السلام عليكم ورحمة الله وبركاته
انا كتبت هذا الموضوع لاجل تدعون لي بالشفاء والتوفيق في حياتي القادمة ان شاء الله

انا لاني عشت هذا المرض من عمري 18 حتى الان 30 اقدر كل مريض واعترف انه اعاقة نفسية لا يعرفها ويحسهاالا من عاناها
بداياتي كانت انسان طبيعي وجرئ واطلع في اذاعة المدرسة واقراء في الفصل بكل طلاقه وصوت مرتفع وكنت اول طالب اقراء في حصة القرآن عشان مدرس القران كان يخرج كل طالب يقراء وكانت اخر حصة واطلع اتمشئ وافلها مع اصحابي حتى حانت ساعة المرض في ثالث ثانوي ... دخلت السنه وانا متوتر ابي اجيب معدل لان الاسئلة كانت من الوزارة والجامعات كانت سبعة فقط في السعودية وبالغصب تلقى قبول وحالة صعبة ....
الوكاد ان في يوم من الايام جيت اقراء وصابني رجفه في صوته ورعشه وعرق ووقتها الاستاذ يقول وشفيك؟ قلت مزكم... وصرت اشوف نفسي انسان ضعيف والحمد لله على كل حال
انا اعاني من الرهاب الظرفي المتمثل في امامة الصلاةات الجهرية، القاء الكلمات الجهرية، مقابلة الجمهور غير ذلك عادي جداً ، تخيلوا اهلي بعد الثانوي قالوا ادخل كلية اعداد المعلمين ورفضت لوجود مادة واحده فقط تقوم تشرح للطلاب.
او خفت اني القى شئ فيه قراءة جهرية وضيعت فرصة التدريس من يدي ،،، المهم كرهت حياتي وجلست اقراء في الانترنت عن علاج للرهاب والحمد لله استدليت على موقع اسلام ويب ولقيت ناس مثل حالتي ووصف لهم الدكتور علاج اسمه لوسترال اخذته لمدة عشرة ايام بمعدل حبة كل يوم وكان يجيني خمول وتعب ونوم وارهاق والم في الخصية اليسرى حتى كتبت موضوع بهذا الخصوص لكن زالت بعد اسبوعين ولله الحمد... كانت اعراض بسيطة لكنها مقلقله .... والان من تاريخ 27 والحمد لله في تحسن صرت جريء اكثر من اول ، واحب اختلط مع الناس افضل من اول،وصرت اسولف في المطاعم بصوت عالي، الشئ الغريب اللي لاحظته اني كنت اوصل فيش التلفزيون بالكهرباء وكان عليه مويه وانفجر على وجهي وابتعدت ولا صابني رعشة او خفقان في القلب وبرضو قلة رغبة في الجنس وهذه مستمرة معي حتى الآن رغم ان مر علي زي هالموقف جلست ارجف وخفقان بالقلب وايضا كنت راجع من البحر مع اهلي وسقط علي واحد مسرع وكان بيقلبني وخففت السرعة وتصرفت وبرضو بدون خوف يذكر وقبلها كنت احس ان ظهري بينقطع من الخوف ورجفة باليد
مابطول عليكم انا ناوي استمر عليه لمدة ست اشهر بمعدل حبتين كل يوم وبعدها بوقفه تدريجي بمعدل حبة لمدة شهرين ان شاء الله.
والله يشفيني ويشفي جميع مرضى المسلمين
وباعطيكم اخباري اول بأول من ناحية الرهاب