يسلمؤؤؤ يارب سهل امري
يعني المحافظة مو هي نفسها اﻻماره ؟؟؟
امين يارب الله يوفقنا ويفرجها ع الجميع

للاسف مااعرف ):
وبالنسبه لموعد العقد لسه المعامله يبغالها عشره ايام على ماتوصل من الامارة للمحكمة على كلام الموظف الي في المحكمة

الله يسلمك اختي،،، لا المحافظة مو نفس الامارة لان المعاملة تروح للامارة الرئيسية في مكة

اها مشكوووورة اختي ربي يوفقك ياعسل
يعني تقريبا من المحافظة للامارة تاخذ من اسبوع لاسبوعين
ومن الاماره للمحكمه نفس الشيء وبعدها موعد العقد
الله يعين ويسهل للجميع يارب ويفرجها علينا اجمعين

غريبه اش الحالات اللي يقولو عليها
اوراقي كلها نظاميه وعاديه عربيه ومن مواليد السعوديه
لايكون عشانو مطلق ارسلو المعامله للداخليه ؟؟

العفووو ويوفقك يارب ويوفق كل البنات

الله اعلم .. مافي الا حل واحد اتصلي على رقم الداخليه المجاني واستفسري منهم

لمن توصل المعامله يروح يشيك عليها برقم الصادر الي اخذه من الشرطة بعدها حيعطوه رقم طويل يشيك فيه على المعامله في المحافظة هو هذا الرقم الي يقدر يشيك فيه عن طريق الموقع او رساله نصيه

حيتصل عليهم والله ييسر ان شالله

بسألكم اللي عمرها اقل من 21 سنه . تقدر تقدم ع الموافقه .. خطيبها مقيم من مواليد السعوديه وبينهم قرابه ؟؟

اخويا قلي لما راحو الشرطة وقت بيراجع معاملتي
جات معاملة جنبهم عمر الخاطب والمخطوبة 19
قال له الشرطي هناك ماتمشي في الامارة لو تجيب مين واسطة صغار
ان شاء الله يجاوبوك اللي عندهم خبرة اكثر
وعموما كلها سنتين وتبلغ العمر المطلوب وربي ييسر للجميع

سوال لو سمحتم انا سعودي مقدم والمعامله اتحول الشرطه ايش الطلبات اللي يبونها وانا و خطبتي من جده شكراا

اخ احمد الطلبات اللي يطلبوها منك حتاخذعشانها خطاب من عندهم عشان تجيبها لك ووللمخطوبة
روح راجعهم انت وولدها ويعطوكم الخطابات للتحاليل وبرنت من الاحوال وتعريف بالراتب مختوم من الغرفة التجارية هذا للطرف السعودي
عموما لاتسوي زيي وتستعجل تجيب الورق قبل الخطابات روح وراجع ويظهر لك كل شي
والله ييسرلك

شكرااا طيب تعريف الراتب قدمته من الاماره بيطلبوه تاني ؟ والبرنت لازم المهنه تطابق ؟ شكرااا

اكيد لازم تتطابق المهنة
لاتشيل هم تعديل المهنة في الاحوال بسيط جدا
اتوقع حيطلبوه ثاني لان لازم في الشرطة تكون اوراقك كاملة غير اللي سلمتها للامارة

شوفي هيا عمرها 19 والخاطب عمرو 29 يعني مو صغير
وكمان هو قريبها .. تتوقعي يكون في استثناء

يسعد صباحكم و أيامكم بالخير

أنا عضوة جديدة ومتابعة الموضوع من فترة حبيت اقولك الله يفرح قلوبكم جميعا و يسهل أمري وأمركم يارب

و عندي سؤال دحين بعد ما توصل المعاملة للشرطة فين تروح و ايش يبقى

اميييين يارب
انا بعد ماراحت الشرطة جلست اكثر من شهر تقريبا اعطو خطيبي موعد يراجعهم
وراح لهم وكل شوي موعد ثاني لين رجعت لمحافظة جدة ويبقى اﻻمارة والمحكمه
مثل ماقالولي هنا ربي يوفقهم والله يسهل علينا اجمعين يارب

تسلمي ياقلبي ربي يسعدك و يسهل آمركم

يا جماعه الخير معاملتي راجت للداخليه ورجعت للاماره علي اداره القضايا والمعاملات الخاصه
اش يعني دا الكلام ..

يعني خلاص هانت استني عليها اسبوع او عشره ايام بالكثير وتصدر للمحكمة ان شاءالله
الله يوفقك ويسهل امورك

ابغا أسألك أختي يعني لمن تروح المعاملة للداخلية وترجع للأمارة هذا يعني انها غالبا تكون قبلت المعاملة ؟ أو ممكن تروح للداخلية وترجع للأمارة وتكون ماقبلت وتحفظ في الأمارة ؟

أيضا اللي أعرفه إنه بعد قبول المعاملة تتسوي التحاليل وتروح للشرطة ومن هذا الكلام. أو معلومتي خطأ ؟ أنا بس حابة أعرف

لحين لما افتح موقع محافظة جدة واتابع المعامله يطلع لي من يوم راحت للشرطة للحين انها صدرت للشرطة بتاريخ ....
وقالوا لنا تحولت للمحافظة يعني خلاص مايظهر انه راحت للاماره في الموقع ولا بيظهر ..؟

الله يبشرك بالخير يارب ويوفقنا جميعا

ابغا أسألك أختي يعني لمن تروح المعاملة للداخلية وترجع للأمارة هذا يعني انها غالبا تكون قبلت المعاملة ؟ أو ممكن تروح للداخلية وترجع للأمارة وتكون ماقبلت وتحفظ في الأمارة ؟
بما ان المعامله ماشيه بشكل طبيعي تعتبر ان شاءالله انها قبلت طالما العمر مطابق للعمر الموجود في شروط الداخليه والتحاليل سليمه كذا انتي عديتي تقريباً 90٪ والباقي اجراءات روتينيه
طبعاً هذا على حسب علمي وتجربتي وتجارب سابقة مرت علي


أيضا اللي أعرفه إنه بعد قبول المعاملة تتسوي التحاليل وتروح للشرطة ومن هذا الكلام. أو معلومتي خطأ ؟ أنا بس حابة أعرف

صحيح بس لسه تكون المعاملة ماقبلت انتي تعمليها وترفقيها مع البرنت وخطاب العمده واوراق خطيبك وتسلميها للشرطة وبعدها تبدأ اجراءات البحث والتحري عنك وعن خطيبك

شوفي من ناحيه انقبلت اولا متفائله خير انها انقبلت ان شالله
التحاليل والشرطه قبل موبعد .. اصلا المعامله ماتترسل اللا لما تكتمل الوراق ومن الاوراق نتيجه التحليل

الا يظهر بس لمن تاخذي الرقم الجديد الي في المحافظة لانه كل مره تتحول فيه المعامله من مكان لمكان تصدر برقم جديد

ويبشرك يارب بالمعاملة وتجي تفرحينا

مسائكم خير يارب

لو سمحتو البرينت من الأحوال يحتاج احجز موعد ولا كيف الطريقة ؟

لا انا رحت مباشرة بدون حجز ولا شيء
واعطوني علطول خلال عشر دقايق البرنت
وبسسس

اختي يارب سهل امري او اي احد جرب
الله يجزاكي خير عندي سؤال
معاملتي وصلت المحافظة كم يبي تقريبا عشان تروح للامارة
واذا وصلت اﻻماره ايش المطلوب هناك اثنين شهود وﻻ ايش
وبعدها يقولون لنا موعد المحكمه او موعد ونتابع ..؟

اسبوع تقريباً وتتحول للامارة وبعدها اذا خطيبك مو من مواليد السعودية تحتاجي الشهود على حسب علمي وبعدها تروح للرياض اما اذا من مواليد السعودية خلاص يصير بس باقي تتوقع المعاملة في الامارة وبعدها تتحول على المحكمة

اها اوكي مشكووورة كثير ربي يوفقك
الله يسهل علينا يااارب

بنات بسالكم دحين المعاملة لما تتحول من شرطة جدة لشرطة المدينة عشان يكمل خطيبي اوراقه يطلعلها رقم جديد
ولا نفس اخر رقم عندي

بنات بسألكم انا معاملتي بأخر مرحله اللي هي الاماره قبل المحكمه بس خطيبي راح يراجع قالو له الامير ماوقع الاوراق علما انو جاتني الموافقه من اول وكل شي تمام ابغا اعرف وش يصير قبل ماتروح للمحكمه مو بالعه فكره التوقيع ذا

والله مدري ياقلبي انا بعد خطيبي راح السبت الاماره وقالو له يومين وتوصل المحكمه وروح هناك وحدد الموعد
خوفتيني يسووون كذا
انا اعرف التوقيع ببداية المعامله ولا ..؟
الله يسهل عليكي وعلينا ياااارب

وحتى انا استغربت احنا جاتنا الموافقه من اول مدري وش قصتهم المهم الله يسهلك ياررب وتتم فرحتكي ويسهل للكل ياررب ويريح بالي

احنا جات من الوزاره ومو راضيين يردو علينا اذا وافقوا اولا مل مايجي للاماره يعطوه موعد تاني دحين قالولو تعال يوم التلوت والله يسهل
ويحولوها علي طول ع المحكمه

طالما قالو تتحول ع المحكمه اكيد وافقو عليها الله يسهلك ويطمنك عليها