|
نأسف على الإزعاج
أخي العزيز أسامة كل سنة وأنت طيب ... ويارب ينعاد عليك وأنت بألف صحة وسلامة وراحة بااااال ولو كانت التهنئة متأخرة بس النت كان عطلان عندي الفترة اللي فاتت وآآآسفة على الازعاج تقبل تحياتي |
كل الشكر والتقدير لكِ ياريانه لهذه اللفته الإخويه التى تدُل على نُبل
أخلاقكِ وطيب أصلك ..... بارك الله فيكِ ياأُختاه ؛ وأحسن إليك ؛ وجزاكِ عنى كل خير .... وكل عام وأنتِ بكل خير إن شاء الله .... ( عفواُ للتأخُر فى الرد ؛ فضيق وقت رمضان أنتِ أعلم به .. آآآآسف جدااا) |
أسعد الله اوقاتك أسامة بكل خير ازيك ؟ ان شاء الله تكون بخير وعافية عامل ايه في رمضان؟؟ أخي أسامة ... تسمح لي تكون الصفحة دي للاطمئنان عليك بين الوقت والاخر؟؟ ولو كان ده يزعجك فبلاش.... مع خالص احترامي |
أسمح لك !!!!
قولى : انى أنا أرجوكِ ألا تقطعى عنا زياراتك التى تُسعد النفس والخاطر ... فنعم الأُخت الكريمه الفاضله أنتِ ... حياكِ الله ياريانه ؛ ياسبَّاقة بالخير والمعروف دائماً ؛ وأسعد أوقاتكِ كلها .... شكراً ؛ ثم شكراً لسؤالك وتواجُدكِ الأخوى النبيل ..... |
مساء/ صباح الورد كيف الحال أخي أسامة أنا اليوم والحمد لله أديت مناسك العمرة ودعيت لكل أعضاء نفساني ... وخصيتك أنت بالدعاء تقبل الله منا جميعااااااا |
أخى العزيز أسامة كل سنة وانت طيب يا راجل يا طيب ايه اخبارك لك وحشة والله عسى تكون بخير ...ورمضان كريم
أختى ريانة أرجو ألا تمانعى وجودى كضيف فى صفحتك الكريمة ...رمضان كريم |
بما ان الصفحة خصت لاخي العزيز اسامة
ساقول لك كل عام وانت بالف خير اذا لم تمانع هذا الوجود الاخت العزيزة ريانة استاذي واخي تقبل فائق الاحترام والتقدير |
أخي حافظ ,,, أختي ميشا ... سعيدة جدا بتواجدكم وحياكم الله وان دل على شيء فانما يدل على المكانة التي يمتلكها أسامة في قلوبنا جميعا أسامة( ابسط ياعم ... كل الناس بتعزك) |
أشكرك جداً ياريانه لتذكر أخيك اسامه فى أطهر بقاع الأرض ...
تقبل الله منكِ الدعوات الطيبات ؛ ولك مثلها إن شاء الله ..... وشكراً كمان لسؤالك وإهتمامك ؛ وأنكِ جمَّعتِ الحبايب فى الصفحة الجميله دى ...... |
محمد حافظ ...!!!
يااااه !! عاش من شافك ياراجل .. فين رمضان اللى فات لما كنت شعلة نشاط فى المنتدى ؛ وكانت موضوعاتك فى الصدراره قراءةً وتعقيباً ؟؟ وحشتنا بجد ؛ ووحشتنا أيامك الحلوه ؛ وياريت ماتطولش الغياب عنا وربنا يهيأ لك أسباب الرجوع لمكانك المحفوظ بينا : كاتب ممتاز وأخ أكثر إمتياز .... حياك الله وأسعد أوقاتك كلها .... |
اقتباس:
عليا .... نورتِ الملتقى الرياضى بجد ؛ زى ماانتِ منورة فى بقية الملتقيات باسلوبك المحبب للنفس ؛ مع الإفاده والإجاده ... |
السلام عليكم ورحمة الله
ازيك يا سمسم عامل ايه؟؟ هى خواطر مالها انا شايف ناس كتير بتدعى لها فى الاهداءات ....هو فى ايه؟؟ |
..... وادعى لها انت كمان ؛ فيبدو أن هناك سحابة حُزن تُظل سماء حياتها
؛ نرجو من الله أن تنقشع عما قريب .... هى لم تُفصح بما يُحزنها ؛ ولكن الأمر يكاد يكون واضح ومفهوم ..... ربنا يزيل عنها وعن كل مكروب ما يعانيه فى هذه الأيام المُباركه ؛ ويأتى العيد لنا والكل سعيد وفرحان .... بصراحة حُزن أى فرد فينا بيسمَّع مع الآخرين ..... ربنا يكشف الهموم والأحزان .... ومُتشكر لتواصُلك الجميل يا ابن بلدى الحبيبه .... |
أُختى العزيزه رياانه ...
يارب تكونى بخير فى وسط هذا الزحااااااااااااااااااااام الرهيب فى المسجد الحرام فى تلك الأوقات العامره بالإيمان والخشوع .... تقبل الله منكِ وممن معكِ صالح الإعمال وخالص الدُعاء .... |
أخي الغالي أسامة
الأجواء في الحرم جميلة أوي أوي وماشاء الله اخواننا المصريين موجودين باعداد كبيرة عقبالك ان شاء الله المهم انت عامل ايه؟؟ يارب تكون بخير وعافية |
الله يخليكِ يارياانه الخير والعطاء .....
تواصُلكِ هذا لا يُقدر من فرط أهميته وغلاوته ..... حياكِ الله ؛ وتقبل منكِ .... وأجمل التهانى باليوم الوطنى ؛ ويارب دايماً فى طليعة دول العالم كده .... أشكرك جداااااااااا للإهتمام الأخوى ده .... |
ربنا يخليك ياأسامة ..
ماتتصورش سعادتي قد ايه بالتواصل معااااااك طيب أقولك على حاجة؟؟ أنا أول ما اشتركت في المنتدى ... كنت انت واحد من اللي لفتوا نظري وحسيت انه أسامة فيه حاجة مميزة ومن ساعتها وانا بتابع مواضيعك وكان نفسي اعرف عنك أكتر وبعد ماجلست حضرتك على كرسي الاعتراف ... تعرفت عليك أكتر وتعرفت على أسامة الانسان .. وطلع حدسي في محله فعلا انت انسان رائع بمعنى الكلمة قولي بقه .. قلت ايه في الموضوع اللي قلتلك عليك قبل كده انك تكون المشرف على الملتقى الرياضي قلت ايه؟؟ موافق طبعا ..... استنى ردك ويارب ماتكسفنيش |
ماعاش اللى يكسفك ياريانه ....
بس مسألة الإشراف ( والمناصب عموماً ) أنا أنظر لها بجديه تامه ... وأعتقد انى لو أقدمت على قبول أىٍ منها دون أن أشعُر بكفاءتى المناسبه للمنصب أكون ( الرجل الغير مُناسب فى المكان الغير مناسب له ) طبعاً أنا مُتشكر لمجاملتكِ الكريمه وكل الإخوه الذين أشاروا على بهذا الأمر لكن تعالى نكون صرحاء ؛ وبدون زعل ... لو راجعتِ مُشاركاتى فى الملتقى الرياضى ح تجديها إما نقل مباشر من مواقع إخباريه رياضيه ؛ وإما كتابة مُلخصات لما يضيق عنه المكان لإخبار رياضيه ... يعنى مُشاركات تقليديه روتينيه مافيهاش تجديد وابتكار (وفرقعه ) وخبطات إعلاميه تقول : إن الشخص ده مُبتكر ولماح وحيوى ... ف إزاى بعد ده اللى أنا عارفه عن نفسى أطلب إشراف على من هم خير منى ويكتبون مالا أستطيعه ؟؟؟؟ أنا دايماً أحب أكون منطقى وواقعى مع نفسى ؛ حتى لا أُواجه ما لاتستطيعه قدراتى .... وبعدين التواجُد والمُشاركه لا يتحتم لها كونى عضو عادى أو غيره .... أنا فعلا بأحب هذا المُلتقى الرياضى ؛ وبأحاول ماوسعنى الجهد المُشاركه فيه بما أراه : مناسباً ومُفيداً لمن يمر به .... فأرجو أن أكون وُفقت فى عرض رأيى ورؤيتى لأُخت فاضله أعتز بإخوتها جداً .. بمُناسبة بقى هذه الأيام الفاضله ؛ ووجودك فى المسجد الحرام ؛ عندى سؤالين ( فضوليين ) ربما ترينهما ساذجين لكنهما شاغلين تفكيرى كلما رأيت المسجد الحرام على الشاشه الصغيره ... السؤال الأول : أُلاحظ أن كثير من المُصلين ينظر الى كاميرات التليفزيون رغم أن الصوره توحى بأن زاوية التصوير من بعيد ومرتفعه ؛ فـ ياترى بالنسبه لكم وأنتم على أرض الحرم ترون هذه الكاميرات ؟؟ وأين توضع لكى تنقل هذه الصور البانوراميه الموسعه للجنبات الفسيحه .. السؤال الثانى : هل كل المياه المستخدمه فى المسجد الحرام هى ماء زمزم ؟؟أم أن هناك خط مياه عاديه آخر جنباً الى جنب مع ماء زمزم ؟؟ وهل فعلاً طعم ماء زمزم مُختلف عن المياه العاديه .. مُش قلت لك ( سذاجه ) ؟؟؟!! لكن معلش ؛ تحملى أخوكِ المُستطلع بشغف ... ولكِ منى كل تحيه وتقدير .... |
بص ياسيدي... أولا انت على فكرة عنيد وانا اكتشفت ده فيك... ثانيا: أنت ليه بتقلل من نفسك ؟؟ أنت أنسب شخص للمنصب ده ومعظم مواضيع الملتقى الرياضي انت اللي أضفتها ثالثا: ايه يعني لو كنت بتنقلهم من مواقع تانية..؟؟ يكفي انك بتطلعنا على جديد الرياضة .. وشوية شوية حتعمل الفرقعة اللي بتقول عليها ياسيدي رابعا: اللي حضرتك مش عارفة انه بقية الاعضاء بيتابعوا الأخبار الرياضية من المنتدى بس.. يعني الملتقى مصدر معلومة ليهم خامسا: كل الأعضاء بيشوفوا انك انسب شخص وأنا كنت حنزل موضوع عشان تشوف أعداد المرشحين وتقتنع بقه ياأبو دماغ ناشفة بس أجلت الموضوع لغاية مأخد رأيك سادسا: وافق بقه أحسن أزعل ... وافق يله أنا عايزة أشوف اسمك باللون الأزرق(هههههههههه) سابعا: بالنسبة للأسئلة اللي أنت سألتها ..فدي أولا مش سذاجة لأن فيه ناس كتيرة بتسألها وأنا حجاوبك عليها ياسيدي بالنسبة للكاميرات ... ايوة المصلين بيشوفوا الكاميرات دي ..حتى بالمناسبة فيه مصلين بيطالبوا بعدم التصوير لانها بتشغلهم وقت الصلاة .. زي ماقلت انه بعضهم بيبص للكاميرا أثناء الصلاة وبالنسبة لماء زمزم : فكل مياه الشرب في الحرم المكي الشريف من ماء زمزم وسبحان الله العظيم له طعم مختلف عن الطعم العادي وله أيضا لذه في المسجد الحرام غير طبيعية وهو شفاء لكل ماشرب له كما أخبر بذلك صلى الله عليه وسلم أما مياه الاغتسال والوضوء فبتكون من المياه العادية طبعا والحمد لله المسجد الحرام يشهد في الوقت الحالي توسعة ضخمة جدا جدا ثامنا: يارب يارب تكرم أخويه أسامة بحجة وعمرة لبيتك الحرام في أقرب فرصة تاسعا: تعبت وأنا بكتب ((ههههههههه)) بمزح والله بالعكس أنا سعيدة جدا بالتواصل معاك وأتشرف كمااااااان |
ياسلام ياريانه على إتقانك للهجه المصريه !!! روعه بجد ....
أرجو ألا يشغلكِ موضوع الإشراف ده وخلينى كده على راحتى من فضلك .. مُتشكر جداً لتفضُلكِ بالإجابه على اسئلتى ؛ وآآسف لتعبك ؛ بس ده من العشم اللى بين الإخوه .... بمناسبة اللهجات : فى اللهجه السعودى كلمتين حسيت انهما متقاربتين ؛ لكن يمكن لكل واحده استخدام مختلف ؛ كلمة : وايد ؛ وكلمة مره ... ومثال لما سمعته : هذه الستاره ( وايد ) حلوة أُحب هذا الصنف ( مَره ) اللى فهمته ان معناهما ( كتير ) .. صح ؟؟ ولو حبيت أن أقول انى مبسوط من هذه الصفحه جداً ؛ أقول إيه ؟؟ تاعبك معايا ؛ لكن برضه من العشم ... قسامحينى ... أسعد الله صباحكِ بكل خير .... |
اسفة شكلك زعلت مني
|
ح تخلينى ليه أقول ان ريانه لم تعرفنى على حقيقتى بعد ؟؟!!
هل من المُتصور أن يزعل الأخ من اُخته اللى عاوزة له المصلحه ؟! لا طبعاً ؛ لازعل ولا غيره الحمد لله ... المهم .... النهارده اجازه .... يعنى مافيش أسئله هاهاهاهاهاها وعلى رأى مثلنا المصرى ( إن كان حبيبك عسل ؛ ماتلحسوش كله !!!) بمعنى : والا على إيه !!!!! مانتِ فى اللهجه المصريه 10÷ 10 ولله الحمد .... اليوم الجمعه الأخيره ؛ وأكيد المسجد الحرام سيكون على أشده من الزحام.. فاحذرى على ريانه جداً من هذا الزحام ؛ جنبها الله ( وكل الموجودين ) أخطاره ؛ وتقبل من الساعين والطائفين والمُعتمرين والمُصلين والداعين كل أعمالهم ؛ وأعاد للجميع هذه الأيام بأحسن مما يتمنون لأنفسهم .... |
صباح الورد والفل والياسمين
بصراحة كنت خايفة أكون تقلت عليك وأنت زعلت مني بس أنت عارف اني انا عايزة مصلحتك بس الحمد لله .... صافي يالبن بص ياسيدي .. بالنسبة للهجة المصرية فأنا بتقنها كويس لانه ليه أصحاب كتير من مصر وفيه ناس بنعرفهم من سنين طويلة .. اكتر من 15 سنة وطبعا بعرف لهجات تانية كمان ... معظم اللهجات العربية كل لهجات دول الخليج ... السورية ... اللبنانية ... المغربية رغم صعوبتها .... وبحب أتكلم اللهجة الأردنية أووووووي بالنسبة لأسلتك اللي مبارح حجاوبك عليها دلوقتي: ايوة كلمة (وايد) و ( مرة) تعني كتير يقابلها في المصري كلمة ( أوي) يعني نقول ( كلامك ياأسامه حلو واااايد أو حلو مرررة) ومافيش تعب ولاحاجة أنت تؤمر أمر |
صباح الخيرات والمسرات
ازيك ياأسامة عامل ايه؟؟ يارب تكون بخير تقبل الله منا ومنكم الصيام والقيام كنت سألتني عن ماء زمزم أنا ممكن أبعتلك منه لو حابب؟؟ وفي اقرب وقت يكون عندك |
أدها وادووووود ياريانة الخير والعطاء ......
ربنا يتقبل منك مادعوتِ به لنا جميعاً بالأمس ( أنا عارف كده كويس ) ويُعطيكِ مثله بكرمه وفضله ...دايماً سباقه الخير والمعروف ... أنا كُنت لسه داخل أصبَّح عليكى لقيتك سبقتينى ؛ فإن شاء الله يكون ثوابكِ أعظم ؛ وعطاء الله اليكِ أعم .... ويارب دايماً تكونى بأحسن حال ؛ والمزاج دايماً رايق وهااااااى .. |
صباح الخير ياريانه ...
أرجو أن تكونى بأحسن وأسعد الأحوال إن شاء الله .... |
صباح الخير والسرور اسامة
الحمد لله انا بخير ... انت عامل ايه؟؟ ادعيلي انا مريت بموقف صعب جدا مبارح ومش قادرة انساه يارب فرجها على كل مهموم ماقلتليش قولت ايه في مية زمزم؟؟ ,, أسامة ممكن أطلب طلب؟؟ نقدر ندردش هنا في صفحتنا لما بتكون متواجد,, لو مش حابب ..أنا مش حزعل انت بتتواجد عادة الصبح صح؟؟ |
أنا تحت أمرك ....
