نسيت معلومة للأمانة العفو من القراء الله يكرمكم الصراحة قرب موعد الحيض وانتم بكرامة كان يزيد لي الاكتئاب بشكل جنوني شي لاااايطاق والعصبية وأحس مرة متضاااايقة ودي اخنق نفسي ومرة من الشهور زود مع الإكتئاب الوسواس بس الحمدلله كلها كم يوم من بدايتها ونفسيتي رجعت مثل اول - هذي المعلومة رغم الاحراج قلتها للعلم والفائدة- والمعذرة من الجميع
|
اقتباس:
الحمد لله وباذن الله تتحسن حالتج اكثر واكثر وتتخلصين من الاكتئاب . شاكر لج والله رفعتي معنوياتي . انا الحمد لله اليوم احسن , امس اخذت الدوا بالليل وحسيت انه اريح لي . بالفعل خلاني موسوس لابعد حد , لكن ملاحظ صداع من كذا يوم مادري شو السبب .. ان شاء الله جسمي يتاقلم مع الدوا . |
يا اخوان احد لاحظ نغزات او صداع بالراس مع بداية استخدام البروزاك ؟
انا احس سبب هالاعراض هي انسحابي من سيبرالكس من دون تدرج . |
يا اخوان انا شكلي بروح للدكتور عشان استشيره بدوا داعم للبروزاك ..
احد ياخذ ادوية اخرى مع بروزاك ؟ ياليت تقترحون علي لاني بديت افقد صبري والحمد لله على كل شيء . |
اليوم انتكاسة قوية للاسف .. كملت 15 يوم وبانتظار مفعول الدوا وخوفي يكون مثل سيبرالكس اللي جربته 3 شهور بدون ادنى فائدة بل زاد وضعي سوء .
مادري الخلل فيني ولا من الادوية ... اكيد مني لانه الكثير استفاد . |
اصبر عليه بعد 15 يوم
|
تصدقون يا اخوان لي متخرج 7 شهور ولقيت شغل لكن النفسية والاكتئاب اللي انا فيه خلوني ملازم غرفتي وضاعت علي فرصة الوظيفة وانا محلك سر .
كان عندي طموح كبير واحلام وودي اتزوج لكن صعب يحصل هذا كله وانا بهالوضع ,, حاولت اسوي كل شي اطلع اغير جو سفر رياضة قراءة سباحة ادوية نفسية حجامة مطوع يقرا علي الخ الخ ... وما استفدت . كل ما يزيد عمري يزيد اكتئابي .. المشكلة نظرة الاهل والناس لك والشفقة او انك عالة جالس في البيت كاني بنت حتى البنات يطلعون الحين للاسف كل شي ممكن اتحمله الا نظرة الشفقة والازدراء من الناس وخاصة اقرب الناس لي . صدق الشكوى لغير الله مذلة . |
لو يوصف لي الدكتور ترامادول والله احسن من هالادوية .
|
الله يكون في عونك يا اخوي، انا بعد في تجربة مع السيروكسات من شهر ونصف تقريبا، ووضعي مو ثابت ، لكن بصبر حتى اكمل شهرين ونشوف الوضع، ربما اذا ما نفع بجرب البروزاك، بالتوفيق،، |
شفاك الله أخي بس أحببت اجاوب عن الصداع أنا عانيت منه بس ما أتذكر هل عند رفع الجرعة أو من حبة واحدة بس ماطول معايا أيام كثيرة أظن يومين أو ثلاثة..ربي يجعلك فيه الشفاء ياااارب
|
شكرا لكل من رد على موضوعي ..
الصداع راح ولله الحمد , استمر معاي تقريبا 4 ايام ,, بس مب صداع صداع لا كان تقريبا مثل النغزات وثقل بالراس وعدم الراحة . اعتقد هذي اثار انسحابية من سيبرالكس والله اعلم . انزين دام اني كملت 16 يوم مع بروزاك بجرعة 20 ملجم وما لاحظت اي تحسن ما تعتقدون انه الوقت مناسب لارفع الجرعة الى 40 ملجم ؟ اي حبتين في اليوم ؟ ولا توه الناس؟ لاني مليييييت وابا اشوف نتيجة للدوا وحالتي جدا سيئة . |
اقتباس:
هلا اختي .. ما حسيتي بزيادة الشهية مع بروزاك ؟ انا احس اني قاعد اكل وما اشبع وكله احس بيوع . |
اقتباس:
ياليت تفصّل عن تجربتك مع سيروكسات وكل الشكر لك ويارب تتحسن حالتك وتشفى باذن الله . |
دام لك 16 يوم على 20 مل تقدر ترفعها لحبتين وهي الجرعه العلاجيه علما ان بروزاك تقدر تاخذه الى 60 و80 لاكن انت الان تدرج وخذ حبتين ويارب يكتب لك التحسن
|
اقتباس:
|
الساعة الآن 03:01 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا