غالبا اي احد يترك العلاج يرجع اسوا من قبل وتطلع لك اعراض جديده تخرب حياتك
لكن افعل الذي تراه مناسبا |
بعض الناس بعد ترك الدواء = تخف حدة الرهاب كثيرآ
بعض الناس بعد ترك الدواء = يعود الرهاب كما كان .. أما أنه بعد ترك الدواء يعود الرهاب بشكل أقوى وأعراض جديده أعتقد أن هذا شيء مستحيل بحسب وجهة نظري الذي يحصل بالضبط ، بأن الشخص في فترة العلاج يشعر بتحسن واختفاء الرهاب .. ثم بعد ترك الدواء قد تعود أعراض الرهاب ولكن المريض يشعر بقوتها كونه كان يعيش فترة ممتازة بدون رهاب |
والله الناس هنا تحطم.
اعوذ بالله |
المهم أنا مابلتفت للردود السلبية وبتوكل على الله
انا دخلت اقولكم عن موقف حصلي واقسم بالله ذكرني بحياتي قبل الرهاب جلست اقراء خبر وعندي حدود ثمانية اشخاص والله يا ناس انا اقراء وفي نفسي اقول يالله من زمان ع هذه الحياة لما اقرأ والعيون عليّ ومركزين معاي وانا منطلق قرأة ياصلاتي ع النبي صلى الله عليه وسلم وبعدها رحت لواحد مكتبه وسوالف وانا كلي ثقة مافي رجفه يد او برد في جسمي او دقات القلب سريعة. والحمد لله اليوم في زواج واحد من اصحابي والشباب طلبوني اكون مصورهم الخاص وباجيب الكاميرا وبافر القاعة متر ... متر واصور وانا قمة سعادتي ان شاء الله ارجوكم اللي بيرد رد سلبي او محطم يحتفظ فيه لنفسه . |
للمعلومية انا ماكتبت هالرد تكبر او تعالي عليكم ، لاننا كلنا مرضى وندور العلاج
لكن كتبته ابعث الأمل في نفوسكم ، لاني جربت هالمرض الشين وعارف المه وتعبه وكمان اذكركم ان اليوم لي في العلاج هو 23 يوم بمعدل حبتين كل يوم بعد ما اخذت الجرعة التمهيديه التي كانت لمدة عشرة ايام حبة واحدة وكنت اخذها وتسبب لي كسل وخمول وصرت اخذها قبل انام وانام وارتاح |
اذا كانك تقصدني اني احطم ف انا اسف اني حطمتك , وفعلا لا اعلم ان كان ردي سلبي او لا لكن انا فقط اعطي راي ومعلومه ربما تكون صحيحه وربما خاطئه , وبالطبع القارئ لديه العقل والاختيار
بس ابي اعلمك عن الناس اللي جربوا خذوا العلاج ويوم تركوه عانوا من ضمنهم انا و محمد البدراني و الحكيم الفاضل و زوج العضوه اللي اسمها شمس واعضاء خارج المنتدى لكن عشان ما احطمك فيه ناس وضعهم كان تقريبا مستقر بعد ان توقفوا عن العلاج من ضمنهم خبز تحت المطر وايضا احد معارفي وضعه كان مستقر وفيه الكثير اكتب في القوقل كلمه- تركت العلاج النفسي- وشوف تجارب الناس لكن نقول ان شاء الله ان انت اذا تركته تكون من الفئه اللي تكون اوضاعهم مستقره اتمنى لك العافيه الدائمه والسعاده |
اقتباس:
بغيت اسألك وش نوع الرهاب اللي فيك؟! اشرحه مممكن؟ وهل تحب تخالط الناس ؟ او بالبيت جالس؟ بكل صراحه جاوبني الله يوفقك |
اقتباس:
والله اني اكره اوصف حالتي لكن اغلب وقتي اكون مع اهلي او لحالي ونادرا ما اكون مع الناس اصبت اصلا في البدايه بنوبات هلع ثم توالت الامراض بعدها من فصام زوراني الى وسواس قهري الى رهاب اجتماعي والانطوائيه الى الاعراض الانسحابيه بعد تركي الادويه مما سبب لي اتعاب اعظم مما كنت عليه واصبت بالارق المزمن ورجعت للادويه ووضعي متذبذب واتعابي معد صرت افهمها ومشاعري اصبحت ميته يعني جسمي داخليا خربان الى حد ما والكلام يطول لكن الحمدلله على كل حال والامل بالله لا ينقطع ولا يياس من روح الله الا القوم الكافرون عندي ثقه بالله ان القادم اجمل انا اقول دامك تحسنت على الدواء لا تتركه وبالنسبه للجنس ان شاء الله مع الوقت يتعود جسمك على الدواء ويصير وضعك تمام جنسيا |
شخصيآ لي تجربة سابقة مع دواء شبيه للزولوفت وكانت النتائج ممتازة جدآ
والآن وبعد ترك الدواء منذ 6 أشهر تقريبآ لآ أشعر بإنتكاسة حقيقيه .. صآحب الموضوع : وأنا أقرأ تجربتك الرائعة ، تذكرت الشعور الرائع الذي انتابني أول مرة عندما شعرت بالتحسن بعد إستخدام الدواء تمنايتي لك ولجميع الناس بالشفآء العاجل من كل دآء |
اقتباس:
عليك بالصلاة ، انا في رمضان اعتمرت وانا اطوف كنت مرهق بسبب العلاج في بدايته واقول يارب انك تعلم اني مريض وجيت لبيتك الكريم طمع في رضاك فاني اسألك ان ترضيني وتشفيني. اقتباس:
ويشفيني ويشفي جميع مرضى المسلمين |
اقتباس:
باذن الله سنكون من افضل الى افضل وسنكون باذن الله في احسن حال , والحمدلله وما شاء الله عندي ثقه وامل بالله ان القادم اجمل تحيتي لك اخي العزيز |
آخر الأخبار 😃👏
اليوم كملت 27 يوم من العلاج والامر تمام التمام ياربي لك الحمد وبديت في المرحلة الثانية وهي المواجهة ورحت اليوم وسجلت اسمي متطوع في مناسبة اجتماعية كبيرة لان الانشطة الاجتماعية لها دور كبير في ازالة الرهاب وربي عملوا لي مقابلة شخصية والحمد لله لا ارتباك ولا ربشة ولا قطع نفس ولا خوف داخلي. وربي نصيحة الواحد يتوكل على الله ويتعالج ويواجه الناس وربي ان الشخص يظلم نفسه لما يكون فيه رهاب. وبسجل في قروبات آخرى للتطوع استفيد دين ودنيا وبإذن الله اعطيكم اخباري اول بأول مع تجربة علاج لوسترال / زولفت |
عشان لا انسى .... سويت تحليل فحص الزواج وكنت خايف انه يظهر في الدم او يضر في موضوع التوافق لكن ابشركم طلع توافق مع خطيبتي ولا له اي اثار، يعني اللي يبي يتعالج ويسوي تحليل فحص الزواج يتوكل على الله ويروح تحت مسوؤليتي.
وصدقوني سأوقف معكم واساعد اللي مايقدر يشتري علاجات لاني مجرب هالمرض الشين ، والحمد لله على كل حال |
السلام عليكم ورحمة الله وبركاته اليوم جبت لكم نشرة العلاج" صورتها بالأسكنر" للي يحب يطلع عليها قبل يبدأ العلاج عن طريق الرابط لان حجمها كبير وواضحة.. 7 http://i.imgur.com/sK87WQy.jpg والله يشفيني ويشفيكم ويكتب لنا الأجر في ما أصابنا |
هذي الأخبار والردود اللي تقتح النفس ، الحمدلله الذي شفاك وصدقني تطوعك في الأعمال الخيريه ومجرد ما انك تنوي مساعدة الآخرين ، هذا الأمر سيكون كفيل بشفائك بإذن الله والى الابد ، استمر اخي الكريم وبشرنا عن كل جديد
|
الساعة الآن 03:00 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا