برينتلكس
 

مرحبا صباحكم ورد وطمأنية وسلام
فضلا نصيحتكم انا استخدم برينتلكس 20 مج من 3 شهور والحمدلله في تحسن ملحوظ وكبير ولكن باقي الارق عندي مستمر هل أبدل الدواء ولا أضيف دواء آخر انصحوني حسب خبرتكم وتجاربكم تعبت من الارق

تعال فين رايح فضلا لا تخرج بدون مساعدة بتعليق

هلا حبيبتي
انا استخدم برينتلكس من ثلاثه شهور ونص وفي تحسن الحمدلله ..
احيانا اعاني من الارق وسألت الدكتور قال تقدري تستخدمي سركويل وقت اللزوم لكن امانة ما استخدمته الا اربعه ايام وتركته قلت اي وقت يجيني النوم بنام ولما صرت ما افكر بالنوم صرت انام والوضع يرجع طبيعي .. لكن استشيري دكتورك افضل .
سلامتك وطمنينا عليك

الله يديم عَلَيْكِ التحسن يارب ويعافيكِ بصراحة الدواء ممتاز جدا وأحسنتي انك ما استمريتي على السيروكويل دواء واحد افضل
ان شاء الله بجربه حتى ينتظم نومي وأوقفه
شكرا قطرات الندى

مادام فيه تحسن ليش تبدلينه ومشكلة الارق بسيطه اضيفي نص حبه 15 مل ريميرون لفتره بس

غيري وقت البرنتليكس وخذي اشياء طبيعية انتبهي من ميرزاجن وريميرون تسبب تعود و تزيد التشتت والضيقة لانها تسبب خمول فظيع جربي اشربي شمر و ينسون ونعناع والبرنتليكس خذيه بدري مرة اول ما تصحين بعد الفطور خذيه وجربي بس حاولي انك ما تتعودين على منومات بقدر المستطاع