هنا صدمتي و ارتطامي بالحاجز و ما كأن شي صار بس …؟
 

https://b.top4top.io/p_2535o9q8q1.jpeg

ليلة في ساعات ذروة السيارات و الشاحنات و بالتحديد بعد صلاة العشاء . ارتطمت بالحاجز هذا ، كان مزاجي متكدر قبل الارتطام و أغلب اليوم هو كذلك ، خمس امتار و انا معلق بالحاجز و السيارة تمشي فيه و مالي اي حيلة ابد الا اني مثبت المقود ( الدركسون ) و بقدرة قادر أصبحت في الشارع الثاني ( الخدمة ) كيف ما ادري ، و انا الحمدلله لم اتضرر ابدا و السيارة أيضا إلا اني أعرف ان عضلات السيارة صابها شي من العطب ، أوقفت سيارتي بالمحطة و لا واحد وقف لي يتطمن 😂 خيرة اهم شي السيارة تمشي و ما جاها صدمة في البودي او حتى الصدام و الاصطب و الكفرات .

المضحك قبل الحادث تماما شفت سيارة مرت من جنبي مسرعة جدا و صرت اتكلم مع نفسي ان ليش يسرع وش حاده و الشارع مكسر و شاحنات و زحمة مركبات و الشارع متلوف بجد و مو مرسّم مخطط بعلامات و خطوط السير و آخر شي جاك يا مهنا ما لا تتمنا صار لي الارتطام . صرت افكر في النجاة و كيف لو انقلبت و كيف و كيف المهم سجدت لله شكر انها جت بسيطة و انه نجاني و دفع عني مصيبة كبيرة .

مزاجي متكدر و مع ذلك مندفع - و مع ذلك الإنتباه بحاجه كبيرة و ماسة للعلاج ☹😔.

أحتاج سوّاق و الله خاص فيني بس يلا عوافي

تصويري للحاجز كان البارحة في وقت متأخر و الناس نيام .

جعلتها للذكرى ، لكي أتفكر و اشكر الله .

الحمدلله على سلامتك وحافظك الرحمان

الحمدلله على السلامه

الف سلامة عليك اخي ابو نجلا
الحمد لله انها مرت على خير ،، انتبه و انت بالطريق ،، التركيز مطلوب طول الوقت

الله يسلمك سعيد رشيد و آمين يجيب الله لنا و لك
تسلم

الله يسلمك بدون مجاملة و يحفظك و يحميك ربي
تسلم

الله يسلمك بخير رغم كل شيء
تسلمين

الله يسلمك آمال
هذا اللي ناقصني تركيز و انتباه و لو مضبوطين اصير اسوق شاحنة مو سيارة بس وش اسوي بدليل لما تحسن الانتباه سقت باصات عشان ما يطلبون رخصة عمومي .
كثرة الحوادث بالسيارة من زمان من يوم بدأت السواقة في المرحلة المتوسطة و ما رجع لي الإنتباه و التركيز الا مع دواء فلوكسيتيل ثم ذهب مفعوله و صار الانتباه في درجة متوسطة أما الآن رجعت تماما مثل قبل استخدامي للأدوية

و عموما هو فيني من الصغر اضطراب الانتباه و التركيز لكن مع بدايات الأدوية تحسن بدرجة كبيرة حتى انا ما صدقت ثم صار يذهب شيئا فشيئا و عدت الى ماكان في السابق .

الطيحات و الكسور و الجروح و غيرها ايضا لم تعتقني من الصغر و القصص كثيرة .

اله يسلمك يا غالية و يسلم اللي ردوا علي و لا يجعلكم متضيمين ابد الآبدين .

انت هكذا تخاطر بحياتك ،، احسن شي ما تسوق لو شايف نفسك تعبان

العلاجات الدوائية تساعد لكن اظن انك جربت كل شي و مليت من كل شي ):
حاول تمرّن نفسك بنفسك ،، بتدرج و باستمرار
الانسان طبيب نفسه يا رسوم و انت ادرى اكيد

سلامتك و ما تشوف شر

تدرين و الا احسن لي اسكت

بس وين اروح انا بطبيعتي سبحان الله ما احب القعدة و عشان كذا استانس كثير لما اكون راكب في السيارة مع احد او اسوق حتى ، بس الله اكبر عليه الانتباه و الاندفاع .

لو و الله يا أمل ما اخاطر كان زادت الحالة بقوة و مو قوة وحدة الا قوتين خصوصا لما ينشرح بالي احب اعوض لحظات الإكتئاب اللي يجعلني طريح الفراش .

مالها الا الدعوات ان الله يحفظ قوتي و يعافيني و يسلمني .

بالنسبة للادوية نعم مثل ما قلتي الله يآجرنا في مصيبتنا و يخلف لنا خيرا منه .

مشكورة أمل كثير الشكر و الله يبارك فيك و يعافيك