آمين واياك أيتها الطيبة...

الله يخليك ويرضى عنك أختي سكون...

ما أبي أكبر ..
و لا عيني في تالي الليل تسهر ..
ودي أغفى على أحلامي الوليده ..
ودي هالعالم .. و هالفضاء .. ساحة لعبي القديمة ..
أشتاق للقصص ..
للضحكة المجنونه ..
أشتاق للقلوب الصافيه ..
نزعل و نرضى في لحظتها ..
ما تغير الزمان يا قلبي ..
حنا كبرنا ..
و كبر الجرح الي في خصرنا ..
لا .. لا .. تقول لي هذه الحياة ..
الواحد يعيش فيها و يذوق الممات ..
أنا ما أبي أكبر ..
و لا أحلامي تكسر ..
أبي أسهر .. على حكاويها ..
و ضحهكا و غناويها ..بس يا قلبي ترا الخاطر تكدر ..
لا تقولي ما أبي أكبر ..
قولي ..
الظن الجميل في روحي .. يارب في داخلي ..
كل يوم يكبر ..
و بسهر على سجادتي ..
و أرسلك مع الدمع نجاتي ..
و من غيرك يجبر الحلم لا تكسر ..
من غيرك يالرحيم .. لا قست علينا قلوب البشر ..
ننتظر من رحمتك و لطفك أكثر و أكثر ..
يالله يا الي كتبت على نفسك الرحمه ..
أرحم قلبا في داخل الضلوع عييا يكبر ..


و صباحك أخوي أبو علي مشاعر طفوليه ما تبي تكبر ..

أزعجت هالملتقى في هالأبيات .. فرحانه فيهم ..
باقي سكون .. بروح أسوي لصق لها و أبثرها ..

ههههههههههههههههههه والله حتى أنا فرحانه بالأبيات وبفرحِك ياشوشو ياتوأم روح سوسو ياااارب دووووم هالفرحه والضحكه ياااارب آمين

صباح النور والسرور يا تباشير الخير // نورتي الموضوع بمرورك وبمساهمتك الرائعة ..

صباح النور والسرور أخي / مصطفى .... حياك الله،،،،،

مساء الخير يا أبو علي
كيف حالك ؟ عساك طيب يارب

مساء النور والسرور أختي مستكفة .. عوداً حميداً .... وين هالغيبة الطويلة ؟

والله يا ابو علي مدري كم لي غايبه صدقني تجيني حالات أتوه و ما أركز و أهرب من واقعي كثير
كنت مريضه وعايفه كل شي الحمدلله على كل حال مرت علي ظروف ومصايب فوق الاحتمال
أسأل الله الفرج و الرحمة و العوض والصبر

ياربي،يا مستكفه ماغبتي عن بالي،ولا لحظه وصفحات المنتدى شاهده على حكيي،يا اطهر انسانه وعسى ربي يسعدك .

الحمد لله على سلامتك وما تشوفين شر..

ولا انتي يا حنين والله ما غبتي عن بالي
عارفة انا من امس في المنتدى حاسة نفسي أجر نفسي جر عشان أكتب أي رد
اي عنوان موضوع فيه ألم أو مرض أو أسى أتحاشاه حاسة نفسي ماني مثل أول

تخيلي صرت أضعف ما يكون تخيلي ولد أخويه توفى بعيد شوال وما رحت عزاه
ماتحملت الخبر هو طفل صغير ومات في حادث جلس فترة وهو ميت دماغيا بالعناية المركزة
أنا وقتها كانت حالتي حالة جتني حالات إغماء و نملت أطرافي و جنبي اليسار كان مشدود علي لدرجة الألم و انعدم التركيز عندي
صاروا أهلي قلقانين علي بدل ما أصبر أخوي و أوقف جنبه تواريت عنه
أنا جبانة يا حنين صرت مره جبانة بس صدقيني ما كنت قادرة أوقف حتى على رجولي
ما تتخيلي كل يوم اللي يدق علي يقول حدقة عينه وسعت شوي اللي يقول الدكتور يبغى يفك عنه الأجهزة و شوي أبوي يطيح من الفجعة و يتنوم
انا ما كنت كدا يا حنين في مثل هالمواقف كنت والله أسوى مليون رجال
أنا طول عمري قوية وصبورة و جلودة و عشت صعاب كثيرة و تحملت مسؤوليات من صغري

ما تتخيلي قد ايش انا كارهه نفسي كان كل أملي أكون للأحسن و أمضي قدمًا في حياتي
أكون قدوة لأخواني و مثل أعلى و أكون كما أحب و أرضى
الله يختار فيني خيرته الطيبة و يريحني من كل هالهم

الله يسلمك من كل مكروه