اتركونى افضفض
اشعر بغل وحسرة وخيبة امل
لم اكن اريد ان اكتب لحساسية الموضوع لكن مش فادر قولت افضفض لوحدى يمكن اهدى شوية .واسيب المشرف براحته يحذف الموضوع او يسيبه هو حر..المهم اخرج اللى جوايا بدل ما انفجر اتربيت من صغرى على وطنية وقومية وعروبة واخوة وكل الكلام اللى لا يودى ولا يجيب وبعد ما كبرت انا واصحابى كنا عاديين مش متشددين ولا مبهرجين اتظاهرنا كتير ودافعنا عن جيرانا كتير وبعضنا دخل السجون واتقتل واحد صاحبنا داخل الجامعة فى مظاهرة علشان فلسطين كنا ضد البلد بنكرهها وبنكره تصرفات نظامها واتعلمت وفهمت واحتاجت وشقيت وكافحت وتعبت ولعنت اللى اخترع كلمة وطنية ... بس بعد ما فات الاوان كانت فى دمى غصب عنى افتخرت بها ولقيت نفسى باحميها ..غصب عنى حبيتها واستغربت اكتر لما لقيت كل اصحابى وجيرانى بيحبوها وهما بيلعنوها على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر صلاح جاهين |
ياصلاح مصر دي أم الدنيا ..
فيها مافيها .. زي أي بلد وأي مكان .. بس تفضل هي الملكة في قلوب شعبها الجميل .. وهي الحضن الدافي .. إللي عمر شعبها مايلقى زيّو .. تصدق إني بعشق مصر في أيام شدّتها .. لأني بعشق أشوف التآخي والتعاون والتماسك .. والوقفة المتحدة بين كل صغير وكبير فيها .. إن كان بالعمر أو بالمناصب .. بعشق الأخلاص والحب إللي بيكون واضح وضوح الشمس في عيون أهلها وقتها .. وإللي حصل مؤخرًا .. قهرنا كلنا .. وحرق دمنا كلنا .. بلا إستثناء .. ولكل شيء له حكمة ياصلاح .. وإحنا ديماً منتظرين لحكمتك يارب .. تقبل مروري .. :) .. |
تتهنى اخي صلاح ببلدك مصر .. واجمل تحية لاخواننا المصريين .. الي انعرفوا بطيبة قلوبهم ومعاملتهم الطيبة التي اراها على ارض الواقع..
شكرا للموضوع.. |
اختى اينار.....واختى ام عمر
اّسف على تاخير الرد شكرا جزيلا لمشاركتكم |
وباحبها وهي مرميه جريحة حرب
باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب |
فضفض برااحتك صلاح
ودي مصر مين ما يحب ام الدنيا .. |
اقتباس:
اللى ما يحب ام الدنيا موجود......... بس الاكيد ان ام الدنيا بتحبه....... تقبلى تحياتى |
ليه يا حبيبتي ما بيننا دايما سفر
ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي |
ايه؟ خير؟ مالك؟
مش عاجبنى يا مصر حالك والله حالك مش عاجبنى.... ابتسامتك غايبة ليه؟ هو لو الخوف يسيبنى..... لو يسيبنى هعمل ايه؟ همشى فى قلب المدينة...... اسأل الخلق الذين فى الشوارع ماشية تايهه... يأسه جدا مستكينة حد عندو يا خلق نكتة ؟؟.... اي نكتة.... يقولها لينا اي نكتة مهما كانت هايفة بس...... بشرط نضحك قولها و اوعدك انى هسمع مهما كانت بايخة هضحك ولا وقت الضحك فات........... وارتضيتا بالسكات هو زمن الفرحة مات.......... ولا عهد النكتة ولى ولا ايه؟ خير؟ مالك؟ مش عاجبنى يا مصر حالك صلاح عبد الله |
بحور الشعر ننساها
و بكتبلك على الأشواق أنا المشتاق تضميني .. أنا الشاعر ..بحالة عشق فياضة أنا نفسي أكون نيلك و قنديلك و انور لك أنا ليلك أكون لحنك و أغني لك عن الأشواق وعن عمرك وعن شمسك وعن قمرك وع الأغصان يا غصن زتون حمام ابيض تاريخ وحضاره جواكى ياست الحسن يا شيله الحزن من قلبي و زراعه الحب جوانا وحشتيني وأنا معاكى أنادي لك أنا جيلك أنادي لك ..تضميني وتخدينى تلاقيني ..أنا في نيلك وعديلك من الأهوال وان طالت .. هموم الدنيا لو مالت على كتفك اشيلها لك .. وعديلك صعاب وصعاب بحبك مصر |
ليه يا مصر ؟!
تسمحيلهم يجرحونا .. ويجرحوكى وإنتِ ليكى تاريخ وجاه ليه يامصر ؟! تسمحيلهم يقتلونا .. ويقتلوكى وإنتِ شريان الحياه. ليه يامصر؟! تسمعيلهم دول قلوبهم من فولاذ وإنتِ قلبك عمره مرة ما كان حجر أو لوح قزاز دا إنتِ نبض العزة فينا والحنان.. وإنتِ قلبك طول حياتك للجيران.. دا احنا دايبين فيكى دوب ليه تدوسى ع القلوب. ليه تخلى النيل حزين من فعالك يبكى غرقان بالدموع ليه تخلى نهارنا حالك ليه يامصر؟! تقطعى حبل الوصال بين الحبايب تبنى ويا السور جدار والإغاثة فرض غايب .. ليه يامصر؟! وإنتِ أذكى الأذكياء وإنتِ مكر عمرو وإنتِ .. أم الدهاء الفظى الخاين بيعيه واشتريلك أوفياء.. |
السما الفزدقي وعصافير معدية والقلة مملية على الشباك - مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال سلامي لمصر ولأهلها الطيبين ,, |
اقتباس:
تقبلى تحياتى |
فديت مصر وشعبها الطيب
|
اقتباس:
شكرا اختى امورة نفسانى جميل كلامك العطر اراح الله لك بالك ووهبك مرادك |
الساعة الآن 04:38 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا