تجمع مراجعين د عصام الانصاري الكويت
 

وينكم يامراجعين

اهلين انا عن الانصاري اراجع ( :
تبين نسوي قروب للمراجعين عند الانصاري

السلام عليكم ورحمة الله وبركاته

انا للامانه كنت اراجع عند الدكتور عصام الانصاري ( خوش رجل ومتفائل) ولكن الادوية اللي يصرفها كانت غاليه الثمن. وصديق قالي ليش ما تصرفها من الطب النفسي. وفعلا راجعت الطب النفسي وفتحتلي ملف. وصرت اخذ الدواء مجانا.

اخوي متواضع تقول الادويه غاليه يعني بجم..؟؟

وخاصه السبيرالكس بجم وتجي معاه جم حبه؟؟

وشاكرلك

ولازم ورقه من دكتور علشان يصرف الدوا ؟؟

وباي صيدليه نقدر نصرف الدوا

بالنسبة لقيمة الدواء كانت 100 دينار تقريبا. طبعا لعدد اربع ادوية كان يصرفها لي. والحكومة تعطيك اياها بلاش ليشض تشتريها بس افتحلك ملف وخلاص.

اما بالنسبة للصيدليات المتخصصة بالادوية النفسية. ( صيدلية العودة- الشعب بجانب عيادة عصام الانصاري) وصيدلية طارق بالشعب ايضا بجانب مطعم شلاويط . ويا اخوان انا كنت للامانه مريض نفسي والحمد الله تشافيت واي مساعده انا حاضر.

اشكرك اخوي متواضع على ردك ..

انزين تقدر اتجيب لي ادويه من المستشفى ؟؟

مثل سبيراليكس وازنكس ...انا ما اقدر اروح افتح ملف وبنفس الوقت ما عندي 100 دينار كل شهر اصرفها عالادويه

وشاكرلك

السلام عليكم

اخوي رونالدو الادوية اللي ذكرتها كنت اخذها قبل تقدر تاخذها من المستشفى بس ما قتلي ليش ما تقدر تفتح ملف. لان الادوية النفسية ماتصرف الا للمريض نفسه. تقدر تاخذ ايميلي وانا حاضر اساعدك . واذا تبي امرك ونروح الطبيب ويا بعض هم انا حاضر.

مشكور وما قصرت

انا ما اقدر افتح ملف

لو انت تقدر تاخذ سبيراليكس وزانكس اكون شاكرلك ...ومستعد اشتريهم منك بسعر مناسب

بس السبيراليكس كميه 6 شهور

وتحياتي لك وكل عام وانت بخير

مرحبا اخواني اخوي متواضع انا مره راجعت مستشفي الطب النفسي كان علاج الزانكس خالص عند عصام وموجود بس بالمستشفي وقالي الدكتور عصام اروح عشان اخذه والله كان استقبالهم يضيق الخلق واحراج ورفض واحد من الدكاتره هناك يصرفلي الزانكس المهم بطلعت الروح رحت لطوارئ عندهم وصرفوه لي بس بعد ماطلعو عيني 00 ماادري والله الانصاري مايقصر بس سالفة المرض طولت والادوية سعرها يكسر الضهر 00
والله شكلي بروح الطب النفسي 00 بس اخوي راح القا دكاتره يعاملونا نفس عصام يعني ياخذ ويعطي معاي بالحجي واذا طلبت اغير نوع الدواء يوافق 00 انت شرايك بدكاترة الحكومه معاملتهم نفس الدكاتره الخاصين 00 وراح اطلب ايميلك من ملتقي الأقتراحات راح افتح موضوع واطلبه من المسؤلين بالمنتدا اتمنا 00 لان عندي اساله ودي اسالك اياهم0

اخوي حسن راجعهم وقول ابي دكتوري يكون /هيا المطيري/ او خالد الصالح/ كلهم كويتيين وخوش دكاتره. وياخذون ويعطون وياك بالحجي خصوصا دكتورة هيا وعلى فكره عياداتهم صبح وعصر.

انزين واشلون انجيب الادويه من غير ما نبطل ملف

حبيبي رونالدو الادوية النفسية صعب يعطونك اياها من غير وصفه طبيب . يعني لازم تفتح ملف سواء عن كتور خاص او حكومة. على العموم اخذ بيانات ايميلي وراسلني . وانا حاضر اذا اقدر اساعدك.

الله يعين والله ع الادويه والمصاريف الله كريم

هلا اخوي متواضع الدكاتره اللي ذكرتهم موجودين بمستشفي الطب النفسي والمراجعه تكون شهريأ مثلا 00 ومشكور اخوي وماقصرت

اي نعم موجودين بمستشفى الطب النفسي. والمراجعه كل اسبوعين او شهر او شهرين حسب حالتك اخوي.

مشكور عزيزي متواضع

اخوانى 00الطب النفسى حالة حال عيادات الانصارى وعندهم دكاترة مميزين وينصحونك اذا كنت محتاج علاج دوائي ولا لا عكس الانصارى بصراحة مااحبة لان بصراحة مادى بشكل فضيع00

انا صارلي اربعة عشر سنة مريض بالرهاب مافكرت يوم اروح حق طبيب نفسي


ولا راح افكر

اموت ولا اروح اعوذبالله


بس انتم والله شجعان بكل معنى الكلمة

لماذا اخي الكريم.


اليس من الممكن يكون شفاءك على يد الطبيب النفسي . بعد الله طبعا؟

السلام عليكم ورحمة الله وبركاته ... كيفكم

أخوي رونالدو ممكن أسالك سؤال إذا سمحت هل انت تعالج عند دكتور عصام الأنصاري من زمان وشنو رأيك فيه وهل هو طبيب زين

الوووووووووو .... أخوانا أحد يرد علينا لوسمحتوا

هلا سوري عالتاخير ماكنت ادخل عالمووضوع

بخصوص عصام الانصاري سمعت انه مادي جدا وياخذ فلوس بالهبل

ما انصحك فيه نهائيا

شوفي دكتور رخيص وروحي له مره مرتين ثلاث مرات بالكثير بعدين اقطعي فتره 6 شهور عالاقل وروحي راجعيه وقولي له عن التطور اللي حصل لك

وبالتوفيق

رونالدو ... هذا هو العيب الوحيد فيه أنه غالي الثمن ولكن أنا أسأل عنه كدكتور زين ولا لا يفهم يشخص الحالة صح ولا تقعد تجرب وياه أدويه .. وأنت كنت تراجع عنده من شنو وكان في تحسن معاه ولا لا

متواضع ... هل كنت تراجع عند دكتور عصام من مدة وشنو رأيك فيه وهل مراجعتك واياه كان فيها نتيجة وهل هو دكتور شاطر ... وجزاك الله خير

ماكنت اراجع عنده

مره دقيت بحجز ولا قالي على سعر خيالي وموعد بعيد ( حوالي الشهر)

والتوفيق

السلام عليكم احوي رحماك.

دكتور عصام دكتور ممتاز وشافاني الله على يده ولكن نصحني احد الاصدقاء بفتح ملف بالطب النفسي لاخذ الادوية مجانا. ولكن حسب كلام دكتور عصام. لاحظ اخي الكريم حسب كلامه هو وليس انا. بأنه لايفهم بالعلاج السلوكي . ناهيك عن ان الادوية التي يصرفها لك غالية الثمن من الصيدليات المجاورة للعيادة.

اخي الكريم انا مررت بظروف معقده الى ان شافاني الله . اسمع نصيحتي وراجع الطب النفسي وافتح ملف عندهم ودوامهم الفترة الصباحية والمسائية. وبلغهم بأنك تريد الدكتورة( هيا المطيري) او دكتور ( خالد الصالح) ونعم الدكاتره ناهيك عن الادوية تصرف اليك مجانا . هي نفس ادوية عصام الانصاري بالضبط. واخي الكريم لاتتردد بالتواصل معي واي شيئ انا حاضر. يمكنك اخذ ايميلي من الادارة.

والله يشافيك اخي الكريم

السلام عليكم ورحمة الله وبركاته

اخوي متواضع ممكن اضافة ؟ بالماسنجر بكلمك شوي تكفى

ايميلي

m
s
o
0
d
n

ام اس او صفر دي ان آت هوتميل دوت كوم

الحين ناطرك تكفى

السلام عليكم
استفدت من حوار اخوي متواضع واخوي رونالدو
بس يا شباب , انا توني اصبت لـ رهاب الساحه والخاوف اللي منقضه علي يومي
هل الدكتوره هيا المطيري او الدكتور خالد الصالح فعلا يفيدون
انا مستعد اروح للطب النفسي لاني خايف المشكله تزيد
لكن الاهل مو موافقين
ياليت تفيدوني

بقول كلمة.... نصيحة من أخت.. وكيفكم بعدها

ليش علطول تفكرون بأدوية

ليش ما تفكرون بعلاج نفسي عند ناس محترمة بالاول وناس لو شافت حالتكم تحتاج ادوية بيصارحونكم مباشرة يا فلان ولا فلاتة تحتاجون ادوية

أنا تعاملت مع الادوية والطب النفسي اربع سنين وعوار راس عالفاضي ولا استفدت شي وخذيت انوااااع ادوية مثل فار التجارب واغلب دكاترتهم زفت ومجربة وايد ههه (بدر بروسلي، سلطان، باسم بدر، رشا، عادل الزايد ، مصطفى محمود، اوهيرو من نيجيريا، عبدالسلام ... يمكن بس الماشي حالهم اهما (باسم بدر، عبدالسلام) لكن الوحده اللي كنت تتها ما خلتني اكمل معاهم ) مو شويه وحتى في اللي اسلوبهم دكتاتوري وغير محترم وما ياخذ ويعطي واذا كانوا راقيين بالتعامل تمثيل مع الوقت يتغيرون وعدد كبير من الممرضين اللي تعاملت معاهم بالطواريء والعيادة الخارجية لمن يحفظون الشخص ومع الوقت الفرق بالتعامل واضح يختلف ويعاملون الشخص كانه مريض مرات ومو صاحي بعض الممرضيين والكم الثاني يبدون يتكلمون عن الانسان يحشون... فراغ فاضيين!!

مرض نفسي عن مرض نفسي يختلف مو كل واحد يعاملونه شنه عقله مو براسه يمعنى مو صاحي وايد صدفت معاي.. وحتى اللي عنده مشكلة ومو واعي شيسوي في احد طلب المرض النفسي لنفسه!

وفي ناس حظهم حلو ما يحتاجون التجريب بالادوية وايد ويلقون الدوا المناسب بسرعة نسبيا وما عليهم غير كل فترة وفترة استلام كمية علاج مرة ثاني وبس وريحون نفسهم دخلاتهم وطلعاتهم من المستشفى بسيطة وما يتعبون مع الادوية والتجريب باللي يصلح وما يصلح

ونادر بشكل عام اسمع ناس محظوظين بهالشكل... يجربون وايد واذا لقوا الدوا مناسب بعد فترة يبون يوقفون لان مافي رغبة يكملون طول حياتهم وممكن ينتكسون وبعدين يضطرون يرجعون للدوا ويكتشوف مرات وايد الدواء ماله نفس الفعالية وووو دوامة الادوية ويرجع يجرب بالادوية

عالاقل حاولوا بعلاج النفسي مو علطول ادوية... اربع سنين وجربت ادوية مثل الفار التجارب وبالنهاية انقطعت كليا وبدون فايده وماشيه الحمد لله مع الدكتور جاسم الخواجة والعلاج الدوائي طلعت منه بصفر

شنو خسرانين... روحوا عند ناس محترمة وشاطرة وجربوا.... قبل التفكير بادوية

وفي مكاتب ناس مختصة هادية مافي خوف بيصدف تشوفون ناس تعرفونهم او تضييع سريتكم... وحتى ما يبون هذيج البيانات الشخصية مثل الطب النفسي... ما يخلون شي كل البيانات

مثال واحد مكتب الانماء ما يبون غير الاسم الاول بس والرقم المدني بدون حتى ما يشوفون البطاقة ولا يصورونها مثل الطب النفسي ويحطونها باول صفحة داخل الملف ورقم تلفون والعمر والحالة الاجتماعية بس والمكان هادي

أنا عن نفسي رحت له والعلاج عنده مكلف جدا
وهو كان متفائل أول جلسة
وثاني جلسة قال لأبوي بنتك مثل بنتي
وثالث جلسة كنت أبغي أتكلم معه عن مشاكلي
وعصب علي يعني انفعل
لو أصريت كان زعق علي
وماعاد رحت له

وينكم اي والله العلاج حيل مكلف ادفع 100 كل شهر علشان الدوا الله كريم يارب للهم شفي اخواني واخواتي في المنتدي وشفيني يارحم الراحمين

لي يقدر يساعدني يجيب لي العلاج الله يجزاه خير والله ماعاد اقدر ع سعر الدوا ماقدر افتح ملف بالحكومي ظروفي ماتسمح

السلام عليكم
اختي مسك ابيض الله يعينج الاسعار بالكويت صايره نار وكل شي غالي 00 اختي مالج الا تاخذين علاج من مستشفي الطب النفسي ببلاش 00 كلمي الدكتور عصام وقوليله ماتقدرين علي اسعار العلاج والفحص ترا اهو طيب راح يعلمج شلون تروحين مستشفي الحكومه او علي الاقل يشوفلج حل بالادويه بطريقه ومعارفه تاخذين الادويه من الحكومه وبلاش قولي لدكتور عصام وراح يساعدج ترا طيب ويحب يساعد والله يعينج يارب

الله كريم للهن فرج همي وهم اخواني واخواتي بالمنتدي واشفينا شفا لايغادر سقما

أختي لوخليت خربت هناك الاستشاري النفسي الدكتور غازي العتيبي في مركزابن سيناالتخصصي انسان محترم وكله تفاؤل وانا اتعالج عنده والحمدلله يريح في التعامل وبعدالله ثم هو بديت اتحسن وساعدني كيف اتخلص من مشاكلي انسان راقي وتعامله يريح

مركز ابن سينا عياده خاصه ولا حكوميه واذا خاص بكم فتح الملف عند الدكتور غازي العتيبي

أخت مسك أبيض
جربي تروحين صيدلية الياسمين في الفحيحيل شارع المستوصف القدين
أنا يعطوني دواء ساليباكس بدون وصفة طبعا أشتريه
وادوية السعودية أرخص من الكويت
وبدل ماتروحين مستشفى الطب النفسي روحي العدان يوم الثلاثاء الصبح
بس لازم فتح ملف وأخذ بطاقتك المدنية.