![]() |
و الله و يا مساء السعد
حبيت اسم علوش ههههه ذكرني بواحد زمان جدا . و هلا بك زود يا خيتي الغالية الله يسعدك الرواقة مقبولة ما عليها بس 😂 جيت اليوم حطيت راسي و اسمع خبط على السرير و الخبط منتظم يعني مثلا كل ربع دقيقة و قلت اكيد جني تحت السرير المهم قلت و الله ماني فاضيلك و ماني ابدا أطل اشوفك تحت السرير ، استمر الجني بالخبط حوالي 30 دقيقة و انقهرت انه طوّل المهم قلت ما يمكن يصير . يمكن شي غيره فوق السرير لأن حالف ما أطل تحت السرير و آخر شي فيه شي فصلته ؟ 😂 قبلها بأسبوع مثل السالفة بس مو خبط إلا واحد ضرب رجلي و خصوصا الركبة المتعورة و دفّها على ورى بقوة و مو ركبة وحدة الا أخذ الصحيحة معها . مع ان هزة الرجل الفجآئية و كأني طايح من عتبات درج من زمان عندي من الطفولة تحديدا . صرت افكر بالحلم اللي حلمتو اظن قبل شهرين و وقتها دق قلبي منه و قمت من السرير صرت امشي علشان يروح تأثيره من خوف و فزع . يلا اهم شي تعدي بخير |
ياللي تسآءل عن سبب ضعف حالي
حالي عسى ما يمر بك ما دمرها فرقى الولايف هم كبر الجبالي يا ويل من مثلي غرق في بحرها فارقت انا يا صاحبي شخص غالي تسعين ليلة ما وصلني خبرها سافر و خلاني وحيد لحالي و الشوق ناره في فوادي سعرها حلفت انا ما انساه طول الليالي لقضي حياتي كلها انتظرها وش هي حياتي كان هو ما صفالي اكيد روحي رآحلة من قهرها و ان عشت اعيش كله لحالي يمكن تخفف من عذآبي صورها |
كنت في مكان ما قبل امس الى قبيل الصبح
في اثناء قعدتي في المكان أتفاجأ بسيارة شاص فيه اثنين ، أوقفوا سيارة كورولا و فيها اثنين ، راعي الشاص سقط على الكورولا و أوقفهم بالقوة نزلوا الاثنين اللي في الشاص يبغون راعي الكورولا ، نزل سواق الكورولا ، انا انقهرت من الحركة لكن السالفة انهم كانوا على شارع تقاطع و ما ادري من اللي ما ترك للثاني يعدي ما دار من حديث في اثناء المعركة ماني ذاكره مع انهم ضحكوني يعني شوفة الهيئة و الشكل مع الحركات شي يفطس ضحك لأن راعي الشاص صار يضرب راعي الكورولا كم ضربة متفرقة بس الجميل ان الراكب مع سواق الشاص ما عزز لأخوه بس خلاه ياخذ المقسوم المهم آخر شي فرع بينهم أخو سواق الشاص . و راح كلٍ في طريقه و انا صاير اقكر فيهم و اضحك من ردود الإثنين و اللي زود الضحكة ضربات سواق الشاص هههههه تميت في مكاني إلى الصبح ثم أردت البيت و لفت نظري البراحة اللي جنب بيتنا ما جاها الشيول لأن بالعادة بين كل فترة و فترة يجي الشيول يبرح الأرض الخلاء و يقلع الشجر و العشب اللي فيها و هذي العادة صادرة من البلدية في جميع نواحي حيّنا و الأحياء الحادين لنا المهم أناظر الشجر اللي بالبراحة الا كبر و كثر و لقيت النحل وش كثره قلت خلني اصورهم https://k.top4top.io/p_2479w8x8f1.jpeg زادت خضرتها طبعا علشان الجو مع انه ما نزل المطر بس الضباب جانا كم مرة و تعدل خصوصا جو الليل أما النهار صحيح تعدل بس مو ذاك الزود المهم حماة الشمس كل مالها تخف |
لا زلنا في أواخر نجوم سهيل ( الصرفة ) و يعقبه موسم الوسم
يا رب لا تحرم خلقك الغيث المبارك |
ما يجي يوم أكون فيه أشوى و طيب إلا شي يدخل عرض يخرب
الحين مزكم |
|
قاعد اقرا المعوذتين و بحط فايدة في الملتقى الاسلامي عنهم من الدكتور فاضل السامرائي
البارح بلشت بنفسي و الايام اللي مضت مافيها نوم و صار عقلي يقول لي : انت فيك شي و تبغى تعرفه بس ما تقدر أبدا اقول بلا وسوسة انا ناقص اتعاب يلا غور غور بلى بشكلك |
فاقدهم حيل
و اتمنى يكونون بخير @ ظل إمراءة @ يا سمين @ بنت فلسطين @ راعية البستان الأحمر @ عبدو عمر @ شعاع الروح و اللستة مليانة بس العين ما تشوف و العقل شبه غايب و غائم و شكلها من خشمي لأن عليه مطر عنيف |
تغابيتُ عن قومي فظنوا غباوتي
بمفرقِ أغبانا حصىً و ترابُ |
الحمدلله يمكن قتلت ثلاث وزغات في خلال اسبوع و نص
من ضربة وحدة طبعا و فيه واحد ضربته و انتظرته و اكتشفت انه عامل نفسو ميت و هو حي و يحسبني تركتو ههههه هذا قبل قليل و جلدو فيه شبه من الضبع أو إنو مهجن من ضفدعة https://l.top4top.io/p_24825dwmt1.jpeg |
🤧
اتشو اتشو اتشو |
|
|
يامرحبا مليار بالزين
يامرحبا به يوم ياني يانور عيني يا ادعج العين ياسيدٍ بين الغواني يامترفٍ ما مثلك اثنين بالزين و بكل المعاني يا بو عويدٍ مايس يلين لى هب نود الشرق لاني لى جيت اكرر مرحبا اهلين شوفتك هي اكبر لاماني اموت و احيابك من اسنين لو كنت في وصلك اناني تبطي علي من حين لى حين و الشوق يلعب في بالمحاني متروف يا سيد المضانين ترحم صويب لك يعاني الوصل غاية و البعد شين ليش الهجر و العمر فاني مد الحبل ما بيننا البين لو ينقطع ما رد ثاني ون زرتني يا كامل الزين احييتني و اشرق زماني https://youtu.be/fJ1T0Ps7-Uc |
|
عندي دواء اكسيلين شربت منه لعل الزكمة تودعني
|
يا عبدو يا عبدو
سأصل الى عقلك حلما و أصنع لك قهوتك التي تحب و فطورا من حمص و عليه زيتا و بقدونس و تكة و معلاقا من تونس بس عليك أن تنتظر |
لربما رأسك معبأ فيه مثل ما هو معبأ في بطنك
أدري ما فهمت بس ابسطها لك : راسك يخلط زيت مع مويه يا تلحق يا ما تلحق قصدي يا صديقي أنا جاهز للتصليح https://e.top4top.io/p_2482zd1rk1.jpeg |
السلام عليكم
صباح الخير أخي العزيز طمنا عليك..كيف الحال.. بالتوفيق دائمـا |
اقتباس:
ما تفقد حبيب ولا غالي يارب 🤲 ليكنا موجودين وحاضرين لعيون الحلوين 🤭🥰❤ |
اقتباس:
شو كيف وضعك طمني راح الزكام ايها الفتى المقدام 🤭😄 الف سلامة عليك علو❤🙋🏼♀️ |
|
السلام عليكم
صباح الخير يا عزيزي كيف الحال.. بالتوفيق دائما |
يا هلا بكم أهلا هلا
يسعدكم ربي و يا صباح و مساء الخير يا روح وعل الثلوج يا منارتنا يا وردة الياسمين 🤍 المأبوش 🙃 يا روعة الكلمة و روعتك و الله العظيم ، 😍 يا حي الله عبدو حياك ثم حياك ثم حياككككك ما توقف ايه راحت الزكمة بس ما أضمنها لان صارت لي قبل تروح و تجي و كل ما تجي اخذ علاج السعلة اكسيلين عبدو يا عين اخوك و الله تسلم على السؤال عن الحال ، ماشي و ما عليه و الله يعافيني و يرعاني بس . ما ادري وش اقول ؟…. ياسمين وش معنى كلمتك ( ليكنا حاضرين و موجودين لعيون الحلوين ) ليكنا وش معناها ؟ و ما تفقدين غالي عليك يا يا سمين و لا راح افقد اخي عبدو يسعدو ربي وجودك سعادة للجميع 🤍🤍🤍🤍🤍🤍🤍🤍 |
بس من دمعة عيونك ، انكسر قلبي عليك
|
يحرسكم ربي يا أحباب القلب 😔
|
السلام عليكم
يا أحلى صباح لعيونك عزيزي الحمد لله على سلامتك بالتوفيق |
و الله أحلى مساء بوجودك يا شيخ عبدو و تسلم الله يسلمك
تستاهل كل خير يشهد الله الركبة صالت علي و جاني فرح يلا عادي |
ياااااااآه كارهني و كاره كل شي
|
شفت شخص يمشي أمامي على الإزفلت قبيل الفجر و الظاهر كان في صالة رياضية و ماشي على قدم و قدم ، رجل وحدة لابسة جوتي و الرجل الأخرى حافية و شايل جوتيها على يدو . الظاهر الشخص فيزيائي لأن القدم الحافية يمين و اللي شالت عنها الجوتي هي أيضا اليد اليمين .
|
يا نومُ زُر فإن الأرض مكسوفةٌ
|
|
اقتباس:
هههههه علوش خلص تخطاها مجرد إضافة ما الها لازمة 😄 يعني للتأكد بالتفصيل وللثبات بأننا هنا موجودين 🤭 ليكنا.. يعني ها نحن هنا كلنا اشة لفة هههههه $$$ وصلت المعلوماتية ههههه😄 صباحك فل يا اغلاهم 🌹🌹🙋🏼♀️🤗 |
السلام عليكم
صباح الشاي والقهوة على الناس الحلوة كيف حالك اليوم أخي.. |
اقتباس:
ماشي الحال اشة لفة ههههه ربي يا شيخة يسعدك تفسيرك تمام 👍🏻 ياسمين انا اسأل عن الكلمات الشامية اللي ما اعرفها ليش : سبحان الله كنت في مرحلة يعني في أول متوسط كان ابوي يوديني للعيادة عشان تقويم الأسنان يآه بس من تقويم آخر شي شلته بعد 5 سنوات و نص ب ( كلبة و سكين ) 😡😂 ، المهم كنا في حديقة المستشفى ننتظر و اقول لأبوي ليش المصارية يقولون قلم ألم و كلمات كثيرة سولفتها معه - كان هذا بأول متوسط بالتحديد . و في زمن إكتئابي بالمرحلة المتوسطة خطر في بالي اكتب شعر باللهجة الشامية و جيت عند اختي الكبيرة ابغاها تسمعها و سمّعتها بس صارت تمشي و انا اتبعها عرفت انا انها مطنشة و مو مهتمة و اكيد قالت في نفسها اش هذي الشطحة يا الله الخيرة و تبغى فرقاي 😂 ابد وصلت المعلوماتية في قاع المخيخاتية و دبّت دب للعقلياتيه 😂 يلا نتلاقي بأمان الله يا وجه السعد 🤍 |
اقتباس:
ماشي طيب يا طيب . عبدو أريد شي يقوي العظام لأن قبل أمس صالت علي بقوة و سألت ذا السؤال عشان مستقبلا تكون بعافية و ياليت نصايح للركبة اللي فيها كسر و حديد مع الإحتكاك نصايح من ناحية أفضل الأعشاب و الحبوب و الفيتامينات الدوائية و الأطعمة ؟ عند جوابك ستراني أعلّم عليها اما صح أو خطا أو . يعني هذا بستخدمه و هذا صعب و هذا سأرى فيما بعد . و فيه شي ثاني و محتاجه : جسمي يبرد بقوة من الجو و التكييف الذي عادة لا يشعر الجميع معه بالبرودة الشديدة و كثيرا ما يبدون استغرابهم مني في هذا حتى إني أرتجف و أرتعد بسبب البرودة : فياليت مثل ما قلت لك في العظام ابغاه في البرودة ؟ يسعدك ربي يا عبدو 🤍 |
نشب نار يجذب الضيف ضوه
و ان خبت زدنا حطبها و شعايله و الله ما نكره ضيوف لى لفوا صعلوك و الا من معالي حمايله |
السلام عليكم
صباح الخيرات والبركات إن شاء الله خير الألام بعد العمليات الجراحية خاصة في جراحة الكسور تبقى تلازمك احيانا وخاصة في البرد..ينصح بعد مدة نزع البراغي والاعمدة المساعدة في التجبير بعدها يتم الخضوع لبرنامج تأهيلي من اجل تقوية العضلات التي تساعد في تخفيف الضغط على مفصل الركبة والمهم أن تكون اربطة الركبة الداخلية والخارجية سليمة اتمنى اني قدمت لك الافادة ..بالتوفيق دائما |
اصبحك بالخير و الدنيا ليل
حياك الله عبدو الدكتور قال لي اتركها افضل يعني من دون نزع اللي فيها من حديد و هذا الكلام عقب التأهيل بعد ما أثنيتها بالكامل و بغيت اراجعه مرة ثانية إلا أمي الله يجزاها خير رمت ورقة الموعد 😂 و لما أردت قص موعد جديد طولوها معي و هي قصيرة و تركتهم ، هذا هم يبغون فرقى مراجعيهم يعني مثل ما تقول ان لسان حالهم : خلاص سويت لك العملية روح يا شيخ درب الخطر و الا السلامة الله لا يسلم في العدو عظم . شكرا لك أخي عبدو بيض الله وجهك 🤍 |
مع اني سألت دكاترة كثر قالوا لي انزعها بس وش اسوي
|
الساعة الآن 08:40 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا