نفساني

نفساني (https://www.nafsany.cc/vb/index.php)
-   ملتقى التجارب الشخصية للحالات الأخرى (https://www.nafsany.cc/vb/forumdisplay.php?f=24)
-   -   اخــــــــوكم الجديد جــــــــارح وابي مساعدتكم..please (https://www.nafsany.cc/vb/showthread.php?t=19780)

جـــــارح 18-03-2004 10:18 PM

اخــــــــوكم الجديد جــــــــارح وابي مساعدتكم..please
 
اولا السلام عليكم وانا ضيف جديد عندكم هنا بالمنتدى وانا شاء الله ماكون ثقيل عليكم..
اخـــــــــوكم جــــــــــــارح وآآآه من اللي فيني..
يا جماعه انا فيني مشكلة الخوف واحمرار الوجه بشكل ملفت وتصبب عرق غزير اذا كنت في مواجه او وسط مجموعه من الناس وبدأت بالكلام ينتابني حالة خوف شديدة مرررررة ويحمر وجهي بدون سبب واتصبب عرق مما يفلت الاخرين لي وانا ماودي احد يقولي وش فيك وش صاير لك .. كم صارت معي والله العظيم يوميا تصير معي الحالة هاذي وحاولت اني اروح لطبيب نفسي مهما كلفت الامور بس المكشلة انه مالقيت عيادات نفسية بالروضه((ساكن بالرياض وادرس بالظهران)) ونفس الوقت انا طالب عسكري وقتي ما يسمح لي اروح ازاور دكاترة نفسية وهذا اللي راح اسويه انشاء الله متى ماتخرجت لكن ابي حل عاااااااااااجل لمشكلتي تكفووووووووون وانا والله فرحت واستبشرت خير اول ماعرفت هذا المنتدى وقلت راح القى الحل هنا عند اخواني الدكاترة النفسيين وراح يتفهمون حالتي الللي والله معقدتني ومسببه لي الاحراج حتى من اقرب الناس لي وهم اهلي واخواني وزملاء الدراسة .. واكثر ما تنتابني هاذي الحالة وقت الدراسة اخاف من نظرات المدرس الي والطلبة واشعر بالموت والخوووف اللي ماله حد اذا وجه المدرس الي سؤال او كنت بجلسة عادية مع الاخوان او الزملاء او حتى المزاح تبدء الاعراض السابقه احمرار الوجه وتصبب العرق ولو كان الجو باااارد .. وانا والله ما بالغت ولا بحرف من اللي قلته والله يشهد على ماقول واسف للأطالة عليكم اخوني.. وتراني من كثر ما درت ولفيت بالموقع هنا وقريت من مشاكل الاخوان واطلب من الله ان يشفيهم جمعيا اشتريت اليوم (بالتحديد) دواء الاوروريكس ومن بكرة انشاء الله ببداء من نفسي العلاج وعسى الله ان يكتب لي ولكم الشفاء العجل باخذ حبة وحده يوميا.. ماريكم وانا انتظر ردكم القريب العاجل ...
(((مشكلة اخرى والله ثم والله انا اسف على الاطالة تعرفون العسكرية ماتسمح لي بالخروج الا يوم الاربعاء والخميس بس اذا لم يتم توقيفي لكن راح انتظر ردكم الاسبوع القادم انشاء الله))))

أ.عماد الدوسري 19-03-2004 12:06 AM

هلاً وسهلاً بك اخي الكريم (( جــارح ))


مشكلتك ان شاء الله بسيطة و هي فقط تعبر عن شعورك بالخوف و ما اعتقد انه ليس بخوف ما تشعر فيه هو نوع من أنواع أرهبه بين كل من حولك واقصد الخجل الزائد و يبدو انك غير اجتماعي او معيشتك السابقة وحياتك السابقة كانت منطوي بعض الشي و معزول عن الغير وهذه تسبب بعدم اختلاطك بالغير الخجل و عدم الاستجابة للظروف المحيطة بك .
اخي الكريم الموضوع بكل بساطه هو فتح صفحه جديده لحياتك و طالما انت في معسكر فاهذه مساعد لك وهو الاختلاط بأنواع مختلفة من الشخصيات و خصوصاً الرؤساء مم يجعلك تتعود علي الاختلاط بين كل من حولك .
الخطوة الثانية حاول ان تمثل بينك وبين نفسك وان تنطبق كل ما تخجل منه حاول الاختلاط بكل من حولك حاول الخروج بين فتره و الأخرى كي تتعودي علي الأجواء الخارجية دون تردد و اتمنى لك اخي العزيز التوفيق و اتمنى ان اكون قدمت لك يد العون و الباقي من الإرشاد والنصح يوجهونها لك أخواني الأعضاء في المنتدى .

الجود(موجود) 19-03-2004 12:12 AM

حياك الله اخــ(جارح)ـــــوي..
الحال من بعضه انا كمان عضو جديد..
اتمنى انك تقرا الرد قبل ما تدخل للكلية..
لفت نظري جدا انك راح تبدأ بدواء ولكن من وين لك الوصفــه؟!!!!!
لا تقول الناس او انها مجربه.. صدقني الناس ماراح ينفعونك لو كان ماهو الدواء المناسب او له آثار جانبية..
نصيحتي لك.. انك تخصص كم ساعة من ال weekend (انا عارفه وش قد تنتظرونه) لزيارة اخصائي او على الاقل تآخذ منه التعليمات المبدئيه والعلاج المناسب وتقدر تقوله المستجدات لو عن طريق الهاتف لو ماقدرت تزوره..

كم ساعة مو كثيرة في سبيل راحتك..
وافينــــــــــــــا بجديدك..


توصيــــه:::: لا صرت ماتشرب غزير الماء من ذراعك..
النـــــاس ما تسقي العطشــان بيديها..



تحيـــــــــــــاتـــــي
الجـــ((موجــود))ـــود

جروح تبتسم 19-03-2004 02:58 PM

إن شاء الله .......أعود لاحقا

جـــــارح 19-03-2004 03:41 PM

..Special thanx FOR my friends..
 
بسم الله الرحمن الرحيم
السلام عليكم ورحمة الله وبركاته
شكراً لكم يا اخواني على الرد السريع اللي لقيته منكم وانا قلت قبل لا اروح للعمل واغيب اسبوع (مافيني صبر انتظر ردودكم للاسبوع الجاي) قلت ادخل وكنت متاكد راح القى مشاركاتكم الحلوة..
المهم بصراحة انا تطمنت وريحتوا بالي الله يريح بالكم واعطيتوني معنوية وحافز على مواجة ما انا فيه ومشكورين ما قصرتوا..... شكر خاااااص لك اخوي برسكربشن واختي الجود .. وانشاء الله راح ازوركم الاسبوع القادم مافيها كلام انا ماصدقت القى ناس يحلون مشاكلي..
بالنسبة للدواء اختي الجود انا باقي ما بديت باخذ العلاج وانا متردد في اخذه لكن اذا شفت الحالة طلعت لي مره ثانيه فانا راح اجرب الدواء بمعدل حبة كل يوم وراح اوافيكم بالنتائج اللي بتصير معي.. واعذروني على الاطالة واستأذنكم للاسبوع الجاي كلها ساعة انشاء الله واكون في موقع العمل والدراسة..
i am raelly happy with my friends i mean with my brothers you all.. nice to met you and see you all next week..

جروح تبتسم 20-03-2004 11:55 PM

أخوي إن شاء الله .............ماراح أطول بس أنا عقلي مشغول ونفسيتي تعبانةخلها تتعدل شوي


عشان مااسبب لك إكتئاب


وادع لي عشان الاختبار الثلاثاء القادم

ميرلا ميندوزا 21-03-2004 12:31 AM

جارح اشلونك ... طبعا انت شرحت مشكلتك بس انت مو عارف بالضبط السبب ... ويمكن لقيت صعوبة انك تعرف السبب ... خلني اعطيك بعض الاحتمالات اللي ممكن تختار واحد منها يفسر حالتك ... هل تعتقد ان حالتك سببها :
1 - عدم التعود على أوساط معينة لقيت نفسك محتاج تحتك فيها وبشكل كبير . أو
2 - مشاعر جنسية تحس فيها اثناء ما انت تتفاعل مع الناس سواء ذكور أو إناث ونوع من الخجل المصحوب بدوافع جنسية قوية .
أو
3 - حادث معين أو صدمة معينة ( ممكن تكون صارت من الطفولة ) وبعدها صرت انت بهالحالة ..
- اختار اللي تعتقد انها حالتك وانشا الله راح احاول كل جهدي اني اساعدك بالعلاج ...


الساعة الآن 09:44 PM

Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا