معايا كم مره وانا بالبيت واحوس بنفسي وشويه اكل زيتون شويه اعصر ليمون وخربطه بخربطه اخر مره فكرت اروح لدكتور نفساني قلت طالما مافي سبب عضوي وبيني بينكم انا عندي شويه ضغوط بحياتي الزوجيه سبحان الله ماادري لها سبب ولا لا المهم رحت للدكتور وقصيته قصتي كلها وقلي هذه نوبات هلع وزعر قلت اهلان الله يبشرك بالخير المهم واعطاني اربعه انواع من الادويه وهيا ادرانيل لدقات القلب وزانكس وانفرال ولوسترال واستمريت عليهم حوالي دحين يمكن 10 شهور وحسيت الحمدلله بتحسن كبير وخفت يارب لك الحمد والمنه وكان الدكتور مركز في كل مره اروحله على التطنيش وانه لازم اقوي نفسي واطنش كل اللي احس فيه اقله مو بيدي يقولي حاولي هيا كده لازم وبيني وبينكم لما قريت مواضيعكم هنا ارتحت اكتر ولقيت انه لازم من جد للحاله هذه المواجهه الملخص::: دحين الدكتور اللي كنت اروحله خلص عقده وسافر وامس رحت لدكتور معروف بجده اسمه محمد الحامد بمستشفى بخش رحتله وشاف ملفي وقلي طبيعي مااختفت مره لانه كمية العلاج خفيفه مره وركزلي على اللوسترال والزانكس قالي استمري على اللوسترال اسبوع حبه صباحا وحبه مساء والاسبوع التاني حبه ونوص وحبه ونوص والاسبوع التالت حبتين حبتين :( ومعاه نص حبه باليوم من الزانكس قالي اي وقت بس انا خفت وباخده مرتين زي مااتعود بيني وبينكم اليوم اول يوم اخد حبه صباحا وحبه مساء وكنت خايفه من الاعراض حقت الدواء بس شجعت نفسي وقلت يابنت هو علاج مو العكس وشغلت نفسي وطنشت ومشيت الامور الحمدلله بخير المهم قلي لازم مع الادويه تروحي تسوي جلسات عشان تساعدك في الشفاء بسرعه والشافي الله اولا واخيرا وهذا انا حاجزه الثلاثاء الجي وبروح واشوف خلاصه الكلام ترى الهلع مره مره مره منتشر شكله في شي بالجو ولا ايش الله العالم والله كل يوم والتاني اسمع وحده جاتها النوبه هذه فخلاص خلونا نتوكل على الله ونتعود عليها لغاية ماربنا يكتبلنا الشفاء من عنده وتكون كفاره لنا مشكلتي اللي ابغى استشيركم فيها هو الخوف من الموت كل يومي وانا اطالع في بنتي واقول راح اتركها واموت واكتئب مع الافكار هذه قلت للدكتور ضحك وقالي ماراح تموتي ولا شي كل اللي جوني اشد من حالتك واتعالجو والحمدلله وقالي انه المشكله مره بسيطه ولها علاج اتمنا تتفاءلو وتطنشو وتتقو وربي معايا ومعاكم ويشفينا جميعااااااااااااااااااااااااااا اسفه على الاطاله وعلى عدم الترتيب في الكلام والجمل المصدر: نفساني
|
||||
|
|
06-05-2009, 12:51 PM
|
#2 | |
|
عضو نشط
|
السلام عليكم ورحمة الله وبركاته
تحيه طيبه وبعد ... عزيزتي هلوعه جديده ... أعجبني تفاؤلك سيدتي .. ومن أهم العلاجات لعلاج الأمراض النفسيه .. التفائل والثقه في النفس أريدك هكذا دوما .. مهما كنت صعوبة النوبه .. ومهما كانت آثارها .. ثقي دائماً بالله ثم بنفسك وأعلمي أن الله أقرب إليك من حبل الوريد وأنه أحن عليك من أمك وأنه لم يحرمك إلى لأنه سيعطيك .. ولم يذلك إلا ليعزك .. ولم يأخذ منك إلى ليعطيك .. سبحانه تعالى لذلك كوني دائما قريبةُ من الله وألهجي له بالدعاء وأيقني أنه سيستجيب لك وأن عاقبة صبرك خير .. إعلمي يا رعاك الله .. أننا نعيش في نفس الدوامه .. بشكل يومي ونئن ونصرخ ولكن بأصوات غير مسموعه .. نتعذب من الداخل ولكن لا أحد يعلم ولا يعلم إلا من خلق السموات والأرض سبحانه وتعالى فإتجهي له بالدعاء وعليك بالقرآن فإنه والله الشفاء لك بعد إذن الله ... ( الذين آمنوا وتطمئن قلوبهم بذكر الله ألا بذكر الله تطئن القلوب ) صدق الله العظيم هذه نصيحتي لك .. وبإذن الله سيتم الشفاء بهذه الأمور تحيتي لك .... ـــــــــ لي عودة أخرى بإذن الله ... |
|
|
|
|
06-05-2009, 04:50 PM
|
#3 | |
|
عضو نشط
|
هلا وغلا شموخي تعداك
تسلم ياغالي على الكلمات الحلوه والمشجعه ومن جد كلنا بنعاني ومايعلم فينا الا الله وحده وهو وحده القادر على شفانا اتمنا من الجميع ماييأس ويخلي الشيطان يلعب بمخه ويتوكل على الله ويعرف انه ماراح يصيبه الا اللي كتبه الله له ربي يطمن قلوبنا بالايمان والتعلق فيه اميييييييييييييييييييييييييييييين تحياتي ... |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
