و عليكم السلام

هلا بك خالد


دام الدعوة شجن في شجن هذي القصة و القصيدة دايم اسمعها و تزلزل شي ما في نفسي خاصة يوم تقول راضية بحكم الله

الله يرحمهم و يرحم موتى المسلمين و يحسن خواتيمنا


مرثية الشيخ أبوعلي السكران في زوجته


يالله المعبود ياربنا العالي ××× محصي(ن) الاعمال باللوح كاتبها

دمعي اللي فوق الأوجان همالي ××× مثل نو(ن) يوم هلت سحايبها

من مريض(ن) طايح(ن) عندي اقبالي××× يوم جاها الحق روحه يجاذبها

يوم أخذها الله ونزل بمنزالي ××× ودفنوا خلي .. ورزوا نصايبها

الله يثقِّل موازين الاعمالي ××× يوم والى العرش خلِّي يحاسبها

يوم قفوا قلت: يا مشتكى الحالي ××× مشتكى حالي على اللي يجاوبها

يوم جيت الدار وامرحت بحالي ××× والبزور اصغار ما اكثر نشايبها

قالوا البزور لي : ويش ذا الازوالي××× قلت: مدري يا علي وش سبايبها

قال: عبدالله .. يبي أمه وأنا سالي ××× خابر(ن) وش صار محسن عجايبها

قلت: يالله بدِّل لنا الغالي بغالي ××× بدِّل الغالي لنا من قرايبها

قالوا البزور: ما عاد به والي ××× والقرابه ما تساعد قرايبها

هذي الدنيا عذاب وغربالي ××× ياكثر عذابها من مصايبها

ليت خلِّي قاعد(ن) ولا نبي مالي ××× هي غلاتي يوم عيني تلدبها

حسنة الاطباع ماتغثي البالي ××× ما عدي دورتها مع صحايبها

باليقظ والنوم هي دايم اقبالي ××× وإن غفت عيني فقلبي يحس بها

واعذاب العين من ليلها طالي ××× كل ما تطلع نجوم نحتسبها

يوم بان الصبح ثم آذن التالي ××× هلِّي دمع العين واحرق مذانبها

قاموا البزور ثم اغثوا البالي :××× يا يبه وين أمنا ؟ .. يا يبه جبها

ما بكيت ولو ما أبكيه اعيالي ××× وأمكم والي السماء اليوم طالبها

ثم لجّو بالبكى بيتهم خالي ××× والليالي ماترجع بغايبها

كبدي ياللي حرها واهج الصالي ××× كن كبدي بالمناشير تشذبها

من سبايب قلة المال وعيالي ××× والليالي فرقتنا مخالبها

لو أصوِّت للغضي قالوا هبالي ××× جعل من يلومني في لهايبها

ما مثل "منيرة " أول ولا تالي ××× والصلاة إعداد ذاري هبايبه

https://www.youtube.com/watch?v=M3cIRnDt83g&t=10s

سبحان الله كل بيت من القصيدة بل كل شطر حكمة مستقلة بذاتها

من الحكم المتناثرة اللي تستحق التأمل


محصي الاعمال باللوح كاتبها - يوم جاه الحق روحه يجاذبها ----- سبحانه



هذي الدنيا عذاب وغربالي ××× ياكثر عذابها من مصايبها --- طبيعة الدنيا التي جبلت على الأكدار



ليت خلِّي قاعد(ن) و لا نبي مالي ××× هي غلاتي يوم عيني تلد بها ---

فعلا ما يخفف كدر الدنيا رؤية الأحباب و الأنس بهم لكن ليت الحال يدوم



وأمكم والي السماء اليوم طالبها --- سبحانه هذي الجملة تقشعر البدن فعلا اللي يطلبه ربه ما يرده شي

يارب أحسن خواتيمنا و اقبضنا على أحب الاعمال اليك


والليالي فرقتنا مخالبها --- شبه الليالي بالوحش المفترس اللي انقض عليهم فجأة و اختطفها من بين يديه

اللهم صل و سلم على سيد الخلق عليه أفضل الصلاة و أتم التسليم

و ربي يجمعهما في فردوسه الأعلى و يعوض ألمهم خير

يومين ما قدرت استغني عنكم

ياترى هل قلبي تعلق بالجميع ؟

ولا يستطيع فراقهم يومين !!

تراجعت عن غيابي

و ها أنا عُدت

يا بعد راسي يا بو حميد

المشكلة في ثنتين يا ان الفيتامينات

محتاجه وقت طويل عشان ترتفع وتروح أعراضها

وهذا هو الأرجح

يا ان اعراض السيروكسات هي السبب !

اليوم نمت قبل الظهر

وصحيت الساعه 10:30 الليل

اعوذ بالله من هالنومه بهالوقت

قمت من كاااااااابوس

غريب ومخيف وكئيييييييب

قمت طبيعي مو مرعوب ولا مفزووووع

بس ضيقه فظيعه و آثار الكابوس ملازمتني

والله كرهت كل شي

لدرجة اني نويت أوقف السيروكسات اليوم

وبكره أكله وبعده أوقفه وبعده أكله يوم ورا يوم

بس قلت الوضع حالياً مو مناسب

اني اتدرج و اتركه

وكليت حبه قبل نص ساعه

لازم اعدل نومي و انام بالليل

الكوابيس المخيفه سبحان الله

ما تجي الا بالنهار وبالظهر

هلا وغلا يانسمه اشلونش ان شاء الله بخير

من اشوفش يطري على ابالي انسان غالي حيل عالي اتمنى يرجع والله يانسمه

السلام عليكم

اسعد الله صباحاتكم جميعا اخواني اخواتي بكل خير


هلا بكم اخواني بدر و خالد و الله يطمنا على الغائبين و يكونون بأحسن حال


طبعا بدر لازم ترجع ، هنا على الاقل ظروف الجميع وحدة لذلك الكل يحس بأخيه من باب الالام تجمع المتألمين لكن بالحياة اليومية ما تقدر تفضفص لأن ما أحد راح يحس لانعدام التجربة

أنا عني حتى لو غبت أعتبر هذا المكان بيتي الثاني و الجميع في بالي و أحمل همه و أدعي له ، لو مافي هذا التجمع غير هذي الميزة تكفينا جميعا

و ربي يجمعنا دوم على الحق و الخير و يحشرنا في زمرة المتقين

اللهم آمين

يا هلا وغلا ابوحميد ..يا هلا بالطلة الحلوة واللمة الأحلى ههههه
والله مشتاقة لسوالفكم ووجودكم وبفقد الأيام الحلوة ان شاءالله تعود يا مسعود$$$

صحيح المثل بقول خبي قرشك الأبيض ليومك الإسود.. بس اسود من هيك ما في ههههههههههههه
الله يسعدك ويرضى عنك يا ابوحميد
بالنسبة لسفرة الصباح
بما انه احنا غي عصر السرعة ..الله وكيلك ساندويشة عالماشي ههههههههه
شايف لوين وصلنا يا ضباب افندي ##

كيف صحة الوالدة سلملي عليها كتيررررررر ماشي :)

وصباح المسك والعنبر للناس اللي زي السكر ❤


احلى واغلى عودة اخي بدر
نعم هذا مؤشر مؤكد على التعلق$$$
وشيء يسعدنا جدا
نورت من جديد
وصباحك ورد 💐

صباح السعادة احلى عيون متفائلة
وبدون خطة
وكل الرواد الأحبة

نهاركم سعيد ان شاءالله
💐💐💐

و نهارك و أيامك اسعد ياسمينا و ايام الجميع


مدري محتارة آخذ دواء نفسي خاصة الصباح و النهار بطوله ينقبض قلبي و اشعر بالخوف و الضيق الشديد طوال الوقت

خايفة أرجع لدوامة الادوية و النوم الثقيل اللي تسببه اللي طوال الوقت ما أقدر ارفع راسي و أحس اني مشلولة و انا عندي مسؤوليات تخليني حتى المشط اللي ما تستغني عنه النساء أنساه ،
و راح تنضاف علي مسؤولية جديدة قريبا بإذن الله و هي قيادة سيارتنا ، السيارة تحزن واقفة بالاشهر لين غطاها الغبار لاننا استغنينا عن السائق بسبب ظروف الإيجار أسأل الله ان يحد من حدنا عليه

صرنا مقيدين بمواصلات كريم و احنا نحتاج السوبرماركت اقل شي مرتين بالاسبوع

و لكن اذا اتيحت الفرصة ان شاء الله على الاقل المشاوير المهمة القريبة اللي حول البيت ،

قرار جاء في وقته المناسب الحمدلله


فعلا كرم الله لا يتأخر انما يأتي في وقته المناسب


اعوذ بالله قلبي مقبوض حتى ماني قادرة أتنفس أحس ضلوعي منطبقة على بعضها من الغم أستغفر الله العظيم

وعليكم السلام

الله يسعد ايامك كلها

شكراً من القلب

الله يحلِّي ايامك كلها

النور نورك

وصباحك وروووود

ما تشوفين شر ان شاء الله

الله يشفيكِ ويرفع عنكِ البلاء والسقم

بمشيئة الله اتخذت القرار النهائي

بتدرج في السيروكسات خلال أسبوعين كحد أقصى

عشان أقطعه و بحول على السيبراليكس

طبعاً بعد إجراء الفحوصات

واتمنى من الطبيب اللي بروح له

يحس فيني شوي ولو من باب الشفقه

الوضع لا يُطاااااق مع اعراااااض السيروكسات !

حتى انا يا بدر من تجربتي شفت ان اعراض السيبرالكس الغير مرغوبة اهون من السيروكسات بكثير ، استخر ربك يوم تتخذ ذي الخطوة و ربي يدلك على ما ينفعك في الدارين

و ربي يطمنا على اخينا محمد الامين له فترة ما ضوى ، ربي يجعلكم في خير و تتقلبون من خير الى خير حاضرين و غايبين و جميع المسلمين

اللهم آمين