النوبات ما خلتني 😪
 

السلام عليكم ورحمة الله


كنت مبسوطه ان رمضان خلص لأني أتعب في رمضان
يعني صيام و يزيد تعب فقر الدم وكذا
وكنت متحمسه للعيد بس النوبات ما خلتني بحالي
كل شوي جايتني
خوف من صلاة العيد و دوخه وكتمه
قلت لازم اشغل نفسي و بتجاهلها
واللاواقعيه طبعا تجي مع النوبات ومخوفتني
جلست مع البنات شوي وحده قالت شي خلاني اخاااااف مره
كلمتها جابت لي نوبه حسبي الله 😪
جلست اوسوس بتحسدني بتصكني عين و افكار عن الموت و الاغماء
جد تعبت و ابغى ابكي ليه هذا الخوف و الوسوسه في الموت والعين والحسد
والناس فرحانين ومبسوطين بالعيد

الله يشفينا جميعا ياختي
والله اني افكر اقول مادري ليش مانقدر نفرح مثل الناس
كل يوم شي جدييييد كل يوم وسواس جديد

اي والله
وحتى لو تصنعنا الفرحه داخلنا خووووف

وش علاجك اختي انعاكسات ؟ وحاولي تقرين عن تمارين الاسترخاء بتفيدك

اختي علاجك هنا عند الدكتور احمد هارون
تابعي المقطع بالكامل بتركيز
وخاصة الجزء الاخير منه
انتي والاخت ام رموسه تقولي تجيني افكار جديدة وكثيرة ووساوس ونوبات الخ
المشكلة بالعقل الباطن وسيطرة الافكار على العقل وارتفاع الأدرينالين بسبب حدوث النوبة الخ الخ الخ من الاعراض
شاهدي المقطع وركزي جيدا معه وبالذات بالجزء الاخير
هو يتكلم عن الاكتئاب وطريقة الافكار وسبق تكلم عن النوبات كذالك وكيف نقطعها بشكل سلوكي وتدريبي
بالمقطع هذا يتحدث عن الاكتئاب وسبق تحدث عن النوبات بنفس الطريقة تماما
القصد من كلامه اننا نستطيع السيطرة على الافكار الجالبه للاكتئاب او النوبات

https://www.youtube.com/watch?v=9mXF_yhAG8o

ما اخذ ادويه
اخذت كورس علاج سلوكي معرفي
الحمدلله ساعدني كثير بس لسى النوبات ماراحت
تمارين الاسترخاء اطبقها وما تفيد

الله يسعدك شكرا لك

ااااه يالعيد ماعاد احس فيه زي اول بس اراقب نفسي اقول بطيح قدام الناس

غير الشد والثقل براسي احس مقدر اجلس كثير لازم انسدح عشان يخف

الله ييسر لنا سبل الشفاء

اي والله مثلي
صرت اخاف من الجمعات
اقول بيغمى علي بطيح .... الخ

الاعراض اللي ذكرتوها اعتقد انها رهاب اجتماعي
وليس نوبات هلع بانها تحدث مع الاحتكاك مع الناس
احب اضيف اني تعالجت دوائي وكان مهديء وسلوكي وكان كلام
واخيرا الرقيه والحمد لله تحسنت وتغير فيني امور كثيره

ماعرف كل شوي يطلع لي شي جديد
الدوا وقفته و الرقيه ما استمر عليها
لأن اسمعها ومافي نتيجه لسى النوبات تجي