ده بالنسبه لطلبك .... أما ماتعرضتِ له ؛ فأرجو ألا يترك من الآثار السيئه شىء ؛ وأن يكون عارض وزال .... سلمكِ الله من كل مكروه ... |
كل سنه وانتِ طيبه ياريانه ؛ ويارب ينعاد لكِ العيد السعيد
أعوام عديده وسنين مديده وأنتِ ترفلين فى ثياب العز والكرامه والصحه والعافيه ..... |
أخي الغاااااااااااالي أسامة
أنا دخلت عشان أقولك كل عام وأنت طيب ... ربنا يعيده عليك وانت بألف صحة وسلامة بس لقيتك سبقتني .... كعادتك للخير طبعا ايه أخبار العيد في مصر؟؟ أكيد له طعم تااااني أكيد مجهزين الكعك والبتيفور عندكم عادات حلوة أوي وتشبه عاداتنا الى حد ما في العيد كل سنة وانت طيب وكل أهل مصر |
أخى سمسم صاحب البسمة الطفولية والقلب الصافى وتلقائية المشاعر ...تصلك الآن رسالة من قلبى يقول فيها انى احبك فى الله واتمنى لك عيد سعيد ملىء بالحب والسعادة والسرور وقليل من البخور لاضافة رائحة ذكية فى ثنايا حياتك الحلزونية مع تشكيلة من الحمصية والسمسمية والسودانية ...كفاية كده عشان اسنانك ما تسوسش....عيد سعيد مبارك
هو العيد ده بتاع الكحك ولا اللحمة.؟؟؟؟؟.....أصل هنا مفيش اى معالم للعيد زى مصر |
أختى العزيزة ريانة كل سنة وانتى طيبة وعيد سعيد عليكى..أرجو الا اكون قد ازعجتك بمشاركاتى
|
أخي حــــــــــــــــــافظ
كل سنة وأنت طيب ... ينعاد عليك ان شاء الله وأنت بألف خير وصحة وسلامة ومافيش ازعاج ولاحاجة .. بلعكس وجودك بيشرفني وياريت تتواجد هنا يوميا لو حابب ممكن سؤال: حضرتك عايش في السعودية حاليا ؟؟ |
اقتباس:
العيد فى مصر الأربعاء بإذن الله ؛ لكن روايحه هلت بأفراحكم اللى يارب تدوم فى العيد ومابعده وعلى طول .... طبعا الكحك والبسكويت والغُريْبه والبيتى فور أساسيات فى العيد الصغير ... ورغم ارتفاع أسعار كل شىء الى أضغاف ؛ وليس ضعف واحد إلا أن ده مامنعش برضه الناس من عمل ( العاده ) ... على فكرة ؛ أنا أحب أوى أتابع مظاهر العيد عندكم فى قنوات التليفزيون ( وخاصةً الريبورتاج الجميل فى القناة الإخباريه ) وبرضه فى كل الدول العربيه ؛ لمزيد من التعارف والتلاقى .... أجمل التهانى لكِ بالعيد .... ويارب تقضيه بأحسن حال ؛ وتستمتعى بأجمل أيام .... |
اقتباس:
بصراحه ؛ مُفتقدك فى المنتدى ؛ وحاسس ان مكانك فيه شاغر لم يُملأ ؛ ومُشاركاتك ومُداخلاتك بأتعلم منها ( صدقنى والله مُش مُجامله ) ترتيب الأفكار والقدره على إيضاح المُراد وإيصاله من أقرب الطرق ؛ وليس ( دَش كلام وخلاص ) فياريت يسمح لك الوقت بكثافة الحضور بأكثر مما هو الآن ...... ومُتشكر على قفة الحلويات المشكلة دى ؛ يعنى ما خلتش حاجه بأحبها إلا جبت لى منها ؛ فشكراً جزيلاً ... على فكره ؛ ح تلاقى فى بريدك رساله منى .... أجمل التهانى لك بالعيد ؛ ويارب يمر بيك وأنت سعيد .... |
اقتباس:
|
اقتباس:
|
أهلا أستاذ حافظ
أنت هنا بين أهلك وناسك طبعا ايه رأيك في فعاليات العيد في الرياض؟؟ |
اقتباس:
لانك بجد حبوبة وجميله اوي كمان اردت ان اقول لاسامة انت بالنسبة لي نبض المنتدى وانا عن جد احب مصر والمصريين كتير كتير وصدقوني انا والله حسيت بانتمائي لكم يعني صرتو جزء مهم في حياتي ريانه شكرا لانك منحتنا هته الصفحة ومرة اخرى اقول لاخي اسامة الله يحفظك ويخليك لينا يارب انت وكل الاعضاء الاعزاء وانا والله بحبكم كتير واسمحولي اقولها بالجزائري نبغيكم بزاف بزاف بزاف |
حياتي انتي ياميشو
واحنا كمان بنحبك وانتي عسوله وحبوبه كثير وانتي تشرفي دايما ياقمر ولاتحرمينا من تواجدك الجميل |
| الساعة الآن 01:39 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا