ساعدوني الله يجزاكم خير في ضيق من امري
 

السلام عليكم

عندي اخوي عمره 24 سنة جاه قبل فترة حالة ذهان واخذنا علاج اولازين والحمدلله تحسن مره ورجع مثل ماكان وبعد ماوقف العلاج تقريباً بثلاث شهور جته حاله افكار منداخلة ومشاريع واوهام ومثل الهلوسة ويكذب علينا بشكل غير طبيعي وماكان قبل كذا ودخلنا في مشاكل ومبالغ طائلة من المشاريع الي يقول عنها والحمدلله على كل حال وديته لمستشفى الامل في الرياض واتضح انه فيه نسبة حشيش في الدم صرفولنا علاج ومن ضمن العلاجات مضاد للذهان

الغريب اني جبتله شيخ يقرا عليه ومجرد مايقرا عليه يبدا يصارخ ويبكي بكاء شديد هل هالشيء من اعراض الذهان او الولد فيه مس لا سمح الله لدرجة انه جاني عند النوم بعد ماتحسنت حالته نوعاً ما وطلب اللابتوب يقول يبي يشغل رقية شرعية ومجرد ان سمع الاذان دخل في نوبة بكاء شديدة

دلوني يا اهل الخير تكفون فا انا في حيرة من امري ولا ادري وش اسوي

اخوك ماعنده ذهان اخوك عنده اضطراب وجداني ثنائي القطب وافكار المشاريع الي ذكرت هو داخل بحالة هوس والعلاج الي هو اولازين يستخدم للحالات التي تعاني من تغير كبير في المزاج بين الفرح والحزن وحالة البكاء الي عنده يكون داخل بنوبة اكتئاب شديد وعلاجه هو مثبت للمزاج مثل اوزلاين وغيره

الله يشفيه يارب العالمين والله الافضل ترجع لطبيب افضل لحالته

والله اخوك يحتاج راقي شرعي

الله يشفيه

الله يجزاكم خير جميعاً حالياً الامل معطيني علاج يقولون مقارب للاوزلاين بس حالة البكاء عند سماع القرآن طبيعي ؟ او يحتاج رقية شرعية واذا فيه احد يخبرلنا راقي شرعي بالرياض لا يبخل علي الله يكتب اجركم جميعاً ولا يوريكم مكروه يارب

هذي العلاجات الحالية لمدة اسبوع
Paroxetine,,

Olanzpine10 (zyprexa)

, valproat soclium chrono 500 mg

والان
Quetipine 100
Olanzpine10 (zyprexa)
, valproat soclium chrono 500 mg

السلام عليكم ورحمة الله...
البكاء عند الرقية هذا امر غير طبيعي ..في الغالب هو مس شيطاني سواء كان بسحر او عين قوية.. لاتقطعو الرقيه حتي زوال العارض وانقطاع الاعراض مع الاستمرار علي العلاج

وعليكم السلام ورحمة الله وبركاته

الله يجزاك خير اخوي طه